KA BUKE ʻALUA A MOSE, I KAPA ʻIA PUKA ʻANA 6:8 - Ka Baibala Hemolele

⁸ ‘A e lawe aku nō au iā ʻoukou i ka ʻāina aʻu i paʻi ai i koʻu lima, e hāʻawi aku ia wahi no ʻAberahama, no ʻIsaʻaka a no Iakoba, ʻo ia kaʻu e hāʻawi aku ai no ʻoukou i wahi e noho ai; ʻo wau nō Iēhova.’”

KA BUKE ʻALUA A MOSE, I KAPA ʻIA PUKA ʻANA 6:8 Iomraidhean Croise

KA BUKE MUA A MOSE, I KAPA ʻIA KINOHI 14:22

ʻĪ akula ʻo ʻAberama i ke aliʻi o Sodoma, “Ua hāpai aku nō au i koʻu lima iā Iēhova, i ke Akua Kiʻekiʻe Loa, i ka Mea nona ka lani a me ka honua,

KA BUKE MUA A MOSE, I KAPA ʻIA KINOHI 15:18

Ia lā nō, hoʻopaʻa ihola ʻo ia i berita me ʻAberama, i ka ʻī ʻana mai, “Ua hāʻawi aku nō wau i kēia ʻāina no kāu poʻe mamo, Mai ka muliwai o ʻAigupita a hiki aku i ka muliwai nui, ka muliwai ʻo ʻEuperate:

KA BUKE MUA A MOSE, I KAPA ʻIA KINOHI 26:3

“E noho ʻoe ma kēia ʻāina, a me ʻoe pū nō wau, a e hoʻopōmaikaʻi aku nō wau iā ʻoe; no ka mea, e hāʻawi aku auaneʻi au nou, a no kāu poʻe mamo i kēia mau ʻāina a pau; a e hoʻokō auaneʻi au i ka hoʻohiki ʻana aʻu i hoʻohiki ai i kou makua kāne iā ʻAberahama.

KA BUKE MUA A MOSE, I KAPA ʻIA KINOHI 28:13

Aia hoʻi, kū maila ʻo Iēhova ma luna aʻe o ka haka, ʻī maila, “ʻO wau nō Iēhova ke Akua o ʻAberahama ʻo kou kupuna kāne, a ke Akua o ʻIsaʻaka; e hāʻawi aku nō au i ka ʻāina āu e moe iho ai nou, a no kāu poʻe mamo.

KA BUKE MUA A MOSE, I KAPA ʻIA KINOHI 35:12

“A ʻo ka ʻāina aʻu i hāʻawi aku ai no ʻAberahama, a no ʻIsaʻaka, E hāʻawi aku hoʻi au nou, A no kāu poʻe mamo ma hope ou kaʻu e hāʻawi aku ai i ka ʻāina.”

KA BUKE A NEHEMIA 9:15

“Hāʻawi maila ʻoe iā lākou i ka berena mai ka lani mai no ko lākou pōloli, A hoʻokahe maila hoʻi i ka wai no lākou mai loko mai o ka pōhaku no ko lākou make wai ʻana, A ʻōlelo aku ʻoe iā lākou e komo a e lilo iā lākou ka ʻāina Āu i hoʻohiki ai e hāʻawi iā lākou.

KA BUKE ʻALUA A MOSE, I KAPA ʻIA PUKA ʻANA 13:5

“A i ka wā a Iēhova e lawe aku ai iā ʻoe i loko i ka ʻāina o kā Kanaʻana, a ʻo kā Heta, a ʻo kā ʻAmora, a ʻo kā Heva a me kā Iebusa, i kahi āna i hoʻohiki ai i kou poʻe kūpuna, e hāʻawi mai ʻo ia nou, he ʻāina e kahe ana ʻo ka waiū a me ka meli; a laila, i kēia malama, e hana ʻoe i kēia ʻoihana.

