KA BUKE ʻALUA A MOSE, I KAPA ʻIA PUKA ʻANA 24:8 - Ka Baibala Hemolele

⁸ A lawe aʻela ʻo Mose i ke koko, a kāpīpī ihola ma luna o nā kānaka, ʻōlelo maila, “Aia hoʻi ke koko o ka berita a Iēhova i hana mai ai me ʻoukou no kēia mau ʻōlelo a pau.”

KA BUKE ʻALUA A MOSE, I KAPA ʻIA PUKA ʻANA 24:8 Iomraidhean Croise

KA BUKE MUA NO NĀ ALIʻI 8:21

“A hana aku nō wau i wahi no ka pahu berita, ma loko o laila ka berita o Iēhova āna i hana ai me ko mākou mau kūpuna, i kona lawe ʻana mai iā lākou mai loko mai o ka ʻāina ʻo ʻAigupita.”

KA BUKE MUA NO NĀ ALIʻI 8:9

ʻAʻohe mea ma loko o ka pahu berita, ʻo nā papa pōhaku ʻelua wale nō a Mose i hahao ai i laila ma Horeba, kahi i hana ai ʻo Iēhova i ka berita me nā mamo a ʻIseraʻela i ko lākou puka ʻana mai, mai ka ʻāina mai ʻo ʻAigupita.

KA BUKE O NĀ HALELŪ 78:36

Akā, hoʻomalimali aku lākou iā ia ma ko lākou waha, A wahaheʻe aku nō hoʻi iā ia ma ko lākou alelo.

KA BUKE ʻALUA A MOSE, I KAPA ʻIA PUKA ʻANA 24:6

A lawe ihola ʻo Mose i ka hapalua o ke koko, a waiho akula ma loko o nā kīʻaha, a kāpīpī ihola ia i kekahi hapalua o ke koko ma luna o ke kuahu.

KA WĀNANA A ʻISAIA 52:15

Pēlā nō ʻo ia e pīpī ai i nā lāhui kanaka, he nui loa; E hoʻopaʻa nā aliʻi i ko lākou waha i mua ona; No ka mea, e ʻike auaneʻi lākou i ka mea i haʻi ʻole ʻia iā lākou, A e noʻonoʻo pono lākou i ka mea a lākou i lohe ʻole ai.

KA WĀNANA A IEREMIA 31:32

ʻaʻole e like ana me ka berita aʻu i hana aku ai me ko lākou poʻe mākua kāne, i ka lā aʻu i lālau aku ai iā lākou ma ka lima, e lawe iā lākou mai ka ʻāina ʻo ʻAigupita mai; ʻo ua berita lā aʻu kā lākou i uhaʻi ai, iaʻu i noho ai he kāne na lākou,” wahi a Iēhova.

KA WĀNANA A ʻEZEKIʻELA 16:8

“A i koʻu māʻalo ʻana aʻe ma ou lā, a nānā aku iā ʻoe, ʻo koʻu manawa, he manawa aloha nō ia, a hohola aku au i ke kihi o koʻu kapa ma luna, a uhi aʻela i kou ʻōlohelohe; hoʻohiki nō hoʻi au nou, a komo hoʻi i loko o ka berita me ʻoe,” wahi a Iēhova ka Haku, “a lilo mai ʻoe noʻu.

KA WĀNANA A ʻEZEKIʻELA 36:25

“A laila, e pīpī aku ai au i ka wai maʻemaʻe ma luna o ʻoukou, a e maʻemaʻe hoʻi ʻoukou; i ko ʻoukou haumia a pau, a me ko ʻoukou mau akua kiʻi a pau, e hoʻomaʻemaʻe aku ai au iā ʻoukou.

KA BUKE ʻAKOLU A MOSE, I KAPA ʻIA ʻOIHANA KAHUNA 8:30

¶ Lawe aʻela hoʻi ʻo Mose i kauwahi o ka ʻaila poni, a ʻo ke koko ka mea ma luna o ke kuahu, a pīpī aʻela ma luna o ʻAʻarona, a ma kona mau kapa, a me kāna mau keiki, a ma nā kapa o kāna mau keiki pū me ia; a ua hoʻolaʻa aku iā ʻAʻarona, a me kona mau kapa, a me kāna mau keiki a me nā kapa o kāna mau keiki me ia.

