KA BUKE ʻALUA A MOSE, I KAPA ʻIA PUKA ʻANA 3:13 - Ka Baibala Hemolele

¹³ ¶ Nīnau akula ʻo Mose i ke Akua, “Aia hoʻi, a hiki aku au i nā mamo a ʻIseraʻela, a e ʻōlelo au iā lākou, ʻNa ke Akua o ko ʻoukou poʻe kūpuna ʻo wau i hoʻouna mai i o ʻoukou nei,’ a e nīnau lākou iaʻu, ʻʻO wai kona inoa?’ Pehea lā hoʻi kaʻu e ʻōlelo aku ai iā lākou?”

KA BUKE ʻALUA A MOSE, I KAPA ʻIA PUKA ʻANA 3:13 Iomraidhean Croise

KA BUKE MUA A MOSE, I KAPA ʻIA KINOHI 32:29

Nīnau akula ʻo Iakoba, ʻī akula, “Ke noi aku nei au iā ʻoe, e haʻi mai ʻoe iaʻu i kou inoa.” ʻĪ maila kēlā, “He aha kāu i nīnau mai ai i koʻu inoa?” A hoʻomaikaʻi maila kēlā iā ia i laila.

KA BUKE ʻALUA A MOSE, I KAPA ʻIA PUKA ʻANA 15:3

“He kanaka kaua ʻo Iēhova: ʻO Iēhova nō kona inoa.

KA BUKE ʻALUA A MOSE, I KAPA ʻIA PUKA ʻANA 3:12

ʻĪ maila kēlā, “He ʻoiaʻiʻo, ʻo wau nō kekahi me ʻoe, eia hoʻi ka hōʻailona o koʻu hoʻouna ʻana aku iā ʻoe; i ka wā āu e lawe mai ai i ka poʻe kānaka mai ʻAigupita mai, e hoʻomana auaneʻi ʻoukou i ke Akua ma kēia kuahiwi.”

KA BUKE ʻALUA A MOSE, I KAPA ʻIA PUKA ʻANA 3:14

ʻĪ maila ke Akua iā Mose, “ʻO WAU MAU LOA AKU NŌ.” ʻĪ maila hoʻi ʻo ia, “Penei kāu e ʻōlelo aku ai i nā mamo a ʻIseraʻela, ʻʻO WAU MAU, ʻo ia kai hoʻouna mai iaʻu i o ʻoukou nei.’”

KA BUKE ʻALUA A MOSE, I KAPA ʻIA PUKA ʻANA 3:15

ʻĪ hou maila ke Akua iā Mose, “Penei ʻoe e ʻōlelo aku ai i nā mamo a ʻIseraʻela, ‘Na Iēhova ke Akua o ko ʻoukou poʻe kūpuna, ke Akua o ʻAberahama, ke Akua o ʻIsaʻaka, ke Akua o Iakoba, ʻo wau i hoʻouna mai i o ʻoukou nei! ʻO ia nō koʻu inoa mau loa, ʻo ia hoʻi koʻu mea e hoʻomanaʻo ʻia ai ia hanauna aku ia hanauna aku.

KA BUKE ʻALUA A MOSE, I KAPA ʻIA PUKA ʻANA 7:16

“A e ʻōlelo aku ʻoe iā ia, ‘Ua hoʻouna mai nei ke Akua o ka poʻe Hebera iaʻu i ou nei, ua ʻī mai, “E hoʻokuʻu mai ʻoe i koʻu poʻe kānaka, i hoʻokauā mai lākou naʻu ma ka wao nahele”; aia hoʻi, ʻaʻole ʻoe i manaʻo e hoʻolohe ma mua!

