KA BUKE ʻALUA A MOSE, I KAPA ʻIA PUKA ʻANA 3:7 - Ka Baibala Hemolele

⁷ ʻĪ maila ʻo Iēhova, “I kuʻu nānā ʻana ua ʻike nō wau i ka luhi ʻana o koʻu poʻe kānaka ma ʻAigupita, ua lohe nō hoʻi au i kā lākou kaniʻuhū ʻana, no nā luna hoʻoluhi o lākou; ua ʻike hoʻi au i ko lākou ʻehaʻeha ʻana.

KA BUKE ʻALUA A MOSE, I KAPA ʻIA PUKA ʻANA 3:7 Iomraidhean Croise

KA BUKE MUA A MOSE, I KAPA ʻIA KINOHI 16:11

ʻĪ maila hoʻi ka ʻānela o Iēhova iā ia, “Aia hoʻi, ua hāpai ʻoe, A e hānau mai nō ʻoe i keiki kāne, A e kapa ʻoe i kona inoa ʻo ʻIsemaʻela; No ka mea, ua lohe nō ʻo Iēhova i kou pōpilikia.

KA BUKE MUA A MOSE, I KAPA ʻIA KINOHI 18:21

e iho ana au i laila e ʻike, i like paha kā lākou hana ʻana me ka leo no ia wahi i hiki mai ai i oʻu nei; a i ʻole paha, e ʻike auaneʻi hoʻi au.”

KA BUKE MUA A MOSE, I KAPA ʻIA KINOHI 21:17

Hoʻolohe maila ke Akua i ka leo o ke keiki; a kāhea maila ka ʻānela o ke Akua iā Hagara mai ka lani mai, ʻī maila iā ia, “He aha kāu e Hagara? Mai makaʻu ʻoe; no ka mea, ua hoʻolohe mai nō ke Akua i ka leo o ke keiki ma kona wahi i waiho ai.

KA BUKE MUA A MOSE, I KAPA ʻIA KINOHI 29:32

Hāpai ihola ʻo Lea, a hānau maila he keiki kāne, a kapa ihola ia i kona inoa ʻo Reubena; no ka mea, ʻī maila ia, “He ʻoiaʻiʻo, ua nānā mai ʻo Iēhova i kuʻu pōpilikia; ʻānō hoʻi, e aloha mai auaneʻi kaʻu kāne iaʻu.”

KA BUKE MUA A MOSE, I KAPA ʻIA KINOHI 31:12

“ʻĪ maila kēlā, ‘E nānā aku ʻoe e ʻike, ʻo nā kao kāne e lele ana ma luna o nā kao wahine, ua ʻōniʻoniʻo, ua kikokiko, a me ke kīkohukohu; no ka mea, ua ʻike nō wau i ka mea a pau a Labana i hana mai ai iā ʻoe.

KA BUKE MUA A MOSE, I KAPA ʻIA KINOHI 31:42

“Inā ʻaʻole me aʻu ke Akua o koʻu kupuna kāne, ke Akua o ʻAberahama, a ʻo ka makaʻu o ʻIsaʻaka, he ʻoiaʻiʻo, inā ua hoʻihoʻi nele mai ʻoe iaʻu i nēia manawa. Ua ʻike mai nō ke Akua i koʻu pōpilikia, a me ka hana ʻana a koʻu mau lima, a ua pāpā mai iā ʻoe i ka pō nei.”

KA BUKE ʻALUA A SAMUʻELA 22:28

“E hoʻōla auaneʻi ʻoe i ka poʻe i hoʻoluhi ʻia; Akā, ke nānā mai nei kou mau maka i ka poʻe hoʻokiʻekiʻe, e hoʻohaʻahaʻa iho ai.

KA BUKE ʻALUA NO NĀ ALIʻI 13:4

A nonoi akula ʻo Iehoahaza iā Iēhova, a hoʻolohe mai ʻo Iēhova iā ia; no kona ʻike ʻana i ke kaumaha o kā ʻIseraʻela; no ka mea, ua hoʻokaumaha ke aliʻi o Suria iā lākou.

