KA BUKE ʻALUA A MOSE, I KAPA ʻIA PUKA ʻANA 32:9 - Ka Baibala Hemolele

⁹ ʻĪ maila ʻo Iēhova iā Mose, “Ua ʻike nō au i kēia poʻe kānaka, aia hoʻi, he poʻe kānaka ʻāʻī ʻoʻoleʻa!

KA BUKE ʻALUA A MOSE, I KAPA ʻIA PUKA ʻANA 32:9 Iomraidhean Croise

KA BUKE ʻALUA NO NĀ ALIʻI 17:14

ʻAʻole naʻe lākou i mālama, hōʻoʻoleʻa lākou i ko lākou ʻāʻī, e like me ka ʻāʻī o ko lākou poʻe kūpuna, ka poʻe manaʻoʻiʻo ʻole iā Iēhova ko lākou Akua.

KA BUKE ʻALUA O KA ʻOIHANA ALIʻI 30:8

“ʻĀnō, mai hōʻoʻoleʻa ʻoukou i ko ʻoukou ʻāʻī e like me ko ʻoukou poʻe kūpuna; e hoʻolilo iā ʻoukou iho no Iēhova, a e komo ʻoukou i loko o kona wahi hoʻāno āna i hoʻāno mau loa ai; a e hoʻokauā na Iēhova ko ʻoukou Akua, i huli aʻe ka wela o kona huhū mai o ʻoukou aku.

KA BUKE A NEHEMIA 9:16

¶ “Akā, ʻo lākou a me ko mākou poʻe kūpuna ua hana hoʻokiʻekiʻe nō, A hōʻoʻoleʻa i ko lākou ʻāʻī, ʻAʻole hoʻi i hoʻolohe i kāu mau kauoha.

KA BUKE A NEHEMIA 9:17

“Hōʻole aku lākou, ʻaʻole e hoʻolohe, ʻAʻole hoʻi lākou i hoʻomanaʻo i kāu mau hana kupanaha Āu i hana ai me lākou. Hōʻoʻoleʻa nō lākou i ko lākou ʻāʻī, A i ko lākou kipi ʻana, Koho ihola lākou i luna, I hoʻi aku ai lākou ma ko lākou hoʻokauā ʻana. Akā, ʻo ʻoe ke Akua, E kala ana i ka hala, He ʻoluʻolu a me ka lokomaikaʻi, He ahonui a me ke aloha nui, No laila, ʻaʻole ʻoe i haʻalele iā lākou.

KA BUKE O NĀ HALELŪ 78:8

I like ʻole lākou me ko lākou poʻe kūpuna, He hanauna kūʻē, a kipi hoʻi; He hanauna hoʻoponopono ʻole i ko lākou naʻau, A hilinaʻi ʻole hoʻi ko lākou naʻau i ke Akua.

KA BUKE ʻALUA A MOSE, I KAPA ʻIA PUKA ʻANA 33:3

“A i ka ʻāina e kahe ana o ka waiū a me ka mele; no ka mea, ʻaʻole au e piʻi aku i waena ou; no ka mea, he poʻe kānaka ʻāʻī ʻoʻoleʻa ʻoukou; o hoʻopau auaneʻi au iā ʻoe ma ke ala.”

KA BUKE ʻALUA A MOSE, I KAPA ʻIA PUKA ʻANA 33:5

No ka mea, ua ʻōlelo mai ʻo Iēhova iā Mose, “E ʻī aku ʻoe i nā mamo a ʻIseraʻela, ‘He poʻe kānaka ʻāʻī ʻoʻoleʻa ʻoukou; i ka minute hoʻokahi, e piʻi aku nō au i waenakonu ou, a e hoʻopau iā ʻoe. No laila, e wehe ʻoe i kou kāhiko ʻana mai ou aku lā, i ʻike au i ka mea e hana aku ai iā ʻoe.’”

