KA BUKE ʻALUA A MOSE, I KAPA ʻIA PUKA ʻANA 34:1 - Ka Baibala Hemolele

¹ ¶ ʻŌlelo maila ʻo Iēhova iā Mose, “E kālai ʻoe i mau pōhaku papa ʻelua nou, e like me nā mea ma mua; a naʻu nō e palapala ma luna o ua mau papa lā i nā ʻōlelo i kau ʻia ai ma nā papa mua āu i wāhi ai.

KA BUKE ʻALUA A MOSE, I KAPA ʻIA PUKA ʻANA 34:1 Iomraidhean Croise

KA BUKE O NĀ HALELŪ 119:89

¶ Ua paʻa mau loa nō kāu ʻōlelo, E Iēhova, ma ka lani.

KA BUKE ʻALUA A MOSE, I KAPA ʻIA PUKA ʻANA 24:12

¶ ʻŌlelo maila ʻo Iēhova iā Mose, “E hele mai ʻoe i oʻu nei i ka mauna, a e noho ma laila; a e hāʻawi aku au iā ʻoe i pōhaku papa, me ke kānāwai, a me nā kauoha aʻu i palapala ai, i aʻo aku ʻoe ia mea.”

KA BUKE ʻALUA A MOSE, I KAPA ʻIA PUKA ʻANA 31:18

¶ A i kona hoʻopau ʻana i ke kamaʻilio me Mose, ma luna o ka mauna ʻo Sinai, hāʻawi maila ʻo ia iā ia i ʻelua papa Kānāwai he mau papa pōhaku, ua kahakaha ʻia e ka lima o ke Akua.

KA BUKE ʻALUA A MOSE, I KAPA ʻIA PUKA ʻANA 32:16

ʻO ia mau papa kā ke Akua i hana ai, a ʻo ka palapala, na ke Akua ka palapala, ua kahakaha ʻia ma loko o nā papa.

KA BUKE ʻALUA A MOSE, I KAPA ʻIA PUKA ʻANA 32:19

A kokoke ia i hiki i kahi o lākou i hoʻomoana ai, ʻike akula ia i ka bipi keiki, a me ka haʻa ʻana; ulu puni ihola ko Mose huhū, kiola akula ia i nā papa, mai kona lima aku, a nahā ihola lāua ma lalo iho o ka mauna.

KA BUKE ʻALUA A MOSE, I KAPA ʻIA PUKA ʻANA 34:28

Ma laila nō ia me Iēhova hoʻokahi kanahā ao, hoʻokahi kanahā pō; ʻaʻole ia i ʻai i ka ʻai, ʻaʻole hoʻi i inu i ka wai. A palapala ihola ia ma nā papa i nā ʻōlelo o ka berita, i nā ʻŌlelo he ʻUmi.

KA BUKE ʻALUA A MOSE, I KAPA ʻIA PUKA ʻANA 34:4

Kālai ihola ia i nā pōhaku papa ʻelua e like me nā mea ma mua; a ala aʻela ʻo Mose i kakahiaka nui, a piʻi akula i ka mauna i Sinai, e like me ke kauoha ʻana mai o Iēhova iā ia, a lawe akula ma loko o kona lima i ua mau pōhaku papa lā ʻelua.

KA WĀNANA A IEREMIA 36:32

A laila, lawe aʻela ʻo Ieremia i ʻōwili hou, a hāʻawi aʻela ia iā Baruka, i ke kākau ʻōlelo, ke keiki a Neria; a kākau ihola ʻo ia mai ka waha mai o Ieremia, i nā ʻōlelo a pau o ka buke a Iehoiakima ke aliʻi o kā Iuda i puhi ai i loko o ke ahi; a nui nā ʻōlelo like i hoʻopili pū ʻia me lākou.

KA BUKE ʻALIMA A MOSE, I KAPA ʻIA KĀNĀWAI LUA 4:13

“Haʻi maila nō ʻo ia iā ʻoukou i ka berita āna i kauoha mai ai iā ʻoukou e mālama, ʻo ia nā Kānāwai he ʻUmi; a kākau ihola nō ʻo ia ia mau mea ma nā papa pōhaku ʻelua.