KA BUKE ʻALUA A MOSE, I KAPA ʻIA PUKA ʻANA 23:8 - Ka Baibala Hemolele

⁸ “Mai lawe ʻoe i ka waiwai kīpē; no ka mea, ʻo ka waiwai kīpē ka mea e makapō ai ka poʻe ʻike, a e kekeʻe ai nā ʻōlelo a ka poʻe pono.

KA BUKE ʻALUA A MOSE, I KAPA ʻIA PUKA ʻANA 23:8 Iomraidhean Croise

KA BUKE O NĀ HALELŪ 15:5

ʻAʻole i hō aku i kāna moni no ka uku hoʻopaneʻe; ʻAʻole hoʻi i lawe i ke kīpē i hewa ai ka mea pono. ʻO ka mea i hana ia mau mea, ʻaʻole loa ʻo ia e kūlanalana.

KA BUKE O NĀ HALELŪ 26:10

Ma loko o ko lākou mau lima ke kolohe; A ua piha i nā kīpē ko lākou mau lima ʻākau.

NĀ ʻŌLELO AKAMAI A SOLOMONA 15:27

ʻO ka mea makeʻe waiwai, hana ʻino loa ʻo ia i ko kona hale; A ʻo ka mea hoʻowahāwahā i nā makana, e ola ia.

NĀ ʻŌLELO AKAMAI A SOLOMONA 17:23

Kāʻili aʻe ka mea hewa i ka waiwai kīpē, I kona hoʻohaunaele ʻana i ka ʻaoʻao pono.

NĀ ʻŌLELO AKAMAI A SOLOMONA 17:8

He pōhaku waiwai ʻiʻo ka makana i ka maka o ka mea nāna ia; Ma nā wahi a pau e loaʻa ana he mea ia e pono ai.

NĀ ʻŌLELO AKAMAI A SOLOMONA 19:4

ʻO ka waiwai ka mea e hoʻonui ai i nā makamaka; Ua hoʻokaʻawale ʻia hoʻi ka mea ʻilihune mai kona hoa noho aku.

KE KAHUNA 7:7

No ka mea, ʻo ka hoʻoluhi, ʻo ia ka mea e pupule ai ka mea naʻauao; A ʻo ke kīpē he mea ia e lolelua ai ka naʻau.

KA WĀNANA A ʻISAIA 1:13

“Mai lawe hou mai i na mōhai ʻoiaʻiʻo ʻole; ʻO ka mea ʻala, ʻeā, he mea hoʻopailua ia iaʻu; ʻO ka Mahina Hou, ka Sābati, a me ka ʻaha i hoʻākoakoa ʻia, ʻAʻole hiki iaʻu ke hoʻomanawanui, He hewa nō ia, ʻo ia hālāwai ʻahaʻaina ʻana.

KA WĀNANA A ʻISAIA 1:23

He poʻe hoʻokekeʻe kou poʻe aliʻi, He poʻe hoa no nā ʻaihue; Ua makemake lākou a pau i ka waiwai kīpē, Ua ʻimi nō i ka uku ʻia mai; ʻAʻole lākou i hoʻopono i nā keiki makua ʻole, ʻAʻole hoʻi i hiki i mua o lākou ka mea hoʻopono ʻia o ka wahine kāne make.

KA WĀNANA A ʻISAIA 33:15

ʻO ka mea hele ma ka pono, a ʻōlelo hoʻi ma ka pololei; ʻO ka mea hoʻowahāwahā i ka waiwai o ka hoʻokaumaha ʻana, ʻO ka mea lūlū ma waho aku o kona lima i ka waiwai i loaʻa ma ke kīpē ʻana; ʻO ka mea pani i kona mau pepeiao o lohe i ke koko, ʻO ka mea hoʻopili i kona mau maka, i ʻike ʻole ia i ka hewa;

KA WĀNANA A ʻISAIA 5:22

Auē ka poʻe ikaika i ka inu waina, A me nā kānaka ikaika i ke kāwili i wai ʻawaʻawa e inu ai;

KA WĀNANA A ʻISAIA 5:23

Ka poʻe i hoʻāpono aku i ka mea hewa no ke kīpē ʻia, A kāʻili aku i ka hoʻāpono o ka mea i pono, mai ona aku lā!

KA WĀNANA A ʻEZEKIʻELA 22:12

“Ma loko ou ua lawe lākou i nā kīpē e hoʻokahe i ke koko; ua lawe ʻoe i ke kuala a me ka uku paneʻe, a ua loaʻa iā ʻoe me ka makeʻe, ʻo kā kou mau hoalauna, ma ka hoʻoluhi hewa, a ua hoʻopoina mai iaʻu,” wahi a Iēhova ka Haku.

HOSEA 4:18

Ua hewa kā lākou ʻaha inu, Ua mau ko lākou moekolohe ʻana; A ake kona poʻe aliʻi i ka hilahila.

ʻAMOSA 5:12

No ka mea, ua ʻike au, he nui wale ko ʻoukou lawehala ʻana, A me ko ʻoukou mau hewa nui; E hoʻopilikia ana i ka poʻe hoʻopono, e lawe ana i ka uku kīpē, A e hoʻokahuli ana i ka pono o ka poʻe ʻilihune ma ka puka pā.

MIKA 7:3

Hana hewa ikaika hoʻi lākou me nā lima; Noi aku ka luna, a me ka luna kānāwai i uku; A ʻo ke kanaka nui, ʻo ia ke hōʻike aku i ka makemake o kona naʻau; Pēlā nō lākou e huikau ai ia mea.

KA BUKE ʻALIMA A MOSE, I KAPA ʻIA KĀNĀWAI LUA 10:17

“No ka mea, ʻo Iēhova ko ʻoukou Akua, he Akua ia o nā akua, a he Haku o nā haku, he Akua nui, mana, weliweli, ʻaʻole ia i manaʻo i nā maka, ʻaʻole hoʻi i lawe i ke kīpē.

KA BUKE ʻALIMA A MOSE, I KAPA ʻIA KĀNĀWAI LUA 16:19

“Mai pale aʻe ʻoe i ka pono, ʻaʻole hoʻi e nānā aku i nā maka, ʻaʻole hoʻi ʻoe e lawe i ke kīpē; no ka mea, ke hoʻomakapō ke kīpē i nā maka o ka poʻe naʻauao, a ke hoʻololi aʻe i nā mea o ka poʻe pono.

KA BUKE MUA A SAMUʻELA 12:3

“Eia hoʻi wau; e hōʻike mai ʻoukou iaʻu i mua o Iēhova, a i mua hoʻi o kona mea i poni ʻia; ʻo ka bipi a wai kaʻu i lawe ai? A ʻo ka hoki a wai kaʻu i kāʻili ai? Kā wai lā kaʻu i ʻālunu ai? ʻO wai lā kaʻu i hoʻokaumaha ai? Ma ka lima o wai kaʻu i lawe ai i ke kīpē i hūnā ai koʻu maka iā ia? A e hoʻihoʻi aku au ia mea iā ʻoukou.”

KA BUKE MUA A SAMUʻELA 8:3

Akā, ʻaʻole i hele kāna mau keiki ma kona ʻaoʻao; huli aʻela lāua ma muli o ka waiwai ʻālunu, a lawe lāua i ke kīpē, a hoʻokahuli i ka pono.