KA BUKE ʻALUA A MOSE, I KAPA ʻIA PUKA ʻANA 33:3 - Ka Baibala Hemolele

³ “A i ka ʻāina e kahe ana o ka waiū a me ka mele; no ka mea, ʻaʻole au e piʻi aku i waena ou; no ka mea, he poʻe kānaka ʻāʻī ʻoʻoleʻa ʻoukou; o hoʻopau auaneʻi au iā ʻoe ma ke ala.”

KA BUKE ʻALUA A MOSE, I KAPA ʻIA PUKA ʻANA 33:3 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 3:8

“Ua iho mai nei au i lalo nei e hoʻokuʻu iā lākou mai ka lima mai o ko ʻAigupita, a e lawe mai iā lākou mai ia ʻāina mai, a kekahi ʻāina maikaʻi, a nui nō hoʻi, he ʻāina e kahe ana ʻo ka waiū a me ka meli; i kahi o ka poʻe Kanaʻana, a me kā Heta, a me kā ʻAmora, a me kā Pereza, a me kā Heva, a me kā Iebusa.

NĀ ʻOIHANA A KA POʻE LUNAʻŌLELO 7:51

¶ “E ka poʻe ʻāʻī ʻoʻoleʻa, ka poʻe i ʻoki poepoe ʻole ʻia ma ka naʻau, a ma ka pepeiao, ua mau loa ko ʻoukou pale ʻana i ka ʻUhane Hemolele; e like me ko ʻoukou kūpuna, pēlā nō hoʻi ʻoukou nei.

KA WĀNANA A IEREMIA 11:5

i hoʻokō wau i ka hoʻohiki aʻu i hoʻohiki ai i ko ʻoukou poʻe mākua, e hāʻawi iā lākou i ‘ka ʻāina e kahe ana ʻo ka waiū,’ a me ka mele, e like me ia i kēia lā.”’” A laila ʻōlelo akula au, ʻī akula, “Pēlā ʻiʻo nō, e Iēhova.”

KA BUKE A IOSUA 5:6

Hoʻokahi kanahā makahiki i ʻauana ai nā mamo a ʻIseraʻela ma ka wao nahele, a pau i ka make ka lāhui kaua, ka poʻe i hele mai mai ʻAigupita mai, i hoʻolohe ʻole i ka leo o Iēhova, hoʻohiki nō ʻo Iēhova iā lākou, ʻaʻole e hōʻike mai iā lākou i ka ʻāina āna i hoʻohiki ai i ko lākou mau mākua, e hāʻawi mai no lākou, “he ʻāina e kahe ana ʻo ka waiū a me ka meli.”

KA BUKE ʻAHĀ A MOSE, I KAPA ʻIA NĀ HELU 16:45

“E hoʻokaʻawale aʻe iā ʻolua iho mai waena aʻe o kēia anaina kanaka, i hoʻopau koke ai au iā lākou.” A moe ihola lāua i lalo ke alo.

KA BUKE ʻAHĀ A MOSE, I KAPA ʻIA NĀ HELU 16:21

“E hoʻokaʻawale aʻe ʻolua iā ʻolua iho mai kēia anaina kanaka aku, i hoʻopau koke ai au iā lākou.”

IONA 3:10

¶ A ʻike mai ke Akua i kā lākou hana ʻana, ua huli lākou mai ko lākou ʻaoʻao hewa mai; mihi ihola ke Akua no ka ʻino āna i ʻōlelo ai e hana mai iā lākou, ʻaʻole ia i hana mai.

IONA 3:4

A hoʻomaka ihola ʻo Iona e komo i ke kūlanakauhale, hoʻokahi lā hele, a kāhea aku ia, ʻī akula, “Hoʻokahi kanahā nā lā i koe, a e luku ʻia ʻo Nineva.”

KA BUKE O NĀ HALELŪ 78:8

I like ʻole lākou me ko lākou poʻe kūpuna, He hanauna kūʻē, a kipi hoʻi; He hanauna hoʻoponopono ʻole i ko lākou naʻau, A hilinaʻi ʻole hoʻi ko lākou naʻau i ke Akua.

KA BUKE MUA A SAMUʻELA 2:30

“No ia mea, ke ʻōlelo mai nei ʻo Iēhova ke Akua o kā ʻIseraʻela, ‘ʻĪ ihola au, ʻo ko ka hale ou, a me ko ka hale o kou makua kāne, e hele mau loa lākou i mua oʻu’; akā ʻānō, ke ʻī mai nei ʻo Iēhova, ‘Hōʻole akula au ia; no ka mea, ʻo nā mea e hoʻomaikaʻi mai iaʻu, naʻu lākou e hoʻomaikaʻi aku; a ʻo nā mea e hoʻowahāwahā mai iaʻu, e hoʻowahāwahā ʻia lākou.

KA BUKE ʻAHĀ A MOSE, I KAPA ʻIA NĀ HELU 16:13

“He mea liʻiliʻi anei kou lawe ʻana mai iā mākou mai loko mai o ka ʻāina e kahe ana ʻo ka waiū a me ka meli, e pepehi iā mākou ma ka wao nahele, ke hiki ʻole iā ʻoe e hoʻolilo iā ʻoe iho i aliʻi ma luna o mākou?

KA BUKE ʻAHĀ A MOSE, I KAPA ʻIA NĀ HELU 14:12

“E luku aku au iā lākou i ke ahulau, a e paʻi iā lākou i ka ʻāina hoʻoili; a e hoʻolilo au iā ʻoe i lāhui kanaka e ʻoi aku ana ka nui a me ka ikaika i ko lākou.”

