KA BUKE ʻALUA A MOSE, I KAPA ʻIA PUKA ʻANA 24:3 - Ka Baibala Hemolele

³ Hoʻi aʻela ʻo Mose, a haʻi akula i kānaka i nā ʻōlelo a pau a Iēhova, a me nā kānāwai a pau; hoʻōho maila nā kānaka a pau me ka leo kahi, ʻī maila, “ʻO nā ʻōlelo a pau a Iēhova i ʻōlelo mai ai, e hana nō mākou.”

KA BUKE ʻALUA A MOSE, I KAPA ʻIA PUKA ʻANA 24:3 Iomraidhean Croise

KA BUKE ʻALUA O KA ʻOIHANA ALIʻI 15:14

A hoʻohiki lākou iā Iēhova me ka leo nui, a me ka ʻuā ʻana, a me nā pū, a me nā mea hōkiokio.

KA BUKE ʻALUA O KA ʻOIHANA ALIʻI 15:15

A ʻoliʻoli ʻo kā Iuda a pau no ka hoʻohiki ʻana; no ka mea, hoʻohiki lākou me ko lākou naʻau a pau, a ua ʻimi lākou iā ia, me ko lākou makemake a pau; a ua loaʻa nō ʻo ia iā lākou. A hoʻomalu ʻo Iēhova iā lākou a puni.

KA BUKE O NĀ HALELŪ 50:5

“E hōʻuluʻulu mai ʻoukou i koʻu mau haipule i oʻu nei, I ka poʻe i berita mai me aʻu nei ma ka mōhai.”

KA BUKE ʻALUA A MOSE, I KAPA ʻIA PUKA ʻANA 19:8

ʻŌlelo pū maila nā kānaka a pau, ʻī maila, “ʻO nā mea a pau a Iēhova i ʻōlelo mai ai, e hana mākou ia mea.” Haʻi akula ʻo Mose i nā ʻōlelo a kānaka iā Iēhova.

KA BUKE ʻALUA A MOSE, I KAPA ʻIA PUKA ʻANA 24:2

“A ʻo Mose wale nō ka mea hele mai a kokoke i o Iēhova nei; akā, ʻo lākou ʻaʻole hele mai a kokoke; ʻaʻole hoʻi e piʻi pū nā kānaka me ia.”

KA BUKE ʻALUA A MOSE, I KAPA ʻIA PUKA ʻANA 24:7

A lawe ihola ia i ka buke o ka berita, a heluhelu ma nā pepeiao o nā kānaka. ʻŌlelo akula lākou, “E hana nō mākou i nā mea a pau a Iēhova i ʻōlelo mai ai, a e hoʻolohe nō.”

KA WĀNANA A IEREMIA 11:4

aʻu i kauoha aku ai i ko ʻoukou poʻe kūpuna, i ka lā aʻu i lawe mai ai iā lākou mai ka ʻāina ʻo ʻAigupita, a mai ke kapuahi hao mai, i ka ʻī ʻana aku, ‘E hoʻolohe mai i kuʻu leo, a e hana i nā mea e like me nā mea a pau aʻu i kauoha aku nei iā ʻoukou; pēlā ʻoukou e lilo ai i poʻe kānaka noʻu, a ʻo wau auaneʻi ko ʻoukou Akua’;

KA WĀNANA A IEREMIA 34:13

“Ke ʻī mai nei ʻo Iēhova, ke Akua o kā ʻIseraʻela penei, ‘Hana akula au i berita me ko ʻoukou poʻe kūpuna, i ka lā aʻu i lawe mai ai iā lākou, mai ka ʻāina ʻo ʻAigupita mai, a mai ka hale mai o ka poʻe kauā, ʻī maila,

HAGAI 2:5

‘E like me ka berita aʻu i hoʻopaʻa aku ai me ʻoukou, iā ʻoukou i puka ai mai ʻAigupita mai, pēlā hoʻi e noho ai kuʻu ʻUhane i waena o ʻoukou; mai makaʻu ʻoukou.’

MALAKI 2:10

¶ “ʻAʻole anei no kākou a pau ka makua hoʻokahi? ʻAʻole anei na ke Akua hoʻokahi kākou i hana? No ke aha lā kākou e hana hoʻopunipuni, ʻo kekahi hoahānau i kekahi hoahānau, ma ka haʻihaʻi ʻana i ka berita o ko kākou poʻe kūpuna?

