KA BUKE ʻALUA A MOSE, I KAPA ʻIA PUKA ʻANA 32:1 - Ka Baibala Hemolele

¹ ¶ A ʻike akula nā kānaka i ko Mose hoʻokaʻulua ʻana i ka iho mai, mai ka mauna mai, ʻākoakoa ihola na kānaka i o ʻAʻarona lā, ʻōlelo aʻela iā ia, “E kū ʻoe, e hana i akua no kākou, i mea hele ma mua o kākou; no ka mea, ʻo ua Mose lā, ke kanaka nāna kākou i alakaʻi mai nei, mai ka ʻāina ʻo ʻAigupita mai; ʻaʻole kākou ʻike i kona wahi i lilo aku ai.”

KA BUKE ʻALUA A MOSE, I KAPA ʻIA PUKA ʻANA 32:1 Iomraidhean Croise

KA BUKE MUA A MOSE, I KAPA ʻIA KINOHI 19:14

Hele akula ʻo Lota i waho, ʻōlelo akula i kona mau hūnōna kāne i mare me nā kaikamāhine āna, ʻī akula, “E ala aʻe, e holo aku i waho o kēia wahi; no ka mea, e luku mai ana ʻo Iēhova i nēia kūlanakauhale.” Akā, ua like ia i ka manaʻo o nā hūnōna kāne me ka mea hoʻomāʻewaʻewa.

KA BUKE MUA A MOSE, I KAPA ʻIA KINOHI 21:26

ʻĪ maila ʻo ʻAbimeleka, “ʻAʻole au i ʻike i ka mea nāna i hana ia mea; ʻaʻole hoʻi ʻoe i haʻi mai; ʻaʻole hoʻi au i lohe a hiki i kēia lā.”

KA BUKE MUA A MOSE, I KAPA ʻIA KINOHI 39:8

Hōʻole akula ia, ʻī akula i ka wahine a kona haku, “Aia hoʻi, ʻaʻole ʻike kuʻu haku i nā mea iaʻu ma kēia hale, ua waiho mai nei koʻu haku i kāna mea a pau i kuʻu lima.

KA BUKE MUA A MOSE, I KAPA ʻIA KINOHI 44:15

Nīnau akula ʻo Iosepa iā lākou, “He aha kēia mea a ʻoukou i hana mai nei? ʻAʻole anei ʻoukou i ʻike, e hiki i ke kanaka me aʻu nei e kilokilo aku?”

KA BUKE MUA A MOSE, I KAPA ʻIA KINOHI 44:4

A puka akula lākou ma waho o ke kūlanakauhale, ʻaʻole i hiki i kahi lōʻihi, a laila ʻōlelo akula ʻo Iosepa i kāna luna, “E kū ʻoe, e alualu aku i ua poʻe kānaka lā, a loaʻa lākou iā ʻoe, e ʻī aku iā lākou, ‘No ke aha ʻoukou i hoʻihoʻi mai ai i ka hewa no ka pono?

KA BUKE O NĀ HALELŪ 106:19

¶ Hana nō lākou i keiki bipi ma Horeba, A kūlou hoʻomana lākou ia kiʻi hoʻoheheʻe ʻia.

KA BUKE ʻALUA A MOSE, I KAPA ʻIA PUKA ʻANA 13:21

Hele akula ʻo Iēhova ma mua o lākou ma loko o ke kia ao i ke ao, e alakaʻi iā lākou ma ke ala; a ma loko o ke kia ahi i ka pō, e hoʻomālamalama mai iā lākou; i hele lākou i ke ao a me ka pō.

KA BUKE ʻALUA A MOSE, I KAPA ʻIA PUKA ʻANA 14:11

ʻĪ maila hoʻi lākou iā Mose, “No ka mea, ʻaʻohe lua kupapaʻu ma ʻAigupita, ua lawe mai anei ʻoe iā mākou e make ma kēia wao nahele? No ke aha lā kāu i hana mai ai iā mākou pēlā, i ka lawe ʻana mai nei iā mākou mai ʻAigupita mai?

KA BUKE ʻALUA A MOSE, I KAPA ʻIA PUKA ʻANA 16:3

ʻĪ maila nā mamo a ʻIseraʻela iā lāua, “Inā i hāʻawi ʻia mai ka make no kākou, i ka lima o Iēhova, ma ka ʻāina ʻo ʻAigupita, i ka wā a kākou i noho ai ma nā ipu iʻa, a ʻai aku nō hoʻi kākou i ka ʻai a māʻona; no ka mea, ua lawe mai ʻolua iā kākou, ma loko o kēia wao nahele, e pepehi i kēia poʻe a pau i ka pōloli.”

