KA BUKE ʻALUA A MOSE, I KAPA ʻIA PUKA ʻANA 39:7 - Ka Baibala Hemolele

⁷ A kau akula ʻo ia ia mau mea ma luna o nā poʻohiwi o ka ʻēpoda, i pōhaku paipai manaʻo no nā mamo a ʻIseraʻela, me kā Iēhova i kauoha mai ai iā Mose.

KA BUKE ʻALUA A MOSE, I KAPA ʻIA PUKA ʻANA 39:7 Iomraidhean Croise

KA BUKE A NEHEMIA 2:20

A pane akula au iā lākou, a ʻī akula au iā lākou, “ʻO ke Akua o ka lani, ʻo ia ka mea nāna mākou e kōkua mai; a ʻo mākou, kāna poʻe kauā, e kū i luna nō mākou a e kūkulu; akā, ʻaʻole o ʻoukou kuleana, ʻaʻole nō he pono, ʻaʻole hoʻi he mea e hoʻomanaʻo ai i loko o Ierusalema.”

KA BUKE ʻALUA A MOSE, I KAPA ʻIA PUKA ʻANA 28:12

“A e kau ʻoe ia mau pōhaku ʻelua ma luna o nā poʻohiwi o ka ʻēpoda, i mau pōhaku e hoʻomanaʻo ai i nā keiki a ʻIseraʻela; a e lawe nō ʻo ʻAʻarona i ko lākou inoa i mua o Iēhova, ma luna o kona mau poʻohiwi ʻelua, i mea e hoʻomanaʻo ai.

KA BUKE ʻALUA A MOSE, I KAPA ʻIA PUKA ʻANA 28:29

“A e lawe ʻo ʻAʻarona i nā inoa o nā keiki a ʻIseraʻela ma ka pale umauma o ka hoʻoponopono ma kona naʻau, i ka wā e hele aku ai ia i kahi kapu, i mea e hoʻomanaʻo mau ai i mua o Iēhova.

KA BUKE ʻALUA A MOSE, I KAPA ʻIA PUKA ʻANA 28:7

“E hui ʻia kona mau ʻāpana poʻohiwi ʻelua, ma kona mau kihi ʻelua, a e pili nō ia.

KA ʻEUANELIO I KĀKAU ʻIA AI E MAREKO 14:9

“He ʻoiaʻiʻo kaʻu e ʻōlelo aku nei iā ʻoukou, ma nā wahi a pau loa ma ke ao nei e haʻi ʻia aku ai kēia ʻeuanelio, e haʻi pū ʻia aku nō hoʻi ka mea āna i hana mai ai, i mea e hoʻomanaʻo ʻia ai ʻo ia.”

KA BUKE A IOSUA 4:7

“A laila, e haʻi aku ʻoukou iā lākou, ua hoʻokaʻawale ʻia nā wai o Ioredane i mua o ka pahu berita o Iēhova. I ka wā i hele ai ia ma loko o Ioredane, ua hoʻokaʻawale ʻia nā wai o Ioredane; a e lilo nō kēia mau pōhaku i hōʻailona mau loa e hoʻomanaʻo ai nā mamo a ʻIseraʻela.”