KA BUKE ʻALUA A MOSE, I KAPA ʻIA PUKA ʻANA 20:4 - Ka Baibala Hemolele

⁴ ¶ “Mai hana ʻoe i ke kiʻi i kālai ʻia nou, ʻaʻole ma ka like ʻana o kekahi mea i ka lani i luna, a me ko ka honua i lalo, a ma loko hoʻi o ka wai ma lalo o ka honua;

KA BUKE ʻALUA A MOSE, I KAPA ʻIA PUKA ʻANA 20:4 Iomraidhean Croise

KA BUKE MUA NO NĀ ALIʻI 12:28

No laila kūkā ihola ke aliʻi, a hana i nā keiki bipi gula ʻelua, a ʻī maila ʻo ia iā lākou, “He nui ko ʻoukou hele ʻana i Ierusalema. Eia hoʻi kou mau akua, e ʻIseraʻela, i lawe mai iā ʻoe mai ka ʻāina mai ʻo ʻAigupita!”

KA BUKE ʻALUA NO NĀ ALIʻI 17:12

A mālama lākou i nā kiʻi, i nā mea a Iēhova i ʻī mai ai, “Mai hana ʻoukou i kēia mea.”

KA BUKE ʻALUA O KA ʻOIHANA ALIʻI 33:7

A hoʻonoho ia i kiʻi i kālai ʻia, ka mea āna i hana ai, i loko o ka hale o ke Akua, kahi a ke Akua i ʻōlelo mai ai iā Dāvida, a iā Solomona kāna keiki, “I loko o kēia hale, a ma Ierusalema, ʻo kahi ia aʻu i wae ai ma waena o nā ʻohana a pau a ʻIseraʻela, a ma laila au e waiho mau loa ai i koʻu inoa;

KA BUKE O NĀ HALELŪ 78:58

Hoʻonāukiuki lākou iā ia i ko lākou wahi kiʻekiʻe, A hoʻolili nō hoʻi iā ia i ko lākou poʻe kiʻi kālai ʻia.

KA BUKE O NĀ HALELŪ 97:7

¶ E hoʻohilahila ʻia ka poʻe a pau i mālama i nā kiʻi kālai ʻia, Ka poʻe a pau i kaena ma nā akua wahaheʻe; E hoʻomana ʻoukou iā ia, e nā akua a pau.

KA BUKE ʻALUA A MOSE, I KAPA ʻIA PUKA ʻANA 20:23

‘Mai hana ʻoe i nā akua ʻē me aʻu nei i nā akua kālā, a mai hana i nā akua gula no ʻoukou.

KA BUKE ʻALUA A MOSE, I KAPA ʻIA PUKA ʻANA 32:1

¶ A ʻike akula nā kānaka i ko Mose hoʻokaʻulua ʻana i ka iho mai, mai ka mauna mai, ʻākoakoa ihola na kānaka i o ʻAʻarona lā, ʻōlelo aʻela iā ia, “E kū ʻoe, e hana i akua no kākou, i mea hele ma mua o kākou; no ka mea, ʻo ua Mose lā, ke kanaka nāna kākou i alakaʻi mai nei, mai ka ʻāina ʻo ʻAigupita mai; ʻaʻole kākou ʻike i kona wahi i lilo aku ai.”

KA BUKE ʻALUA A MOSE, I KAPA ʻIA PUKA ʻANA 32:23

“No ka mea, ʻōlelo mai lākou iaʻu, ‘E hana ʻoe i nā akua no kākou, e hele aku i mua o kākou; no ka mea, ʻo ua Mose nei, ke kanaka nāna kākou i lawe mai nei, mai ka ʻāina ʻo ʻAigupita mai, ʻaʻole kākou i ʻike i kona wahi i lilo aku ai.’

KA BUKE ʻALUA A MOSE, I KAPA ʻIA PUKA ʻANA 32:4

Lawe ihola ia, mai ko lākou lima aku, a koli ihola ia mea i ke kila, a hana aʻela i bipi keiki i hoʻoheheʻe ʻia; a ʻōlelo ihola lākou, “Eia kou akua, e kā ʻIseraʻela, nāna ʻoe i lawe mai nei, mai ka ʻāina ʻo ʻAigupita mai!”

