KA BUKE ʻALUA A MOSE, I KAPA ʻIA PUKA ʻANA 3:12 - Ka Baibala Hemolele

¹² ʻĪ maila kēlā, “He ʻoiaʻiʻo, ʻo wau nō kekahi me ʻoe, eia hoʻi ka hōʻailona o koʻu hoʻouna ʻana aku iā ʻoe; i ka wā āu e lawe mai ai i ka poʻe kānaka mai ʻAigupita mai, e hoʻomana auaneʻi ʻoukou i ke Akua ma kēia kuahiwi.”

KA BUKE ʻALUA A MOSE, I KAPA ʻIA PUKA ʻANA 3:12 Iomraidhean Croise

KA BUKE MUA A MOSE, I KAPA ʻIA KINOHI 15:1

¶ Ma hope mai o ia mau mea, hiki maila ka ʻōlelo a Iēhova iā ʻAberama ma ka hihiʻo, ʻī maila, “Mai makaʻu ʻoe, e ʻAberama, ʻo wau nō kou pale kaua a me kāu uku nui loa.”

KA BUKE MUA A MOSE, I KAPA ʻIA KINOHI 15:8

ʻĪ akula ia, “E ka Haku, e Iēhova ē, pehea lā au e ʻike ai, e ili mai ana kēia ʻāina noʻu?”

KA BUKE MUA A MOSE, I KAPA ʻIA KINOHI 26:3

“E noho ʻoe ma kēia ʻāina, a me ʻoe pū nō wau, a e hoʻopōmaikaʻi aku nō wau iā ʻoe; no ka mea, e hāʻawi aku auaneʻi au nou, a no kāu poʻe mamo i kēia mau ʻāina a pau; a e hoʻokō auaneʻi au i ka hoʻohiki ʻana aʻu i hoʻohiki ai i kou makua kāne iā ʻAberahama.

KA BUKE MUA A MOSE, I KAPA ʻIA KINOHI 31:3

ʻŌlelo maila hoʻi ʻo Iēhova iā Iakoba, “E hoʻi hou aku ʻoe i ka ʻāina o kou poʻe mākua, a i nā hoahānau ou; a ʻo wau kekahi pū me ʻoe.”

KA BUKE ʻALUA NO NĀ ALIʻI 19:29

¶ ‘ʻO kēia ka hōʻailona iā ʻoe, e ʻai ʻoukou i kēia makahiki i ka ʻai ulu wale, a ia makahiki aku i ka mea ulu wale; a i ke kolu o ka makahiki e lūlū ʻoukou, a e hōʻiliʻili, a e kanu i nā māla waina, a e ʻai i kona hua.

KA BUKE MUA O KA ʻOIHANA ALIʻI 9:20

A ʻo Pinehasa ke keiki a ʻEleazara ka luna o lākou, i ka manawa ma mua, a me ia pū nō ʻo Iēhova.

KA BUKE O NĀ HALELŪ 86:17

E hāʻawi mai ʻoe i hōʻailona no ka maikaʻi, I ʻike mai ka poʻe i huhū iaʻu, a hilahila; No ka mea, ua kōkua mai ʻoe iaʻu, e Iēhova, A ua hōʻoluʻolu mai nō hoʻi iaʻu.

KA BUKE ʻALUA A MOSE, I KAPA ʻIA PUKA ʻANA 18:5

Hele maila i o Mose lā ʻo Ietero, ka makuahōnōwai kāne o Mose, a me kāna mau keiki kāne, a me kāna wahine, ma ka wao nahele, i kahi āna i hoʻomoana ai ma ka mauna o ke Akua.

KA BUKE ʻALUA A MOSE, I KAPA ʻIA PUKA ʻANA 3:1

¶ Hānai ihola ʻo Mose i nā holoholona a Ietero a kona makuahōnōwai kāne, a ke kahuna ma Midiana; alakaʻi akula nō ia i nā holoholona ma ke kua o ka wao nahele, a hiki akula i ke kuahiwi o ke Akua, i Horeba.

KA BUKE ʻALUA A MOSE, I KAPA ʻIA PUKA ʻANA 3:13

¶ Nīnau akula ʻo Mose i ke Akua, “Aia hoʻi, a hiki aku au i nā mamo a ʻIseraʻela, a e ʻōlelo au iā lākou, ʻNa ke Akua o ko ʻoukou poʻe kūpuna ʻo wau i hoʻouna mai i o ʻoukou nei,’ a e nīnau lākou iaʻu, ʻʻO wai kona inoa?’ Pehea lā hoʻi kaʻu e ʻōlelo aku ai iā lākou?”

