KA BUKE ʻALUA A MOSE, I KAPA ʻIA PUKA ʻANA 4:18 - Ka Baibala Hemolele

¹⁸ ¶ A laila hele akula ʻo Mose a hoʻi akula i o Ietero lā i kona makuahōnōwai kāne, ʻī akula iā ia, “E hele paha au, a hoʻi hou i oʻu poʻe hoahānau aia ma ʻAigupita, i ʻike ai au i ko lākou ola ʻana.” ʻĪ maila ʻo Ietero iā Mose, “Ō hele ʻoe me ka maluhia.”

KA BUKE ʻALUA A MOSE, I KAPA ʻIA PUKA ʻANA 4:18 Iomraidhean Croise

KA BUKE MUA A MOSE, I KAPA ʻIA KINOHI 45:3

ʻŌlelo akula ʻo Iosepa i kona poʻe hoahānau, “ʻO wau nō ʻo Iosepa; ke ola lā nō anei koʻu makua kāne?” ʻAʻole i hiki ke ʻekemu iki mai kona poʻe hoahānau iā ia; no ka mea, makaʻu nui iho lākou i mua ona.

KA BUKE ʻALUA NO NĀ ALIʻI 5:10

Hoʻouna akula ʻo ʻElisai i ʻelele i ona lā, ʻī akula, “E hele ʻoe e ʻauʻau i loko o Ioredane, ʻehiku ʻauʻau ʻana, a e hoʻi hou mai nō kou ʻiʻo iā ʻoe, a e maʻemaʻe ʻoe.”

KA BUKE ʻALUA NO NĀ ALIʻI 5:19

ʻĪ maila kēlā iā ia, “E hele ʻoe me ke aloha.” A hele ia mai ona aku lā, ʻaʻole lōʻihi.

KA BUKE ʻALUA A MOSE, I KAPA ʻIA PUKA ʻANA 2:21

A walea ihola ʻo Mose e noho me ia kanaka, a hāʻawi maila ʻo ia iā Zipora, kāna kaikamahine na Mose.

KA BUKE ʻALUA A MOSE, I KAPA ʻIA PUKA ʻANA 3:1

¶ Hānai ihola ʻo Mose i nā holoholona a Ietero a kona makuahōnōwai kāne, a ke kahuna ma Midiana; alakaʻi akula nō ia i nā holoholona ma ke kua o ka wao nahele, a hiki akula i ke kuahiwi o ke Akua, i Horeba.

KA ʻEUANELIO I KĀKAU ʻIA AI E LUKA 7:50

ʻĪ maila ʻo ia i ka wahine, “Ua ola ʻoe i kou manaʻoʻiʻo ʻana; e hele aku ʻoe me ka pōmaikaʻi.”

NĀ ʻOIHANA A KA POʻE LUNAʻŌLELO 15:36

¶ A hala kekahi mau lā, ʻī maila ʻo Paulo iā Barenaba, “E hele hou kāua e ʻike i ko kāua mau hoahānau ma nā kūlanakauhale a pau a kāua i haʻi aku ai i ka ʻōlelo a ka Haku, pehea i noho lā.”

NĀ ʻOIHANA A KA POʻE LUNAʻŌLELO 16:36

A haʻi akula ka luna o ka hale paʻahao i kēia mau ʻōlelo iā Paulo, “Ua hoʻouna mai nei nā luna e kuʻu wale aku iā ʻolua; no ia mea, e puka i waho, a e hele me ka maluhia.”

ʻO KA ʻEPISETOLE MUA A PAULO KA LUNAʻŌLELO IĀ TIMOTEO 6:1

¶ E pono i nā kauā a pau ma lalo iho o ka ʻauamo, ke manaʻo i ko lākou mau haku, he pono ke hoʻomaikaʻi nui ʻia aku, i ʻole ai e hōʻino wale ʻia ka inoa o ke Akua a me kāna ʻōlelo.

KA BUKE NO NĀ LUNA KĀNĀWAI 18:6

ʻĪ maila ke kahuna iā lākou, “Ō hele me ka pōmaikaʻi, he pololei iā Iēhova ka hele a ʻoukou e hele nei.”

KA BUKE MUA A SAMUʻELA 1:17

ʻŌlelo akula ʻo ʻEli, ʻī akula, “Ō hele ʻoe me ke aloha; a na ke Akua o kā ʻIseraʻela e hoʻokō mai kāu mea āu i noi aku ai iā ia.”