KA BUKE ʻALUA A MOSE, I KAPA ʻIA PUKA ʻANA 2:25 - Ka Baibala Hemolele

²⁵ A nānā maila ke Akua i ka poʻe mamo a ʻIseraʻela, a manaʻo maila ke Akua iā lākou.

KA BUKE ʻALUA A MOSE, I KAPA ʻIA PUKA ʻANA 2:25 Iomraidhean Croise

KA BUKE ʻALUA A SAMUʻELA 16:12

“Malia paha e nānā mai ʻo Iēhova i kuʻu ʻehaʻeha, a e hoʻomaikaʻi paha ʻo Iēhova iaʻu no kāna kūamuamu ʻana mai i kēia lā.”

KA BUKE NO IOBA 33:27

“E nānā mai nō ia i nā kānaka, A e ʻōlelo iho kekahi, ‘Ua hewa au, A ua hoʻokahuli au i ka pono, ʻaʻole naʻe i hoʻouku ʻia mai au.’

KA BUKE O NĀ HALELŪ 1:6

No ka mea, ua ʻike maila ʻo Iēhova i ka ʻaoʻao o ka poʻe maikaʻi; Akā hoʻi, ʻo ka ʻaoʻao o ka poʻe hewa, e make ana nō ia.

KA BUKE O NĀ HALELŪ 10:14

Ua ʻike mai nō ʻoe, ua nānā mai i ke kolohe a me ka huhū, I hoʻopaʻi mai ia mea me kou lima; ʻO ka mea ʻilihune ua waiho aku ʻo ia iā ia iho iā ʻoe; ʻO ʻoe nō ka mea nāna ka mea makua ʻole i kōkua mai.

KA BUKE O NĀ HALELŪ 31:8

ʻAʻole ʻoe i hoʻopaʻa iaʻu i loko o ka lima o ka ʻenemi; Ua hoʻokū ʻoe i kuʻu mau wāwae ma kahi ākea.

KA BUKE O NĀ HALELŪ 55:22

¶ E waiho aku i kāu mea kaumaha ma luna o Iēhova, A e kōkua mai ʻo ia iā ʻoe; ʻAʻole loa ia e waiho mai i ka mea pono e hoʻonaue ʻia.

KA BUKE ʻALUA A MOSE, I KAPA ʻIA PUKA ʻANA 1:8

¶ A kū maila kekahi aliʻi hou ma ʻAigupita, ʻaʻole i ʻike iā Iosepa.

KA BUKE ʻALUA A MOSE, I KAPA ʻIA PUKA ʻANA 18:8

Haʻi aʻela ʻo Mose i kona makuahōnōwai kāne, i nā mea a pau a Iēhova i hana mai ai iā Paraʻo, a i ko ʻAigupita, no kā ʻIseraʻela, a me ka pilikia a pau i loaʻa iā lākou ma ke alanui, a me ka hoʻopakele ʻana o Iēhova iā lākou.

KA BUKE ʻALUA A MOSE, I KAPA ʻIA PUKA ʻANA 3:9

“Eia hoʻi; no ka mea, ua hiki mai i oʻu nei ke kaniʻuhū ʻana o nā mamo a ʻIseraʻela; a ua ʻike nō hoʻi au i ka luhi ʻana a ko ʻAigupita i hoʻoluhi iho ai iā lākou.

KA BUKE ʻALUA A MOSE, I KAPA ʻIA PUKA ʻANA 4:31

Manaʻoʻiʻo ihola nō hoʻi nā kānaka; a lohe pono nō lākou, ua ʻike mai ʻo Iēhova i ka poʻe mamo a ʻIseraʻela, a ua nānā mai hoʻi ʻo ia i ko lākou pōpilikia, a laila kūlou ihola ko lākou poʻo, a hoʻomana akula.

KA ʻEUANELIO I KĀKAU ʻIA AI E MATAIO 7:23

“A laila, e haʻi aku au iā lākou, ‘ʻAʻole au i ʻike iā ʻoukou; «e haele ʻoukou pēlā mai oʻu aku nei, e ka poʻe hana ʻino».’

KA ʻEUANELIO I KĀKAU ʻIA AI E LUKA 1:25

“ʻO ia kā ka Haku i hana mai ai noʻu ia mau lā āna i manaʻo mai ai e lawe aku i ka mea aʻu i hōʻino ʻia mai ai i waena o kānaka.”

NĀ ʻOIHANA A KA POʻE LUNAʻŌLELO 7:34

‘I ka nānā ʻana, ua ʻike au i ka pōʻino ʻana o koʻu poʻe kānaka ma ʻAigupita, a ua lohe nō au i ko lākou kaniʻuhū ʻana, a ua iho mai nei au e hoʻopakele iā lākou; e hele mai hoʻi ʻoe, a e hoʻouna aku au iā ʻoe i ʻAigupita».’

KA BUKE ʻALIMA A MOSE, I KAPA ʻIA KĀNĀWAI LUA 26:7

‘A kāhea aku kākou iā Iēhova ke Akua o ko kākou mau kūpuna, hoʻolohe mai nō ʻo Iēhova i ko kākou leo, a nānā mai ia i ko kākou luhi, a me kā kākou hana, a me ko kākou kaumaha.

KA BUKE MUA A SAMUʻELA 1:11

Hoʻohiki ihola ia i ka hoʻohiki ʻana, ʻī akula, “E Iēhova o nā lehulehu, a i ʻike pono mai ʻoe i ka ʻehaʻeha o kāu kauā wahine, a i hoʻomanaʻo mai iaʻu, ʻaʻole i hoʻopoina i kāu kauā wahine, a i hāʻawi mai hoʻi i keiki kāne no kāu kauā wahine; a laila e hoʻolilo au iā ia no Iēhova i nā lā a pau o kona ola ʻana; ʻaʻole e hoʻopili ʻia mai ka pahi āmū ma kona poʻo.”