KA BUKE ʻALUA A MOSE, I KAPA ʻIA PUKA ʻANA 32:4 - Ka Baibala Hemolele

⁴ Lawe ihola ia, mai ko lākou lima aku, a koli ihola ia mea i ke kila, a hana aʻela i bipi keiki i hoʻoheheʻe ʻia; a ʻōlelo ihola lākou, “Eia kou akua, e kā ʻIseraʻela, nāna ʻoe i lawe mai nei, mai ka ʻāina ʻo ʻAigupita mai!”

KA BUKE ʻALUA A MOSE, I KAPA ʻIA PUKA ʻANA 32:4 Iomraidhean Croise

KA BUKE MUA NO NĀ ALIʻI 12:28

No laila kūkā ihola ke aliʻi, a hana i nā keiki bipi gula ʻelua, a ʻī maila ʻo ia iā lākou, “He nui ko ʻoukou hele ʻana i Ierusalema. Eia hoʻi kou mau akua, e ʻIseraʻela, i lawe mai iā ʻoe mai ka ʻāina mai ʻo ʻAigupita!”

KA BUKE MUA NO NĀ ALIʻI 12:32

Hana ihola hoʻi ʻo Ieroboama i ka ʻahaʻaina i ka walu o ka malama i ka ʻumikumamālima o ka lā, e like me ka ʻahaʻaina ma loko o Iuda, a kaumaha akula ma luna o ke kuahu. Pēlā ʻo ia i hana ai ma Betela, e kaumaha ana no nā keiki bipi āna i hana ai; a hoʻonoho akula ʻo ia ma Betela i nā kāhuna o nā wahi kiʻekiʻe āna i hana ai.

KA BUKE ʻALUA NO NĀ ALIʻI 10:20

ʻĪ akula ʻo Iehu, “E hoʻolaʻa aku i ka hōʻuluʻulu ʻana no Baʻala.” A hoʻolaʻa akula lākou.

KA BUKE ʻALUA NO NĀ ALIʻI 10:29

¶ Akā hoʻi, ʻo nā hewa o Ieroboama ke keiki a Nebata, nāna i hoʻolilo kā ʻIseraʻela i ka hewa, ʻaʻole i haʻalele ʻo Iehu i ka hahai ʻana ma muli o lākou, ʻo nā keiki bipi gula ma Betela a ma Dana.

KA BUKE ʻALUA O KA ʻOIHANA ALIʻI 11:15

A hoʻonoho ʻo ia nona i nā kāhuna, no nā wahi kiʻekiʻe, a no nā kao, a no nā keiki bipi āna i hana ai.

KA BUKE ʻALUA O KA ʻOIHANA ALIʻI 13:8

“ʻĀnō, ke manaʻo nei ʻoukou e hoʻoikaika kūʻē mai i ke aupuni o Iēhova aia ma ka lima o nā keiki a Dāvida; ʻo ʻoukou ka poʻe koa nui loa, a me ʻoukou pū nā bipi keiki gula a Ieroboama i hana ai, i mau akua no ʻoukou.

KA BUKE A NEHEMIA 9:18

“Eia hoʻi, i ka wā a lākou i hana ai i bipi keiki i hoʻoheʻeheʻe ʻia, A ʻōlelo aʻela, ‘Eia kou Akua Nāna ʻoe i alakaʻi mai loko mai o ʻAigupita,’ A hana nō hoʻi lākou i nā mea hoʻonāukiuki loa;

KA BUKE ʻALUA A MOSE, I KAPA ʻIA PUKA ʻANA 20:2

¶ “ʻO wau nō Iēhova ʻo kou Akua, ka mea nāna ʻoe i lawe mai nei, mai ka ʻāina ʻo ʻAigupita mai, mai loko mai hoʻi o ka hale hoʻoluhi.

KA BUKE ʻALUA A MOSE, I KAPA ʻIA PUKA ʻANA 20:23

‘Mai hana ʻoe i nā akua ʻē me aʻu nei i nā akua kālā, a mai hana i nā akua gula no ʻoukou.

