Biblia Todo Logo
Bìoball air-loidhne

- Sanasan -




KA BUKE ʻALUA A MOSE, I KAPA ʻIA PUKA ʻANA 2:24 - Ka Baibala Hemolele

24 A lohe ke Akua i ko lākou uē ʻana, a manaʻo ihola ia i kāna berita me ʻAberahama, a me ʻIsaʻaka, a me Iakoba.

Faic an caibideil Dèan lethbhreac




KA BUKE ʻALUA A MOSE, I KAPA ʻIA PUKA ʻANA 2:24
33 Iomraidhean Croise  

ʻŌlelo maila ia iā ʻAberama, “E ʻike pono ʻoe, e lilo ana kāu poʻe mamo i malihini ma ka ʻāina ʻē ʻaʻole no lākou, a e hoʻokauā aku na lākou; a e hōʻino ʻia mai lākou e kēlā poʻe i nā haneri makahiki ʻehā.


ʻĪ maila hoʻi ka ʻānela o Iēhova iā ia, “Aia hoʻi, ua hāpai ʻoe, A e hānau mai nō ʻoe i keiki kāne, A e kapa ʻoe i kona inoa ʻo ʻIsemaʻela; No ka mea, ua lohe nō ʻo Iēhova i kou pōpilikia.


“A e hoʻopaʻa nō hoʻi au i kaʻu berita ma waena oʻu a ou, a me kāu poʻe mamo ma hope ou ma nā hanauna o lākou, i berita mau loa, i Akua nō au nou, a no kāu poʻe mamo ma hope ou.


no ka mea, e lilo ʻiʻo nō auaneʻi ʻo ʻAberahama i lāhui kanaka nui a ikaika hoʻi, a e pōmaikaʻi hoʻi nā lāhui kanaka a pau o ka honua iā ia?


ʻī maila, “Ke ʻōlelo mai nei ʻo Iēhova, ma oʻu nei au i hoʻohiki iho ai, no kāu hana ʻana i kēia mea, ʻaʻole hoʻi i ʻauʻa i kāu keiki, i kāu keiki ponoʻī,


ʻIkea akula ʻo Iēhova e ia, ʻī maila, “Mai hele ʻoe i lalo i ʻAigupita. E noho iho ma ka ʻāina aʻu e haʻi aku ai iā ʻoe.


ʻIkea aʻela ʻo Iēhova e ia ia pō iho, ʻī maila, “ʻO wau nō ke Akua o ʻAberahama ʻo kou makua kāne; Mai makaʻu ʻoe, ʻo wau nō me ʻoe. A e hoʻopōmaikaʻi nō au iā ʻoe a e hoʻonui hoʻi i kāu poʻe mamo, No kaʻu kauā, no ʻAberahama.”


“E noho ʻoe ma kēia ʻāina, a me ʻoe pū nō wau, a e hoʻopōmaikaʻi aku nō wau iā ʻoe; no ka mea, e hāʻawi aku auaneʻi au nou, a no kāu poʻe mamo i kēia mau ʻāina a pau; a e hoʻokō auaneʻi au i ka hoʻohiki ʻana aʻu i hoʻohiki ai i kou makua kāne iā ʻAberahama.


ʻĪ maila kēlā, “ʻAʻole e hea hou ʻia kou inoa, ʻo Iakoba; akā, ʻo ʻIseraʻela; no ka mea, he ikaika kou i mua o ke Akua; a e lanakila hoʻi ʻoe ma luna o nā kānaka.”


ʻĪ maila ke Akua iā ia, “ʻO wau nō ke Akua Mana; A e hoʻohua aʻe ʻoe, a e māhuahua; Nāu mai nō kekahi lāhui kanaka, a me nā lāhui kanaka; A e puka mai auaneʻi nā aliʻi mai loko mai o kou pūhaka.


“A ʻo ka ʻāina aʻu i hāʻawi aku ai no ʻAberahama, a no ʻIsaʻaka, E hāʻawi aku hoʻi au nou, A no kāu poʻe mamo ma hope ou kaʻu e hāʻawi aku ai i ka ʻāina.”


¶ Hoʻomanaʻo ihola ʻo Iēhova iā Noa, a me nā mea ola a pau, a me nā holoholona a pau me ia i loko o ka hale lana; hoʻohuaʻi maila ke Akua i ka makani ma luna o ka honua, a emi ihola ka wai.


