KA BUKE ʻALUA A MOSE, I KAPA ʻIA PUKA ʻANA 23:6 - Ka Baibala Hemolele

⁶ “Mai hoʻokahuli ʻoe i ka pono o ke kanaka hune i kona hoʻokolokolo ʻana.

KA BUKE ʻALUA A MOSE, I KAPA ʻIA PUKA ʻANA 23:6 Iomraidhean Croise

KA BUKE ʻALUA O KA ʻOIHANA ALIʻI 19:7

“No laila e kau ʻia mai ka makaʻu iā Iēhova ma luna o ʻoukou, e mālama, e hana hoʻi; no ka mea, ʻaʻohe hewa me Iēhova ko kākou Akua, ʻaʻole ia e manaʻo mai i ko ke kanaka kino, ʻaʻole hoʻi ia e lawe i ke kīpē.”

KA BUKE NO IOBA 31:13

¶ “Inā ua hoʻowahāwahā au i ka hoʻopono ʻana i kaʻu kauā kāne a me kaʻu kauā wahine, Iā lākou i hoʻopaʻapaʻa pū ai me aʻu;

NĀ ʻŌLELO AKAMAI A SOLOMONA 18:5

ʻO ka hōʻoluʻolu aku i ka mea hewa, ʻaʻole ia he maikaʻi; ʻAʻole hoʻi ka ʻōpeʻa aku i ka mea pono ma ka hoʻokolokolo ʻana.

NĀ ʻŌLELO AKAMAI A SOLOMONA 22:22

¶ Mai kāʻili wale ʻoe i kā ka mea ʻilihune no kona ʻilihune ʻana; ʻAʻole hoʻi e hoʻokaumaha i ka mea nele ma kahi o ka ʻīpuka;

NĀ ʻŌLELO AKAMAI A SOLOMONA 31:5

O inu lākou a hoʻopoina i ke kānāwai, A kāpae i ka pono o ka poʻe pilikia.

KE KAHUNA 5:8

¶ I kou ʻike ʻana i ka hoʻoluhi ʻia o ka poʻe ʻilihune, a me ka hoʻokahuli ʻana i ka ʻoiaʻiʻo, a me ka pono ma ka ʻāina, mai kāhāhā kou naʻau i kēia; no ka mea, ʻo ka mea kiʻekiʻe o nā mea kiʻekiʻe a pau, ʻo ia ka mea i ʻike mai, a aia hoʻi nā mea kiʻekiʻe ma luna o lākou.

KA WĀNANA A ʻISAIA 5:23

Ka poʻe i hoʻāpono aku i ka mea hewa no ke kīpē ʻia, A kāʻili aku i ka hoʻāpono o ka mea i pono, mai ona aku lā!

KA WĀNANA A IEREMIA 5:28

‘Ua momona aʻe nei lākou, ua hinuhinu hoʻi; ʻO ia, ua hele lākou, a ua pākela ma mua o ka hana ʻana a ka poʻe hewa; ʻAʻole lākou i kōkua i ka pono, I ka pono hoʻi o nā keiki makua ʻole, Ua pōmaikaʻi naʻe lākou; ʻAʻole lākou i hoʻopono ma ka hoʻopiʻi ʻana o ka poʻe kaumaha.

KA WĀNANA A IEREMIA 6:28

He poʻe hoʻi hope ʻino lākou a pau, e hele pū ana me ka poʻe ‘ahi‘ahi; He keleawe lākou, a he hao hoʻi; He poʻe hoʻohaumia lākou a pau.

KA WĀNANA A IEREMIA 7:6

inā hoʻokaumaha ʻole ʻoukou i ka malihini, i nā keiki makua ʻole, a me nā wāhine kāne make, a hoʻokahe ʻole i ke koko hala ʻole ma kēia wahi, ʻaʻole hoʻi e hele ma muli o nā akua ʻē, i mea e hewa ai ʻoukou;

KA BUKE ʻAKOLU A MOSE, I KAPA ʻIA ʻOIHANA KAHUNA 19:15

¶ ‘Mai hana ʻino ʻoukou ma ka hoʻopaʻi ʻana; mai manaʻo ʻoe i ke kino o ka mea ʻilihune, ʻaʻole hoʻi e mahalo i ke kino o ka mea ikaika; akā, ma ka pololei e hoʻoponopono ai ʻoe i kou hoalauna.

MALAKI 3:5

“Ke hoʻokokoke aku nei au i o ʻoukou lā e hoʻokō i ke kānāwai; e wikiwiki au i ka hōʻike kūʻē i nā kāhuna ʻanāʻanā, me nā moekolohe, a i nā mea hoʻohiki wahaheʻe, me ka poʻe hoʻonele i nā mea hoʻolimalima i kā lākou uku, a i ka poʻe hoʻonele i ka wahine kāne make, a me ke keiki makua ʻole, a i ka poʻe hoʻohuli aʻe i ko ka malihini, ʻaʻole hoʻi i makaʻu iaʻu,” wahi a Iēhova o nā kaua.

KA BUKE ʻALIMA A MOSE, I KAPA ʻIA KĀNĀWAI LUA 16:19

“Mai pale aʻe ʻoe i ka pono, ʻaʻole hoʻi e nānā aku i nā maka, ʻaʻole hoʻi ʻoe e lawe i ke kīpē; no ka mea, ke hoʻomakapō ke kīpē i nā maka o ka poʻe naʻauao, a ke hoʻololi aʻe i nā mea o ka poʻe pono.

KA BUKE ʻALIMA A MOSE, I KAPA ʻIA KĀNĀWAI LUA 27:19

¶ ‘E pōʻino ke kanaka ke hoʻokeʻekeʻe i ka pono o ka malihini, a me ke keiki makua ʻole, a me ka wahine kāne make.’ A ʻo nā kānaka a pau e ʻōlelo mai, ‘Pēlā ʻiʻo nō!’

KA BUKE MUA A SAMUʻELA 8:3

Akā, ʻaʻole i hele kāna mau keiki ma kona ʻaoʻao; huli aʻela lāua ma muli o ka waiwai ʻālunu, a lawe lāua i ke kīpē, a hoʻokahuli i ka pono.