KA BUKE ʻALUA NO NĀ ALIʻI 20:5

“E hoʻi hou, a e ʻōlelo aku ʻoe iā Hezekia, i ke aliʻi o kuʻu poʻe kānaka, ‘Penei ka ʻōlelo a Iēhova ke Akua o Dāvida, ʻo kou kupuna, “Ua lohe au i kāu pule, ua ʻike au i kou waimaka; ʻo wau nō kou kahuna lapaʻau; i ke kolu o ka lā e piʻi aku ʻoe i ka hale o Iēhova.

KA BUKE A NEHEMIA 9:9

¶ “ʻIke akula ʻoe i ka pōpilikia o ko mākou poʻe kūpuna ma ʻAigupita, A hoʻolohe nō hoʻi ʻoe ma ke kai ʻula i ko lākou kāhea ʻana aku.

KA BUKE O NĀ HALELŪ 106:44

¶ A laila, ʻike maila ʻo ia i ko lākou pilikia, Iā ia i lohe ai i ko lākou olo pihe ʻana.

KA BUKE O NĀ HALELŪ 12:6

¶ ʻO nā ʻōlelo a Iēhova, he mau ʻōlelo maʻemaʻe nō ia, Me he kālā lā i hoʻāʻo ʻia i ka umu lepo, ʻehiku ka hoʻomaʻemaʻe ʻana.

KA BUKE O NĀ HALELŪ 142:3

I ka maʻule ʻana o koʻu ʻuhane i loko oʻu, A laila ʻike pono nō ʻoe i koʻu alanui. Ma ke ala aʻu i hele aku ai, hana lākou i hei noʻu.

KA BUKE O NĀ HALELŪ 145:19

E hana mai nō ʻo Iēhova i ka makemake o ka poʻe i makaʻu aku iā ia, E hoʻolohe mai nō hoʻi ʻo ia i kā lākou pule a e hoʻōla iā lākou.

KA BUKE O NĀ HALELŪ 22:24

No ka mea, ʻaʻole ia i hoʻowahāwahā, ʻaʻole hoʻi i hōʻaikola i ka pōʻino o ka mea i hoʻoluhi ʻia; ʻAʻole ia i hūnā aku i kona maka iā ia; Akā, i kona kāhea ʻana aku iā ia, ua hoʻolohe mai nō ia.

KA BUKE O NĀ HALELŪ 34:4

¶ Ua ʻimi aku au iā Iēhova a ua hoʻolohe mai ia iaʻu; Ua hoʻopakele mai ʻo ia iaʻu i kaʻu mau mea e makaʻu ai a pau.

KA BUKE O NĀ HALELŪ 34:6

Kāhea akula kēia kanaka ʻilihune, A hoʻolohe maila ʻo Iēhova iā ia, A hoʻopakele ʻo ia i kona pōpilikia a pau.

KA BUKE O NĀ HALELŪ 35:22

¶ ʻO ia kāu i ʻike mai ai, e Iēhova, mai hakanū ʻoe, E ka Haku, mai noho a mamao aku iaʻu.

KA BUKE O NĀ HALELŪ 9:14

I hōʻike aku au i kou nani a pau, Ma nā puka pā hale o ke kaikamahine a Ziona; E hauʻoli nō hoʻi au i kou ola.

KA BUKE ʻALUA A MOSE, I KAPA ʻIA PUKA ʻANA 1:11

A hoʻonoho aku lākou i nā luna hoʻoluhi ma luna o lākou, i mea e hoʻokaumaha loa ai iā lākou i nā hana nui. A hana ihola lākou i nā kūlanakauhale papaʻa no Paraʻo, ʻo Pitoma, a ʻo Ramese.

KA BUKE ʻALUA A MOSE, I KAPA ʻIA PUKA ʻANA 1:8

¶ A kū maila kekahi aliʻi hou ma ʻAigupita, ʻaʻole i ʻike iā Iosepa.

