KA BUKE ʻALUA A MOSE, I KAPA ʻIA PUKA ʻANA 5:4 - Ka Baibala Hemolele

⁴ ʻĪ maila ke aliʻi o ʻAigupita iā lāua, “No ke aha lā ʻolua, e Mose a me ʻAʻarona, e hoʻōki nei i kānaka i kā lākou hana? E hoʻi ʻoukou ma ko ʻoukou luhi.”

KA BUKE ʻALUA A MOSE, I KAPA ʻIA PUKA ʻANA 5:4 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 1:11

A hoʻonoho aku lākou i nā luna hoʻoluhi ma luna o lākou, i mea e hoʻokaumaha loa ai iā lākou i nā hana nui. A hana ihola lākou i nā kūlanakauhale papaʻa no Paraʻo, ʻo Pitoma, a ʻo Ramese.

KA BUKE ʻALUA A MOSE, I KAPA ʻIA PUKA ʻANA 2:11

¶ Ia mau lā mai, i ko Mose wā kanaka makua, hele akula ia i kona poʻe hoahānau, nānā akula ia i ko lākou luhi ʻana; ʻike akula ia i kekahi kanaka o ʻAigupita e pepehi ana i ka Hebera, i kekahi o kona poʻe hoahānau.

KA BUKE ʻALUA A MOSE, I KAPA ʻIA PUKA ʻANA 6:5

“Ua lohe hoʻi au i ka ʻūʻū ʻana o nā mamo a ʻIseraʻela, ʻo ka poʻe i hoʻoluhi ʻia ai e ko ʻAigupita; a ua hoʻomanaʻo wau i kuʻu berita.

KA WĀNANA A IEREMIA 38:4

No laila, ʻōlelo aʻela nā aliʻi i ke aliʻi nui, “Ke nonoi aku nei mākou iā ʻoe, e make kēia kanaka; no ka mea, pēlā ʻo ia e hoʻonāwaliwali nei i nā lima o nā kānaka kaua, ka poʻe e koe nei ma kēia kūlanakauhale, a me ka lima o nā kānaka a pau, i kāna ʻōlelo ʻana iā lākou i nā ʻōlelo e like me ia; no ka mea, ʻaʻole ʻimi kēia kanaka i ka mea e maluhia ai kēia poʻe kānaka; akā, i ka mea e pōʻino ai.”

ʻAMOSA 7:10

¶ A laila, hoʻouna akula ʻo ʻAmazia, ke kahuna o Betela, i o Ieroboama lā, ke aliʻi o kā ʻIseraʻela, ʻī akula, “Ua kūʻē mai ʻo ʻAmosa iā ʻoe i waena o ko ka hale o ʻIseraʻela; ʻaʻole e hiki i ka ʻāina ke hoʻomanawanui i kāna mau ʻōlelo a pau.

KA ʻEUANELIO I KĀKAU ʻIA AI E LUKA 23:2

A hoʻohewa akula lākou iā ia, ʻī akula, “Ua ʻike mākou iā ia nei e hoʻohuli hewa ana i kānaka, e pāpā ana i ka hoʻokupu iā Kaisara, e ʻōlelo ana, ʻO ia iho nō ka Mesia, ke Aliʻi.”

NĀ ʻOIHANA A KA POʻE LUNAʻŌLELO 24:5

“No ka mea, ua ʻike mākou i kēia kanaka, ua kolohe, he kanaka hoʻoʻeuʻeu ʻana o ke kūʻē ma waena o nā Iudaio a pau ma nā ʻāina a pau, ʻo ia nō hoʻi kekahi kumu nui o ka papa Nazarene.