KA BUKE ʻALUA A MOSE, I KAPA ʻIA PUKA ʻANA 3:5 - Ka Baibala Hemolele

⁵ ʻĪ maila kēlā, “Mai hoʻokokoke mai ʻoe; e wehe aʻe ʻoe i kou mau kāmaʻa mai kou mau kapuaʻi aku; no ka mea, ʻo kahi āu e kū nei, he ʻāina hoʻāno ia.”

KA BUKE ʻALUA A MOSE, I KAPA ʻIA PUKA ʻANA 3:5 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 19:12

“A e kau iho ʻoe i pale, no nā kānaka a puni, a e ʻī aku hoʻi, ‘E mālama ʻoukou iā ʻoukou iho, i ko ʻoukou piʻi ʻana i ka mauna, a me ka pā ʻana i kona kihi; ʻo ka mea e pā i ka mauna, he ʻoiaʻiʻo nō e make ia.

KA BUKE ʻALUA A MOSE, I KAPA ʻIA PUKA ʻANA 19:21

ʻĪ maila ʻo Iēhova iā Mose, “E iho ʻoe i lalo, e kauoha aku i kānaka, o hemo mai lākou i o Iēhova nei, e nānā, a hāʻule lākou he nui loa.

KA BUKE ʻALUA A MOSE, I KAPA ʻIA PUKA ʻANA 4:28

Haʻi aʻela ʻo Mose iā ʻAʻarona i nā ʻōlelo a pau a Iēhova, nāna ia i hoʻouna mai, a me nā ʻōuli a pau āna i kauoha mai ai iā ia.

KE KAHUNA 5:1

¶ E mālama ʻoe i kou wāwae i kou hele ʻana i ka hale o ke Akua, e hoʻolohe koke, ʻaʻole hoʻi ʻoe e hāʻawi i ka mōhai a ka poʻe naʻaupō; no ka mea, ʻaʻole lākou i manaʻo pono, ua hana hewa lākou.

KA WĀNANA A IEREMIA 30:21

‘A no lākou iho auaneʻi ko lākou poʻe luna, A e laha aku nō ko lākou kiaʻāina mai loko aku o lākou; A e lawe mai nō wau iā ia a kokoke, A e hoʻokokoke mai nō ʻo ia iaʻu; No ka mea, ʻo wai kēia i hoʻoikaika i kona naʻau e hoʻokokoke mai iaʻu?’ wahi a Iēhova.

KA BUKE ʻAKOLU A MOSE, I KAPA ʻIA ʻOIHANA KAHUNA 10:3

A laila ʻōlelo aʻela ʻo Mose iā ʻAʻarona, “ʻO ka mea kēia a Iēhova i ʻōlelo mai ai, i ka ʻī ʻana, “E hoʻāno ʻia mai nō wau e ka poʻe e hoʻokokoke mai i oʻu nei, A e hoʻonani ʻia mai hoʻi au ma ke alo o nā kānaka a pau.’” A hakanū ihola ʻo ʻAʻarona.

NĀ ʻOIHANA A KA POʻE LUNAʻŌLELO 7:33

“«ʻŌlelo maila ka Haku iā ia, ‘E wehe ʻoe i kou mau kāmaʻa, mai kou mau kapuaʻi aku; no ka mea, ʻo kahi āu e kū nei, he ʻāina hoʻāno ia.

KA BUKE ʻALIMA A MOSE, I KAPA ʻIA KĀNĀWAI LUA 23:14

“No ka mea, e hele ana ʻo Iēhova kou Akua i waena o kou wahi e hoʻomoana ai e hoʻopakele iā ʻoe, a e hoʻolilo i kou poʻe ʻenemi i mua ou; no laila, i maʻemaʻe kou wahi e hoʻomoana ai, o ʻike mai auaneʻi ia i ka mea ʻino i loko ou, a huli aʻe ia mai ou aku lā.

ʻO KA ʻEPISETOLE A PAULO KA LUNAʻŌLELO I KO HEBERA 12:20

(No ka mea, ʻaʻole i hiki iā lākou ke hoʻomanawanui, i ka pāpā ʻana mai, “«Inā e pili ka holoholona i ka mauna e hailuku ʻia ʻo ia, a houhou ʻia paha i ka ihe».”

KA BUKE A IOSUA 5:15

ʻŌlelo maila ke Aliʻi Koa o ko Iēhova pūʻali iā Iosua, “E wehe aʻe ʻoe i kou mau kāmaʻa, mai kou kapuaʻi aku; no ka mea, he wahi hoʻāno kāu e kū nei.” A hana nō ʻo Iosua pēlā.

ʻO KA ʻEPISETOLE HOʻOLAHA ʻALUA A PETERO 1:18

ʻO kēia leo, mai ka lani mai, ʻo ia kā mākou i lohe ai, i ka wā a mākou i noho pū ai me ia, ma ka mauna hoʻāno.