KA BUKE ʻALUA A MOSE, I KAPA ʻIA PUKA ʻANA 34:9

ʻĪ akula ia, “A inā i loaʻa iaʻu ka lokomaikaʻi ʻia mai i mua ou, e ka Haku ē, ke nonoi aku nei au e hele pū aku koʻu Haku me mākou; (he poʻe kānaka ʻāʻī ʻoʻoleʻa naʻe kēia); a e kala mai ʻoe i ko mākou hala me ko mākou hewa, a e lawe ʻoe iā mākou i hoʻoilina nou.”

NĀ ʻŌLELO AKAMAI A SOLOMONA 29:1

¶ ʻO ke kanaka i aʻo pinepine ʻia a hoʻopaʻakikī hoʻi i kona ʻāʻī, E make koke nō ia, ʻaʻole mea e ola ai.

KA WĀNANA A ʻISAIA 48:4

“No ka mea, ʻike mua nō au, ua paʻakikī ʻoe, A ʻo kou ʻāʻī hoʻi, he olonā hao, A ʻo kou lae hoʻi, he keleawe.

KA WĀNANA A IEREMIA 13:27

“Ua ʻike nō wau i kou moekolohe ʻana, A me kou haʻu ʻana, A me ka hewa o kou hoʻokamakama, A me kāu hana hoʻopailua ma luna o nā puʻu ma ke kula. Auē ʻoe, e Ierusalema! ʻAʻole anei ʻoe e hoʻomaʻemaʻe ʻia? Pehea lā ka lōʻihi?”

HOSEA 6:10

Ma loko o ka ʻohana a ʻIseraʻela ua ʻike au i ka mea weliweli; Ma laila ka moekolohe o ʻEperaima, Ua haumia kā ʻIseraʻela.

KA BUKE ʻAHĀ A MOSE, I KAPA ʻIA NĀ HELU 14:11

¶ ʻĪ maila ʻo Iēhova iā Mose, “Pehea lā ka lōʻihi o ka hoʻonāukiuki ʻana mai o kēia poʻe kānaka iaʻu? Āhea lā hoʻi lākou e manaʻoʻiʻo mai ai iaʻu no nā mea mana a pau aʻu i hōʻike ai i waena o lākou?

NĀ ʻOIHANA A KA POʻE LUNAʻŌLELO 7:51

¶ “E ka poʻe ʻāʻī ʻoʻoleʻa, ka poʻe i ʻoki poepoe ʻole ʻia ma ka naʻau, a ma ka pepeiao, ua mau loa ko ʻoukou pale ʻana i ka ʻUhane Hemolele; e like me ko ʻoukou kūpuna, pēlā nō hoʻi ʻoukou nei.

KA BUKE ʻALIMA A MOSE, I KAPA ʻIA KĀNĀWAI LUA 10:16

“No ia hoʻi, e ʻoki poepoe ʻoukou i ka ʻōmaka o ko ʻoukou naʻau, mai hoʻopaʻakikī hou aku i ko ʻoukou ʻāʻī.

KA BUKE ʻALIMA A MOSE, I KAPA ʻIA KĀNĀWAI LUA 31:27

“No ka mea, ua ʻike au i kou kipi ʻana, a me kou ʻāʻī ʻoʻoleʻa; aia hoʻi, i koʻu ola pū ʻana me ʻoukou i kēia lā, ua kipi ʻoukou iā Iēhova; a e ʻoiaʻiʻo hoʻi ma hope o kuʻu make ʻana.

KA BUKE ʻALIMA A MOSE, I KAPA ʻIA KĀNĀWAI LUA 9:13

“ʻŌlelo mai hoʻi ʻo Iēhova iaʻu, ʻī maila, ‘Ua ʻike au i kēia poʻe kānaka, aia hoʻi, he poʻe kānaka ʻāʻī ʻoʻoleʻa kēia.

KA BUKE ʻALIMA A MOSE, I KAPA ʻIA KĀNĀWAI LUA 9:6

“E ʻike hoʻi ʻoe, ʻaʻole ʻo Iēhova kou Akua e hāʻawi mai i kēia ʻāina maikaʻi i lilo ia nou, no kou pono; no ka mea, he poʻe kānaka ʻāʻī ʻoʻoleʻa ʻoukou.