KA BUKE ʻALUA A MOSE, I KAPA ʻIA PUKA ʻANA 33:14

ʻĪ maila kēlā, “E hele pū nō koʻu maka, a naʻu nō ʻoe e hoʻomaha aku.”

KA BUKE ʻALUA A MOSE, I KAPA ʻIA PUKA ʻANA 4:12

“No laila, ō hele, a ʻo wau pū nō me kou waha, e aʻo aku ana iā ʻoe i ka mea āu e ʻōlelo aku ai.”

KA BUKE ʻALUA A MOSE, I KAPA ʻIA PUKA ʻANA 4:15

“Nāu e ʻōlelo aku iā ia, a e waiho aku i nā hua ma kona waha; a ʻo wau pū nō me kou waha, a me kona waha, a e aʻo aku iā ʻolua i kā ʻolua mea e hana ai.

KA BUKE ʻALUA A MOSE, I KAPA ʻIA PUKA ʻANA 8:27

“E hele nō mākou i ʻekolu lā hele i loko o ka wao nahele, a e kaumaha aku na Iēhova ko mākou Akua, e like me kāna e kauoha mai ai iā mākou.”

KA WĀNANA A ʻISAIA 37:30

¶ “E lilo nō hoʻi kēia i hōʻailona nou; e ʻai nō ʻoukou i kēia makahiki i nā mea ulu wale, a i ka lua o ka makahiki, i nā mea i ulu aʻe mai ia mau mea mai; a i ke kolu o ka makahiki, e lūlū hua ʻoukou, a e hōʻiliʻili hua hoʻi, e kanu nō hoʻi ʻoukou i nā pā waina, a e ʻai iho i ko laila hua.

KA WĀNANA A ʻISAIA 41:10

‘Mai makaʻu ʻoe; no ka mea, ʻo wau pū nō me ʻoe; Mai weliweli hoʻi; no ka mea, ʻo wau nō kou Akua. Naʻu nō i hoʻoikaika aku iā ʻoe, A naʻu hoʻi ʻoe i kōkua aku; Ua hoʻokūpaʻa aku au iā ʻoe i ka lima ʻākau o koʻu pono.’

KA WĀNANA A ʻISAIA 43:2

“Iā ʻoe e hele ma waena o nā wai, ʻo wau pū nō me ʻoe; A ma loko hoʻi o nā muliwai, ʻaʻole ʻoe e hālana ʻia iā lākou; Iā ʻoe e hele aʻe ma loko o ke ahi, ʻaʻole ʻoe e wela; ʻAʻole hoʻi e ʻai aku ka lapalapa ahi iā ʻoe.

KA WĀNANA A ʻISAIA 7:14

“No laila, na ka Haku ponoʻī nō e hāʻawi mai iā ʻoukou i hōʻailona; aia hoʻi! E hāpai ana nō kekahi wahine puʻupaʻa, a e hānau mai hoʻi ia i keiki, a e kapa aku nō ʻo ia i kona inoa, ʻo ʻImanuʻela.

KA WĀNANA A IEREMIA 1:8

“Mai makaʻu i ko lākou maka; No ka mea, ʻo wau pū nō me ʻoe, e hoʻopakele iā ʻoe,” wahi a Iēhova.

KA BUKE ʻAHĀ A MOSE, I KAPA ʻIA NĀ HELU 16:28

ʻĪ akula ʻo Mose, “Ma kēia mea e ʻike ai ʻoukou, ʻo wau nō kā Iēhova i hoʻouna mai nei e hana i kēia mau hana a pau; no ka mea, ʻaʻole ia na kuʻu manaʻo iho.

KA BUKE ʻAHĀ A MOSE, I KAPA ʻIA NĀ HELU 23:21

“ʻAʻole ia i ʻike i ka hewa i loko o kā Iakoba, ʻAʻole hoʻi ʻo ia i ʻike i ke kekeʻe i loko o kā ʻIseraʻela. Me ia nō ʻo Iēhova ʻo kona Akua, I waena hoʻi o lākou ka hoʻōho aliʻi.

KA ʻEUANELIO I KĀKAU ʻIA AI E MATAIO 28:20

e aʻo aku ana iā lākou e mālama i nā mea a pau aʻu i kauoha aku ai iā ʻoukou. Aia hoʻi, ʻo wau nō me ʻoukou i nā manawa a pau, a hiki i ka hopena o kēia ao. ʻĀmene.”

KA ʻEUANELIO I KĀKAU ʻIA AI E MAREKO 16:20

Hele aʻe lākou, a aʻo akula ma nā wahi a pau; hana pū maila nō hoʻi ka Haku me lākou, e hōʻoiaʻiʻo ana i ka ʻōlelo, me nā hana mana e pili ana. ʻĀmene.

