KA BUKE ʻALUA A MOSE, I KAPA ʻIA PUKA ʻANA 20:1 - Ka Baibala Hemolele

¹ ¶ ʻŌlelo maila ke Akua i kēia mau ʻōlelo a pau, ʻī maila:

KA BUKE ʻALUA A MOSE, I KAPA ʻIA PUKA ʻANA 20:1 Iomraidhean Croise

KA BUKE A NEHEMIA 9:13

“Iho maila ʻoe ma luna o ka mauna ʻo Sinai, ʻŌlelo pū me lākou mai ka lani mai, A hāʻawi maila ʻoe iā lākou i nā ʻōlelo kūpaʻa he pololei, a me nā kapu he ʻoiaʻiʻo, I nā kānāwai a me nā kauoha he maikaʻi:

KA BUKE ʻALUA A MOSE, I KAPA ʻIA PUKA ʻANA 19:25

Iho maila ʻo Mose i lalo i kānaka, a ʻōlelo akula iā lākou.

KA BUKE ʻALUA A MOSE, I KAPA ʻIA PUKA ʻANA 20:2

¶ “ʻO wau nō Iēhova ʻo kou Akua, ka mea nāna ʻoe i lawe mai nei, mai ka ʻāina ʻo ʻAigupita mai, mai loko mai hoʻi o ka hale hoʻoluhi.

NĀ ʻOIHANA A KA POʻE LUNAʻŌLELO 7:38

“ʻO ia nō ka mea ma loko o ka ʻekalesia ma ka wao nahele me ka ʻānela nāna i ʻōlelo mai iā ia, ma ka mauna ma Sinai, a me ko kākou poʻe kūpuna hoʻi; a loaʻa nō iā ia nā ʻōlelo hoʻōla, e hāʻawi mai iā kākou.

NĀ ʻOIHANA A KA POʻE LUNAʻŌLELO 7:53

“Ua loaʻa nō hoʻi iā ʻoukou ke kānāwai, na ka poʻe ʻānela i hoʻolaha mai, ʻaʻole naʻe ʻoukou i mālama.”

KA BUKE ʻALIMA A MOSE, I KAPA ʻIA KĀNĀWAI LUA 10:4

“A kahakaha ihola ia ma luna o nā papa, e like me ke kahakaha ʻana ma mua, i nā Kauoha he ʻUmi, a Iēhova i ʻōlelo mai ai iā ʻoukou ma ka mauna mai loko mai o ke ahi, i ka lā o ka hōʻuluʻulu ʻana; a hāʻawi mai ʻo Iēhova ia mau mea iaʻu.

KA BUKE ʻALIMA A MOSE, I KAPA ʻIA KĀNĀWAI LUA 4:33

“ʻO wai lā ka poʻe kānaka i lohe i ka leo o ke Akua e ʻōlelo ana, mai loko mai o ke ahi, e like me kou lohe ʻana, a ola?

KA BUKE ʻALIMA A MOSE, I KAPA ʻIA KĀNĀWAI LUA 4:36

“ʻO ia nō ka mea i lohe ai ʻoe i kona leo mai ka lani mai, i aʻo ai ʻo ia iā ʻoe; a ma ka honua, i hōʻike mai ia iā ʻoe i kona ahi nui; a ua lohe ʻoe i kāna mau hua ʻōlelo mai loko mai o ke ahi.

KA BUKE ʻALIMA A MOSE, I KAPA ʻIA KĀNĀWAI LUA 5:22

¶ “ʻO ia nā ʻōlelo a Iēhova i ʻōlelo mai ai i ko ʻoukou ʻaha kanaka a pau, ma ka mauna, mai loko mai o ke ahi, a me ke ao, a me ka pouli paʻapū, me ka leo nui, a hoʻōki aʻela; a kākau ihola ia ia mau mea ma nā papa pōhaku ʻelua, a hāʻawi mai iaʻu.

KA BUKE ʻALIMA A MOSE, I KAPA ʻIA KĀNĀWAI LUA 5:4

“Kamaʻilio ʻo Iēhova me ʻoukou ma ka mauna, he maka nō he maka, mai loko mai o ke ahi.

KA BUKE ʻALIMA A MOSE, I KAPA ʻIA KĀNĀWAI LUA 5:6

¶ ‘ʻO wau nō Iēhova, ʻo kou Akua, ka mea nāna ʻoe i lawe mai nei mai ka ʻāina ʻo ʻAigupita mai, mai loko mai hoʻi o ka hale hoʻoluhi.