KA BUKE ʻALUA A MOSE, I KAPA ʻIA PUKA ʻANA 27:9 - Ka Baibala Hemolele

⁹ ¶ “E hana nō hoʻi ʻoe i kahua no ka halelewa; no ka ʻaoʻao hema, ma ke kūkulu ʻākau, i mau pākū no ke kahua, he olonā i hilo ʻia, hoʻokahi haneri kūbita ka lōʻihi no ka ʻaoʻao hoʻokahi.

KA BUKE ʻALUA A MOSE, I KAPA ʻIA PUKA ʻANA 27:9 Iomraidhean Croise

KA BUKE MUA NO NĀ ALIʻI 6:36

Hana ihola hoʻi ʻo ia i ka pā hale loko, me nā lālani ʻekolu o nā pōhaku i kālai ʻia, a me ka lālani lāʻau kedera.

KA BUKE MUA NO NĀ ALIʻI 8:64

Ia lā nō, i hoʻolaʻa ai ke aliʻi i ka waena o ka pā hale ma ke alo o ka hale o Iēhova; no ka mea, ma laila i kaumaha ai ʻo ia i nā mōhai kuni, a me nā mōhai ʻai, a me ke kaikea o nā mōhai hoʻomalu; no ka mea, ʻo ke kuahu keleawe ka mea ma ke alo o Iēhova, he ʻuʻuku ia i ʻole ai e hiki iā ia nā mōhai kuni, a me nā mōhai ʻai, a me ke kaikea o nā mōhai hoʻomalu.

KA BUKE ʻALUA O KA ʻOIHANA ALIʻI 33:5

A kūkulu ia i nā kuahu no ko ke aouli a pau ma loko o nā pā ʻelua o ka hale o Iēhova.

KA BUKE ʻALUA O KA ʻOIHANA ALIʻI 4:9

Hana hoʻi ia i ka pā hale no nā kāhuna a me ka pā hale nui, a me nā puka no ka pā hale, a uhi ʻo ia i ko laila mau puka i ke keleawe.

KA BUKE O NĀ HALELŪ 100:4

¶ E komo ʻoukou i loko o kona ʻīpuka me ka mililani, A i loko hoʻi o kona kahua me ka halelū; E mililani aku iā ia, a e hoʻomaikaʻi aku hoʻi i kona inoa.

KA BUKE O NĀ HALELŪ 116:19

Ma nā kahua o ka hale o Iēhova, Ma waenakonu ou, e Ierusalema. E halelū aku ʻoukou iā Iēhova!

KA BUKE O NĀ HALELŪ 84:10

No ka mea, ua ʻoi aku ka maikaʻi o ka lā hoʻokahi ma kou hale ma mua o ka tausani. Ua ʻoi aku koʻu makemake i ke kiaʻi puka ma ka hale o koʻu Akua, Ma mua o ka noho ʻana ma nā halelewa o ka poʻe hewa.

KA BUKE O NĀ HALELŪ 92:13

ʻO ka poʻe i kanu ʻia ma ka hale o Iēhova, E ulu nō lākou ma nā kahua o ko kākou Akua.

KA BUKE ʻALUA A MOSE, I KAPA ʻIA PUKA ʻANA 27:10

“A ʻo kona mau pou, he iwakālua, me ko lākou mau kumu he iwakālua, ʻo ke keleawe; ʻo nā lou o nā kia, a me nā ʻaukā e paʻa ai, he kālā.

KA BUKE ʻALUA A MOSE, I KAPA ʻIA PUKA ʻANA 35:17

i nā pākū o ke kahua, a me kona mau kia, a me ko lākou mau kumu, a me ka pākū no ka puka o ke kahua;

KA BUKE ʻALUA A MOSE, I KAPA ʻIA PUKA ʻANA 36:17

A hana ihola nō ʻo ia i kanalima puka lou ma ke kaʻe loa o kekahi pale ma ka hui ʻana, a hana nō hoʻi ʻo ia i kanalima puka lou ma ke kaʻe o ka pale i hui me ka lua.

KA BUKE ʻALUA A MOSE, I KAPA ʻIA PUKA ʻANA 39:40

i nā pale o ke kahua, a me kona mau pou, a me kona mau kumu, a me ka pale no ka puka o ke kahua, a me kona mau kaula, a me kona mau mākia, a me nā mea hana a pau no ka halelewa, no ka hale lole o ke anaina kanaka;

KA BUKE ʻALUA A MOSE, I KAPA ʻIA PUKA ʻANA 40:33

A kūkulu nō hoʻi ʻo ia i ka pākū kahua a puni ka halelewa a me ke kuahu, a kau akula i ka pale o ka puka o ke kahua; pēlā ʻo Mose i hoʻopau ai i ka hana.

