KA BUKE ʻALUA A MOSE, I KAPA ʻIA PUKA ʻANA 6:7 - Ka Baibala Hemolele

⁷ ‘A e hoʻonoho nō wau iā ʻoukou i poʻe kānaka noʻu, a ʻo wau auaneʻi hoʻi ko ʻoukou Akua; a e ʻike auaneʻi hoʻi ʻoukou, ʻo wau nō Iēhova, ʻo ko ʻoukou Akua, nāna ʻoukou e lawe aʻe, mai lalo aʻe o nā mea kaumaha a ko ʻAigupita.

KA BUKE ʻALUA A MOSE, I KAPA ʻIA PUKA ʻANA 6:7 Iomraidhean Croise

KA BUKE MUA A MOSE, I KAPA ʻIA KINOHI 26:3

“E noho ʻoe ma kēia ʻāina, a me ʻoe pū nō wau, a e hoʻopōmaikaʻi aku nō wau iā ʻoe; no ka mea, e hāʻawi aku auaneʻi au nou, a no kāu poʻe mamo i kēia mau ʻāina a pau; a e hoʻokō auaneʻi au i ka hoʻohiki ʻana aʻu i hoʻohiki ai i kou makua kāne iā ʻAberahama.

KA BUKE MUA A MOSE, I KAPA ʻIA KINOHI 28:13

Aia hoʻi, kū maila ʻo Iēhova ma luna aʻe o ka haka, ʻī maila, “ʻO wau nō Iēhova ke Akua o ʻAberahama ʻo kou kupuna kāne, a ke Akua o ʻIsaʻaka; e hāʻawi aku nō au i ka ʻāina āu e moe iho ai nou, a no kāu poʻe mamo.

KA BUKE MUA NO NĀ ALIʻI 20:28

Hele maila ke kanaka o ke Akua, a ʻōlelo maila i ke aliʻi o kā ʻIseraʻela, ʻī maila, “Ke ʻī mai nei ʻo Iēhova penei, ‘No ka mea, ke ʻōlelo nei lākou, “He Akua no nā puʻu o Iēhova, ʻaʻole he Akua ia no nā awāwa,” no laila e hāʻawi aku ai au i kēia poʻe lehulehu nui i loko o kou lima, a e ʻike ʻoukou ʻo wau nō Iēhova.’”

KA BUKE MUA NO NĀ ALIʻI 8:60

i ʻike nā kānaka a pau o ka honua, ʻo Iēhova ke Akua, ʻaʻohe ʻē aʻe.

KA BUKE A NEHEMIA 1:10

“A, ʻo lākou lā, ʻo kāu poʻe kauā nō a me kou poʻe kānaka, āu i hoʻopakele ai me kou mana nui, a me kou lima ikaika.

KA BUKE O NĀ HALELŪ 100:3

E ʻike hoʻi ʻoukou, ʻo Iēhova, ʻo ia nō ke Akua, Nāna kākou i hana, ʻaʻole na kākou iho; ʻO kona poʻe kānaka hoʻi kākou, A me nā hipa āna i hānai ai.

KA BUKE O NĀ HALELŪ 81:6

¶ “Hoʻopakele aʻela au i kona poʻohiwi i ke kaumaha; Hoʻopakele ʻia nō hoʻi kona mau lima i nā ipu.

KA BUKE ʻALUA A MOSE, I KAPA ʻIA PUKA ʻANA 13:14

“Eia hoʻi, a i ka wā e nīnau mai ai kāu keiki kāne ma hope aku nei, e ʻī mai ana, ‘He aha kēia?’ A laila e haʻi aku ʻoe iā ia, ‘Me ka lima ikaika kā Iēhova i lawe mai ai iā mākou mai loko mai o ʻAigupita, a mai loko mai hoʻi o ka hale hoʻoluhi.

KA BUKE ʻALUA A MOSE, I KAPA ʻIA PUKA ʻANA 13:3

¶ ʻĪ akula ʻo Mose i nā kānaka, “E hoʻomanaʻo ʻoukou i kēia lā a ʻoukou i puka mai ai, mai loko mai o ʻAigupita, a mai loko aʻe o ka hale hoʻoluhi; no ka mea, ua lawe mai nei ʻo Iēhova iā ʻoukou mai loko mai o ia wahi, me ka lima ikaika; ʻaʻole e ʻai ʻia ka berena hū.

KA BUKE ʻALUA A MOSE, I KAPA ʻIA PUKA ʻANA 14:18

“A e ʻike auaneʻi ko ʻAigupita, ʻo wau nō Iēhova, ke hoʻonani wau iaʻu iho ma o Paraʻo lā, a me kona mau kaʻa kaua, a me nā hoʻoholo lio ona.”

