KA BUKE ʻALUA A MOSE, I KAPA ʻIA PUKA ʻANA 27:1 - Ka Baibala Hemolele

¹ ¶ “E hana ʻoe i kuahu, he lāʻau sitima, ʻelima kūbita ka lōʻihi, ʻelima hoʻi kūbita ka laulā; ʻehā nō ʻaoʻao o ke kuahu, a ʻekolu kūbita kona kiʻekiʻe.

KA BUKE ʻALUA A MOSE, I KAPA ʻIA PUKA ʻANA 27:1 Iomraidhean Croise

KA BUKE ʻALUA A SAMUʻELA 24:18

¶ Hele akula ʻo Gada i o Dāvida lā ia lā, ʻī maila iā ia, “E piʻi aku ʻoe, e kūkulu i kuahu no Iēhova ma kahi hehi palaoa no ʻArauna ka Iebusa.”

KA BUKE ʻALUA NO NĀ ALIʻI 16:14

A lawe mai nō hoʻi ia i ke kuahu keleawe i mua o Iēhova mai ke alo mai o ka hale, mai waena mai o ke kuahu a ʻo ka hale o Iēhova, a waiho akula ia mea ma ka ʻaoʻao ʻākau o ke kuahu.

KA BUKE MUA O KA ʻOIHANA ALIʻI 6:49

¶ Akā, ʻo ʻAʻarona a me kāna mau keiki, mōhai akula lākou ma luna o ke kuahu no ka mōhai kuni, a ma luna o ke kuahu no ka mea ʻala, a no ka hana a pau o ke Keʻena Kapu, a e mōhai kalahala no kā ʻIseraʻela, e like me nā mea a pau a Mose ke kauā na ke Akua i kauoha ai.

KA BUKE ʻALUA O KA ʻOIHANA ALIʻI 4:1

¶ Hana ihola ʻo ia i kuahu keleawe, ʻo ka loa he iwakālua kūbita, a ʻo ka laulā, he iwakālua kūbita, a he ʻumi kūbita ke kiʻekiʻe.

KA BUKE A ʻEZERA 3:2

A laila kū aʻela ʻo Iesua ke keiki a Iozadaka, a me kona mau hoahānau, nā kāhuna, a ʻo Zerubabela ke keiki a Sealetiʻela, a me kona poʻe hoahānau, hana lākou i ke kuahu no ke Akua o kā ʻIseraʻela, e kaumaha aku i nā mōhai kuni ma luna ona, e like me ka palapala ma ke Kānāwai o Mose ke kanaka no ke Akua.

KA BUKE ʻALUA A MOSE, I KAPA ʻIA PUKA ʻANA 17:15

Hana ihola ʻo Mose i kuahu ma laila, a kapa akula ia i ka inoa o ia mea ʻo IĒHOVA-Nisi.

KA BUKE ʻALUA A MOSE, I KAPA ʻIA PUKA ʻANA 24:4

A kahakaha ihola ʻo Mose i nā ʻōlelo a pau a Iēhova, a ala aʻela i kakahiaka nui, a kūkulu ihola i kuahu ma lalo o ka mauna, a me nā kia he ʻumikumamālua, e like me nā ʻohana he ʻumikumamālua o kā ʻIseraʻela.

KA BUKE ʻALUA A MOSE, I KAPA ʻIA PUKA ʻANA 31:9

a me ke kuahu no ka mōhai kuni a me kona ʻoihana a pau, a me ka ipu ʻauʻau, a me kona kumu,

KA BUKE ʻALUA A MOSE, I KAPA ʻIA PUKA ʻANA 35:16

i ke kuahu no ka mōhai kuni, a me kona papa manamana pukapuka, a me kona mau ʻauamo, a me kona mau ʻoihana a pau, a me ka ipu ʻauʻau, a me kona kumu;

KA BUKE ʻALUA A MOSE, I KAPA ʻIA PUKA ʻANA 39:39

i ke kuahu keleawe, a me kona pā keleawe manamana pukapuka, a me kona mau ʻauamo, a me kona ʻoihana a pau, i ka ipu ʻauʻau a me kona kumu;

KA BUKE ʻALUA A MOSE, I KAPA ʻIA PUKA ʻANA 40:10

a e poni nō hoʻi ʻoe i ke kuahu no ka mōhai kuni, a me kāna ʻoihana a pau, a e hoʻolaʻa i ke kuahu, a e lilo ia i kuahu laʻa loa;

KA BUKE ʻALUA A MOSE, I KAPA ʻIA PUKA ʻANA 40:29

A waiho akula ʻo ia i ke kuahu o ka mōhai kuni ma ka puka o ka halelewa o ka hale lole o ke anaina kanaka, a kaumaha akula ma luna o laila i ka mōhai kuni, a me ka mōhai ʻai; e like me kā Iēhova i kauoha mai ai iā Mose.

KA BUKE ʻALUA A MOSE, I KAPA ʻIA PUKA ʻANA 40:6

“A e hoʻonoho ʻoe i ke kuahu no ka mōhai kuni i mua o ka puka o ka halelewa o ka hale lole o ke anaina kanaka.

KA BUKE ʻAHĀ A MOSE, I KAPA ʻIA NĀ HELU 3:31

ʻO kā lākou mea e mālama ai, ʻo ia ka pahu, ka papa ʻaina, ka ipukukui, nā kuahu, a me nā ipu o ke keʻena kapu, nā mea a lākou e lawelawe ai, a me ka pale a me kāna ʻoihana a pau.

KA BUKE ʻAHĀ A MOSE, I KAPA ʻIA NĀ HELU 4:13

“E lawe hoʻi lākou i ka lehu mai ke kuahu aku, a e hohola lākou i ka lole mākuʻe ma luna iho.

KA BUKE ʻAHĀ A MOSE, I KAPA ʻIA NĀ HELU 4:14

“A e kau aku lākou ma luna ona i kona mau ipu a pau a lākou e lawelawe ai a puni, i nā ipu ahi, i nā ʻō no ka ʻiʻo, i nā mea kope, a me nā bola, a me nā ipu a pau no ke kuahu; a e hohola lākou ma luna i uhi ʻili tahasa, a e hoʻokomo i kāna mau ʻauamo.

ʻO KA ʻEPISETOLE A PAULO KA LUNAʻŌLELO I KO HEBERA 13:10

He kuahu ko kākou, ʻaʻole e pono ke ʻai i ko laila, ka poʻe i mālama ma ka halelewa.