KA BUKE ʻALUA A MOSE, I KAPA ʻIA PUKA ʻANA 20:2 - Ka Baibala Hemolele

² ¶ “ʻO wau nō Iēhova ʻo kou Akua, ka mea nāna ʻoe i lawe mai nei, mai ka ʻāina ʻo ʻAigupita mai, mai loko mai hoʻi o ka hale hoʻoluhi.

KA BUKE ʻALUA A MOSE, I KAPA ʻIA PUKA ʻANA 20:2 Iomraidhean Croise

KA BUKE MUA NO NĀ ALIʻI 18:39

A ʻike ka poʻe kānaka a pau, moe ihola lākou i lalo ke alo, ʻī akula hoʻi lākou, “ʻO Iēhova, ʻo ia ke Akua; ʻo Iēhova, ʻo ia ke Akua!”

KA BUKE ʻALUA NO NĀ ALIʻI 17:12

A mālama lākou i nā kiʻi, i nā mea a Iēhova i ʻī mai ai, “Mai hana ʻoukou i kēia mea.”

KA BUKE ʻALUA NO NĀ ALIʻI 17:7

¶ No ka mea, ua hana hewa nā mamo a ʻIseraʻela iā Iēhova ko lākou Akua, nāna lākou i lawe aʻe mai ka ʻāina ʻo ʻAigupita mai, mai lalo mai o ka lima o Paraʻo, ke aliʻi o ʻAigupita, a ua mālama lākou i nā akua ʻē.

KA BUKE ʻALUA O KA ʻOIHANA ALIʻI 28:5

¶ No ia mea, hāʻawi ʻo Iēhova kona Akua iā ia i loko o ka lima o ke aliʻi o Suria; a ua hahau lākou iā ia, a ua lawe pio i kekahi poʻe nui loa o lākou, a alakaʻi iā lākou i Damaseko; a ua hāʻawi ʻia nō hoʻi ia i loko o ka lima o ke aliʻi o kā ʻIseraʻela, a hahau mai ʻo ia iā ia ma ka hahau nui.

KA BUKE O NĀ HALELŪ 50:7

¶ “E hoʻolohe mai, e koʻu poʻe kānaka, a e ʻōlelo aku au; E ʻIseraʻela, a e hōʻike kūʻē au iā ʻoe; ʻO wau nō ke Akua, kou Akua nō.

KA BUKE O NĀ HALELŪ 81:10

“ʻO wau nō ʻo Iēhova, kou Akua, Nāna ʻoe i lawe mai nei mai ka ʻāina ʻo ʻAigupita mai; E hoʻohāmama i kou waha, a naʻu ia e hoʻopiha ai.

KA BUKE O NĀ HALELŪ 81:11

¶ “ʻAʻole naʻe i hoʻolohe koʻu poʻe kānaka i koʻu leo; ʻAʻole hoʻi i makemake mai ʻo kā ʻIseraʻela iaʻu.

KA BUKE O NĀ HALELŪ 81:7

“I ka pōpilikia, kāhea mai ʻoe, a hoʻopakele aku ai iā ʻoe, A pane akula au ma kahi malu o ka hekili; Hoʻāʻo aku au iā ʻoe ma nā wai o Meriba.

KA BUKE ʻALUA A MOSE, I KAPA ʻIA PUKA ʻANA 13:14

“Eia hoʻi, a i ka wā e nīnau mai ai kāu keiki kāne ma hope aku nei, e ʻī mai ana, ‘He aha kēia?’ A laila e haʻi aku ʻoe iā ia, ‘Me ka lima ikaika kā Iēhova i lawe mai ai iā mākou mai loko mai o ʻAigupita, a mai loko mai hoʻi o ka hale hoʻoluhi.