KA BUKE ʻALUA A MOSE, I KAPA ʻIA PUKA ʻANA 14:4

“A naʻu nō e hoʻopaʻakikī i ka naʻau o Paraʻo, i hahai mai ai ʻo ia ma hope o lākou; a e hoʻonani ʻia auaneʻi au ma luna o Paraʻo, a ma luna o kona pūʻali a pau; i ʻike ai hoʻi ko ʻAigupita, ʻo wau nō Iēhova.” A pēlā nō lākou i hana ai.

KA BUKE ʻALUA A MOSE, I KAPA ʻIA PUKA ʻANA 15:16

“E kau mai nō ka makaʻu a me ka weliweli ma luna o lākou; No ka nui o kou lima e noho mālie lākou me he pōhaku lā; A hala aʻe kou poʻe kānaka, e Iēhova, A hala aʻe nā kanaka āu i hoʻōla pānaʻi ai.

KA BUKE ʻALUA A MOSE, I KAPA ʻIA PUKA ʻANA 15:2

“ʻO Iēhova nō koʻu ikaika, a me kaʻu mele, ʻO ia koʻu hoʻōla, ʻo koʻu Akua hoʻi ia; E hoʻomākaukau nō wau i wahi nona e noho ai. ʻO ke Akua nō ia o koʻu makua, a e mililani aku au iā ia.

KA BUKE ʻALUA A MOSE, I KAPA ʻIA PUKA ʻANA 16:12

“Ua lohe au i nā ʻōhumu ʻana a nā mamo a ʻIseraʻela; e ʻōlelo aku ʻoe iā lākou, e ʻī aku, ‘A ahiahi, e ʻai ana ʻoukou i ka iʻa, a kakahiaka aʻe, e māʻona ʻoukou i ka ʻai; a e ʻike auaneʻi ʻoukou, ʻo wau nō Iēhova, ko ʻoukou Akua.’”

KA BUKE ʻALUA A MOSE, I KAPA ʻIA PUKA ʻANA 16:6

ʻŌlelo maila ʻo Mose lāua ʻo ʻAʻarona i nā mamo a pau a ʻIseraʻela, “A ahiahi, a laila ʻoukou e ʻike, na Iēhova nō ʻoukou i lawe mai nei, mai ka ʻāina mai ʻo ʻAigupita.

KA BUKE ʻALUA A MOSE, I KAPA ʻIA PUKA ʻANA 2:11

¶ Ia mau lā mai, i ko Mose wā kanaka makua, hele akula ia i kona poʻe hoahānau, nānā akula ia i ko lākou luhi ʻana; ʻike akula ia i kekahi kanaka o ʻAigupita e pepehi ana i ka Hebera, i kekahi o kona poʻe hoahānau.

KA BUKE ʻALUA A MOSE, I KAPA ʻIA PUKA ʻANA 6:6

“No ia mea, e ʻōlelo aku ʻoe i nā mamo a ʻIseraʻela, ‘ʻO wau nō Iēhova, a e lawe mai ana nō wau iā ʻoukou mai lalo mai o nā mea kaumaha a ko ʻAigupita, a e hoʻopakele nō wau iā ʻoukou i ko lākou hoʻoluhi ʻana; a e hoʻōla wau iā ʻoukou me ka lima kākāuha, a me nā hoʻopaʻi ʻana he nui loa.

KA BUKE ʻALUA A MOSE, I KAPA ʻIA PUKA ʻANA 7:17

‘Ke ʻōlelo mai nei ʻo Iēhova penei, “Ma kēia mea e ʻike auaneʻi ʻoe, ʻo wau nō Iēhova; aia hoʻi, e hahau nō wau i kēia koʻokoʻo ma kuʻu lima, ma luna o ka wai ma loko o ka muliwai, a e lilo ia i koko.

KA WĀNANA A ʻISAIA 41:20

“I ʻike lākou, a hoʻomaopopo hoʻi, A noʻonoʻo, me ka ʻike leʻa pū, Na ka lima o Iēhova i hana i kēia, Na ka Mea Hemolele o kā ʻIseraʻela ia i hoʻopaʻa.

KA WĀNANA A ʻISAIA 49:23

“A e lilo nā aliʻi i poʻe mākua kāne hānai nou, A ʻo nā wāhine aliʻi a lākou, i poʻe mākuahine hānai nou; A e kūlou i lalo i ka honua ko lākou maka i mua ou, A e palu iho lākou i ka lepo o kou mau wāwae; A e ʻike auaneʻi ʻoe, ʻo wau nō Iēhova; No ka mea, ʻo ka poʻe e kali iaʻu, ʻaʻole lākou e hilahila.

KA WĀNANA A ʻISAIA 49:26

“ʻO ka poʻe hoʻoluhi aku iā ʻoe, E hānai aku au iā lākou i ko lākou ʻiʻo iho, A e ʻona auaneʻi lākou i ko lākou koko iho, e like me ka waina hou; A e ʻike nō nā mea ʻiʻo a pau, ʻo wau nō Iēhova, ʻO kou Ola, a me kou Hoʻōla Pānaʻi, Ka Mea Mana hoʻi o kā Iakoba.”

