KA BUKE ʻALUA A MOSE, I KAPA ʻIA PUKA ʻANA 24:7 - Ka Baibala Hemolele

⁷ A lawe ihola ia i ka buke o ka berita, a heluhelu ma nā pepeiao o nā kānaka. ʻŌlelo akula lākou, “E hana nō mākou i nā mea a pau a Iēhova i ʻōlelo mai ai, a e hoʻolohe nō.”

KA BUKE ʻALUA A MOSE, I KAPA ʻIA PUKA ʻANA 24:7 Iomraidhean Croise

KA BUKE MUA NO NĀ ALIʻI 8:9

ʻAʻohe mea ma loko o ka pahu berita, ʻo nā papa pōhaku ʻelua wale nō a Mose i hahao ai i laila ma Horeba, kahi i hana ai ʻo Iēhova i ka berita me nā mamo a ʻIseraʻela i ko lākou puka ʻana mai, mai ka ʻāina mai ʻo ʻAigupita.

KA BUKE ʻALUA O KA ʻOIHANA ALIʻI 15:14

A hoʻohiki lākou iā Iēhova me ka leo nui, a me ka ʻuā ʻana, a me nā pū, a me nā mea hōkiokio.

KA BUKE O NĀ HALELŪ 50:5

“E hōʻuluʻulu mai ʻoukou i koʻu mau haipule i oʻu nei, I ka poʻe i berita mai me aʻu nei ma ka mōhai.”

KA BUKE O NĀ HALELŪ 78:36

Akā, hoʻomalimali aku lākou iā ia ma ko lākou waha, A wahaheʻe aku nō hoʻi iā ia ma ko lākou alelo.

KA BUKE ʻALUA A MOSE, I KAPA ʻIA PUKA ʻANA 19:8

ʻŌlelo pū maila nā kānaka a pau, ʻī maila, “ʻO nā mea a pau a Iēhova i ʻōlelo mai ai, e hana mākou ia mea.” Haʻi akula ʻo Mose i nā ʻōlelo a kānaka iā Iēhova.

KA WĀNANA A IEREMIA 34:13

“Ke ʻī mai nei ʻo Iēhova, ke Akua o kā ʻIseraʻela penei, ‘Hana akula au i berita me ko ʻoukou poʻe kūpuna, i ka lā aʻu i lawe mai ai iā lākou, mai ka ʻāina ʻo ʻAigupita mai, a mai ka hale mai o ka poʻe kauā, ʻī maila,

KA WĀNANA A IEREMIA 42:6

“Inā he maikaʻi, a inā he hewa, e hoʻolohe nō mākou i ka leo o Iēhova ko mākou Akua, ka mea ia iā mākou e hoʻouna aku ai iā ʻoe, i pōmaikaʻi ai mākou i ka wā e hoʻolohe ai mākou i ka leo o Iēhova ko mākou Akua.”

KA WĀNANA A ʻEZEKIʻELA 16:8

“A i koʻu māʻalo ʻana aʻe ma ou lā, a nānā aku iā ʻoe, ʻo koʻu manawa, he manawa aloha nō ia, a hohola aku au i ke kihi o koʻu kapa ma luna, a uhi aʻela i kou ʻōlohelohe; hoʻohiki nō hoʻi au nou, a komo hoʻi i loko o ka berita me ʻoe,” wahi a Iēhova ka Haku, “a lilo mai ʻoe noʻu.

MALAKI 2:10

¶ “ʻAʻole anei no kākou a pau ka makua hoʻokahi? ʻAʻole anei na ke Akua hoʻokahi kākou i hana? No ke aha lā kākou e hana hoʻopunipuni, ʻo kekahi hoahānau i kekahi hoahānau, ma ka haʻihaʻi ʻana i ka berita o ko kākou poʻe kūpuna?

NĀ ʻOIHANA A KA POʻE LUNAʻŌLELO 13:15

A ma hope o ka heluhelu ʻana o ke Kānāwai a me kā nā Kāula, kiʻi aʻela nā luna o ka hale hālāwai iā lāua, ʻī aʻela, “E nā kānaka, nā hoahānau, inā iā ʻolua kekahi ʻōlelo hoʻoikaika no nā kānaka, ʻeā, e ʻōlelo mai.”

ʻO KA ʻEPISETOLE A PAULO KA LUNAʻŌLELO I KO KOLOSA 4:16

Aia heluhelu ʻia kēia ʻepisetole i waena o ʻoukou lā, na ʻoukou e heluhelu hou aku ia i ka ʻekalesia o ko Laodikeia; a e heluhelu hoʻi ʻoukou i ka ʻepisetole mai Laodikeia mai.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 5:27

Ke kauoha aku nei au iā ʻoukou ma ka Haku, e heluhelu ʻia aku kēia ʻepisetole i ka poʻe hoahānau laʻa a pau loa.

KA BUKE A IOSUA 24:24

ʻŌlelo akula nā kānaka iā Iosua, “ʻO Iēhova, ʻo ko kākou Akua, ʻo kā mākou ia e mālama aku ai, a ʻo kona leo kā mākou e hoʻolohe aku ai!”