KA BUKE ʻALUA A MOSE, I KAPA ʻIA PUKA ʻANA 20:4

¶ “Mai hana ʻoe i ke kiʻi i kālai ʻia nou, ʻaʻole ma ka like ʻana o kekahi mea i ka lani i luna, a me ko ka honua i lalo, a ma loko hoʻi o ka wai ma lalo o ka honua;

KA BUKE ʻALUA A MOSE, I KAPA ʻIA PUKA ʻANA 28:11

“Me ka hana a ka mea kahakaha pōhaku, ʻo ke kahakaha ʻana o ka hōʻailona, pēlā ʻoe e kahakaha ai i nā pōhaku ʻelua, me nā inoa o nā keiki a ʻIseraʻela; e hana ʻoe ia mau mea e kau ma loko o nā kāwaha gula.

KA BUKE ʻALUA A MOSE, I KAPA ʻIA PUKA ʻANA 28:9

“A e lawe hoʻi ʻoe i ʻelua pōhaku ʻonika, a e kahakaha ma luna o lāua i nā inoa o nā keiki a ʻIseraʻela.

KA BUKE ʻALUA A MOSE, I KAPA ʻIA PUKA ʻANA 32:1

¶ A ʻike akula nā kānaka i ko Mose hoʻokaʻulua ʻana i ka iho mai, mai ka mauna mai, ʻākoakoa ihola na kānaka i o ʻAʻarona lā, ʻōlelo aʻela iā ia, “E kū ʻoe, e hana i akua no kākou, i mea hele ma mua o kākou; no ka mea, ʻo ua Mose lā, ke kanaka nāna kākou i alakaʻi mai nei, mai ka ʻāina ʻo ʻAigupita mai; ʻaʻole kākou ʻike i kona wahi i lilo aku ai.”

KA BUKE ʻALUA A MOSE, I KAPA ʻIA PUKA ʻANA 32:24

“ʻĪ akula au iā lākou, ‘ʻO ka mea iā ia kekahi gula, e uhaʻi ʻo ia ia mea.’ Hāʻawi mai nō hoʻi lākou iaʻu; a laila hahao akula au ia mea i loko o ke ahi, a puka maila ma waho ua bipi keiki nei.”

KA BUKE ʻALUA A MOSE, I KAPA ʻIA PUKA ʻANA 32:3

Uhaʻi ihola nā kānaka a pau i nā gula pepeiao, i nā mea i loko o ko lākou pepeiao, a lawe mai i o ʻAʻarona lā.

KA BUKE ʻALUA A MOSE, I KAPA ʻIA PUKA ʻANA 32:35

Hahau maila Iēhova i nā kānaka no kā lākou hana ʻana i ka bipi keiki a ʻAʻarona i hana ai.

KA BUKE ʻALUA A MOSE, I KAPA ʻIA PUKA ʻANA 32:5

A ʻike akula ʻo ʻAʻarona, hana ihola ia i kuahu i mua i ke alo o ia mea; hea akula ʻo ʻAʻarona, ʻī akula, Ē, ʻapōpō, he ʻahaʻaina na Iēhova.

KA BUKE ʻALUA A MOSE, I KAPA ʻIA PUKA ʻANA 32:7

ʻĪ maila ʻo Iēhova iā Mose, “Ō hele ʻoe, e iho i lalo; ua hana hewa kou poʻe kānaka āu i lawe mai ai, mai ka ʻāina ʻo ʻAigupita mai.

KA BUKE ʻALUA A MOSE, I KAPA ʻIA PUKA ʻANA 32:8

“Ua huli koke aʻe lākou, mai ke ala aku aʻu i kauoha aku ai iā lākou; ua hana lākou i bipi keiki i hoʻoheheʻe ʻia no lākou, ua hoʻomana lākou ia mea, a ua mōhai hoʻi lākou iā ia, me ka ʻī ʻana aku, ‘E kā ʻIseraʻela ē, eia kou akua, nāna ʻoe i lawe mai nei, mai ka ʻāina ʻo ʻAigupita mai!”