KA WĀNANA A ʻISAIA 51:15

“Akā, ʻo wau nō Iēhova, kou Akua, ka Mea nāna i hoʻokūpikipikiʻō ke kai, a halulu maila kona mau ʻale, ʻo Iēhova o nā kaua kona inoa.

KA WĀNANA A ʻISAIA 60:16

“E omo nō ʻoe i ka waiū o ko nā ʻāina ʻē, Ma ka ū o nā aliʻi kāu e omo ai, A e ʻike auaneʻi ʻoe, ʻo wau, ʻo Iēhova kou Ola, A ʻo kou Hoʻōla Pānaʻi, ʻo ia ka Mea Mana o kā Iakoba.

KA WĀNANA A ʻISAIA 63:8

No ka mea, ʻōlelo mai nō ʻo ia, “He ʻoiaʻiʻo, ʻo koʻu poʻe kānaka lākou, he poʻe keiki wahaheʻe ʻole”; No laila ʻo ia i lilo ai i Mea Hoʻōla no lākou.

KA WĀNANA A IEREMIA 30:22

‘A ʻo ʻoukou auaneʻi koʻu poʻe kānaka, A ʻo wau auaneʻi ko ʻoukou Akua.’”

KA WĀNANA A IEREMIA 31:33

“Akā, ʻo kēia ka berita aʻu e hana ai me ka ʻohana a ʻIseraʻela; Ma hope iho o ia mau lā,” wahi a Iēhova, “e kau nō wau i koʻu kānāwai ma loko o lākou, a e kākau iho ma ko lākou naʻau; a ʻo wau auaneʻi ko lākou Akua, a ʻo lākou hoʻi koʻu poʻe kānaka.

KA WĀNANA A ʻEZEKIʻELA 20:19

‘ʻO wau nō Iēhova ko ʻoukou Akua; e hele hoʻi ʻoukou ma kaʻu mau kauoha, a e mālama i koʻu mau kānāwai, a e hana ʻoukou ma ia mau mea.

HOSEA 1:10

¶ Akā, e like auaneʻi ka lehulehu o nā mamo a ʻIseraʻela, Me ke one o ke kai, ʻAʻole e hiki ke ana ʻia, ʻaʻole hoʻi ke helu ʻia; A ma kahi i ʻōlelo ʻia ai lākou, “ʻAʻole ʻo koʻu poʻe kānaka ʻoukou,” Ma laila e ʻōlelo ʻia ai lākou, “He poʻe keiki ʻoukou na ke Akua ola.”

KA BUKE ʻAKOLU A MOSE, I KAPA ʻIA ʻOIHANA KAHUNA 11:44

‘No ka mea, ʻo wau nō Iēhova ko ʻoukou Akua; no laila, e hoʻomaʻemaʻe ʻoukou iā ʻoukou iho i maʻemaʻe ʻoukou; no ka mea, he maʻemaʻe wau; ʻaʻole hoʻi ʻoukou e hoʻohaumia iā ʻoukou iho me kekahi mea kolo e kolo ana ma ka lepo.

KA BUKE ʻAKOLU A MOSE, I KAPA ʻIA ʻOIHANA KAHUNA 11:45

‘No ka mea, ʻo wau nō Iēhova, e lawe ana iā ʻoukou mai loko mai o ka ʻāina ʻo ʻAigupita, i Akua no ʻoukou; no laila e hoʻāno ʻoukou; no ka mea, he hoʻāno nō wau.

ZEKARIA 13:9

“A e alakaʻi au i kekahi hapakolu i waena o ke ahi, A e hoʻoheheʻe au iā lākou e like me ka hoʻoheheʻe ʻia ʻana o ke kālā, E hoʻāʻo hoʻi au iā lākou e like me ka hoʻāʻo ʻana i ke gula; E kāhea mai ia poʻe i kuʻu inoa, a e hoʻolohe au iā lākou; E ʻōlelo auaneʻi au, ‘ʻO koʻu poʻe kānaka kēia’; A e ʻōlelo hoʻi lākou, ‘ʻO Iēhova koʻu Akua.’”

KA BUKE ʻAHĀ A MOSE, I KAPA ʻIA NĀ HELU 15:41

“ʻO wau nō Iēhova ʻo ko ʻoukou Akua, nāna ʻoukou i lawe aʻe mai loko mai o ka ʻāina ʻo ʻAigupita, i Akua wau no ʻoukou; ʻo wau nō Iēhova ʻo ko ʻoukou Akua.”

