KA BUKE ʻALUA A MOSE, I KAPA ʻIA PUKA ʻANA 3:11 - Ka Baibala Hemolele

¹¹ ʻĪ akula ʻo Mose i ke Akua, “ʻO wai lā wau, i hele aku ai au i o Paraʻo lā, a i lawe mai ai hoʻi au i nā mamo a ʻIseraʻela mai loko mai o ʻAigupita?”

KA BUKE ʻALUA A MOSE, I KAPA ʻIA PUKA ʻANA 3:11 Iomraidhean Croise

KA BUKE ʻALUA A SAMUʻELA 7:18

¶ A laila komo akula ʻo Dāvida ke aliʻi i loko, a noho ihola i mua o Iēhova, a ʻōlelo akula, “ʻO wai lā hoʻi wau, e ka Haku e Iēhova? He aha hoʻi koʻu ʻohana i mālama mai ai ʻoe iaʻu a hiki i nēia wā?

KA BUKE MUA NO NĀ ALIʻI 3:7

“ʻĀnō hoʻi e Iēhova koʻu Akua, ua hoʻolilo mai ʻoe i kāu kauā nei i aliʻi ma kahi o Dāvida koʻu makua kāne; he keiki ʻuʻuku wale nō au; ʻaʻole ʻike au i ka hele aku, ʻaʻole hoʻi i ka hoʻi mai.

KA BUKE MUA NO NĀ ALIʻI 3:9

“No laila, e hāʻawi mai ʻoe i naʻauao i kāu kauā nei e hoʻomalu i kou poʻe kānaka, i hiki iaʻu ke hoʻokaʻawale ma waena o ka pono a me ka hewa; no ka mea, ʻo wai lā ka mea e hiki iā ia ke hoʻoponopono i kou lāhui kanaka he nui loa me nēia?”

KA BUKE MUA O KA ʻOIHANA ALIʻI 29:14

“ʻO wai hoʻi wau, ʻo wai hoʻi koʻu poʻe kānaka, i hiki ai iā mākou ke hāʻawi ʻoluʻolu aku me kēia? No ka mea, nou mai nā mea a pau, a ʻo kāu kā mākou i hāʻawi aku ai iā ʻoe.

KA BUKE ʻALUA A MOSE, I KAPA ʻIA PUKA ʻANA 6:12

ʻŌlelo aku ʻo Mose i mua o Iēhova, ʻī akula, “Aia hoʻi, ʻaʻole i hoʻolohe mai nā mamo a ʻIseraʻela iaʻu, pehea lā hoʻi e hoʻolohe mai ai ʻo Paraʻo iaʻu, i ka mea lehelehe hemahema?”

KA WĀNANA A IEREMIA 1:6

A laila, ʻī ihola au, “Auē, e ka Haku, e Iēhova! Aia hoʻi, ʻaʻole au i ʻike i ka ʻōlelo; no ka mea, he keiki nō wau.”

ʻO KA ʻEPISETOLE LUA A PAULO KA LUNAʻŌLELO I KO KORINETO 2:16

No kēia poʻe, he mea ʻala make mākou e make ai; no kēlā poʻe hoʻi, he mea ʻala ola e ola ai; ʻo wai lā hoʻi ka mea e pono iā ia kēia mau mea?

ʻO KA ʻEPISETOLE LUA A PAULO KA LUNAʻŌLELO I KO KORINETO 3:5

ʻAʻole hoʻi e hiki iā mākou kekahi mea ma ko mākou noʻonoʻo ʻana, ʻo mākou wale; akā, ʻo ke Akua nō ko mākou mea e hiki ai.

KA BUKE NO NĀ LUNA KĀNĀWAI 6:15

ʻĪ akula kēia iā ia, “E kuʻu Haku, pehea lā wau e hoʻōla ai i kā ʻIseraʻela? He nāwaliwali koʻu hanauna i kā Manase a pau; a ua liʻiliʻi au i loko o ka hale o koʻu makua.”

KA BUKE MUA A SAMUʻELA 18:18

ʻĪ akula ʻo Dāvida iā Saula, “ʻO wai lā ʻo wau? A he aha hoʻi koʻu ola, a me ko ka hale o koʻu makua kāne i waena o kā ʻIseraʻela, i lilo ai au i hūnōna kāne na ke aliʻi?”