KA BUKE ʻALUA A MOSE, I KAPA ʻIA PUKA ʻANA 20:3 - Ka Baibala Hemolele

³ ¶ “ʻAʻole ou akua ʻē aʻe i mua o koʻu alo.

KA BUKE ʻALUA A MOSE, I KAPA ʻIA PUKA ʻANA 20:3 Iomraidhean Croise

KA BUKE MUA NO NĀ ALIʻI 11:4

ʻO kēia hoʻi, a ʻelemakule aʻela ʻo Solomona, ua hoʻohuli aʻe kāna mau wāhine i kona naʻau ma muli o nā akua ʻē; ʻaʻole i hemolele kona naʻau iā Iēhova kona Akua, e like me ka naʻau o Dāvida kona makua kāne.

KA BUKE O NĀ HALELŪ 29:2

E hāʻawi aku iā Iēhova i ka nani o kona inoa; E hoʻomana aku iā Iēhova me nā mea nani hoʻāno.

KA BUKE O NĀ HALELŪ 73:25

¶ ʻO wai lā koʻu ma ka lani? ʻAʻohe hoʻi mea ma ka honua nei aʻu e makemake nei ma mua ou.

KA BUKE O NĀ HALELŪ 81:10

“ʻO wau nō ʻo Iēhova, kou Akua, Nāna ʻoe i lawe mai nei mai ka ʻāina ʻo ʻAigupita mai; E hoʻohāmama i kou waha, a naʻu ia e hoʻopiha ai.

KA BUKE O NĀ HALELŪ 81:9

“Mai noho ke akua ʻē aʻe me ʻoe, Mai kūlou hoʻi i mua o ke akua ʻē aʻe.

KA BUKE ʻALUA A MOSE, I KAPA ʻIA PUKA ʻANA 15:11

“ʻO wai ka mea i waena o ka poʻe ikaika e like me ʻoe, e Iēhova? ʻO wai kou mea like, ma ka nani o ka hemolele, He mea weliweli ka hoʻomana aku, ua hana ʻoe i nā mea kupanaha?

KA BUKE ʻALUA A MOSE, I KAPA ʻIA PUKA ʻANA 20:23

‘Mai hana ʻoe i nā akua ʻē me aʻu nei i nā akua kālā, a mai hana i nā akua gula no ʻoukou.

KA BUKE ʻALUA A MOSE, I KAPA ʻIA PUKA ʻANA 22:19

¶ “ʻO ka mea moe pū me ka holoholona, e ʻoiaʻiʻo nō e make ia.

KA BUKE ʻALUA A MOSE, I KAPA ʻIA PUKA ʻANA 23:24

“Mai kūlou ʻoe i ko lākou akua, ʻaʻole hoʻi e mālama aku iā lākou, ʻaʻole hoʻi e hana aku ma muli o kā lākou hana; akā, e hoʻokahuli loa ʻoe iā lākou, a e wāwahi loa i ko lākou mau kiʻi.

KA BUKE ʻALUA A MOSE, I KAPA ʻIA PUKA ʻANA 32:8

“Ua huli koke aʻe lākou, mai ke ala aku aʻu i kauoha aku ai iā lākou; ua hana lākou i bipi keiki i hoʻoheheʻe ʻia no lākou, ua hoʻomana lākou ia mea, a ua mōhai hoʻi lākou iā ia, me ka ʻī ʻana aku, ‘E kā ʻIseraʻela ē, eia kou akua, nāna ʻoe i lawe mai nei, mai ka ʻāina ʻo ʻAigupita mai!”

KA BUKE ʻALUA A MOSE, I KAPA ʻIA PUKA ʻANA 34:14

“No ka mea, mai hoʻomana ʻoe i kekahi akua ʻē; no ka mea, ʻo Iēhova, nona ka inoa ʻo Lili, he Akua lili ia;

KA WĀNANA A ʻISAIA 26:4

“E hilinaʻi aku ʻoukou iā Iēhova a i ka manawa pau ʻole; No ka mea, ma ka Haku, ma o IĒHOVA lā ka hoʻomalu, a i ka manawa pau ʻole.

