KA BUKE ʻALUA A MOSE, I KAPA ʻIA PUKA ʻANA 3:2 - Ka Baibala Hemolele

² ʻIkea maila e ia ka ʻānela o Iēhova ma loko o ka lapalapa o ke ahi ma waenakonu o ka laʻalāʻau; nānā akula ia, aia hoʻi, e ʻaʻā ana ka laʻalāʻau i ke ahi, ʻaʻole naʻe i pau ka lāʻau.

KA BUKE ʻALUA A MOSE, I KAPA ʻIA PUKA ʻANA 3:2 Iomraidhean Croise

KA BUKE MUA A MOSE, I KAPA ʻIA KINOHI 21:17

Hoʻolohe maila ke Akua i ka leo o ke keiki; a kāhea maila ka ʻānela o ke Akua iā Hagara mai ka lani mai, ʻī maila iā ia, “He aha kāu e Hagara? Mai makaʻu ʻoe; no ka mea, ua hoʻolohe mai nō ke Akua i ka leo o ke keiki ma kona wahi i waiho ai.

KA BUKE MUA A MOSE, I KAPA ʻIA KINOHI 22:11

Kāhea maila ka ʻānela o Iēhova mai ka lani mai, ʻī maila, “E ʻAberahama! E ʻAberahama!” ʻĪ akula kēlā, “Eia wau.”

KA BUKE MUA A MOSE, I KAPA ʻIA KINOHI 48:16

“Na ka ʻānela i hoʻopakele mai iaʻu mai loko mai o ka hewa a pau, E hoʻomaikaʻi ia mau keiki, A e hea ʻia koʻu inoa ma luna o lāua, a me ka inoa o koʻu makua ʻo ʻAberahama, a me ʻIsaʻaka, A e laha loa lāua i poʻe nui i waena o ka honua.”

KA BUKE O NĀ HALELŪ 66:12

Ua hāʻawi mai ʻoe, e hoʻoholo nā kānaka ma luna o ko mākou mau poʻo; Hele aʻela mākou i waena o ke ahi a me ka wai; Akā, ua lawe mai ʻoe iā mākou ma kahi waiwai.

KA BUKE ʻALUA A MOSE, I KAPA ʻIA PUKA ʻANA 19:18

Ma ka mauna a pau i Sinai, he uahi; no ka mea, ua iho mai ʻo Iēhova ma luna ona ma loko o ke ahi; a pūnohu akula kona uahi, me he uahi umu hao lā, haʻalulu nui ihola ka mauna a pau.

KA BUKE ʻALUA A MOSE, I KAPA ʻIA PUKA ʻANA 23:20

¶ “Aia hoʻi, e hoʻouna aku ana au i koʻu ʻānela ma mua ou, e mālama iā ʻoe ma ke ala, a e hoʻokomo iā ʻoe i kahi aʻu i hoʻomākaukau ai.

KA BUKE ʻALUA A MOSE, I KAPA ʻIA PUKA ʻANA 24:17

I nā maka o nā mamo a ʻIseraʻela, i ka nānā ʻana i ka nani o Iēhova, ua like ia me ke ahi e ʻai ana ma ka piko o ka mauna.

KA BUKE ʻALUA A MOSE, I KAPA ʻIA PUKA ʻANA 3:16

“Ō hele ʻoe, a e hoʻākoakoa aʻe i ka poʻe lunakahiko o kā ʻIseraʻela, a e ʻōlelo aku iā lākou, ‘Ua ʻike ʻia aku e aʻu ʻo Iēhova ke Akua o ko ʻoukou poʻe kūpuna, ke Akua o ʻAberahama, ʻo ʻIsaʻaka a ʻo Iakoba; ua ʻōlelo mai ʻo ia, “Ua ʻike ʻiʻo nō au iā ʻoukou, a me ka mea i hana ʻia mai iā ʻoukou ma ʻAigupita.”’

KA WĀNANA A ʻISAIA 43:2

“Iā ʻoe e hele ma waena o nā wai, ʻo wau pū nō me ʻoe; A ma loko hoʻi o nā muliwai, ʻaʻole ʻoe e hālana ʻia iā lākou; Iā ʻoe e hele aʻe ma loko o ke ahi, ʻaʻole ʻoe e wela; ʻAʻole hoʻi e ʻai aku ka lapalapa ahi iā ʻoe.

KA WĀNANA A ʻISAIA 63:9

I ko lākou pōpilikia a pau, ʻaʻole ia he ʻenemi, Akā, na ka ʻānela o kona alo lākou i hoʻōla; A no kona aloha, a no kona lokomaikaʻi, hoʻōla pānaʻi ʻo ia iā lākou; A hāpai aʻela ʻo ia, a kaʻikaʻi akula iā lākou, i nā lā a pau o ka wā kahiko.