KA BUKE ʻALUA A MOSE, I KAPA ʻIA PUKA ʻANA 32:8

“Ua huli koke aʻe lākou, mai ke ala aku aʻu i kauoha aku ai iā lākou; ua hana lākou i bipi keiki i hoʻoheheʻe ʻia no lākou, ua hoʻomana lākou ia mea, a ua mōhai hoʻi lākou iā ia, me ka ʻī ʻana aku, ‘E kā ʻIseraʻela ē, eia kou akua, nāna ʻoe i lawe mai nei, mai ka ʻāina ʻo ʻAigupita mai!”

KA BUKE ʻALUA A MOSE, I KAPA ʻIA PUKA ʻANA 34:17

“Mai hana ʻoe i akua hoʻoheheʻe ʻia nou.

KA WĀNANA A ʻISAIA 42:17

E hoʻopalai maka, a e hilahila loa hoʻi ka poʻe a pau i hilinaʻi i nā kiʻi kālai ʻia, Ka poʻe i ʻōlelo i nā kiʻi i hoʻoheheʻe ʻia, “ʻO ʻoukou nō ko mākou mau akua.”

KA WĀNANA A ʻISAIA 42:8

“ʻO wau nō Iēhova, ʻo ia koʻu inoa; ʻAʻole au e hāʻawi i koʻu nani iā haʻi, ʻAʻole hoʻi koʻu hanohano i nā kiʻi kālai ʻia.

KA WĀNANA A ʻISAIA 45:16

Ua hilahila, a ua hoʻopalai maka lākou a pau; Holo pū nō i loko o ka hilahila, ka poʻe hana akua kiʻi.

KA WĀNANA A ʻEZEKIʻELA 20:7

“A laila ʻōlelo akula au iā lākou, ‘E haʻalele ʻoukou kēlā kanaka kēia kanaka i ka mea inaina ʻia o kona mau maka, mai noho a hoʻohaumia iā ʻoukou iho ma nā kiʻi o ʻAigupita; ʻo wau nō Iēhova ko ʻoukou Akua.’

KA WĀNANA A ʻEZEKIʻELA 8:10

Komo aʻela hoʻi au a ʻike, aia hoʻi ʻo ke ʻano o nā mea kolo a pau me nā holoholona i hoʻopailua ʻia, a me nā akua kiʻi o ka ʻohana a ʻIseraʻela i kākau ʻia ma ka pā a puni.

KA WĀNANA A ʻEZEKIʻELA 8:3

Kīkoʻo maila ʻo ia i ka mea like me ka lima, a lālau mai iaʻu ma kekahi wili lauoho o kuʻu poʻo, a kaʻikaʻi aʻe ka ʻUhane iaʻu i luna ma waena o ka honua a me ka lani, a alakaʻi aʻela iaʻu i Ierusalema ma nā hihiʻo o ke Akua, i ka pani o ka puka pā i loko e nānā ana i ke kūkulu ʻākau, kahi o ke kiʻi e lili ai ka mea hoʻolili.

KA BUKE ʻAKOLU A MOSE, I KAPA ʻIA ʻOIHANA KAHUNA 19:4

‘Mai huli ʻoukou ma nā kiʻi, ʻaʻole hoʻi e hana i nā akua i hoʻoheheʻe ʻia no ʻoukou; ʻo wau nō Iēhova ko ʻoukou Akua.

KA BUKE ʻAKOLU A MOSE, I KAPA ʻIA ʻOIHANA KAHUNA 26:1

¶ ‘Mai hana ʻoukou i nā akua kiʻi, a me nā kiʻi kālai ʻia no ʻoukou; ʻaʻole hoʻi e kūkulu i kiʻi kū, ʻaʻole hoʻi e hoʻokū i kiʻi pōhaku ma ko ʻoukou ʻāina e kūlou iho iā ia; no ka mea, ʻo wau nō Iēhova ko ʻoukou Akua.

