KA BUKE ʻALUA A MOSE, I KAPA ʻIA PUKA ʻANA 4:15 - Ka Baibala Hemolele

¹⁵ “Nāu e ʻōlelo aku iā ia, a e waiho aku i nā hua ma kona waha; a ʻo wau pū nō me kou waha, a me kona waha, a e aʻo aku iā ʻolua i kā ʻolua mea e hana ai.

KA BUKE ʻALUA A MOSE, I KAPA ʻIA PUKA ʻANA 4:15 Iomraidhean Croise

KA BUKE ʻALUA A SAMUʻELA 14:3

“A e hele aku i ke aliʻi, a penei e ʻōlelo aku ai.” A laila, haʻi akula ʻo Ioaba i nā hua ʻōlelo no kona waha.

KA BUKE O NĀ HALELŪ 25:12

¶ ʻO wai lā ke kanaka i weliweli aku iā Iēhova? ʻO ia kāna e aʻo mai ai i ka ʻaoʻao āna e koho ai.

KA BUKE O NĀ HALELŪ 51:15

E ka Haku, e wehe mai ʻoe i koʻu lehelehe; A e hōʻike aku koʻu waha i kou hoʻoleʻa.

KA BUKE ʻALUA A MOSE, I KAPA ʻIA PUKA ʻANA 3:12

ʻĪ maila kēlā, “He ʻoiaʻiʻo, ʻo wau nō kekahi me ʻoe, eia hoʻi ka hōʻailona o koʻu hoʻouna ʻana aku iā ʻoe; i ka wā āu e lawe mai ai i ka poʻe kānaka mai ʻAigupita mai, e hoʻomana auaneʻi ʻoukou i ke Akua ma kēia kuahiwi.”

KA BUKE ʻALUA A MOSE, I KAPA ʻIA PUKA ʻANA 4:12

“No laila, ō hele, a ʻo wau pū nō me kou waha, e aʻo aku ana iā ʻoe i ka mea āu e ʻōlelo aku ai.”

KA BUKE ʻALUA A MOSE, I KAPA ʻIA PUKA ʻANA 4:28

Haʻi aʻela ʻo Mose iā ʻAʻarona i nā ʻōlelo a pau a Iēhova, nāna ia i hoʻouna mai, a me nā ʻōuli a pau āna i kauoha mai ai iā ia.

KA BUKE ʻALUA A MOSE, I KAPA ʻIA PUKA ʻANA 4:30

Haʻi akula ʻo ʻAʻarona i nā ʻōlelo a pau a Iēhova i ʻōlelo mai ai iā Mose; a hana ihola ia i nā ʻōuli i mua o nā maka o kānaka.

KA WĀNANA A ʻISAIA 51:16

“Ua hahao nō wau i koʻu mau hua ʻōlelo i loko o kou waha, a ua uhi aku iā ʻoe i ke aka o koʻu lima, me ka mākia aku i nā lani, a me ka hoʻokumu i ka honua, i ʻōlelo aku au iā Ziona, ‘ʻO ʻoe nō koʻu poʻe kānaka.’”

KA WĀNANA A ʻISAIA 59:21

“ʻO wau hoʻi, eia kaʻu berita me lākou,” wahi a Iēhova; “ʻo kuʻu ʻUhane, ka mea ma luna ou, a me kaʻu mau ʻōlelo, aʻu i waiho ai i loko o kou waha, ʻaʻole e haʻalele ia mau mea i kou waha, ʻaʻole hoʻi i ka waha o kāu mau keiki, ʻaʻole hoʻi i ka waha o nā keiki a kāu mau keiki, mai kēia wā aku, a i ke ao pau ʻole,” wahi a Iēhova.

KA WĀNANA A IEREMIA 1:9

Hohola mai ʻo Iēhova i kona lima, a hoʻopā ihola i koʻu waha; a ʻōlelo maila ʻo Iēhova iaʻu, “Aia hoʻi, ua hāʻawi aku au i kaʻu mau ʻōlelo i loko o kou waha.

KA WĀNANA A IEREMIA 36:32

A laila, lawe aʻela ʻo Ieremia i ʻōwili hou, a hāʻawi aʻela ia iā Baruka, i ke kākau ʻōlelo, ke keiki a Neria; a kākau ihola ʻo ia mai ka waha mai o Ieremia, i nā ʻōlelo a pau o ka buke a Iehoiakima ke aliʻi o kā Iuda i puhi ai i loko o ke ahi; a nui nā ʻōlelo like i hoʻopili pū ʻia me lākou.

