KA BUKE ʻALUA A MOSE, I KAPA ʻIA PUKA ʻANA 4:5 - Ka Baibala Hemolele

⁵ “I laila e manaʻoʻiʻo ai lākou, ua ʻikea e ʻoe ʻo Iēhova ke Akua o ko lākou poʻe kūpuna, ke Akua o ʻAberahama, ke Akua o ʻIsaʻaka, ke Akua hoʻi o Iakoba.”

KA BUKE ʻALUA A MOSE, I KAPA ʻIA PUKA ʻANA 4:5 Iomraidhean Croise

KA BUKE MUA A MOSE, I KAPA ʻIA KINOHI 12:7

ʻIkea aʻela ʻo Iēhova e ʻAberama, ʻī maila ia, “E hāʻawi aku nō wau i kēia ʻāina no kāu poʻe mamo.” Ma laila ʻo ia i hana ai i kuahu no Iēhova, ka mea i ʻikea e ia.

KA BUKE MUA A MOSE, I KAPA ʻIA KINOHI 17:1

¶ I ke kanaiwakumamāiwa o nā makahiki o ʻAberama, ʻikea maila ʻo Iēhova e ʻAberama, ʻī maila iā ia, “ʻO wau nō ke Akua Mana; E hele ʻoe i mua o koʻu alo, a e hemolele ʻoe.

KA BUKE MUA A MOSE, I KAPA ʻIA KINOHI 18:1

¶ ʻIkea aʻela ʻo Iēhova e ia ma nā lāʻau ʻoka o Mamere; a noho ihola ia ma ka puka o ka halelewa, i ka manawa i wela mai ai ka lā.

KA BUKE MUA A MOSE, I KAPA ʻIA KINOHI 26:2

ʻIkea akula ʻo Iēhova e ia, ʻī maila, “Mai hele ʻoe i lalo i ʻAigupita. E noho iho ma ka ʻāina aʻu e haʻi aku ai iā ʻoe.

KA BUKE MUA A MOSE, I KAPA ʻIA KINOHI 28:13

Aia hoʻi, kū maila ʻo Iēhova ma luna aʻe o ka haka, ʻī maila, “ʻO wau nō Iēhova ke Akua o ʻAberahama ʻo kou kupuna kāne, a ke Akua o ʻIsaʻaka; e hāʻawi aku nō au i ka ʻāina āu e moe iho ai nou, a no kāu poʻe mamo.

KA BUKE MUA A MOSE, I KAPA ʻIA KINOHI 48:15

Hoʻomaikaʻi maila ʻo ia iā Iosepa, ʻī maila, “Na ke Akua, ka mea a koʻu mau mākua o ʻAberahama a me ʻIsaʻaka i hele aʻe i mua ona, Na ke Akua nāna wau i mālama mai, mai koʻu wā ʻuʻuku a hiki loa mai i nēia lā;

KA BUKE MUA A MOSE, I KAPA ʻIA KINOHI 48:3

ʻŌlelo akula ʻo Iakoba iā Iosepa, “ʻIkea maila ke Akua Mana iaʻu ma Luza, ma ka ʻāina ʻo Kanaʻana, a hoʻomaikaʻi maila ia iaʻu.

KA BUKE MUA NO NĀ ALIʻI 18:36

Eia hoʻi kekahi, i ka wā i kaumaha ai i ka mōhai ahiahi, hoʻokokoke aʻela ʻo ʻElia ke kāula, ʻī akula hoʻi, “E Iēhova ke Akua o ʻAberahama, a me ʻIsaʻaka, a me ʻIseraʻela, i kēia lā e hōʻike ʻia ai ʻo ʻoe nō ke Akua i loko o kā ʻIseraʻela, a ʻo wau nei kāu kauā, a no kāu ʻōlelo i hana aku ai au i kēia mau mea a pau.

KA BUKE ʻALUA O KA ʻOIHANA ALIʻI 20:20

¶ Ala lākou i ke kakahiaka nui, a hele lākou i ka wao nahele ʻo Tekoa; a i ko lākou hele ʻana aku, kū i luna ʻo Iehosapata, ʻōlelo akula, “E hoʻolohe mai iaʻu, e kā Iuda, a me ko Ierusalema; e manaʻoʻiʻo iā Iēhova i ko ʻoukou Akua, i hoʻokūpaʻa ʻia ʻoukou; e manaʻoʻiʻo i kāna poʻe kāula, i lanakila ʻoukou.”