NĀ ʻŌLELO AKAMAI A SOLOMONA 30:4

ʻO wai ka mea i piʻi aʻe i ka lani, a i iho mai hoʻi? ʻO wai ka mea i hoʻoʻiliʻili i ka makani ma kona lima? ʻO wai ka mea i hoʻopaʻa i nā wai ma kona ʻaʻahu? ʻO wai ka mea i hoʻonoho i nā welelau a pau o ka honua? ʻO wai hoʻi kona inoa, ʻo wai ka inoa o kāna keiki? E hōʻike mai paha ʻoe.

KA WĀNANA A ʻISAIA 52:6

“No laila, e ʻike auaneʻi koʻu poʻe kānaka i koʻu inoa; no laila hoʻi, e ʻike nō lākou i kēlā lā, ʻo wau nō ka Mea nāna e ʻōlelo; ʻAia hoʻi, ʻo wau nō.’”

KA WĀNANA A ʻISAIA 7:14

“No laila, na ka Haku ponoʻī nō e hāʻawi mai iā ʻoukou i hōʻailona; aia hoʻi! E hāpai ana nō kekahi wahine puʻupaʻa, a e hānau mai hoʻi ia i keiki, a e kapa aku nō ʻo ia i kona inoa, ʻo ʻImanuʻela.

KA WĀNANA A ʻISAIA 9:6

No ka mea, ua hānau ʻia mai, he keiki no kākou, No kākou i hāʻawi ʻia mai ai, he keiki kāne, Ma luna o kona poʻohiwi ke aupuni; A e kapa ʻia kona inoa, ʻo Kupaianaha, ʻO Kākāʻōlelo, ʻo Keakuamana, ʻO Kamakuamauloa, ʻo Kealiʻiokamalu.

KA WĀNANA A IEREMIA 23:6

“I kona mau lā e hoʻōla ʻia ʻo kā Iuda, A e noho maluhia ʻo kā ʻIseraʻela, A eia hoʻi kona inoa e kapa ʻia mai ai, ‘ʻO IĒHOVA Ko Kākou Pono.’

KA ʻEUANELIO I KĀKAU ʻIA AI E MATAIO 1:21

“A e hānau mai ʻo ia i Keiki Kāne, a e kapa aku ʻoe i kona inoa ʻo Iesū; no ka mea, e hoʻōla ia i kona poʻe kānaka mai ko lākou hewa.”

KA ʻEUANELIO I KĀKAU ʻIA AI E MATAIO 1:23

“«Aia hoʻi, e hāpai ana kekahi wahine puʻupaʻa, a e hānau mai ia i Keiki Kāne, a e kapa ʻia kona inoa ʻo ʻEmanuʻela»;” ʻo ke ʻano kēia, “«ʻo ke Akua me kākou».”

NĀ ʻOIHANA A KA POʻE LUNAʻŌLELO 3:13

“ʻO ke Akua o ʻAberahama, a ʻo ʻIsaʻaka, a ʻo Iakoba, ʻo ke Akua o ko kākou poʻe kūpuna, ua hoʻonani maila ia i kāna Keiki iā Iesū, i ka Mea a ʻoukou i kumakaia aku ai, a hōʻole aku iā ia i mua i ke alo o Pilato, i ka wā i manaʻo iho ai ʻo ia e hoʻokuʻu iā ia.

KA BUKE NO NĀ LUNA KĀNĀWAI 13:17

ʻĪ akula ʻo Manoa i ka ʻānela o Iēhova, “ʻO wai kou inoa? I hoʻomaikaʻi aku ai māua iā ʻoe i ka wā e kō ai kāu mau ʻōlelo.”

KA BUKE NO NĀ LUNA KĀNĀWAI 13:6

A laila, hele aʻela ka wahine, a haʻi aʻela i kāna kāne, ʻī aʻela, “Ua hele mai nei ke Kanaka o ke Akua iaʻu, ua like kona helehelena me ka helehelena o ka ʻānela o ke Akua, weliweli loa. ʻAʻole au i nīnau aku iā ia i kona wahi, ʻaʻole hoʻi ia i haʻi mai iaʻu i kona inoa.