KA BUKE ʻALUA A MOSE, I KAPA ʻIA PUKA ʻANA 20:23

‘Mai hana ʻoe i nā akua ʻē me aʻu nei i nā akua kālā, a mai hana i nā akua gula no ʻoukou.

KA BUKE ʻALUA A MOSE, I KAPA ʻIA PUKA ʻANA 24:12

¶ ʻŌlelo maila ʻo Iēhova iā Mose, “E hele mai ʻoe i oʻu nei i ka mauna, a e noho ma laila; a e hāʻawi aku au iā ʻoe i pōhaku papa, me ke kānāwai, a me nā kauoha aʻu i palapala ai, i aʻo aku ʻoe ia mea.”

KA BUKE ʻALUA A MOSE, I KAPA ʻIA PUKA ʻANA 24:18

Hele akula ʻo Mose i loko pono o ka ʻohu, a piʻi akula i ka mauna, a ma laila nō ʻo Mose ma ka mauna hoʻokahi kanahā ao, hoʻokahi kanahā pō.

KA BUKE ʻALUA A MOSE, I KAPA ʻIA PUKA ʻANA 32:11

Nonoi akula ʻo Mose ma ke alo o Iēhova, ʻo kona Akua, ʻī akula, “E Iēhova, no ke aha lā i wela ai kou huhū i kou poʻe kānaka āu i lawe mai ai, mai ka ʻāina ʻo ʻAigupita mai, me ka mana nui, a me ka lima ikaika?

KA BUKE ʻALUA A MOSE, I KAPA ʻIA PUKA ʻANA 32:22

ʻĪ maila ʻo ʻAʻarona, “Mai ulu puni mai ka huhū o kuʻu haku, ua ʻike nō ʻoe i ka poʻe kānaka, ua paʻa lākou ma ke kolohe.

KA BUKE ʻALUA A MOSE, I KAPA ʻIA PUKA ʻANA 32:23

“No ka mea, ʻōlelo mai lākou iaʻu, ‘E hana ʻoe i nā akua no kākou, e hele aku i mua o kākou; no ka mea, ʻo ua Mose nei, ke kanaka nāna kākou i lawe mai nei, mai ka ʻāina ʻo ʻAigupita mai, ʻaʻole kākou i ʻike i kona wahi i lilo aku ai.’

KA BUKE ʻALUA A MOSE, I KAPA ʻIA PUKA ʻANA 32:7

ʻĪ maila ʻo Iēhova iā Mose, “Ō hele ʻoe, e iho i lalo; ua hana hewa kou poʻe kānaka āu i lawe mai ai, mai ka ʻāina ʻo ʻAigupita mai.

KA BUKE ʻALUA A MOSE, I KAPA ʻIA PUKA ʻANA 33:3

“A i ka ʻāina e kahe ana o ka waiū a me ka mele; no ka mea, ʻaʻole au e piʻi aku i waena ou; no ka mea, he poʻe kānaka ʻāʻī ʻoʻoleʻa ʻoukou; o hoʻopau auaneʻi au iā ʻoe ma ke ala.”

KA WĀNANA A ʻEZEKIʻELA 20:8

“Akā, kipi maila lākou iaʻu, ʻaʻole o lākou makemake e hoʻolohe mai iaʻu; ʻaʻole lākou i haʻalele kēlā kanaka kēia kanaka i ka mea inaina ʻia o ko lākou mau maka, ʻaʻole hoʻi i haʻalele i nā kiʻi o ʻAigupita; a laila ʻōlelo aku au, ‘E ninini aku au i koʻu ukiuki ma luna o lākou, e hoʻokō i koʻu huhū iā lākou ma waenakonu o ka ʻāina ʻo ʻAigupita.’

HOSEA 12:13

A ma ke kāula i lawe mai ai ʻo Iēhova i kā ʻIseraʻela mai ʻAigupita mai, A ma ke kāula i mālama mai ai ʻo ia iā ia.

MIKA 6:4

“No ka mea, ua lawe mai au iā ʻoe mai ka ʻāina ʻo ʻAigupita mai, A ua hoʻōla au iā ʻoe ma ka hale o nā kauā mai; A ua hoʻouna aku au i mua ou iā Mose, iā ʻAʻarona, a me Miriama.

