KA BUKE ʻALUA A MOSE, I KAPA ʻIA PUKA ʻANA 23:2 - Ka Baibala Hemolele

² “Mai hahai ma muli o ka lehulehu e hana hewa, mai pane aku hoʻi ma ke kūʻē ma muli o ka lehulehu, e hoʻohewa wale.

KA BUKE ʻALUA A MOSE, I KAPA ʻIA PUKA ʻANA 23:2 Iomraidhean Croise

KA BUKE MUA A MOSE, I KAPA ʻIA KINOHI 19:4

ʻAʻole lāua i moe iho, a ʻo nā kānaka o ke kūlanakauhale, ʻo nā kānaka o Sodoma, ʻo ka poʻe kahiko a me ka poʻe hou, ʻo nā kānaka a pau mai ʻō a ʻō, hoʻopuni maila lākou i ka hale.

KA BUKE MUA A MOSE, I KAPA ʻIA KINOHI 6:12

Nānā maila ke Akua i ka honua, aia hoʻi, ua ʻinoʻino ia; no ka mea, ua hana ʻino nā kānaka a pau i ko lākou ʻaoʻao ma ka honua.

KA BUKE MUA A MOSE, I KAPA ʻIA KINOHI 7:1

¶ ʻĪ maila ʻo Iēhova iā Noa, “E komo aʻe ʻoe me kāu ʻohana a pau i loko o ka hale lana; no ka mea, ʻo ʻoe nō o kēia hanauna kaʻu i ʻike ai, he pono i mua oʻu.

KA BUKE MUA NO NĀ ALIʻI 19:10

ʻĪ akula hoʻi ia, “Ua ikaika loa aʻe nei au ma muli o Iēhova ke Akua o ko ka lani; no ka mea, ua haʻalele nō nā mamo a ʻIseraʻela i kāu berita, ua hoʻohiolo hoʻi i kou mau kuahu, a ua pepehi nō hoʻi i kou poʻe kāula me ka pahi kaua; a ʻo wau wale nō kai koe mai, a ua ʻimi mai lākou i koʻu ola e lawe aku.”

KA BUKE NO IOBA 31:34

“A laila e hoʻohilahila ʻia au i mua o ka ʻaha nui, A na ka wahāwahā o nā ʻohana e hoʻoweliweli iaʻu, A noho mālie nō au, a hele ʻole i waho o ka puka.

KA BUKE O NĀ HALELŪ 72:2

E hoʻoponopono ʻo ia i kou poʻe kānaka ma ka pololei. A i kou poʻe haʻahaʻa ma ka pono.

NĀ ʻŌLELO AKAMAI A SOLOMONA 1:15

E kuʻu keiki ē, mai hele pū ʻoe me lākou ma ke ala; E haʻalele kou wāwae i ko lākou mau kuamoʻo;

NĀ ʻŌLELO AKAMAI A SOLOMONA 18:5

ʻO ka hōʻoluʻolu aku i ka mea hewa, ʻaʻole ia he maikaʻi; ʻAʻole hoʻi ka ʻōpeʻa aku i ka mea pono ma ka hoʻokolokolo ʻana.

NĀ ʻŌLELO AKAMAI A SOLOMONA 4:14

Ma ke alanui o ka poʻe hewa, mai hele ʻoe, Mai hele hoʻi ma ka ʻaoʻao o ka poʻe hewa.

KA WĀNANA A IEREMIA 37:15

A huhū maila nā aliʻi iā Ieremia, a hahau maila iā ia, a hoʻolei iā ia i loko o ka hale paʻahao, ma ka hale o Ionatana, ke kākau ʻōlelo; no ka mea, ua hoʻolilo lākou ia hale, i wahi paʻahao.

KA WĀNANA A IEREMIA 37:21

A laila, kauoha aʻela ʻo Zedekia, ke aliʻi, e hoʻonoho lākou iā Ieremia ma ke kahua o ka hale paʻahao, i hāʻawi hoʻi lākou nāna, i kēlā lā i kēia lā i hoʻokahi ʻāpana berena, mai ke alanui mai o ka poʻe kahu palaoa, a hiki i ka manawa e hoʻopau ʻia ai ka berena o ke kūlanakauhale. A noho ihola ʻo Ieremia ma ke kahua o ka hale paʻahao.

KA WĀNANA A IEREMIA 38:9

“E kuʻu haku, e ke aliʻi, ua hana hewa kēia poʻe kānaka, ma nā mea a pau a lākou i hana aku ai iā Ieremia, i ke kāula, i ka mea a lākou i hoʻolei ai i loko o ka luawai, a e make auaneʻi ʻo ia i ka pōloli ma kahi e noho ana ʻo ia; no ka mea, ʻaʻohe berena e koe ma ke kūlanakauhale.”

KA WĀNANA A ʻEZEKIʻELA 9:9

¶ A laila ʻōlelo maila ʻo ia iaʻu, “ʻO ka hewa o ka ʻohana a ʻIseraʻela a me Iuda he nui wale ia, a ua paʻapū ka ʻāina i ke koko, a ua piha ke kūlanakauhale i ka hewa; no ka mea, ke ʻī mai nei lākou, ‘Ua haʻalele Iēhova i ka honua, ʻaʻole ʻike mai Iēhova.’