KA WĀNANA A ʻISAIA 42:8

“ʻO wau nō Iēhova, ʻo ia koʻu inoa; ʻAʻole au e hāʻawi i koʻu nani iā haʻi, ʻAʻole hoʻi koʻu hanohano i nā kiʻi kālai ʻia.

KA WĀNANA A ʻISAIA 43:10

“ʻO ʻoukou nō koʻu poʻe ʻike maka,” wahi a Iēhova, “ʻO kaʻu kauā hoʻi ka mea aʻu i wae ai, I ʻike mai ʻoukou, a manaʻoʻiʻo mai iaʻu; A hoʻomaopopo hoʻi, ʻo wau nō ia. Ma mua oʻu, ʻaʻohe akua i hana ʻia, ʻAʻole hoʻi auaneʻi ma hope oʻu.

KA WĀNANA A ʻISAIA 44:8

‘Mai makaʻu ʻoukou, mai hopohopo hoʻi; ʻAʻole anei au i haʻi aku iā ʻoe, mai ia manawa mai, ʻAʻole anei au i hōʻikeʻike aku? ʻO ʻoukou nō koʻu poʻe hōʻike. He Akua ʻē anei kekahi, ke kaʻawale au? ʻAʻohe Pōhaku, ʻaʻohe mea aʻu i ʻike ai.’”

KA WĀNANA A ʻISAIA 46:9

“E hoʻomanaʻo i nā mea kahiko o kēlā wā ma mua; No ka mea, ʻo wau nō ke Akua, ʻaʻohe mea ʻē aʻe, ʻO wau nō ke Akua, ʻaʻohe mea like me aʻu,

KA WĀNANA A IEREMIA 25:6

‘A mai hele hoʻi ma muli o nā akua ʻē, e mālama iā lākou, a e hoʻomana iā lākou; a mai hoʻonāukiuki mai ʻoukou iaʻu i nā hana a ko ʻoukou mau lima; a laila, ʻaʻole au e hana ʻino iā ʻoukou.’

KA WĀNANA A IEREMIA 35:15

“Ua hoʻouna aku nō hoʻi au i o ʻoukou lā, i kaʻu poʻe kauā a pau, i nā kāula, e ala ana i ka wanaʻao e hoʻouna, me ka ʻōlelo aku, ‘E hoʻi mai kēlā mea kēia mea o ʻoukou, mai kona ʻaoʻao hewa mai, a e hoʻoponopono i kā ʻoukou hana ʻana; a mai hele ma hope o nā akua ʻē, e mālama iā lākou, a e noho nō ʻoukou ma ka ʻāina aʻu i hāʻawi aku ai iā ʻoukou, a i ko ʻoukou poʻe mākua. ʻAʻole naʻe ʻoukou i hāliu mai i ko ʻoukou pepeiao, ʻaʻole i hoʻolohe mai iaʻu.

KA WĀNANA A IEREMIA 7:9

“E ʻaihue anei ʻoukou, a pepehi kanaka, a moekolohe, a e hōʻike wahaheʻe, a e kuni i ka mea ʻala no Baʻala, a e hele ma muli o nā akua ʻē a ʻoukou i ʻike ʻole ai?

KA BUKE NO DANIʻELA 3:18

A i ʻole hoʻi ia, e ʻike auaneʻi ʻoe, e ke aliʻi, ʻaʻole mākou e mālama i kou mau akua, ʻaʻole hoʻi mākou e hoʻomana aku i ke kiʻi gula āu i kūkulu ai.

HOSEA 13:4

¶ Akā, ʻo wau ʻo Iēhova ke Akua ou, mai ka ʻāina ʻo ʻAigupita mai, Mai ʻike ʻoe i akua ʻē aʻe, iaʻu wale nō; No ka mea, ʻaʻohe hoʻōla, ʻo wau wale nō.

KA ʻEUANELIO I KĀKAU ʻIA AI E MATAIO 4:10

A laila, ʻōlelo maila Iesū iā ia, “E hele pēlā ʻoe, e Sātana; no ka mea, ua palapala ʻia, ‘«E hoʻomana aku ʻoe i ka Haku i kou Akua, a e mālama aku ʻoe iā ia wale nō».’”