NĀ ʻOIHANA A KA POʻE LUNAʻŌLELO 11:21

ʻO ka lima pū o ka Haku kekahi me lākou; nui loa ihola ka poʻe i manaʻoʻiʻo aku, a huli i ka Haku.

NĀ ʻOIHANA A KA POʻE LUNAʻŌLELO 7:7

“‘«A ʻo ka lāhui kanaka a lākou i hoʻokauā ai, naʻu nō ia e hoʻopaʻi aku,’ wahi a ke Akua; ‘A ma hope iho o kēia mau mea, e puka mai lākou i waho, a e mālama mai iaʻu ma kēia wahi».’

ʻO KA ʻEPISETOLE A PAULO KA LUNAʻŌLELO I KO ROMA 8:31

¶ He aha hoʻi kā kākou e ʻōlelo ai no kēia mau mea? A ʻo ke Akua me kākou, ʻo wai lā ke kūʻē mai iā kākou?

KA BUKE ʻALIMA A MOSE, I KAPA ʻIA KĀNĀWAI LUA 31:23

¶ A kauoha akula ʻo ia iā Iosua i ke keiki a Nuna, ʻī akula, “E ikaika ʻoe, e koa hoʻi; no ka mea, nāu nō e hoʻokomo nā mamo a ʻIseraʻela i loko o ka ʻāina aʻu i hoʻohiki ai iā lākou; a ʻo wau pū kekahi me ʻoe.”

ʻO KA ʻEPISETOLE A PAULO KA LUNAʻŌLELO I KO HEBERA 13:5

E noho ʻoukou me ka puni kālā ʻole, ʻoluʻolu nō i nā mea i loaʻa iā ʻoukou; no ka mea, ua ʻōlelo mai ʻo ia, “«ʻAʻole loa au e hoʻonele aku iā ʻoe, ʻaʻole hoʻi e haʻalele iā ʻoe»;”

KA BUKE A IOSUA 1:5

“ʻAʻole loa e hiki i kekahi kanaka ke kū i mua ou, i nā lā a pau o kou ola ʻana. Me aʻu i noho pū ai me Mose, pēlā nō wau me ʻoe. ʻAʻole au e waiho aku, ʻaʻole hoʻi e haʻalele iā ʻoe.

KA BUKE NO NĀ LUNA KĀNĀWAI 6:12

ʻIkea akula ka ʻānela o ka Haku e ia, ʻī maila iā ia, “Eia pū nō me ʻoe ʻo Iēhova, e ke kanaka koa loa!”

KA BUKE NO NĀ LUNA KĀNĀWAI 6:16

ʻĪ maila ʻo Iēhova iā ia, “ʻO wau pū kekahi me ʻoe, a e luku aku ʻoe i ko Midiana, e like me ke kanaka hoʻokahi.”

KA BUKE NO NĀ LUNA KĀNĀWAI 6:17

ʻĪ akula kēia iā ia, “Inā i loaʻa iaʻu ka lokomaikaʻi ʻia mai i mua ou, e hāʻawi mai ʻoe i hōʻailona no kou kamaʻilio ʻana mai iaʻu.”

KA BUKE NO NĀ LUNA KĀNĀWAI 6:21

A laila, ʻō akula ka ʻānela o Iēhova i ka wēlau o ke koʻokoʻo, ma kona lima, a hoʻopā ihola i ka ʻiʻo, a me ka palaoa hū ʻole; a piʻi aʻela ke ahi, mai loko aʻe o ka pōhaku, a hoʻopau aʻela i ka ʻiʻo, a me ka palaoa hū ʻole. A laila, hele akula ka ʻānela o ka Haku, mai kona alo aku.

KA BUKE NO NĀ LUNA KĀNĀWAI 7:11

“E hoʻolohe ʻoe i ka mea a lākou e ʻōlelo ai, a ma hope iho, e ikaika auaneʻi kou lima ke iho i lalo i ka pūʻali.” A laila, iho akula ia i lalo me Pura kona kanaka, a hiki i ka wēlau o ka poʻe kaua ma ka pūʻali.

KA BUKE MUA A SAMUʻELA 14:10

“Akā, i ʻōlelo mai lākou iā kāua pēnēia, ‘E piʻi mai ʻolua i o mākou nei’; a laila e piʻi aku kāua; no ka mea, ua hoʻolilo mai ʻo Iēhova iā lākou i ko kāua lima; a ʻo ia ka hōʻailona no kāua.”