KA BUKE ʻALUA A MOSE, I KAPA ʻIA PUKA ʻANA 2:3 - Ka Baibala Hemolele

³ A i ka wā hiki ʻole iā ia ke hūnā hou aku, lawe aʻela ia i waʻa kome nona, a hāpala ia mea i ka bitumena a me ke kēpau, a hahao ihola i ke keiki ma loko; a waiho ihola ma loko o nā kaluhā ma kapa o ka muliwai.

KA BUKE ʻALUA A MOSE, I KAPA ʻIA PUKA ʻANA 2:3 Iomraidhean Croise

KA BUKE MUA A MOSE, I KAPA ʻIA KINOHI 11:3

ʻŌlelo aʻela kekahi kanaka i kona hoa, “Inā kākou, e hana kākou i nā pōhaku ʻula, e kahu a moʻa loa.” ʻO ko lākou pōhaku, he pōhaku ʻula, a he bitumena ko lākou puna.

KA BUKE MUA A MOSE, I KAPA ʻIA KINOHI 14:10

He nui nā lua bitumena ma ke awāwa ʻo Sidima; heʻe akula nā aliʻi o Sodoma a me Gomora, a hāʻule ihola i laila; a holo akula ka poʻe i koe ma ka mauna.

KA BUKE MUA A MOSE, I KAPA ʻIA KINOHI 6:14

“E hana ʻoe i hale lana nou; e hana hoʻi ʻoe i nā keʻena ma loko o ka hale lana, a e hāpala aʻe i ke kēpau ma loko a ma waho.

KA BUKE ʻALUA A MOSE, I KAPA ʻIA PUKA ʻANA 1:22

kauoha aʻela ʻo Paraʻo i kona poʻe kānaka a pau, ʻī akula, “ʻO nā keiki kāne a pau ke hānau mai, e kiola aku iā lākou i ka muliwai; akā, ʻo nā kaikamāhine a pau, kā ʻoukou ia e hoʻōla ai.”

KA WĀNANA A ʻISAIA 18:2

Ka mea i hoʻouna i nā ʻelele ma ke kai, Ma nā moku kome ma luna o nā wai. Ō hele, e nā luna māmā, I ka lāhui kanaka ikaika, a koa hoʻi, I ka lāhui kanaka weliweli, mai ka wā kahiko mai, I ka lāhui kanaka mana i ka luku aku, A hālana ʻia ko lākou ʻāina e nā muliwai.

KA WĀNANA A ʻISAIA 19:6

E pilau auaneʻi nā muliwai, E pio, a maloʻo nā ʻauwai o ʻAigupita, A e mae wale nō hoʻi ka naku a me ke kaluhā.

KA WĀNANA A ʻISAIA 35:7

E lilo nō ka lepo ʻōlinolino i wai ʻauʻau, A me kahi maloʻo, i wai puna; Ma ka hale o ka ʻīlio hihiu, kahi āna i moe ai, He wahi ia no ka ʻohe, a me ke kome.

KA ʻEUANELIO I KĀKAU ʻIA AI E MATAIO 2:13

¶ A hala akula lākou, aia hoʻi, ʻikea akula ka ʻānela a ka Haku e Iosepa i ka moeʻuhane, ʻī maila, “E ala, e lawe i ke Keiki a me kona makuahine, a holo aku i ʻAigupita; ma laila e noho ai, a ʻōlelo hou aku au iā ʻoe; no ka mea, e ʻimi mai ana ʻo Herode i ke Keiki, e pepehi iā ia.”

KA ʻEUANELIO I KĀKAU ʻIA AI E MATAIO 2:16

¶ A laila, ʻike aʻela ʻo Herode, ua hoʻohoka ʻia ʻo ia e ka poʻe māgoi, ukiuki loa ihola ia, kēnā akula ia, a luku akula i nā keiki kāne a pau o Betelehema, a ʻo nā wahi a puni e kokoke ana, i ka poʻe ʻelua makahiki a hala i lalo, i ka manawa i nīnau pono aku ai ia i ka poʻe māgoi.

NĀ ʻOIHANA A KA POʻE LUNAʻŌLELO 7:19

“Hana maʻalea maila ia i ko kākou lāhui kanaka, a hana ʻino mai i nā kūpuna o kākou, a kiola akula i kā lākou keiki hou, i ʻole lākou e ola.