ʻO KA ʻEPISETOLE MUA A PAULO KA LUNAʻŌLELO I KO KORINETO 8:4

Ma ka ʻai ʻana i nā mea i kaumaha ʻia na nā kiʻi, ua ʻike nō kākou, he mea ʻole ke kiʻi, ma ka honua nei, ʻaʻole hoʻi he Akua ʻē aʻe, hoʻokahi wale nō.

ʻO KA ʻEPISETOLE MUA A PAULO KA LUNAʻŌLELO I KO KORINETO 8:6

akā, iā kākou, hoʻokahi nō Akua, ʻo ka Makua, a nāna mai nā mea a pau, a iā ia hoʻi kākou nei; hoʻokahi nō Haku, ʻo Iesū Kristo, ma ona lā nā mea a pau, a ma ona lā hoʻi kākou.

ʻO KA ʻEPISETOLE A PAULO KA LUNAʻŌLELO I KO ʻEPESO 5:5

No ka mea, ua ʻike ʻoukou i kēia, ʻaʻole ka mea moekolohe, ʻaʻole hoʻi ka mea haumia, ʻaʻole hoʻi ka mea puni waiwai, ʻo ia hoʻi ka mea hoʻomana kiʻi, ʻaʻole loa o lākou noho ʻana i ke aupuni o Kristo a ʻo ke Akua.

KA BUKE ʻALIMA A MOSE, I KAPA ʻIA KĀNĀWAI LUA 5:7

¶ ‘ʻAʻole ou akua ʻē aʻe i mua o koʻu alo.

KA BUKE ʻALIMA A MOSE, I KAPA ʻIA KĀNĀWAI LUA 6:14

“Mai hele aku ʻoukou ma muli o nā akua ʻē, ʻo nā akua o nā kānaka e noho ana a puni ʻoukou;

KA BUKE ʻALIMA A MOSE, I KAPA ʻIA KĀNĀWAI LUA 6:5

“E aloha aku ʻoe iā Iēhova i kou Akua me kou naʻau a pau, me kou ʻuhane a pau, a me kou ikaika a pau.

ʻO KA ʻEPISETOLE A PAULO KA LUNAʻŌLELO I KO PILIPI 3:19

ʻo ka make ko lākou hope, ʻo ka ʻōpū hoʻi ko lākou akua, a ma ka mea hilahila ko lākou nani, ke manaʻo nei hoʻi lākou i nā mea o ka honua.)

ʻO KA ʻEPISETOLE A PAULO KA LUNAʻŌLELO I KO KOLOSA 2:18

Mai hoʻonele mai kekahi iā ʻoukou i ko ʻoukou uku ma ka hoʻohaʻahaʻa wale ʻana, a me ka hoʻomana ʻana i nā ʻānela, e māʻoi wale ana i loko o nā mea āna i ʻike ʻole ai, e hoʻokano wale ana kona naʻau kanaka,

KA HŌʻIKE ʻANA A IOANE KA HAIPULE 19:10

A moe ihola au i lalo i kona wāwae e hoʻomana iā ia. ʻĪ mai kēlā iaʻu, “Uoki kāu; ʻo wau nō kou hoa kauā, kekahi o kou poʻe hoahānau e hōʻike ana iā Iesū; e hoʻomana i ke Akua; no ka mea, ʻo ka ʻuhane iā ia ka wānana, ʻo ia kai hōʻike iā Iesū.”

KA HŌʻIKE ʻANA A IOANE KA HAIPULE 22:9

ʻĪ maila kēlā iaʻu, “Uoki kāu; no ka mea, ʻo wau nō kou hoa kauā, kekahi o nā kāula, kou mau hoahānau, ka poʻe e mālama i nā ʻōlelo o kēia buke. E hoʻomana i ke Akua.”

KA BUKE NO NĀ LUNA KĀNĀWAI 6:10

‘ʻĪ akula au iā ʻoukou, “ʻO wau nō ʻo Iēhova, ʻo ko ʻoukou Akua. Mai makaʻu ʻoukou i nā akua o kā ʻAmora, nā mea nona ka ʻāina, a ʻoukou e noho ai. Akā, ʻaʻole ʻoukou i hoʻolohe i koʻu leo.”’”