KA BUKE ʻALUA A MOSE, I KAPA ʻIA PUKA ʻANA 19:9

ʻŌlelo maila ʻo Iēhova iā Mose, “Aia hoʻi, e hele mai ana au i ou nei ma loko o ke ao panopano, i lohe nā kānaka i kaʻu kamaʻilio ʻana me ʻoe, a e manaʻoʻiʻo mau loa mai iā ʻoe.” A haʻi akula ʻo Mose i nā ʻōlelo a kānaka iā Iēhova.

KA BUKE ʻALUA A MOSE, I KAPA ʻIA PUKA ʻANA 3:15

ʻĪ hou maila ke Akua iā Mose, “Penei ʻoe e ʻōlelo aku ai i nā mamo a ʻIseraʻela, ‘Na Iēhova ke Akua o ko ʻoukou poʻe kūpuna, ke Akua o ʻAberahama, ke Akua o ʻIsaʻaka, ke Akua o Iakoba, ʻo wau i hoʻouna mai i o ʻoukou nei! ʻO ia nō koʻu inoa mau loa, ʻo ia hoʻi koʻu mea e hoʻomanaʻo ʻia ai ia hanauna aku ia hanauna aku.

KA BUKE ʻALUA A MOSE, I KAPA ʻIA PUKA ʻANA 3:16

“Ō hele ʻoe, a e hoʻākoakoa aʻe i ka poʻe lunakahiko o kā ʻIseraʻela, a e ʻōlelo aku iā lākou, ‘Ua ʻike ʻia aku e aʻu ʻo Iēhova ke Akua o ko ʻoukou poʻe kūpuna, ke Akua o ʻAberahama, ʻo ʻIsaʻaka a ʻo Iakoba; ua ʻōlelo mai ʻo ia, “Ua ʻike ʻiʻo nō au iā ʻoukou, a me ka mea i hana ʻia mai iā ʻoukou ma ʻAigupita.”’

KA BUKE ʻALUA A MOSE, I KAPA ʻIA PUKA ʻANA 3:18

“A e hoʻolohe mai lākou i kou leo; a e hele pū ʻoe me ka poʻe lunakahiko o kā ʻIseraʻela i ke aliʻi o ʻAigupita, a e ʻōlelo aku ʻoukou iā ia, ‘Ua hālāwai mai me mākou o Iēhova ke Akua o ka poʻe Hebera; no ia mea, e hoʻokuʻu mai ʻoe iā mākou e hele ma ka wao nahele, i ʻekolu lā hele, e kaumaha aku ai na Iēhova ko mākou Akua.’

KA BUKE ʻALUA A MOSE, I KAPA ʻIA PUKA ʻANA 3:4

A ʻike maila ʻo Iēhova i kona huli ʻana e mākaʻikaʻi, hea maila ke Akua iā ia mai loko mai o ua laʻalāʻau lā, “E Mose, e Mose!” ʻĪ akula ia, “Eia nō wau.”

KA BUKE ʻALUA A MOSE, I KAPA ʻIA PUKA ʻANA 3:6

ʻĪ maila hoʻi ʻo ia, “ʻO wau nō ke Akua o kou makua kāne, ke Akua o ʻAberahama, ke Akua o ʻIsaʻaka, ke Akua hoʻi o Iakoba.” Papani ihola ʻo Mose i kona maka; no ka mea, ua makaʻu ia ke nānā aku i ke Akua.

KA BUKE ʻALUA A MOSE, I KAPA ʻIA PUKA ʻANA 4:1

¶ ʻŌlelo akula ʻo Mose, ʻī akula, “Aia hoʻi; ʻaʻole paha auaneʻi lākou e manaʻoʻiʻo mai iaʻu, ʻaʻole hoʻi e hoʻolohe mai i koʻu leo; no ka mea, e ʻōlelo auaneʻi lākou, ‘ʻAʻole i ʻike ʻia aku ʻo Iēhova e ʻoe.’”

