KA BUKE ʻALUA A MOSE, I KAPA ʻIA PUKA ʻANA 24:2 - Ka Baibala Hemolele

² “A ʻo Mose wale nō ka mea hele mai a kokoke i o Iēhova nei; akā, ʻo lākou ʻaʻole hele mai a kokoke; ʻaʻole hoʻi e piʻi pū nā kānaka me ia.”

KA BUKE ʻALUA A MOSE, I KAPA ʻIA PUKA ʻANA 24:2 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 19:12

“A e kau iho ʻoe i pale, no nā kānaka a puni, a e ʻī aku hoʻi, ‘E mālama ʻoukou iā ʻoukou iho, i ko ʻoukou piʻi ʻana i ka mauna, a me ka pā ʻana i kona kihi; ʻo ka mea e pā i ka mauna, he ʻoiaʻiʻo nō e make ia.

KA BUKE ʻALUA A MOSE, I KAPA ʻIA PUKA ʻANA 20:21

Kū maila nā kānaka ma kahi lōʻihi ʻē aku, a hoʻokokoke akula ʻo Mose, i ke ao panopano a ke Akua i noho ai.

KA BUKE ʻALUA A MOSE, I KAPA ʻIA PUKA ʻANA 24:1

¶ ʻĪ maila ʻo ia iā Mose, “E piʻi mai ʻoe i o Iēhova nei, ʻo ʻoe, a me ʻAʻarona, a me Nadaba, a me ʻAbihu, a me nā lunakahiko o kā ʻIseraʻela he kanahiku; a e hoʻomana ʻoukou ma kahi mamao aku.

KA BUKE ʻALUA A MOSE, I KAPA ʻIA PUKA ʻANA 24:13

Kū aʻela ʻo Mose i luna, a me kāna kauā ʻo Iosua; a piʻi akula ʻo Mose i ka mauna o ke Akua.

KA BUKE ʻALUA A MOSE, I KAPA ʻIA PUKA ʻANA 24:15

Piʻi akula ʻo Mose i ka mauna, a uhi maila ka ʻohu i ka mauna.

KA BUKE ʻALUA A MOSE, I KAPA ʻIA PUKA ʻANA 24:18

Hele akula ʻo Mose i loko pono o ka ʻohu, a piʻi akula i ka mauna, a ma laila nō ʻo Mose ma ka mauna hoʻokahi kanahā ao, hoʻokahi kanahā pō.

KA BUKE ʻALUA A MOSE, I KAPA ʻIA PUKA ʻANA 24:3

Hoʻi aʻela ʻo Mose, a haʻi akula i kānaka i nā ʻōlelo a pau a Iēhova, a me nā kānāwai a pau; hoʻōho maila nā kānaka a pau me ka leo kahi, ʻī maila, “ʻO nā ʻōlelo a pau a Iēhova i ʻōlelo mai ai, e hana nō mākou.”

KA WĀNANA A IEREMIA 30:21

‘A no lākou iho auaneʻi ko lākou poʻe luna, A e laha aku nō ko lākou kiaʻāina mai loko aku o lākou; A e lawe mai nō wau iā ia a kokoke, A e hoʻokokoke mai nō ʻo ia iaʻu; No ka mea, ʻo wai kēia i hoʻoikaika i kona naʻau e hoʻokokoke mai iaʻu?’ wahi a Iēhova.

KA WĀNANA A IEREMIA 49:19

“Aia hoʻi, e piʻi mai nō ʻo ia, e like me ka liona mai ka nani o Ioredane mai, e kūʻē i ka noho ʻana o ka mea ikaika; akā, i ke ʻamo ʻana o ka maka, e holo aku nō ʻo ia, mai laila aku. ʻO wai kaʻu mea i wae ʻia, e hoʻonoho nō wau iā ia ma luna ona? ʻO wai ka mea like me aʻu nei? ʻO wai hoʻi ka mea e hālāwai me aʻu? A ʻo wai ke kahu hipa e hiki iā ia ke kū i mua oʻu?”

KA BUKE ʻAHĀ A MOSE, I KAPA ʻIA NĀ HELU 16:5

ʻōlelo akula ia iā Kora, a me kona poʻe a pau, ʻī akula, “A kakahiaka aʻe, e hōʻike mai ʻo Iēhova i ka mea nona, a me ka mea laʻa; a e hoʻokokoke aku ai iā ia i ona lā; ʻo ka mea āna e koho ai, ʻo ia kāna e hoʻokokoke aku ai i ona lā.

ʻO KA ʻEPISETOLE A PAULO KA LUNAʻŌLELO I KO HEBERA 9:24

No ka mea, ʻaʻole ʻo Kristo i komo i loko o ka halelewa i hana ʻia e nā lima, he aka wale nō no ka mea ʻoiaʻiʻo; akā, i loko o ka lani ponoʻī i hōʻike mau iā ia iho ma ke alo o ke Akua no kākou.