KA ʻEUANELIO I KĀKAU ʻIA AI E MATAIO 22:32

‘«ʻO wau nō ke Akua o ʻAberahama, ke Akua o ʻIsaʻaka, ke Akua o Iakoba»’? ʻO ke Akua, ʻaʻole ia he Akua no ka poʻe i make, no ka poʻe ola nō.”

ʻO KA ʻEPISETOLE A PAULO KA LUNAʻŌLELO I KO ROMA 8:31

¶ He aha hoʻi kā kākou e ʻōlelo ai no kēia mau mea? A ʻo ke Akua me kākou, ʻo wai lā ke kūʻē mai iā kākou?

KA BUKE ʻALIMA A MOSE, I KAPA ʻIA KĀNĀWAI LUA 14:2

“No ka mea, he poʻe ʻoukou i hoʻolaʻa ʻia no Iēhova no ko ʻoukou Akua, a na Iēhova ʻoukou i wae mai i kānaka ponoʻī nona, ma mua o nā lāhui kanaka a pau ma luna o ka honua.

KA BUKE ʻALIMA A MOSE, I KAPA ʻIA KĀNĀWAI LUA 26:18

“A ua hōʻoia mai ʻo Iēhova iā ʻoe i kēia lā, he poʻe kānaka ponoʻī nona, e like me kāna i ʻōlelo mai ai iā ʻoe, i mālama ai ʻoe i kāna mau kauoha a pau;

KA BUKE ʻALIMA A MOSE, I KAPA ʻIA KĀNĀWAI LUA 29:12

i mea e hoʻopaʻa ai ʻoe i ka berita me Iēhova kou Akua a me kona hoʻohiki a Iēhova kou Akua e hoʻohiki ai me ʻoe i kēia lā;

KA BUKE ʻALIMA A MOSE, I KAPA ʻIA KĀNĀWAI LUA 29:13

i hoʻokūpaʻa ai ʻo ia iā ʻoe i kēia lā i kānaka nona, a i Akua ia nou, e like me ia i ʻōlelo mai ai iā ʻoe, a e like hoʻi me kāna i hoʻohiki ai i kou mau kūpuna, iā ʻAberahama, a me ʻIsaʻaka a me Iakoba.

KA BUKE ʻALIMA A MOSE, I KAPA ʻIA KĀNĀWAI LUA 29:5

“A ua alakaʻi au iā ʻoukou i nā makahiki he kanahā ma ka wao nahele; ʻaʻole i weluwelu ko ʻoukou ʻaʻahu ma luna o ʻoukou, ʻaʻole hoʻi i weluwelu nā kāmaʻa o ʻoukou ma ko ʻoukou wāwae.

KA BUKE ʻALIMA A MOSE, I KAPA ʻIA KĀNĀWAI LUA 4:20

“Akā, ua lawe mai ʻo Iēhova iā ʻoukou, a ua alakaʻi hoʻi iā ʻoukou mai loko mai o ke kapuahi hao, mai ʻAigupita mai, e lilo ʻoukou i poʻe kānaka hoʻoilina nona, e like me ʻoukou i kēia lā.

KA BUKE ʻALIMA A MOSE, I KAPA ʻIA KĀNĀWAI LUA 7:6

¶ “No ka mea, he poʻe kānaka laʻa ʻoukou no Iēhova kou Akua; na Iēhova na kou Akua i wae mai iā ʻoukou, i poʻe kānaka ponoʻī nona, ma mua o nā kānaka a pau ma luna o ka honua.

ʻO KA ʻEPISETOLE A PAULO KA LUNAʻŌLELO I KO HEBERA 11:16

Akā, ua makemake lākou i ʻāina maikaʻi aku, ʻo ia ʻo ko ka lani. No ia mea, ʻaʻole ke Akua i hilahila iā lākou ke kapa ʻia ʻo ia he Akua no lākou; no ka mea, ua hoʻomākaukau ʻo ia i kūlanakauhale no lākou.

ʻO KA ʻEPISETOLE HOʻOLAHA MUA A PETERO 2:10

«ʻAʻole ʻoukou he aupuni ma mua»; akā, i kēia manawa, «he aupuni ʻoukou no ke Akua»; ia manawa, «ʻaʻole ʻoukou i aloha ʻia», i kēia manawa «ua aloha ʻia mai nō».

KA HŌʻIKE ʻANA A IOANE KA HAIPULE 21:3

A lohe akula au i ka leo nui, mai ka lani mai, i ka ʻī ʻana, “Aia ka halelewa o ke Akua me kānaka, a e noho ana ʻo ia me lākou, a e lilo lākou i kānaka nona, a e noho pū ke Akua me lākou i Akua no lākou.

KA HŌʻIKE ʻANA A IOANE KA HAIPULE 21:7

“ʻO ka mea lanakila, e ili mai kēia mau mea a pau nona; a e lilo wau i Akua nona, a ʻo ia hoʻi, i keiki naʻu.