HAGAI 2:5

‘E like me ka berita aʻu i hoʻopaʻa aku ai me ʻoukou, iā ʻoukou i puka ai mai ʻAigupita mai, pēlā hoʻi e noho ai kuʻu ʻUhane i waena o ʻoukou; mai makaʻu ʻoukou.’

ZEKARIA 9:11

¶ ʻO ʻoe hoʻi, no ke koko o kāu berita, E hoʻokuʻu aku nō au i kou poʻe paʻahao, Mai loko aʻe o ka lua meki, ʻo kahi wai ʻole.

KA ʻEUANELIO I KĀKAU ʻIA AI E MATAIO 26:28

no ka mea, ʻo koʻu koko kēia no ke kauoha hou, i hoʻokahe ʻia no nā mea he nui loa, i mea e kala ʻia ai nā hala.

KA ʻEUANELIO I KĀKAU ʻIA AI E MAREKO 14:24

ʻĪ maila ʻo ia iā lākou, “ʻO koʻu koko kēia no ke kauoha hou, ua hoʻokahe ʻia no nā kānaka he nui loa.

KA ʻEUANELIO I KĀKAU ʻIA AI E LUKA 22:20

Pēlā nō hoʻi i ke kīʻaha, ma hope iho o ka ʻaina, ʻī maila, “ʻO kēia kīʻaha, ʻo ke kauoha hou ia i loko o koʻu koko i hoʻokahe ʻia no ʻoukou.

ʻO KA ʻEPISETOLE MUA A PAULO KA LUNAʻŌLELO I KO KORINETO 11:25

Pēlā nō hoʻi ke kīʻaha, ma hope o ka ʻai ʻana, ʻī akula, “ʻO kēia kīʻaha, ʻo ke kauoha hou ia i loko o koʻu koko. E hana ʻoukou i kēia, i ko ʻoukou wā e inu ai, me ka hoʻomanaʻo mai iaʻu.”

ʻO KA ʻEPISETOLE A PAULO KA LUNAʻŌLELO I KO ʻEPESO 1:7

Nona mai ke ola iā kākou ma kona koko, ke kala ʻana o nā hala, e like me ka lako o kona lokomaikaʻi;

KA BUKE ʻALIMA A MOSE, I KAPA ʻIA KĀNĀWAI LUA 5:2

“ʻO Iēhova ko kākou Akua i hana mai i berita me kākou ma Horeba.

ʻO KA ʻEPISETOLE A PAULO KA LUNAʻŌLELO I KO HEBERA 10:29

He aha lā i ko ʻoukou manaʻo ka make ʻeha nui aku e manaʻo ʻia ana he pono; no ka mea, nāna i hehi ma lalo iho o ka wāwae i ke Keiki a ke Akua, me ka manaʻo i ke koko o ka berita āna i hoʻolaʻa ʻia ai he mea haumia, a me ka hoʻowahāwahā aku i ka ʻUhane lokomaikaʻi?

ʻO KA ʻEPISETOLE A PAULO KA LUNAʻŌLELO I KO HEBERA 13:20

¶ Na ke Akua hoʻopōmaikaʻi, na ka Mea i hoʻāla mai i ko kākou Haku iā Iesū mai ka make mai, i ka Mea i lilo mai, ma ke koko o ka berita mau loa, i Kahu nui no ka poʻe hipa.

KA BUKE A IOSUA 24:25

A hana ihola ʻo Iosua i berita me nā kānaka i kēlā lā, a waiho ʻo ia no lākou i ke kānāwai a me ke kapu ma Sekema.

ʻO KA ʻEPISETOLE HOʻOLAHA MUA A PETERO 1:2

ma ka ʻike mua ʻana o ke Akua, ka Makua, ma o ka huikala ʻana o ka ʻUhane, ua wae ʻia mai ʻoukou, i poʻe hoʻolohe, a i poʻe e kāpīpī ʻia i ke koko o Iesū Kristo; i nui ko ʻoukou aloha ʻia mai, a me ka maluhia hoʻi.