KA BUKE ʻAHĀ A MOSE, I KAPA ʻIA NĀ HELU 14:22

no ka mea, ʻo kēlā poʻe kānaka a pau, ka poʻe i ʻike mai i kuʻu nani, a me nā mea mana aʻu i hana ai ma ʻAigupita, a ma ka wao nahele, a he ʻumi ko lākou ʻaʻa ʻana mai iaʻu, ʻaʻole hoʻi i hoʻolohe mai i kuʻu leo;

KA ʻEUANELIO I KĀKAU ʻIA AI E MATAIO 24:43

“Ua ʻike ʻoukou i kēia, inā paha i ʻike ka mea hale i ka wati e hiki mai ai ka ʻaihue, inā ua kiaʻi ia, i wāwahi ʻole ʻia ai kona hale.

KA ʻEUANELIO I KĀKAU ʻIA AI E MATAIO 24:48

“Akā, ʻo ke kauā ʻino lā, i ʻōlelo iho i loko o kona naʻau, ‘Ke hoʻohākālia nei kuʻu haku i kona hoʻi ʻana mai;’

NĀ ʻOIHANA A KA POʻE LUNAʻŌLELO 17:29

“Inā he poʻe keiki kākou na ke Akua, ʻaʻole pono iā kākou ke manaʻo i ko ke Akua ʻAno, ua like ia me ke gula, a me ke kālā, a me ka pōhaku i kālai ʻia ma ke akamai a me ka noʻonoʻo o kānaka.

NĀ ʻOIHANA A KA POʻE LUNAʻŌLELO 19:26

“Ua ʻike nō hoʻi ʻoukou, a ua lohe, ʻaʻole ma ʻEpeso wale nō; akā, ma ʻĀsia a pau, ʻo Paulo nei i hoʻoikaika aku ai a i hoʻohuli i kānaka, he nui loa, me ka ʻī ʻana aʻe, ʻaʻohe akua nā mea i hana ʻia e nā lima.

NĀ ʻOIHANA A KA POʻE LUNAʻŌLELO 7:40

«ʻī aʻela iā ʻAʻarona, ‘E hana ʻoe i mau akua no kākou, e hele aku ma mua o kākou; no ka mea, ʻo ua Mose lā, ka mea i alakaʻi mai iā kākou nei, mai ka ʻāina ʻo ʻAigupita mai, ʻaʻole kākou i ʻike i kona wahi i lilo aku ai».’

KA BUKE ʻALIMA A MOSE, I KAPA ʻIA KĀNĀWAI LUA 31:8

“A ʻo Iēhova, ʻo ia ke hele i mua ou; ʻo ia pū kekahi me ʻoe, ʻaʻole ʻo ia e kuʻu aku, ʻaʻole hoʻi e haʻalele iā ʻoe; mai makaʻu ʻoe, mai hopohopo.”

KA BUKE ʻALIMA A MOSE, I KAPA ʻIA KĀNĀWAI LUA 9:1

¶ “E hoʻolohe, e kā ʻIseraʻela! E hele ana ʻoe i kēia lā ma kēlā kapa o Ioredane, e komo a hoʻolilo nou i nā lāhui kanaka, he ʻoi aku ka nui a me ka ikaika o lākou i kou, a i nā kūlanakauhale nui, ua paʻa i ka pā pōhaku, a hala i ka lani.

KA BUKE ʻALIMA A MOSE, I KAPA ʻIA KĀNĀWAI LUA 9:9

“Iaʻu i piʻi aʻe i ka mauna e loaʻa nā papa pōhaku, nā papa o ke kānāwai a Iēhova i hana ai no ʻoukou, hoʻokahi kanahā ao, a hoʻokahi kanahā pō, aʻu i noho ai ma ka mauna; ʻaʻole au i ʻai i ka ʻai, ʻaʻole hoʻi i inu i ka wai.

KA BUKE A IOSUA 7:13

“E kū i luna, a e hoʻomaʻemaʻe i kānaka, a e ʻōlelo aku, ‘E hoʻomaʻemaʻe ʻoukou iā ʻoukou iho, no ka lā ʻapōpō; no ka mea, ke ʻī mai nei ʻo Iēhova, ke Akua o kā ʻIseraʻela penei, “He mea laʻa i waena pono o ʻoukou, e kā ʻIseraʻela; ʻaʻole ʻoukou e hiki ke kū i mua o ko ʻoukou ʻenemi a kipaku ʻoukou i kēlā mea laʻa, mai o ʻoukou aku.”

ʻO KA ʻEPISETOLE HOʻOLAHA ʻALUA A PETERO 3:4

me ka ʻōlelo mai, “ʻAuhea ka ʻōlelo ʻoiaʻiʻo no kona hiki ʻana mai? No ka mea, mai ka wā mai o ka hiamoe ʻana o nā kūpuna, ua waiho wale ʻia nō nā mea a pau, e like me ka wā i kinohi o ka honua nei.”