KA BUKE ʻALUA A MOSE, I KAPA ʻIA PUKA ʻANA 40:8

“A e kūkulu ʻoe i ka pākū kahua a pau, a e kau aku i ka pale ma ka puka o ke kahua;

KA WĀNANA A ʻEZEKIʻELA 40:14

Hana aʻela hoʻi ʻo ia i nā kia, kanaono kūbita a hiki i ke kia o ka lānai o ka ʻīpuka a puni.

KA WĀNANA A ʻEZEKIʻELA 40:17

¶ A laila lawe mai ʻo ia iaʻu i loko o ka pā hale ma waho, aia hoʻi, nā keʻena, a me ke keʻehana i hana ʻia no ka pā hale a puni; he kanakolu keʻena ma luna iho nō o ke keʻehana.

KA WĀNANA A ʻEZEKIʻELA 40:20

¶ A ʻo ka ʻīpuka o ka pā hale ma waho, e huli ana i ke kūkulu ʻākau, ana akula ʻo ia ia i kona loa a me kona laulā.

KA WĀNANA A ʻEZEKIʻELA 40:23

A ʻo ka ʻīpuka o ka pā hale loko, ua kū pono ia i ka ʻīpuka ma ke kūkulu ʻākau, a ma ka hikina; a ana aʻela ʻo ia mai kekahi ʻīpuka a i kekahi ʻīpuka hoʻokahi haneri kūbita.

KA WĀNANA A ʻEZEKIʻELA 40:28

¶ A lawe aʻela ʻo ia iaʻu i ka pā hale i loko, ma ka ʻīpuka ma ka ʻaoʻao kūkulu hema; a ana aʻela ʻo ia i ka ʻīpuka ma ka ʻaoʻao kūkulu hema, ma muli o kēlā mau ana ʻana.

KA WĀNANA A ʻEZEKIʻELA 40:32

¶ Lawe aʻela nō hoʻi ʻo ia iaʻu i loko o ka pā hale loko ma ka hikina; a ana aʻela ʻo ia i ka ʻīpuka ma muli o kēia mau ana ʻana.

KA WĀNANA A ʻEZEKIʻELA 40:44

¶ A ma waho aʻe o ka ʻīpuka loko nā keʻena o ka poʻe hīmeni ma loko o ka pā hale loko, ma ka ʻaoʻao o ka ʻīpuka kūkulu ʻākau; ʻo ko lākou nānā ʻana ma ke kūkulu hema ia; a ʻo kekahi ma ka ʻaoʻao o ka ʻīpuka hikina, e nānā ana i ke kūkulu ʻākau.

KA WĀNANA A ʻEZEKIʻELA 42:3

E kū pono ana hoʻi i nā kūbita he iwakālua no ka pā hale i loko, a kū pono ana hoʻi i ke keʻehana no ka pā hale ma waho, he ʻanuʻu e kū pono ana i ke ʻanuʻu, ʻekolu papa.

KA BUKE ʻAHĀ A MOSE, I KAPA ʻIA NĀ HELU 3:26

a me nā pākū o ka pā, a me ka pale no ka puka o ka pā, ka mea e pili ana ma ka halelewa a ma ke kuahu a puni, a me kona mau kaula no nā ʻoihana a pau ona.

KA BUKE ʻAHĀ A MOSE, I KAPA ʻIA NĀ HELU 4:26

a me nā pākū o ka pā, a me ka pākū no ka puka o ka pā, ma ka halelewa a ma ke kuahu a puni, a me ko lākou mau kaula, a me nā ipu a lākou i lawehana ai, a me nā mea a pau i hana ʻia no ia mau mea; pēlā nō lākou e hana ai.

KA BUKE ʻAHĀ A MOSE, I KAPA ʻIA NĀ HELU 4:32

a me nā pou no ka pā a puni, a me ko lākou mau kumu, a me nā mākia o ia mau mea, a me ko lākou mau kaula, me nā ipu o lākou a pau, a me kā lākou mau hana a pau; ma ka inoa kā ʻoukou e helu ai i nā mea i mālama ʻia ai no kā lākou ukana.