KA BUKE ʻALUA A MOSE, I KAPA ʻIA PUKA ʻANA 4:31

Manaʻoʻiʻo ihola nō hoʻi nā kānaka; a lohe pono nō lākou, ua ʻike mai ʻo Iēhova i ka poʻe mamo a ʻIseraʻela, a ua nānā mai hoʻi ʻo ia i ko lākou pōpilikia, a laila kūlou ihola ko lākou poʻo, a hoʻomana akula.

KA BUKE ʻALUA A MOSE, I KAPA ʻIA PUKA ʻANA 4:4

ʻĪ maila ʻo Iēhova iā Mose, “E kīkoʻo aku kou lima, a e lālau aku ma kona huelo.” Kīkoʻo akula kona lima a lālau ihola, a hoʻi hou aʻela ia i koʻokoʻo ma kona lima.

KA WĀNANA A ʻISAIA 7:9

“ʻO Samaria nō ke poʻo o ʻEperaima, a ʻo ke poʻo hoʻi o Samaria, ʻo ia ke keiki a Remalia. I ʻole ʻoukou e manaʻoʻiʻo i kēia, ʻaʻole ʻoukou e malu.”’”

KA WĀNANA A IEREMIA 31:3

I ka wā kahiko, ʻikea ʻo Iēhova iaʻu, ʻī maila, “ʻOiaʻiʻo, ua mau loa koʻu aloha aku iā ʻoe; No laila, ua hoʻolōʻihi aku au i ka lokomaikaʻi nou.

KA ʻEUANELIO I KĀKAU ʻIA AI E IOANE 11:15

“A ke ʻoliʻoli nei au no ʻoukou; no ka mea, ʻaʻole au i laila, i manaʻoʻiʻo ai ʻoukou; akā, e haele kākou i ona lā.”

KA ʻEUANELIO I KĀKAU ʻIA AI E IOANE 11:42

“A ua ʻike nō au, ua hoʻolohe mai ʻoe iaʻu i nā manawa a pau; akā, no ka ʻaha kanaka e kū mai nei i ʻōlelo aku ai au, i manaʻoʻiʻo mai ai lākou, ʻo ʻoe kai hoʻouna mai iaʻu.”

KA ʻEUANELIO I KĀKAU ʻIA AI E IOANE 20:27

A laila ʻī maila ʻo ia iā Toma, “E ʻō mai i kou manamana lima ma ʻaneʻi, a e nānā i koʻu mau lima, e ʻō mai i kou lima, a e hou iho ma kuʻu ʻaoʻao; a mai noho a kānalua; akā, e manaʻoʻiʻo.”

KA ʻEUANELIO I KĀKAU ʻIA AI E IOANE 20:31

Akā, ua palapala ʻia kēia mau mea i manaʻoʻiʻo ai ʻoukou, ʻo Iesū ka Mesia, ke Keiki a ke Akua; a i ko ʻoukou manaʻoʻiʻo ʻana, i loaʻa ai iā ʻoukou ke ola ma kona inoa.

KA ʻEUANELIO I KĀKAU ʻIA AI E IOANE 5:36

“Akā, he hōʻike koʻu i ʻoi aku ma mua o kā Ioane; no ka mea, ʻo nā hana a ka Makua i hāʻawi mai ai naʻu e hana, ʻo kēia mau hana aʻu e hana nei ke hōʻike mai noʻu, ua hoʻouna mai ka Makua iaʻu.

NĀ ʻOIHANA A KA POʻE LUNAʻŌLELO 7:2

¶ ʻĪ maila kēlā, “E nā kānaka, nā hoahānau, a me nā mākua, e hoʻolohe mai; ua ʻikea mai ke Akua nani e ko kākou kupuna e ʻAberahama, i kona noho ʻana ma Mesopotamia, i ka wā ma mua aku o kona noho ʻana ma Harana;

ʻO KA ʻEPISETOLE A PAULO KA LUNAʻŌLELO I KO HEBERA 11:16

Akā, ua makemake lākou i ʻāina maikaʻi aku, ʻo ia ʻo ko ka lani. No ia mea, ʻaʻole ke Akua i hilahila iā lākou ke kapa ʻia ʻo ia he Akua no lākou; no ka mea, ua hoʻomākaukau ʻo ia i kūlanakauhale no lākou.