A manaʻo mai ʻo Iēhova iā lākou, a ahonui mai iā lākou, a nānā mai iā lākou no kāna berita iā ʻAberahama, iā ʻIsaʻaka, a me Iakoba, ʻaʻole ona makemake e luku aku iā lākou, ʻaʻole hoʻi e hoʻokuke aku iā lākou mai kona alo aku i kēia manawa.


Mai hūnā ʻoe i kou maka iaʻu, I ka lā oʻu e pilikia ai, e hāliu mai kou pepeiao; I ka lā aʻu e hea aku ai, e ʻae koke mai ʻoe iaʻu.


E hoʻolohe mai i ke kaniʻuhū ʻana o ka poʻe pio; A e hoʻokuʻu hoʻi i nā keiki o ka make;


No ka mea, hoʻomanaʻo aʻela ia i kāna ʻōlelo hoʻāno, A me ʻAberahama hoʻi, i kāna kauā.


A hoʻomanaʻo maila ʻo ia i kona berita me lākou, A minamina ihola ʻo ia, e like me ka nui o kona lokomaikaʻi ʻana.


I ka lā aʻu i kāhea aku ai iā ʻoe, A laila, hoʻolohe mai nō ʻoe iaʻu, Ua hoʻoikaika mai ʻoe iaʻu, me ka ikaika ma kuʻu ʻuhane.


No ka mea, ʻaʻole ia i hoʻowahāwahā, ʻaʻole hoʻi i hōʻaikola i ka pōʻino o ka mea i hoʻoluhi ʻia; ʻAʻole ia i hūnā aku i kona maka iā ia; Akā, i kona kāhea ʻana aku iā ia, ua hoʻolohe mai nō ia.


Ua kāhea lākou iā ʻoe, a ua hoʻōla ʻia nō hoʻi; Ua paulele lākou iā ʻoe, ʻaʻole hoʻi lākou i hoka.


Inā e hiki aku i mua ou ke kaniʻuhū ʻana o ke pio; E like me ka nui o kou mana, e hoʻopakele mai ʻoe i nā keiki o ka make.


“Ua lohe hoʻi au i ka ʻūʻū ʻana o nā mamo a ʻIseraʻela, ʻo ka poʻe i hoʻoluhi ʻia ai e ko ʻAigupita; a ua hoʻomanaʻo wau i kuʻu berita.


‘A i ka wā i hea aku ai mākou iā Iēhova, hoʻolohe maila ʻo ia i ko mākou leo, a hoʻouna maila i ʻānela, a ua hoʻopuka mai iā mākou i waho o ʻAigupita; eia hoʻi mākou ma Kadesa nei, he kūlanakauhale ma ke kihi loa o kou palena.


‘I ka nānā ʻana, ua ʻike au i ka pōʻino ʻana o koʻu poʻe kānaka ma ʻAigupita, a ua lohe nō au i ko lākou kaniʻuhū ʻana, a ua iho mai nei au e hoʻopakele iā lākou; e hele mai hoʻi ʻoe, a e hoʻouna aku au iā ʻoe i ʻAigupita».’


A i ka wā i hoʻāla mai ai ʻo Iēhova i nā luna kānāwai no lākou, a laila, noho pū ʻo Iēhova me ka luna kānāwai, a hoʻōla nō ia iā lākou, mai ka lima aʻe o ko lākou poʻe ʻenemi, i nā lā a pau o ia luna kānāwai; no ka mea, minamina ʻo Iēhova, no ko lākou kaniʻuhū ʻana i ka hoʻopilikia ʻia, a me ka hoʻokaumaha ʻia mai.


“ʻApōpō ma kēia manawa, e hoʻouna aku au i ou lā i kekahi kanaka no ka ʻāina o kā Beniamina, a e poni aku ʻoe iā ia i aliʻi ma luna o kuʻu poʻe kānaka o kā ʻIseraʻela, i hoʻopakele mai ai ia i koʻu poʻe kānaka mai ka lima mai o ko Pilisetia; ua nānā aku au i koʻu poʻe kānaka; no ka mea, ua hiki mai ko lākou uē ʻana i oʻu nei.”


Lean sinn:

Sanasan


Sanasan