KA BUKE ʻALUA A MOSE, I KAPA ʻIA PUKA ʻANA 21:2 - Ka Baibala Hemolele

² “Inā e kūʻai ʻoe nāu i kauā Hebera, e hoʻokauā mai nō ʻo ia i ʻeono makahiki; a i ka hiku hoʻi, e kuʻu wale ʻia aku nō ʻo ia.

KA BUKE ʻALUA A MOSE, I KAPA ʻIA PUKA ʻANA 21:2 Iomraidhean Croise

KA BUKE MUA A MOSE, I KAPA ʻIA KINOHI 27:28

“E hāʻawi mai ke Akua iā ʻoe I ka hau no ka lani mai, Me ka momona o ka honua, A me ka palaoa a me ka waina he nui.

KA BUKE MUA A MOSE, I KAPA ʻIA KINOHI 27:36

ʻĪ akula ʻo ia, “ʻAʻole anei i pono ke kapa ʻana iā ia ʻo Iakoba? No ka mea, eia ka lua o kona kāʻili ʻana i koʻu pono; kāʻili akula ʻo ia i ko ka hānau mua pono oʻu; eia hoʻi, ʻānō, ua kāʻili aʻela ʻo ia i koʻu hoʻomaikaʻi ʻia.” ʻĪ akula hoʻi ʻo ʻEsau, “ʻAʻole anei ʻoe i mālama noʻu kekahi hoʻomaikaʻi ʻana?”

KA BUKE ʻALUA NO NĀ ALIʻI 4:1

¶ ʻO kekahi wahine no nā wāhine a nā haumāna a ka poʻe kāula, auē akula ʻo ia iā ʻElisai, ʻī akula, “Ua make kāu kauā o kuʻu kāne; a ua ʻike nō ʻoe, ua makaʻu kāu kauā iā Iēhova; a ua kiʻi mai ka mea i ʻaiʻē ʻia kāna e lawe aku i kuʻu mau keiki kāne i mau kauā nāna.”

KA BUKE A NEHEMIA 5:8

A ʻī akula au iā lākou, “Ua kūʻai hoʻōla mākou i nā hoahānau o kākou i kā Iuda i kūʻai lilo ʻia aku i ko nā ʻāina ʻē, e like me ka mea i hiki iā mākou; a e kūʻai anei ʻoukou i ko ʻoukou hoahānau, ʻeā? A e kūʻai ʻia mai anei lākou iā kākou?” A laila mumule ihola lākou, ʻaʻole hoʻi i loaʻa iā lākou kekahi mea e ʻekemu mai ai.

KA BUKE ʻALUA A MOSE, I KAPA ʻIA PUKA ʻANA 12:44

“Akā, ʻo ke kauā a kēlā kanaka kēia kanaka i kūʻai ʻia i ke kālā, aia ʻoki poepoe iho ʻoe iā ia, a laila ia e ʻai iho ai ia mea.

KA BUKE ʻALUA A MOSE, I KAPA ʻIA PUKA ʻANA 21:3

“Inā i komo mai ʻo ia i loko, ʻo kona kino wale nō, a laila, e hele aku nō ʻo ia i waho, ʻo kona kino wale nō; akā, inā i mare ʻia ʻo ia, a laila e hele pū aku nō kāna wahine me ia.

KA BUKE ʻALUA A MOSE, I KAPA ʻIA PUKA ʻANA 21:7

“Inā e kūʻai lilo aku ke kanaka i kāna kaikamahine i kauā wahine, ʻaʻole ia e hoʻokuʻu ʻia aku e like me ke kuʻu ʻia ʻana o nā kauā kāne.

KA BUKE ʻALUA A MOSE, I KAPA ʻIA PUKA ʻANA 22:3

“Akā, inā i puka mai ka lā ma luna ona, a laila, ua pili nō kona koko. Ua pono nō iā ia ke uku pau loa mai, a inā i nele ʻo ia, a laila, ua pono ke kūʻai ʻia ʻo ia no kona ʻaihue ʻana.

KA BUKE ʻAKOLU A MOSE, I KAPA ʻIA ʻOIHANA KAHUNA 25:54

‘A inā i ʻole e kūʻai lilo hou ʻia mai, ma ia mau mea, a laila e hele aku nō ia i ka Makahiki Iubilē, ʻo ia pū me kāna mau keiki me ia.

KA ʻEUANELIO I KĀKAU ʻIA AI E MATAIO 18:25

“ʻAʻole hoʻi āna mea e uku aku ai; kauoha akula kona haku e kūʻai lilo ʻia aku ʻo ia me kāna wahine, a me kāna mau keiki, a me kāna mea a pau loa, i loaʻa ai ka uku.

ʻO KA ʻEPISETOLE MUA A PAULO KA LUNAʻŌLELO I KO KORINETO 6:20

Ua kūʻai ʻia ʻoukou me ke kumu kūʻai; no ia mea, e hoʻonani aku ai ʻoukou i ke Akua, me ko ʻoukou kino, a me ko ʻoukou ʻuhane, na ke Akua nō ia mau mea.

KA BUKE ʻALIMA A MOSE, I KAPA ʻIA KĀNĀWAI LUA 15:1

¶ “I ka pau ʻana o nā makahiki pāhiku e kala aku ʻoe i nā mea.

KA BUKE ʻALIMA A MOSE, I KAPA ʻIA KĀNĀWAI LUA 15:18

“Mai minamina ʻoe i kou hoʻokuʻu aku iā ia mai ou aku lā; no ka mea, ua ʻoi aku kona pono iā ʻoe, i ko nā kauā hoʻolimalima ʻelua, i kona mālama ʻana iā ʻoe i nā makahiki ʻeono; a e hoʻopōmaikaʻi ʻo Iēhova kou Akua iā ʻoe i nā mea a pau āu e hana ai.

KA BUKE ʻALIMA A MOSE, I KAPA ʻIA KĀNĀWAI LUA 31:10

Kauoha akula ʻo Mose iā lākou, ʻī akula, “I ka pau ʻana o nā makahiki pāhiku, ma ka ʻahaʻaina o ka makahiki o ke kala ʻana aku, ma ka ʻAhaʻaina Kauhalelewa,