KA BUKE ʻAHĀ A MOSE, I KAPA ʻIA NĀ HELU 12:8

“E ʻōlelo aku ana au me ia he waha nō he waha, Ma ka mea akāka, ʻaʻole ma ka ʻōlelo nane; A e ʻike mai nō ia i ke aka o Iēhova. No ke aha lā hoʻi i makaʻu ʻole ai ʻolua I ka ʻōhumu aku i kuʻu kauā iā Mose?”

NĀ ʻOIHANA A KA POʻE LUNAʻŌLELO 17:29

“Inā he poʻe keiki kākou na ke Akua, ʻaʻole pono iā kākou ke manaʻo i ko ke Akua ʻAno, ua like ia me ke gula, a me ke kālā, a me ka pōhaku i kālai ʻia ma ke akamai a me ka noʻonoʻo o kānaka.

ʻO KA ʻEPISETOLE A PAULO KA LUNAʻŌLELO I KO ROMA 1:23

a hoʻololi aku lākou i ka nani o ke Akua make ʻole, i kiʻi e like me ke kanaka make, a me nā manu, a me nā holoholona wāwae ʻehā, a me nā mea kolo.

KA BUKE ʻALIMA A MOSE, I KAPA ʻIA KĀNĀWAI LUA 16:22

“Mai kūkulu hoʻi ʻoe i kiʻi nou, ka mea ia a Iēhova kou Akua e inaina ai.”

KA BUKE ʻALIMA A MOSE, I KAPA ʻIA KĀNĀWAI LUA 27:15

¶ ‘E pōʻino ke kanaka, ke hana ia i kiʻi kālai ʻia a me ke kiʻi i hoʻoheʻeheʻe ʻia, he mea hoʻopailua ʻia i mua o Iēhova, ka hana a nā lima o ke kahuna hana, a ke waiho iho ia ma kahi malū.’ A e pane mai nā kānaka a pau, e ʻōlelo mai, ‘Pēlā ʻiʻo nō!’

KA BUKE ʻALIMA A MOSE, I KAPA ʻIA KĀNĀWAI LUA 5:8

¶ ‘Mai hana ʻoe i kiʻi kālai ʻia nou, i kekahi like ʻana me ko ka lani i luna, a me ko ka honua i lalo, a me ko loko o ka wai ma lalo o ka honua;

KA HŌʻIKE ʻANA A IOANE KA HAIPULE 16:2

¶ Hele akula ka mua, ninini akula i kona hue ma luna iho o ka honua; a puʻu maila ka hēhē, ʻinoʻino pono ʻole ma luna o ka poʻe kānaka i loaʻa ka hōʻailona o ka holoholona, a i hoʻomana aku i kona kiʻi.

KA HŌʻIKE ʻANA A IOANE KA HAIPULE 9:20

A ʻo kānaka i koe, ka poʻe i make ʻole i kēia mau mea ʻino, ʻaʻole lākou i mihi i nā hana a ko lākou mau lima, i ʻole ai lākou e hoʻomana aku i nā daimonio, a me nā akua kiʻi o ke gula, a me ke kālā, a me ke keleawe, a me ka pōhaku, a me ka lāʻau; nā mea ʻaʻole hiki ke nānā, ʻaʻole hoʻi ke lohe, ʻaʻole hoʻi ke hele.

KA BUKE NO NĀ LUNA KĀNĀWAI 17:3

A hoʻihoʻi aku ia i ke tausani ʻāpana kālā me ka haneri keu i kona makuahine, a laila, ʻōlelo maila kona makuahine, “Ua hoʻolaʻa loa aku au ia kālā iā Iēhova, mai koʻu lima aku, i mea na kaʻu keiki, e hana aku ai i kiʻi, a i kiʻi hoʻoheheʻe ʻia; no laila ʻeā, e hoʻihoʻi aku au ia iā ʻoe.”