KA BUKE ʻALUA A MOSE, I KAPA ʻIA PUKA ʻANA 32:13

“E hoʻomanaʻo ʻoe iā ʻAberahama, iā ʻIsaʻaka, iā ʻIseraʻela, i kāu mau kauā, i kou hoʻohiki ʻana iā lākou ma ou iho; i kāu ʻōlelo ʻana mai iā lākou, ‘E hoʻonui ana au i kā ʻoukou ʻohana e like me nā hōkū o ka lani; a ʻo kēia ʻāina a pau aʻu i ʻōlelo ai, naʻu nō e hāʻawi aku no kā ʻoukou poʻe mamo, a e noho mau loa lākou ma ia ʻāina.’”

KA BUKE ʻALUA A MOSE, I KAPA ʻIA PUKA ʻANA 6:2

¶ ʻŌlelo maila ke Akua iā Mose, ʻī maila iā ia, “ʻO wau nō ʻo Iēhova.

KA BUKE ʻALUA A MOSE, I KAPA ʻIA PUKA ʻANA 6:4

“Ua hoʻopaʻa nō hoʻi au i kuʻu berita me lākou, e hāʻawi aku ai no lākou i ka ʻāina ʻo Kanaʻana, i ka ʻāina i noho ai lākou, he mau malihini i laila.

KA BUKE ʻALUA A MOSE, I KAPA ʻIA PUKA ʻANA 6:6

“No ia mea, e ʻōlelo aku ʻoe i nā mamo a ʻIseraʻela, ‘ʻO wau nō Iēhova, a e lawe mai ana nō wau iā ʻoukou mai lalo mai o nā mea kaumaha a ko ʻAigupita, a e hoʻopakele nō wau iā ʻoukou i ko lākou hoʻoluhi ʻana; a e hoʻōla wau iā ʻoukou me ka lima kākāuha, a me nā hoʻopaʻi ʻana he nui loa.

KA WĀNANA A ʻEZEKIʻELA 20:15

“Ua hāpai nō naʻe au i kuʻu lima iā lākou, ma ka wao nahele, e lawe ʻole au iā lākou i ka ʻāina aʻu i hāʻawi aku ai, ‘e kahe ana ka waiū a me ka meli,’ ka mea nani o nā ʻāina a pau;

KA WĀNANA A ʻEZEKIʻELA 20:23

“Hāpai aʻela hoʻi au i kuʻu lima iā lākou ma ka wao nahele, e hoʻoʻauheʻe liʻiliʻi iā lākou i waena o nā lāhui kanaka, a e hoʻopuehu iā lākou ma nā ʻāina.

KA WĀNANA A ʻEZEKIʻELA 20:28

“I koʻu lawe ʻana mai iā lākou i ka ʻāina, nona i hāpai ai au i kuʻu lima e hāʻawi aku au ia no lākou, a ʻike lākou i nā puʻu kiʻekiʻe a pau, a me nā lāʻau paʻapū a pau, a laila kaumaha aʻela lākou i kā lākou mau mōhai ma laila; a hāʻawi lākou i laila i ka hoʻonāukiuki ʻana o kā lākou ʻālana; i laila hoʻi i hana aku ai lākou i ko lākou mea ʻala, a i ninini aku ai i kā lākou mau mōhai inu.

KA WĀNANA A ʻEZEKIʻELA 20:42

“A e ʻike ʻoukou ʻo wau nō Iēhova, aia lawe mai au iā ʻoukou i loko o ka ʻāina o kā ʻIseraʻela, i ka ʻāina nona i hāpai ai au i kuʻu lima e hāʻawi aku ia i ko ʻoukou poʻe mākua.

KA WĀNANA A ʻEZEKIʻELA 36:7

“No laila, ke ʻī mai nei Iēhova ka Haku, penei, ‘Ua hāpai aʻe nei au i koʻu lima, ʻoiaʻiʻo, ʻo nā lāhui kanaka e hoʻopuni ana iā ʻoukou, e halihali nō lākou i ko lākou hōʻino ʻia.

KA WĀNANA A ʻEZEKIʻELA 47:14

“A e ʻai ʻoukou ia kekahi me kekahi, me aʻu i hāpai ai i kuʻu lima e hāʻawi ai ia i ko ʻoukou mau mākua; a e hāʻule kēia ʻāina no ʻoukou i hoʻoilina.