KA BUKE ʻAKOLU A MOSE, I KAPA ʻIA ʻOIHANA KAHUNA 19:15

¶ ‘Mai hana ʻino ʻoukou ma ka hoʻopaʻi ʻana; mai manaʻo ʻoe i ke kino o ka mea ʻilihune, ʻaʻole hoʻi e mahalo i ke kino o ka mea ikaika; akā, ma ka pololei e hoʻoponopono ai ʻoe i kou hoalauna.

HAGAI 1:4

“E ʻoukou nei, ʻo ka manawa anei kēia no ʻoukou e noho ai i loko o ko ʻoukou mau hale papa kedera, a e neoneo ai hoʻi kēia hale?”

KA ʻEUANELIO I KĀKAU ʻIA AI E MAREKO 15:15

Makemake nō ʻo Pilato, e hōʻoluʻolu i kānaka; no laila ia i kuʻu mai ai iā Baraba na lākou; a laila, hahau aʻela kēlā iā Iesū, a hāʻawi iho iā ia e kaulia ai ma ke keʻa.

KA ʻEUANELIO I KĀKAU ʻIA AI E LUKA 23:51

(ʻaʻole ʻo ia i ʻae pū aku ma ko lākou manaʻo, a me kā lākou hana;) no ʻArimataia, no ke kūlanakauhale o ka poʻe Iudaio ia, e kali ana nō ʻo ia i ke aupuni o ke Akua.

NĀ ʻOIHANA A KA POʻE LUNAʻŌLELO 24:27

A hala aʻela nā makahiki ʻelua, hiki aʻela ma ko Pelika hakahaka, ʻo Porekio Peseto, a waiho ihola ʻo Pelika iā Paulo e paʻa ana, no kona makemake e hōʻoluʻolu i nā Iudaio.

NĀ ʻOIHANA A KA POʻE LUNAʻŌLELO 25:9

No ka makemake ʻana o Peseto, e lokomaikaʻi aku i nā Iudaio, nīnau akula kēlā iā Paulo, ʻī akula, “Ke makemake nei anei ʻoe e piʻi i Ierusalema, a ma laila e hoʻokolokolo ʻia ai e aʻu, ma kēia mau mea?”

ʻO KA ʻEPISETOLE A PAULO KA LUNAʻŌLELO I KO ROMA 1:32

ua ʻike lākou i ke kānāwai o ke Akua, ʻo ka poʻe e hana pēlā, he pono lākou e make, a ke hana nei nō lākou ia mau mea, a ua mahalo nō hoʻi i ka poʻe e hana ana ma laila.

KA BUKE ʻALIMA A MOSE, I KAPA ʻIA KĀNĀWAI LUA 1:17

‘Mai nānā ʻoukou i nā maka i ka hoʻoponopono ʻana; e lohe ʻoukou i kā ka mea ʻuʻuku e like me kā ka mea nui; mai makaʻu ʻoukou i ka maka o ke kanaka; no ka mea, na ke Akua ka hoʻoponopono ʻana; a ʻo ka mea pohihihi iā ʻoukou, e lawe mai ia mea iaʻu, a naʻu ia e lohe aku.’

KA BUKE ʻALIMA A MOSE, I KAPA ʻIA KĀNĀWAI LUA 16:19

“Mai pale aʻe ʻoe i ka pono, ʻaʻole hoʻi e nānā aku i nā maka, ʻaʻole hoʻi ʻoe e lawe i ke kīpē; no ka mea, ke hoʻomakapō ke kīpē i nā maka o ka poʻe naʻauao, a ke hoʻololi aʻe i nā mea o ka poʻe pono.

KA BUKE ʻALIMA A MOSE, I KAPA ʻIA KĀNĀWAI LUA 24:17

¶ “Mai hoʻokeʻekeʻe ʻoe i ka pono o ka malihini, ʻaʻole hoʻi i ke keiki makua ʻole, ʻaʻole hoʻi ʻoe e lawe i ke kapa ʻaʻahu o ka wahine kāne make i uku pānaʻi.

KA BUKE A IOSUA 24:15

“A inā he mea ʻino i ko ʻoukou manaʻo ke mālama iā Iēhova, e koho ʻoukou i kēia lā i kā ʻoukou mea e mālama aku ai; i nā akua paha a ko ʻoukou poʻe kūpuna i mālama ai ma kēlā kapa aku o ka muliwai, i nā akua paha o kā ʻAmora, no lākou nō ka ʻāina e noho nei ʻoukou; akā, ʻo wau, a me ko ka hale oʻu, e mālama mākou iā Iēhova.”

KA BUKE MUA A SAMUʻELA 15:24

¶ ʻĪ maila ʻo Saula iā Samuʻela, “Ua hewa au; no ka mea, ua mālama ʻole au i ke kauoha a Iēhova, a me kāu mau ʻōlelo, no kuʻu makaʻu ʻana i nā kānaka, a ua hoʻolohe au i ko lākou leo.

KA BUKE MUA A SAMUʻELA 15:9

Akā, ʻo Saula a me nā kānaka i hoʻōla akula iā ʻAgaga, a i nā mea maikaʻi o ka poʻe hipa, a ʻo ka poʻe bipi, a i nā mea maikaʻi iki iho, a i nā keiki hipa, a i nā mea maikaʻi a pau, ʻaʻole i luku aku iā lākou; akā, ʻo nā mea i hoʻowahāwahā ʻia, a me nā mea ʻino, ua pau loa ia mea i ka luku ʻia e lākou.