KA BUKE ʻALUA A MOSE, I KAPA ʻIA PUKA ʻANA 13:3

¶ ʻĪ akula ʻo Mose i nā kānaka, “E hoʻomanaʻo ʻoukou i kēia lā a ʻoukou i puka mai ai, mai loko mai o ʻAigupita, a mai loko aʻe o ka hale hoʻoluhi; no ka mea, ua lawe mai nei ʻo Iēhova iā ʻoukou mai loko mai o ia wahi, me ka lima ikaika; ʻaʻole e ʻai ʻia ka berena hū.

KA BUKE ʻALUA A MOSE, I KAPA ʻIA PUKA ʻANA 15:13

“Ma ka lokomaikaʻi nō ʻoe i alakaʻi mai ai i nā kānaka āu i hoʻōla pānaʻi ai; Me kou mana nō ʻoe i alakaʻi ai iā lākou i kahi hemolele āu i noho ai.

KA BUKE ʻALUA A MOSE, I KAPA ʻIA PUKA ʻANA 15:16

“E kau mai nō ka makaʻu a me ka weliweli ma luna o lākou; No ka nui o kou lima e noho mālie lākou me he pōhaku lā; A hala aʻe kou poʻe kānaka, e Iēhova, A hala aʻe nā kanaka āu i hoʻōla pānaʻi ai.

KA BUKE ʻALUA A MOSE, I KAPA ʻIA PUKA ʻANA 15:26

ʻĪ maila, “A i hoʻolohe mau mai ʻoe i ka leo o Iēhova, ʻo kou Akua, a e hana i ka mea pono i mua o kona maka, a e hoʻolohe i ka mea āna e kauoha mai ai, a mālama i kona mau kānāwai, a laila ʻaʻole au e kau ma luna ou i kekahi o kēia mau maʻi aʻu i kau ai ma luna o ko ʻAigupita; no ka mea, ʻo wau nō Iēhova, ka mea hoʻōla aku iā ʻoe.”

KA BUKE ʻALUA A MOSE, I KAPA ʻIA PUKA ʻANA 20:1

¶ ʻŌlelo maila ke Akua i kēia mau ʻōlelo a pau, ʻī maila:

KA BUKE ʻALUA A MOSE, I KAPA ʻIA PUKA ʻANA 29:46

“A e ʻike auaneʻi lākou, ʻo wau nō Iēhova, ko lākou Akua, ka mea i lawe mai iā lākou, mai ka ʻāina ʻo ʻAigupita mai, i noho wau i waena o lākou. ʻO wau, ʻo Iēhova nō ko lākou Akua.

KA BUKE ʻALUA A MOSE, I KAPA ʻIA PUKA ʻANA 6:6

“No ia mea, e ʻōlelo aku ʻoe i nā mamo a ʻIseraʻela, ‘ʻO wau nō Iēhova, a e lawe mai ana nō wau iā ʻoukou mai lalo mai o nā mea kaumaha a ko ʻAigupita, a e hoʻopakele nō wau iā ʻoukou i ko lākou hoʻoluhi ʻana; a e hoʻōla wau iā ʻoukou me ka lima kākāuha, a me nā hoʻopaʻi ʻana he nui loa.

KA WĀNANA A ʻISAIA 43:3

“No ka mea, ʻo wau nō Iēhova kou Akua, Ka Mea Hemolele o kā ʻIseraʻela, kou Mea e ola ai; Ua hāʻawi au iā ʻAigupita, i pānaʻi nou, Iā ʻAitiopa, a me Seba hoʻi, i uku pānaʻi nou;

KA WĀNANA A IEREMIA 16:14

¶ “No laila, aia hoʻi, e hiki mai ana nā lā,” wahi a Iēhova, “ʻaʻole e ʻōlelo hou ʻia mai, ‘Ke ola lā nō ʻo Iēhova, ka mea nāna i lawe mai i nā mamo a ʻIseraʻela, mai ka ʻāina ʻo ʻAigupita mai’;

KA WĀNANA A IEREMIA 2:6

“ʻAʻole hoʻi lākou i nīnau iho, ‘ʻAuhea ʻo Iēhova, Ka Mea nāna i lawe mai iā kākou, mai ka ʻāina ʻo ʻAigupita mai, A alakaʻi hoʻi iā kākou ma loko o ka wao nahele, Ma loko hoʻi o ka ʻāina i paʻapū i nā auakua, a me nā lua, Ma waena hoʻi o ka ʻāina maloʻo, a me ke aka o ka make, Ma waena o ka ʻāina i hele ʻole ʻia e kanaka, A noho ʻole ʻia hoʻi e ke kanaka?’

