KA BUKE ʻALUA A MOSE, I KAPA ʻIA PUKA ʻANA 3:10 - Ka Baibala Hemolele

¹⁰ “No laila lā, e hele mai ʻoe, a naʻu nō ʻoe e hoʻouna aku i o Paraʻo lā, i lawe mai ai ʻoe i oʻu poʻe kānaka, i nā mamo a ʻIseraʻela mai loko aʻe o ʻAigupita.”

KA BUKE ʻALUA A MOSE, I KAPA ʻIA PUKA ʻANA 3:10 Iomraidhean Croise

KA BUKE MUA A MOSE, I KAPA ʻIA KINOHI 15:13

ʻŌlelo maila ia iā ʻAberama, “E ʻike pono ʻoe, e lilo ana kāu poʻe mamo i malihini ma ka ʻāina ʻē ʻaʻole no lākou, a e hoʻokauā aku na lākou; a e hōʻino ʻia mai lākou e kēlā poʻe i nā haneri makahiki ʻehā.

KA BUKE MUA A MOSE, I KAPA ʻIA KINOHI 15:14

“A ʻo ua lāhui kanaka lā nāna lākou e hoʻoluhi mai, naʻu lākou e hoʻohewa aku; a ma hope iho, e puka mai lākou i waho me ka waiwai nui.

KA BUKE O NĀ HALELŪ 105:26

Hoʻouna maila ʻo ia iā Mose, i kāna kauā, Iā ʻAʻarona hoʻi, ka mea āna i wae mai ai.

KA BUKE O NĀ HALELŪ 77:20

Alakaʻi aku nō ʻoe i kou poʻe me he ʻohana hipa lā, Ma ka lima o Mose mā lāua ʻo ʻAʻarona.

KA BUKE ʻALUA A MOSE, I KAPA ʻIA PUKA ʻANA 12:40

¶ ʻO ka noho ʻana o nā mamo a ʻIseraʻela, i noho ai lākou ma ʻAigupita, ʻehā haneri makahiki a me ke kanakolu.

KA BUKE ʻALUA A MOSE, I KAPA ʻIA PUKA ʻANA 12:41

A pau akula ia mau makahiki ʻehā haneri a me ke kanakolu, ia lā nō, hele maila ka poʻe koa a pau o Iēhova, mai ka ʻāina mai ‘o ʻAigupita.

KA BUKE ʻALUA A MOSE, I KAPA ʻIA PUKA ʻANA 33:12

¶ ʻĪ akula ʻo Mose iā Iēhova, “E nānā hoʻi, ke ʻōlelo mai nei ʻoe iaʻu, ‘E kaʻi mai ʻoe i kēia poʻe kānaka’; ʻaʻole naʻe ʻoe i hōʻike mai iaʻu i ka mea āu e hoʻouna pū ai me aʻu. Akā, ua ʻōlelo mai nō, ‘Ua ʻike nō wau iā ʻoe ma ka inoa, a e loaʻa iā ʻoe ka lokomaikaʻi ʻia i koʻu mau maka.’

KA BUKE ʻALUA A MOSE, I KAPA ʻIA PUKA ʻANA 33:13

“No laila, ke nonoi aku nei au iā ʻoe, inā i loaʻa iaʻu ka lokomaikaʻi ʻia i kou mau maka, e hōʻike mai ʻoe iaʻu i kou ʻaoʻao, i ʻike aku au iā ʻoe, i loaʻa iaʻu ka lokomaikaʻi ʻia i kou mau maka; a e hoʻomanaʻo hoʻi, ʻo kou aupuni nō kēia poʻe kānaka.”

KA BUKE ʻALUA A MOSE, I KAPA ʻIA PUKA ʻANA 6:26

ʻO ia ʻo ua ʻAʻarona lā lāua ʻo ua Mose lā, nā mea a Iēhova i ʻōlelo mai ai, “E lawe mai ʻolua i nā mamo a ʻIseraʻela mai ʻAigupita mai, ma ko lākou poʻe kaua.”

HOSEA 12:13

A ma ke kāula i lawe mai ai ʻo Iēhova i kā ʻIseraʻela mai ʻAigupita mai, A ma ke kāula i mālama mai ai ʻo ia iā ia.

MIKA 6:4

“No ka mea, ua lawe mai au iā ʻoe mai ka ʻāina ʻo ʻAigupita mai, A ua hoʻōla au iā ʻoe ma ka hale o nā kauā mai; A ua hoʻouna aku au i mua ou iā Mose, iā ʻAʻarona, a me Miriama.

NĀ ʻOIHANA A KA POʻE LUNAʻŌLELO 7:34

‘I ka nānā ʻana, ua ʻike au i ka pōʻino ʻana o koʻu poʻe kānaka ma ʻAigupita, a ua lohe nō au i ko lākou kaniʻuhū ʻana, a ua iho mai nei au e hoʻopakele iā lākou; e hele mai hoʻi ʻoe, a e hoʻouna aku au iā ʻoe i ʻAigupita».’

NĀ ʻOIHANA A KA POʻE LUNAʻŌLELO 7:36

“Nāna nō lākou i alakaʻi i waho, e hana ana i nā mea kupanaha, a me nā hōʻailona ma ka ʻāina ʻo ʻAigupita, a me ke Kai ʻUla, a ma ka wao nahele i nā makahiki hoʻokahi kanahā.

NĀ ʻOIHANA A KA POʻE LUNAʻŌLELO 7:6

“ʻĪ maila ke Akua penei, «e noho malihini ana kāna poʻe mamo ma ka ʻāina ʻē; a e hoʻoluluhi pio ʻia i laila, a e hoʻomāinoino ʻia mai lākou, i nā makahiki ʻehā haneri».

NĀ ʻOIHANA A KA POʻE LUNAʻŌLELO 7:7

“‘«A ʻo ka lāhui kanaka a lākou i hoʻokauā ai, naʻu nō ia e hoʻopaʻi aku,’ wahi a ke Akua; ‘A ma hope iho o kēia mau mea, e puka mai lākou i waho, a e mālama mai iaʻu ma kēia wahi».’

KA BUKE NO NĀ LUNA KĀNĀWAI 6:14

Nānā maila ʻo Iēhova iā ia, ʻī maila, “Ma kēia mana ou, e hele ai ʻoe, a e hoʻōla nō ʻoe i kā ʻIseraʻela mai ka lima aʻe o ko Midiana. ʻAʻole anei au i hoʻouna aku iā ʻoe?”

KA BUKE MUA A SAMUʻELA 12:6

¶ ʻŌlelo akula ʻo Samuʻela i nā kānaka, “ʻO Iēhova nō ka mea nāna i hoʻonoho mai ʻo Mose a me ʻAʻarona, a nāna hoʻi i lawe mai ko ʻoukou poʻe kūpuna mai ka ʻāina ʻo ʻAigupita mai.

KA BUKE MUA A SAMUʻELA 12:8

“I ka manawa a Iakoba i hele ai ma ʻAigupita, a i uē ai ko ʻoukou poʻe kūpuna iā Iēhova, a laila hoʻouna maila ʻo Iēhova iā Mose a me ʻAʻarona, a na lāua i alakaʻi ko ʻoukou mau kūpuna mai ʻAigupita mai, a hoʻonoho iā lākou ma kēia wahi.