KA BUKE ʻAHĀ A MOSE, I KAPA ʻIA NĀ HELU 16:28

ʻĪ akula ʻo Mose, “Ma kēia mea e ʻike ai ʻoukou, ʻo wau nō kā Iēhova i hoʻouna mai nei e hana i kēia mau hana a pau; no ka mea, ʻaʻole ia na kuʻu manaʻo iho.

KA BUKE ʻAHĀ A MOSE, I KAPA ʻIA NĀ HELU 22:38

ʻĪ akula ʻo Balaʻama iā Balaka, “Eia hoʻi, ua hiki mai nei au i ou lā; iaʻu nō anei kekahi pono iki ke haʻi aku iā ʻoe i kekahi mea? ʻO ka ʻōlelo a ke Akua e waiho mai ai i loko o koʻu waha, ʻo ia kaʻu e ʻōlelo aku ai.”

KA BUKE ʻAHĀ A MOSE, I KAPA ʻIA NĀ HELU 23:12

ʻŌlelo akula kēlā, ʻī akula, “ʻAʻole anei au e hoʻomanaʻo e ʻōlelo aku i ka mea a Iēhova i waiho mai ai i loko o kuʻu waha?”

KA BUKE ʻAHĀ A MOSE, I KAPA ʻIA NĀ HELU 23:16

Hālāwai maila ʻo Iēhova me Balaʻama, waiho maila i ʻōlelo ma kona waha, ʻī maila, “E hoʻi hou aku ʻoe i o Balaka lā, e ʻī aku ʻoe penei.”

KA BUKE ʻAHĀ A MOSE, I KAPA ʻIA NĀ HELU 23:5

Waiho maila ʻo Iēhova i wahi ʻōlelo ma ka waha o Balaʻama, ʻī maila, “Ō hoʻi ʻoe i o Balaka lā, a penei kāu e ʻōlelo aku ai.”

KA ʻEUANELIO I KĀKAU ʻIA AI E MATAIO 28:20

e aʻo aku ana iā lākou e mālama i nā mea a pau aʻu i kauoha aku ai iā ʻoukou. Aia hoʻi, ʻo wau nō me ʻoukou i nā manawa a pau, a hiki i ka hopena o kēia ao. ʻĀmene.”

KA ʻEUANELIO I KĀKAU ʻIA AI E LUKA 21:15

“No ka mea, e hāʻawi aku au i waha no ʻoukou a me ke akamai, ʻaʻole e hiki i ko ʻoukou poʻe ʻenemi a pau ke hoʻopohala, ʻaʻole hoʻi ke pale aʻe.

ʻO KA ʻEPISETOLE MUA A PAULO KA LUNAʻŌLELO I KO KORINETO 11:23

No ka mea, ua loaʻa iaʻu na ka Haku mai, ka mea aʻu i hāʻawi aku ai na ʻoukou. ʻO ka Haku ʻo Iesū, i ka pō āna i kumakaia ʻia ai, lālau akula ia i ka berena;

ʻO KA ʻEPISETOLE MUA A PAULO KA LUNAʻŌLELO I KO KORINETO 15:1

¶ Ke haʻi hou aku nei au iā ʻoukou, e nā hoahānau, i ka ʻeuanelio aʻu i aʻo aku ai iā ʻoukou ma mua, i ka mea a ʻoukou i mālama mai ai, a ma laila nō hoʻi ʻoukou e kū nei.

KA BUKE ʻALIMA A MOSE, I KAPA ʻIA KĀNĀWAI LUA 18:18

‘E hoʻokū auaneʻi au i Kāula no lākou no waena mai o ko lākou poʻe hoahānau, e like me ʻoe, a e waiho ana au i kaʻu mau ʻōlelo ma loko o kona waha; a nāna e ʻōlelo aku iā lākou ka mea a pau aʻu e kauoha aku ai iā ia.

KA BUKE ʻALIMA A MOSE, I KAPA ʻIA KĀNĀWAI LUA 5:31

‘Akā, ʻo ʻoe, e kū ʻoe ma ʻaneʻi me aʻu, a e ʻōlelo aku au iā ʻoe i nā kauoha a pau, a me nā kānāwai, a me nā ʻōlelo kūpaʻa, nā mea āu e aʻo aku ai iā lākou, e mālama lākou ma ka ʻāina aʻu i hāʻawi aku ai no lākou.’

KA BUKE MUA A SAMUʻELA 16:3

“A e kāhea aku ʻoe iā Iese e hele i ka mōhai, a e hōʻike aku au iā ʻoe i kāu mea e hana aku ai; a e poni iho ʻoe noʻu i ka mea aʻu e ʻōlelo aku ai iā ʻoe.”