KA WĀNANA A IEREMIA 31:1

¶ “Ia manawa, wahi a Iēhova, ʻo wau auaneʻi ke Akua o nā ʻohana a pau o kā ʻIseraʻela, a ʻo lākou auaneʻi koʻu poʻe kānaka.”

KA WĀNANA A IEREMIA 31:33

“Akā, ʻo kēia ka berita aʻu e hana ai me ka ʻohana a ʻIseraʻela; Ma hope iho o ia mau lā,” wahi a Iēhova, “e kau nō wau i koʻu kānāwai ma loko o lākou, a e kākau iho ma ko lākou naʻau; a ʻo wau auaneʻi ko lākou Akua, a ʻo lākou hoʻi koʻu poʻe kānaka.

KA WĀNANA A IEREMIA 34:13

“Ke ʻī mai nei ʻo Iēhova, ke Akua o kā ʻIseraʻela penei, ‘Hana akula au i berita me ko ʻoukou poʻe kūpuna, i ka lā aʻu i lawe mai ai iā lākou, mai ka ʻāina ʻo ʻAigupita mai, a mai ka hale mai o ka poʻe kauā, ʻī maila,

KA WĀNANA A ʻEZEKIʻELA 20:19

‘ʻO wau nō Iēhova ko ʻoukou Akua; e hele hoʻi ʻoukou ma kaʻu mau kauoha, a e mālama i koʻu mau kānāwai, a e hana ʻoukou ma ia mau mea.

KA WĀNANA A ʻEZEKIʻELA 20:5

“E ʻōlelo aku iā lākou, ‘Ke ʻī mai nei ʻo Iēhova ka Haku penei, “I ka lā i koho aku ai au i kā ʻIseraʻela, a i hāpai ai i kuʻu lima i nā keiki a ka ʻohana a Iakoba, a i hōʻike ai iaʻu iho iā lākou ma ka ʻāina ʻAigupita, i ka wā i hāpai ai au i kuʻu lima iā lākou, me ka ʻī ʻana aʻe, ‘ʻO wau nō Iēhova ko ʻoukou Akua’;

KA WĀNANA A ʻEZEKIʻELA 20:7

“A laila ʻōlelo akula au iā lākou, ‘E haʻalele ʻoukou kēlā kanaka kēia kanaka i ka mea inaina ʻia o kona mau maka, mai noho a hoʻohaumia iā ʻoukou iho ma nā kiʻi o ʻAigupita; ʻo wau nō Iēhova ko ʻoukou Akua.’

HOSEA 12:10

A ua ʻōlelo aku au ma nā kāula, A ua hoʻomāhuahua i nā hihiʻo, A ua ʻōlelo aku au i nā ʻōlelo nane ma ka lima o nā kāula.

HOSEA 13:4

¶ Akā, ʻo wau ʻo Iēhova ke Akua ou, mai ka ʻāina ʻo ʻAigupita mai, Mai ʻike ʻoe i akua ʻē aʻe, iaʻu wale nō; No ka mea, ʻaʻohe hoʻōla, ʻo wau wale nō.

KA BUKE ʻAKOLU A MOSE, I KAPA ʻIA ʻOIHANA KAHUNA 11:45

‘No ka mea, ʻo wau nō Iēhova, e lawe ana iā ʻoukou mai loko mai o ka ʻāina ʻo ʻAigupita, i Akua no ʻoukou; no laila e hoʻāno ʻoukou; no ka mea, he hoʻāno nō wau.