KA BUKE ʻAHĀ A MOSE, I KAPA ʻIA NĀ HELU 14:8

“Inā i ʻoluʻolu mai ʻo Iēhova iā kākou, a laila e kaʻi aku ʻo ia iā kākou i ua ʻāina lā, a e hāʻawi mai hoʻi ia no kākou; ‘he ʻāina e kahe ana ka waiū a me ka meli.’

KA BUKE ʻAHĀ A MOSE, I KAPA ʻIA NĀ HELU 13:27

ʻŌlelo maila lākou iā ia, ʻī maila, “Ua hele aku mākou i ka ʻāina āu i hoʻouna aku ai iā mākou, a he ʻoiaʻiʻo nō e kahe ana ka waiū a me ka meli i laila; eia hoʻi ka hua o ia wahi.

KA BUKE ʻAKOLU A MOSE, I KAPA ʻIA ʻOIHANA KAHUNA 20:24

‘Akā, ua ʻōlelo aku au iā ʻoukou, “E loaʻa iā ʻoukou ko lākou ʻāina; naʻu ia e hāʻawi aku no ʻoukou ponoʻī, he ʻāina e kahe ai ka waiū a me ka meli.” ʻO wau nō Iēhova ko ʻoukou Akua nāna ʻoukou i hoʻokaʻawale aʻe mai nā lāhui kanaka ʻē aʻe.

KA BUKE ʻALUA A MOSE, I KAPA ʻIA PUKA ʻANA 34:9

ʻĪ akula ia, “A inā i loaʻa iaʻu ka lokomaikaʻi ʻia mai i mua ou, e ka Haku ē, ke nonoi aku nei au e hele pū aku koʻu Haku me mākou; (he poʻe kānaka ʻāʻī ʻoʻoleʻa naʻe kēia); a e kala mai ʻoe i ko mākou hala me ko mākou hewa, a e lawe ʻoe iā mākou i hoʻoilina nou.”

KA BUKE ʻALUA A MOSE, I KAPA ʻIA PUKA ʻANA 32:14

Maliu maila nō ʻo Iēhova mai ka hōʻino mai āna i manaʻo ai e hana mai i kona poʻe kānaka.

KA BUKE ʻALUA A MOSE, I KAPA ʻIA PUKA ʻANA 23:21

“E ao iā ia e hoʻolohe i kona leo, mai hoʻohuhū aku iā ia; no ka mea, ʻaʻole ia e kala mai i kou hewa; aia hoʻi, ma loko ona koʻu inoa.

KA BUKE ʻALUA A MOSE, I KAPA ʻIA PUKA ʻANA 13:5

“A i ka wā a Iēhova e lawe aku ai iā ʻoe i loko i ka ʻāina o kā Kanaʻana, a ʻo kā Heta, a ʻo kā ʻAmora, a ʻo kā Heva a me kā Iebusa, i kahi āna i hoʻohiki ai i kou poʻe kūpuna, e hāʻawi mai ʻo ia nou, he ʻāina e kahe ana ʻo ka waiū a me ka meli; a laila, i kēia malama, e hana ʻoe i kēia ʻoihana.

KA BUKE ʻALUA A MOSE, I KAPA ʻIA PUKA ʻANA 3:17

“Ua ʻōlelo hoʻi au, ‘Naʻu nō ʻoukou e lawe aku i luna, mai loko aʻe o ka pōpilikia o ʻAigupita, a hiki i ka ʻāina o kā Kanaʻana a me kā Heta a me kā ʻAmora a me kā Pereza a me kā Heva, a me kā Iebusa, i ka ʻāina e kahe ana ʻo ka waiū a me ka meli.’

KA BUKE ʻALUA A MOSE, I KAPA ʻIA PUKA ʻANA 33:5

No ka mea, ua ʻōlelo mai ʻo Iēhova iā Mose, “E ʻī aku ʻoe i nā mamo a ʻIseraʻela, ‘He poʻe kānaka ʻāʻī ʻoʻoleʻa ʻoukou; i ka minute hoʻokahi, e piʻi aku nō au i waenakonu ou, a e hoʻopau iā ʻoe. No laila, e wehe ʻoe i kou kāhiko ʻana mai ou aku lā, i ʻike au i ka mea e hana aku ai iā ʻoe.’”

KA BUKE ʻALUA NO NĀ ALIʻI 17:14

ʻAʻole naʻe lākou i mālama, hōʻoʻoleʻa lākou i ko lākou ʻāʻī, e like me ka ʻāʻī o ko lākou poʻe kūpuna, ka poʻe manaʻoʻiʻo ʻole iā Iēhova ko lākou Akua.

KA WĀNANA A ʻEZEKIʻELA 20:6

i ka lā i hāpai ai au i kuʻu lima iā lākou, e lawe mai iā lākou mai ka ʻāina mai ʻo ʻAigupita, i ka ʻāina aʻu i nānā aku ai no lākou, e kahe ana ka waiū a me ka meli, ka mea nani o nā ʻāina a pau.

KA BUKE ʻALIMA A MOSE, I KAPA ʻIA KĀNĀWAI LUA 4:24

“No ka mea, ʻo Iēhova kou Akua, he ahi ia e hoʻopau ana, he Akua lili.

KA WĀNANA A ʻISAIA 48:4

“No ka mea, ʻike mua nō au, ua paʻakikī ʻoe, A ʻo kou ʻāʻī hoʻi, he olonā hao, A ʻo kou lae hoʻi, he keleawe.