KA BUKE ʻAHĀ A MOSE, I KAPA ʻIA NĀ HELU 10:29

¶ ʻŌlelo akula ʻo Mose iā Hobaba, i ke keiki kāne a Reuʻela ka Midiana, ka makuahōnōwai kāne o Mose, “Ke hele aku nei mākou i kahi a Iēhova i ʻī mai ai, ‘E hāʻawi ana au ia no ʻoukou.’ E hele pū ʻoe me mākou, a e hana aku mākou iā ʻoe i ka maikaʻi; no ka mea, ua ʻōlelo mai ʻo Iēhova i ka maikaʻi no kā ʻIseraʻela.”

KA BUKE ʻAHĀ A MOSE, I KAPA ʻIA NĀ HELU 11:12

“Naʻu nō anei i hoʻohāpai i kēia poʻe kānaka a pau? Ua hoʻohānau nō anei au iā lākou, i ʻōlelo mai ai ʻoe iaʻu, ‘E hiʻipoi ʻoe iā lākou ma kou umauma, e like me ka hali ʻana a ka makua hānai i ke keiki omo waiū,’ a hiki aku i ka ʻāina āu i hoʻohiki ai i nā kūpuna o lākou?’

KA BUKE ʻAHĀ A MOSE, I KAPA ʻIA NĀ HELU 14:30

ʻaʻole loa ʻoukou e komo aku i loko o ka ʻāina aʻu i hoʻohiki ai e hoʻonoho iā ʻoukou i laila; ʻo lāua wale nō, ʻo Kaleba ke keiki a Iepune, a ʻo Iosua ke keiki a Nuna.

KA BUKE ʻAHĀ A MOSE, I KAPA ʻIA NĀ HELU 23:19

“ʻAʻole ke Akua he kanaka, i hoʻopunipuni mai ai ia, ʻAʻole hoʻi ia he keiki a ke kanaka i mihi ia. Ua ʻī mai nō ia, ʻaʻole anei ia e hana mai nō hoʻi? Ua ʻōlelo mai nō ʻo ia, ʻaʻole anei ia e hoʻokō?

KA BUKE ʻALIMA A MOSE, I KAPA ʻIA KĀNĀWAI LUA 32:40

‘No ka mea, ke kaʻikaʻi nei au i kuʻu lima ma ka lani, Me ka ʻī iho, “He ola mau loa koʻu.

KA BUKE ʻALIMA A MOSE, I KAPA ʻIA KĀNĀWAI LUA 4:31

(no ka mea, ʻo Iēhova kou Akua, he Akua aloha,) ʻaʻole ia e haʻalele mai iā ʻoe, ʻaʻole e luku mai iā ʻoe, ʻaʻole hoʻi ia e hoʻopoina i ka berita o kou mau kūpuna āna i hoʻohiki ai iā lākou.

KA BUKE A IOSUA 24:13

‘A hāʻawi au iā ʻoukou i ka ʻāina nona ʻoukou i hoʻoluhi ʻole ai, a me nā kūlanakauhale i kūkulu ʻole ʻia ai e ʻoukou, a ke noho nei ʻoukou ma laila; a ke ʻai nei ʻoukou i kona māla waina, a me nā māla ʻoliva a ʻoukou i kanu ʻole ai.’

KA HŌʻIKE ʻANA A IOANE KA HAIPULE 10:6

a hoʻohiki aʻela ia i ka Mea e ola ana ia ao aku ia ao aku, «ka Mea nāna i hana ka lani a me nā mea i loko ona, a me ka honua a me nā mea i loko ona, a me ke kai a me nā mea i loko ona», ʻaʻole e manawa kali hou aku.

KA BUKE MUA A SAMUʻELA 15:29

“ʻAʻole nō hoʻi e hoʻopunipuni ka ʻOiaʻiʻo o kā ʻIseraʻela, ʻaʻole hoʻi ia e mihi; no ka mea, ʻaʻole nō ia he kanaka, i mihi ai ʻo ia.