KA BUKE ʻAKOLU A MOSE, I KAPA ʻIA ʻOIHANA KAHUNA 19:36

‘E mālama nō ʻoukou i paona pololei, i pōkā pono, i ʻepa pono, i hina pono; ʻo wau nō Iēhova ko ʻoukou Akua nāna ʻoukou i lawe mai, mai loko mai o ka ʻāina ʻo ʻAigupita.

KA BUKE ʻAKOLU A MOSE, I KAPA ʻIA ʻOIHANA KAHUNA 23:43

i ʻike ko ʻoukou mau hanauna, ua hoʻonoho au i nā mamo a ʻIseraʻela i loko o nā hale lālā lāʻau, i ka wā i lawe mai ai au iā lākou mai ka ʻāina mai o ʻAigupita; ʻo wau nō Iēhova ko ʻoukou Akua.’”

KA BUKE ʻAKOLU A MOSE, I KAPA ʻIA ʻOIHANA KAHUNA 25:38

‘ʻO wau nō ʻo Iēhova ʻo ko ʻoukou Akua, ka mea i lawe mai iā ʻoukou mai ka ʻāina mai o ʻAigupita, e hāʻawi iā ʻoukou i ka ʻāina ʻo Kanaʻana, i Akua au no ʻoukou.

KA BUKE ʻAKOLU A MOSE, I KAPA ʻIA ʻOIHANA KAHUNA 25:42

‘No ka mea, he mau kauā naʻu lākou, aʻu i lawe mai nei mai ka ʻāina mai ‘o ʻAigupita; ʻaʻole lākou e kūʻai lilo ʻia aku me he mau kauā paʻa lā.

KA BUKE ʻAKOLU A MOSE, I KAPA ʻIA ʻOIHANA KAHUNA 25:55

‘No ka mea, iaʻu nei, he poʻe kauā nā mamo a ʻIseraʻela; ʻo kaʻu mau kauā lākou, aʻu i lawe mai nei mai ka ʻāina mai ‘o ʻAigupita; ʻo wau nō Iēhova ko ʻoukou Akua.

KA BUKE ʻAKOLU A MOSE, I KAPA ʻIA ʻOIHANA KAHUNA 26:1

¶ ‘Mai hana ʻoukou i nā akua kiʻi, a me nā kiʻi kālai ʻia no ʻoukou; ʻaʻole hoʻi e kūkulu i kiʻi kū, ʻaʻole hoʻi e hoʻokū i kiʻi pōhaku ma ko ʻoukou ʻāina e kūlou iho iā ia; no ka mea, ʻo wau nō Iēhova ko ʻoukou Akua.

KA BUKE ʻAKOLU A MOSE, I KAPA ʻIA ʻOIHANA KAHUNA 26:13

‘ʻO wau nō Iēhova ko ʻoukou Akua ka mea nāna ʻoukou i lawe mai nei, mai ka ʻāina mai ‘o ʻAigupita, i ʻole ai ʻoukou e noho kauā paʻa no lākou; a ua moku iaʻu nā mea e paʻa ai kā ʻoukou ʻauamo, a hoʻokūpono iā ʻoukou i ka hele ʻana.

ʻAMOSA 2:10

“A ua lawe mai hoʻi au iā ʻoukou mai ka ʻāina ʻo ʻAigupita mai, A alakaʻi iā ʻoukou ma ka wao nahele i nā makahiki he kanahā, E komo ai i ka ʻāina o kā ʻAmora.

ʻO KA ʻEPISETOLE A PAULO KA LUNAʻŌLELO I KO ROMA 10:12

No ka mea, ʻaʻole he ʻokoʻa kā Iudaio a me kā Helene; no ka mea, hoʻokahi nō Haku ma luna o nā mea a pau, he waiwai nui kona no ka poʻe a pau i kāhea aku iā ia.

ʻO KA ʻEPISETOLE A PAULO KA LUNAʻŌLELO I KO ROMA 3:29

ʻO ke Akua nō anei ia no ka poʻe Iudaio wale nō? ʻAʻole no nā kānaka ʻē kekahi? ʻO ia, no nā kānaka ʻē kekahi.

