KA BUKE ʻALUA A MOSE, I KAPA ʻIA PUKA ʻANA 5:3 - Ka Baibala Hemolele

³ ʻĪ akula lāua, “Ua hālāwai mai me mākou ke Akua o ka poʻe Hebera; no ia mea, e hoʻokuʻu ʻoe iā mākou e hele i ka wao nahele, i kahi ʻekolu lā hiki, e kaumaha aku ai na Iēhova ʻo ko mākou Akua, o kau mai ia ma luna o mākou i ke ahulau a me ka pahi kaua.”

KA BUKE ʻALUA A MOSE, I KAPA ʻIA PUKA ʻANA 5:3 Iomraidhean Croise

KA BUKE ʻALUA NO NĀ ALIʻI 17:25

A i ko lākou hoʻomaka ʻana e noho ma laila, ʻaʻole lākou i makaʻu iā Iēhova; a hoʻouna mai ʻo Iēhova i nā liona i waena o lākou, a pepehi mai i kekahi poʻe o lākou.

KA BUKE ʻALUA O KA ʻOIHANA ALIʻI 30:8

“ʻĀnō, mai hōʻoʻoleʻa ʻoukou i ko ʻoukou ʻāʻī e like me ko ʻoukou poʻe kūpuna; e hoʻolilo iā ʻoukou iho no Iēhova, a e komo ʻoukou i loko o kona wahi hoʻāno āna i hoʻāno mau loa ai; a e hoʻokauā na Iēhova ko ʻoukou Akua, i huli aʻe ka wela o kona huhū mai o ʻoukou aku.

KA BUKE A ʻEZERA 7:23

“A ʻo ka mea a pau i kauoha ʻia e ke Akua o ka lani, e hana koke ʻia ia mea no ka hale o ke Akua o ka lani; no ka mea, no ke aha lā e kau ʻia mai ai ka inaina ma luna o ke aupuni o ke aliʻi, a me kāna poʻe keiki?

KA BUKE ʻALUA A MOSE, I KAPA ʻIA PUKA ʻANA 3:18

“A e hoʻolohe mai lākou i kou leo; a e hele pū ʻoe me ka poʻe lunakahiko o kā ʻIseraʻela i ke aliʻi o ʻAigupita, a e ʻōlelo aku ʻoukou iā ia, ‘Ua hālāwai mai me mākou o Iēhova ke Akua o ka poʻe Hebera; no ia mea, e hoʻokuʻu mai ʻoe iā mākou e hele ma ka wao nahele, i ʻekolu lā hele, e kaumaha aku ai na Iēhova ko mākou Akua.’

KA BUKE ʻALUA A MOSE, I KAPA ʻIA PUKA ʻANA 7:16

“A e ʻōlelo aku ʻoe iā ia, ‘Ua hoʻouna mai nei ke Akua o ka poʻe Hebera iaʻu i ou nei, ua ʻī mai, “E hoʻokuʻu mai ʻoe i koʻu poʻe kānaka, i hoʻokauā mai lākou naʻu ma ka wao nahele”; aia hoʻi, ʻaʻole ʻoe i manaʻo e hoʻolohe ma mua!

KA BUKE ʻALUA A MOSE, I KAPA ʻIA PUKA ʻANA 8:1

¶ A laila, ʻī maila ʻo Iēhova iā Mose, “Ō hele ʻoe i o Paraʻo lā, a e ʻī aku iā ia, ‘Ke ʻī mai nei ʻo Iēhova penei, “E hoʻokuʻu mai ʻoe i koʻu poʻe kānaka, i hoʻokauā mai lākou naʻu.

KA BUKE ʻALUA A MOSE, I KAPA ʻIA PUKA ʻANA 8:20

¶ ʻŌlelo maila ʻo Iēhova iā Mose, “A kakahiaka nui, e ala aʻe ʻoe, a e kū i mua i ke alo o Paraʻo, aia hoʻi, e hele mai nō ia i waho i ka wai, a e ʻī aku ʻoe iā ia, ‘Ke ʻōlelo mai nei ʻo Iēhova penei, “E hoʻokuʻu ʻoe i koʻu poʻe kānaka, i hoʻokauā mai lākou naʻu.

KA BUKE ʻALUA A MOSE, I KAPA ʻIA PUKA ʻANA 8:27

“E hele nō mākou i ʻekolu lā hele i loko o ka wao nahele, a e kaumaha aku na Iēhova ko mākou Akua, e like me kāna e kauoha mai ai iā mākou.”

KA WĀNANA A ʻEZEKIʻELA 6:11

¶ ‘Ke ʻī mai nei Iēhova ka Haku penei, “E paʻi me kou lima, a e hahi me kou wāwae, a e ʻōlelo aku, ‘Auē nā mea inaina a pau o ka ʻohana a ʻIseraʻela! No ka mea, e hāʻule lākou i ka pahi kaua a me ka wī, a me ka maʻi ahulau.

KA BUKE ʻAKOLU A MOSE, I KAPA ʻIA ʻOIHANA KAHUNA 26:25

‘A e lawe au i ka pahi kaua ma luna o ʻoukou e hoʻopaʻi ana no ka berita; a ʻākoakoa ʻoukou i loko o ko ʻoukou mau kūlanakauhale, e hoʻouna aku au i ka maʻi ahulau i waena o ʻoukou; a e hāʻawi ʻia aku ʻoukou i ka lima o ka ʻenemi.

KA BUKE ʻALIMA A MOSE, I KAPA ʻIA KĀNĀWAI LUA 28:21

“Na Iēhova e hoʻopili mai ke ahulau iā ʻoe, a pau loa ʻoe i ka make iā ia ma ka ʻāina āu e hele aku nei a noho.