KA BUKE NO DANIʻELA 3:27

Ua ʻākoakoa ihola nā aliʻi, a me nā kiaʻāina, a me nā luna koa, a me nā kuhina o ke aliʻi, a ʻike lākou i kēia mau kānaka, ʻaʻole lanakila ke ahi ma luna o ko lākou mau kino, ʻaʻole hoʻi i wela kekahi lauoho o ko lākou mau poʻo, ʻaʻole i ʻaʻā iki ʻia ko lākou kapa, ʻaʻole hoʻi ka hohono ahi i pili iā lākou.

ZEKARIA 13:7

¶ “E ka pahi kaua, e ala kūʻē ʻoe i kuʻu Kahu Hipa, I ke kanaka Hoa oʻu,” wahi a Iēhova o nā kaua. “E hahau i ke Kahu Hipa, a e hoʻoʻauheʻe ʻia nā hipa; E hoʻohuli aku au i kuʻu lima ma luna o ka poʻe liʻiliʻi.

MALAKI 3:1

¶ “Aia hoʻi, e hoʻouna auaneʻi au i koʻu ʻelele, nāna e hoʻomākaukau i ke alanui i mua oʻu; a e hikiwawe mai auaneʻi ka Haku, a ʻoukou e ʻimi nei, i loko o kona luakini, ʻo ia ke ʻelele o ka berita, ʻo ka mea a ʻoukou e makemake nei; ʻeā, e hele mai ana ia,” wahi a Iēhova o nā kaua.

KA ʻEUANELIO I KĀKAU ʻIA AI E MAREKO 12:26

“A no ke ala hou ʻana o ka poʻe make, ʻaʻole anei ʻoukou i heluhelu i loko o ka palapala a Mose, i ka mea a ke Akua i ʻōlelo mai ai iā ia, ma loko o ka lāʻau, ʻī mai, ‘«ʻO wau nō ke Akua o ʻAberahama, a ʻo ke Akua o ʻIsaʻaka, a ʻo ke Akua o Iakoba»’?

KA ʻEUANELIO I KĀKAU ʻIA AI E LUKA 20:37

“A no ka hoʻāla hou ʻana o ka poʻe i make, ua hōʻike mai ʻo Mose ma ka lāʻau i kona kapa ʻana i ka Haku, «ke Akua no ʻAberahama, ke Akua no ʻIsaʻaka, ke Akua no Iakoba».

KA ʻEUANELIO I KĀKAU ʻIA AI E IOANE 1:14

¶ Lilo maila ka Logou i kanaka, a noho ihola me kākou, a ʻike kākou i kona nani, i ka nani o ka hiwahiwa a ke Akua, ua piha i ka lokomaikaʻi a me ka ʻoiaʻiʻo.

ʻO KA ʻEPISETOLE A PAULO KA LUNAʻŌLELO I KO ROMA 8:3

No ka mea, no ka hiki ʻole i ke Kānāwai, no kona nāwaliwali ma ke kino, ʻo ke Akua, i kona hoʻouna ʻana mai i kāna Keiki ponoʻī ma ke ʻano o ke kino hewa, a ma ka mōhai no ka hala, ua hoʻāhewa maila nō ia i ka hewa i loko o ke kino;

KA BUKE ʻALIMA A MOSE, I KAPA ʻIA KĀNĀWAI LUA 33:16

“No nā mea maikaʻi o ka honua, a me kona mea i piha ai, No ka lokomaikaʻi o ka mea i noho ai ma ka lāʻau. E hiki mai ia ma luna o ke poʻo o Iosepa, A ma luna hoʻi o ka piko poʻo o ka mea i hoʻokaʻawale ʻia e kona poʻe hoahānau.

KA BUKE ʻALIMA A MOSE, I KAPA ʻIA KĀNĀWAI LUA 4:20

“Akā, ua lawe mai ʻo Iēhova iā ʻoukou, a ua alakaʻi hoʻi iā ʻoukou mai loko mai o ke kapuahi hao, mai ʻAigupita mai, e lilo ʻoukou i poʻe kānaka hoʻoilina nona, e like me ʻoukou i kēia lā.

ʻO KA ʻEPISETOLE LUA A PAULO KA LUNAʻŌLELO I KO TESALONIKE 1:7

a iā ʻoukou hoʻi ka poʻe i hoʻopōʻino ʻia, i ka hoʻomaha pū me mākou, i ka wā e hōʻike ʻia mai ai ʻo ka Haku ʻo Iesū, mai ka lani mai, me kona poʻe ʻānela mana,

KA BUKE NO NĀ LUNA KĀNĀWAI 13:13

ʻĪ maila ka ʻānela o Iēhova iā Manoa, “E mālama pono ka wahine i nā mea a pau aʻu i ʻōlelo aku ai iā ia.