KA BUKE ʻALUA A MOSE, I KAPA ʻIA PUKA ʻANA 22:23

“Inā hoʻokaumaha iki ʻoe iā lākou, a uē ʻuʻuku mai lākou iaʻu, e ʻoiaʻiʻo nō e hoʻolohe au i ko lākou uē ʻana;

KA BUKE ʻALUA A MOSE, I KAPA ʻIA PUKA ʻANA 33:13

“No laila, ke nonoi aku nei au iā ʻoe, inā i loaʻa iaʻu ka lokomaikaʻi ʻia i kou mau maka, e hōʻike mai ʻoe iaʻu i kou ʻaoʻao, i ʻike aku au iā ʻoe, i loaʻa iaʻu ka lokomaikaʻi ʻia i kou mau maka; a e hoʻomanaʻo hoʻi, ʻo kou aupuni nō kēia poʻe kānaka.”

KA BUKE ʻALUA A MOSE, I KAPA ʻIA PUKA ʻANA 5:10

¶ Hele akula nā luna hoʻoluhi o nā kānaka, a me ko lākou poʻe luna iho, ʻōlelo aʻela i kānaka, ʻī aʻela, “Ke ʻī mai nei ʻo Paraʻo penei, ‘ʻAʻole au e hāʻawi aku i mauʻu iā ʻoukou.

KA BUKE ʻALUA A MOSE, I KAPA ʻIA PUKA ʻANA 5:6

Ia lā nō, kauoha maila ʻo Paraʻo i nā luna hoʻoluhi o nā kānaka; a me ko lākou mau luna iho, ʻī maila,

KA WĀNANA A ʻISAIA 63:9

I ko lākou pōpilikia a pau, ʻaʻole ia he ʻenemi, Akā, na ka ʻānela o kona alo lākou i hoʻōla; A no kona aloha, a no kona lokomaikaʻi, hoʻōla pānaʻi ʻo ia iā lākou; A hāpai aʻela ʻo ia, a kaʻikaʻi akula iā lākou, i nā lā a pau o ka wā kahiko.

KA BUKE ʻAHĀ A MOSE, I KAPA ʻIA NĀ HELU 20:16

‘A i ka wā i hea aku ai mākou iā Iēhova, hoʻolohe maila ʻo ia i ko mākou leo, a hoʻouna maila i ʻānela, a ua hoʻopuka mai iā mākou i waho o ʻAigupita; eia hoʻi mākou ma Kadesa nei, he kūlanakauhale ma ke kihi loa o kou palena.

NĀ ʻOIHANA A KA POʻE LUNAʻŌLELO 7:34

‘I ka nānā ʻana, ua ʻike au i ka pōʻino ʻana o koʻu poʻe kānaka ma ʻAigupita, a ua lohe nō au i ko lākou kaniʻuhū ʻana, a ua iho mai nei au e hoʻopakele iā lākou; e hele mai hoʻi ʻoe, a e hoʻouna aku au iā ʻoe i ʻAigupita».’

ʻO KA ʻEPISETOLE A PAULO KA LUNAʻŌLELO I KO HEBERA 4:15

No ka mea, ʻaʻole iā kākou ke Kahuna i aloha ʻole mai i ko kākou nāwaliwali; akā, ʻo kekahi i hoʻowalewale ʻia aku i nā mea a pau me kākou lā i hoʻowalewale ʻia mai ai, ʻaʻole hoʻi ona hala.

KA BUKE MUA A SAMUʻELA 9:16

“ʻApōpō ma kēia manawa, e hoʻouna aku au i ou lā i kekahi kanaka no ka ʻāina o kā Beniamina, a e poni aku ʻoe iā ia i aliʻi ma luna o kuʻu poʻe kānaka o kā ʻIseraʻela, i hoʻopakele mai ai ia i koʻu poʻe kānaka mai ka lima mai o ko Pilisetia; ua nānā aku au i koʻu poʻe kānaka; no ka mea, ua hiki mai ko lākou uē ʻana i oʻu nei.”