KA BUKE ʻALIMA A MOSE, I KAPA ʻIA KĀNĀWAI LUA 13:10

“A e hailuku aku ʻoe iā ia i ka pōhaku e make ia; no ka mea, ua ʻimi mai ia e hoʻohuli iā ʻoe mai o Iēhova kou Akua aku, nāna ʻoe i lawe mai nei mai ka ʻāina ʻo ʻAigupita mai, a mai loko mai hoʻi o ka hale hoʻoluhi.

KA BUKE ʻALIMA A MOSE, I KAPA ʻIA KĀNĀWAI LUA 15:15

“A e hoʻomanaʻo hoʻi ʻoe, he kauā nō ʻoe ma ka ʻāina ʻo ʻAigupita, a na Iēhova na kou Akua ʻoe i hoʻopakele; no laila e kauoha aku nei au iā ʻoe ia mea i kēia lā.

KA BUKE ʻALIMA A MOSE, I KAPA ʻIA KĀNĀWAI LUA 20:1

¶ “Aia hele ʻoe e kaua aku i kou poʻe ʻenemi, a ʻike aku i nā lio a me nā hale kaʻa, a i nā kānaka he nui aku i kou, mai makaʻu iā lākou; no ka mea, me ʻoe nō ʻo Iēhova ʻo kou Akua, nāna ʻoe i lawe mai nei mai ka ʻāina ʻo ʻAigupita mai.

KA BUKE ʻALIMA A MOSE, I KAPA ʻIA KĀNĀWAI LUA 5:15

‘E hoʻomanaʻo hoʻi ʻoe, he kauā nō ʻoe ma ka ʻāina ʻo ʻAigupita, a na Iēhova na kou Akua ʻoe i lawe mai nei mai laila mai, me ka lima ikaika, a me ka lima kākāuha; no ia mea, i kauoha mai ai ʻo Iēhova kou Akua iā ʻoe e mālama i ka lā Sābati.

KA BUKE ʻALIMA A MOSE, I KAPA ʻIA KĀNĀWAI LUA 5:6

¶ ‘ʻO wau nō Iēhova, ʻo kou Akua, ka mea nāna ʻoe i lawe mai nei mai ka ʻāina ʻo ʻAigupita mai, mai loko mai hoʻi o ka hale hoʻoluhi.

KA BUKE ʻALIMA A MOSE, I KAPA ʻIA KĀNĀWAI LUA 7:8

akā, no ke aloha o Iēhova iā ʻoukou, a no kona mālama i ka hoʻohiki ʻana i hoʻohiki ai i ko ʻoukou poʻe kūpuna; no laila i kaʻi mai nei ʻo Iēhova iā ʻoukou me ka lima ikaika, a e hoʻopakele iā ʻoukou mai ka hale hoʻoluhi mai, mai loko mai o ka lima o Paraʻo, ke aliʻi o ʻAigupita.

KA BUKE NO NĀ LUNA KĀNĀWAI 2:1

¶ Hele maila ka ʻānela o Iēhova, mai Gilegala mai, a i Bokima, ʻī maila: “Ua lawe mai au iā ʻoukou mai ʻAigupita mai, a ua hoʻokomo mai au iā ʻoukou i ka ʻāina aʻu i hoʻohiki ai i ko ʻoukou mau kūpuna. ʻĪ ihola au, ʻʻAʻole au e uhaʻi i kaʻu berita, a hiki loa i ka hopena.

KA BUKE NO NĀ LUNA KĀNĀWAI 6:10

‘ʻĪ akula au iā ʻoukou, “ʻO wau nō ʻo Iēhova, ʻo ko ʻoukou Akua. Mai makaʻu ʻoukou i nā akua o kā ʻAmora, nā mea nona ka ʻāina, a ʻoukou e noho ai. Akā, ʻaʻole ʻoukou i hoʻolohe i koʻu leo.”’”