KA WĀNANA A ʻISAIA 30:22

E hoʻohaumia nō hoʻi ʻoukou i ke poʻi kālā o ko ʻoukou mau kiʻi i kālai ʻia, a me ka wahi gula o kou mau kiʻi hoʻoheheʻe ʻia; e kiola ana ʻoukou ia, e like me ka welu peʻa, a e ʻōlelo ana nō ʻoe iā ia, “Hele pēlā!”

KA WĀNANA A ʻISAIA 46:6

“Ninini aku lākou i ke gula ma waho o ka ʻeke, A kaupaona hoʻi i ke kālā ma ka mea kaulike, A hoʻolimalima hoʻi i ka mea hana gula, A hana ihola ʻo ia ia mea, i akua kiʻi; Kūlou nō lākou, a moe hoʻomana akula.

KA WĀNANA A ʻEZEKIʻELA 23:8

“ʻAʻole hoʻi ia i haʻalele i kona moekolohe ʻana mai ʻAigupita mai; no ka mea, i kona wā ʻōpiopio moe pū lākou me ia, a pēpē ihola i nā ū o kona puʻupaʻa ʻana, a ua ninini aku i ko lākou moekolohe ʻana ma luna ona.

HOSEA 10:5

E makaʻu auaneʻi nā kānaka o Samaria no nā keiki bipi o Beta ʻAvena; No ka mea, e auē auaneʻi kona poʻe kānaka no ia mea; A e haʻalulu nā kāhuna no kona nani; No ka mea, ua nalowale ia.

HOSEA 13:2

ʻĀnō, hoʻomāhuahua lākou i ka hewa, A hana lākou no lākou i kiʻi hoʻoheheʻe ʻia no ko lākou kālā, I kiʻi ma ko lākou manaʻo, ʻo nā hana a nā paʻahana wale nō; Ke ʻōlelo nei ka poʻe e kaumaha ana, “E honi lākou i nā keiki bipi.”

NĀ ʻOIHANA A KA POʻE LUNAʻŌLELO 17:29

“Inā he poʻe keiki kākou na ke Akua, ʻaʻole pono iā kākou ke manaʻo i ko ke Akua ʻAno, ua like ia me ke gula, a me ke kālā, a me ka pōhaku i kālai ʻia ma ke akamai a me ka noʻonoʻo o kānaka.

NĀ ʻOIHANA A KA POʻE LUNAʻŌLELO 7:41

“A ia mau lā, hana ihola lākou i bipi keiki, a hāʻawi akula i mōhai na ua kiʻi akua lā, a ʻoliʻoli ihola lākou i ka mea a ko lākou mau lima iho i hana ai.

ʻO KA ʻEPISETOLE MUA A PAULO KA LUNAʻŌLELO I KO KORINETO 10:7

Mai lilo ʻoukou i poʻe hoʻomana kiʻi, e like me kekahi o lākou; e like hoʻi me ka mea i palapala ʻia, “«Noho ihola nā kānaka e ʻai, a e inu, a kū maila lākou e hula».”

KA BUKE ʻALIMA A MOSE, I KAPA ʻIA KĀNĀWAI LUA 9:16

“A nānā ihola au, aia hoʻi, ua hana hewa ʻoukou iā Iēhova i ko ʻoukou Akua, ua hana ʻoukou i bipi keiki i hoʻoheʻeheʻe ʻia no ʻoukou; ua kāpae koke ʻoukou mai ke ala aku a Iēhova i kauoha mai ai iā ʻoukou.

KA BUKE NO NĀ LUNA KĀNĀWAI 8:24

ʻĪ maila ʻo Gideona iā lākou, “He manaʻo nonoi aku koʻu e nonoi aku ai iā ʻoukou, e hāʻawi mai kēlā kanaka kēia kanaka o ʻoukou iaʻu, i nā apo pepeiao o kona mea pio.” (He apo pepeiao gula ko lākou; no ka mea, no kā ʻIsemaʻela lākou.)

KA BUKE NO NĀ LUNA KĀNĀWAI 8:27

Hana ihola ʻo Gideona ia mea, i ʻēpoda, a waiho ihola ma kona kūlanakauhale, ma ʻOpera. Hahai akula i laila kā ʻIseraʻela a pau, e kuko ana ma muli o ia mea; a lilo ihola ia i mea e hihia ai no Gideona, a me ko kona hale.