KA BUKE ʻALIMA A MOSE, I KAPA ʻIA KĀNĀWAI LUA 11:1

¶ “No ia mea, e aloha aku ʻoe iā Iēhova kou Akua, a e mālama i kāna mea i kauoha ʻia, a me kona mau kānāwai, a me kāna mau ʻōlelo kūpaʻa, a me kāna mau kauoha i nā lā a pau.

KA BUKE ʻALIMA A MOSE, I KAPA ʻIA KĀNĀWAI LUA 4:1

¶ “ʻĀnō hoʻi, e hoʻolohe, e kā ʻIseraʻela, i nā kānāwai a me nā ʻōlelo kūpaʻa aʻu e aʻo aku nei iā ʻoukou, e mālama, i ola ʻoukou, i komo hoʻi ʻoukou, a noho ma ka ʻāina a Iēhova ke Akua o ko ʻoukou poʻe kūpuna e hāʻawi mai ai no ʻoukou.

KA BUKE ʻALIMA A MOSE, I KAPA ʻIA KĀNĀWAI LUA 4:45

ʻO ia nā kauoha a me nā kānāwai, a me nā ʻōlelo kūpaʻa a Mose i ʻōlelo mai ai i nā mamo a ʻIseraʻela, ma hope o kā lākou hele ʻana mai ʻAigupita mai;

KA BUKE ʻALIMA A MOSE, I KAPA ʻIA KĀNĀWAI LUA 4:5

“Aia hoʻi, ua aʻo aku au iā ʻoukou i nā kānāwai a me nā ʻōlelo kūpaʻa, e like me kā Iēhova koʻu Akua i kauoha mai ai iaʻu, e mālama ʻoukou pēlā ma ka ʻāina a ʻoukou e hele aku ai e noho.

KA BUKE ʻALIMA A MOSE, I KAPA ʻIA KĀNĀWAI LUA 5:1

¶ Kāhea akula ʻo Mose i kā ʻIseraʻela a pau, ʻī akula iā lākou, “E hoʻolohe, e kā ʻIseraʻela, i nā kānāwai, a me nā ʻōlelo kūpaʻa aʻu e ʻōlelo aku nei i loko o ko ʻoukou pepeiao i kēia lā, i aʻo ai ʻoukou ia mea, a e mālama pono ʻoukou e hana.

KA BUKE ʻALIMA A MOSE, I KAPA ʻIA KĀNĀWAI LUA 5:31

‘Akā, ʻo ʻoe, e kū ʻoe ma ʻaneʻi me aʻu, a e ʻōlelo aku au iā ʻoe i nā kauoha a pau, a me nā kānāwai, a me nā ʻōlelo kūpaʻa, nā mea āu e aʻo aku ai iā lākou, e mālama lākou ma ka ʻāina aʻu i hāʻawi aku ai no lākou.’

KA BUKE ʻALIMA A MOSE, I KAPA ʻIA KĀNĀWAI LUA 6:1

¶ “Eia nā kauoha, nā kānāwai, a me nā ʻōlelo kūpaʻa, a Iēhova ko ʻoukou Akua i kauoha mai ai e aʻo aku iā ʻoukou, i mālama aku ai ʻoukou ma ka ʻāina e hele aku nei ʻoukou e noho;

KA BUKE A IOSUA 24:21

A laila, ʻōlelo akula nā kānaka iā Iosua, “ʻAʻole loa pēlā; no ka mea, e mālama aku nō mākou iā Iēhova!”

KA BUKE A IOSUA 24:22

ʻŌlelo maila ʻo Iosua i nā kānaka, “He poʻe hōʻike ʻoukou no ʻoukou iho, ua koho ʻoukou iā Iēhova no ʻoukou, e mālama aku iā ia.” ʻŌlelo akula lākou, “He poʻe hōʻike nō mākou!”

KA BUKE A IOSUA 24:24

ʻŌlelo akula nā kānaka iā Iosua, “ʻO Iēhova, ʻo ko kākou Akua, ʻo kā mākou ia e mālama aku ai, a ʻo kona leo kā mākou e hoʻolohe aku ai!”