KA BUKE ʻALUA A MOSE, I KAPA ʻIA PUKA ʻANA 2:22 - Ka Baibala Hemolele

²² A hānau maila ia he keiki kāne, a kapa akula ia i kona inoa ʻo Geresoma; no ka mea, ʻī ihola ia, “Ua malihini au ma ka ʻāina ʻē.”

KA BUKE ʻALUA A MOSE, I KAPA ʻIA PUKA ʻANA 2:22 Iomraidhean Croise

KA BUKE MUA A MOSE, I KAPA ʻIA KINOHI 23:4

“He malihini nō wau e noho wale ana me ʻoukou; e hāʻawi mai i ilina i waena o ʻoukou, i lilo ia noʻu, i kanu aku au i kuʻu mea i make, mai koʻu mau maka aku.”

KA BUKE MUA O KA ʻOIHANA ALIʻI 16:20

I ka manawa i hele ai lākou mai kekahi lāhui kanaka a kekahi lāhui kanaka, A mai kahi aupuni a hiki i kēlā aupuni;

KA BUKE MUA O KA ʻOIHANA ALIʻI 29:15

“No ka mea, he poʻe mākou no ka ʻāina ʻē i mua ou, e noho malihini ana, e like me ko mākou poʻe kūpuna a pau; me he aka lā ko mākou mau lā ma luna o ka honua, ʻaʻole nō he manaʻolana.

KA BUKE O NĀ HALELŪ 119:19

He malihini au ma ka honua; Mai hūnā ʻoe i kāu mau kauoha iaʻu.

KA BUKE O NĀ HALELŪ 39:12

¶ “E hoʻolohe mai i kaʻu pule, e Iēhova, E hāliu mai i ka pepeiao i koʻu kāhea ʻana; Mai noho a hoʻokuli i koʻu waimaka; No ka mea, he malihini au me ʻoe, He mea noho iki e like me koʻu mau mākua a pau.

KA BUKE ʻALUA A MOSE, I KAPA ʻIA PUKA ʻANA 2:10

A nui aʻe ua keiki lā; a lawe aʻela ʻo ia iā ia i ke kaikamahine a Paraʻo, a lilo aʻela ia i keiki nāna. Kapa ihola ʻo ia i kona inoa, ʻo Mose, ʻī ihola ia; “No ka mea, ua lawe mai au iā ia mai loko mai o ka wai.”

KA BUKE ʻALUA A MOSE, I KAPA ʻIA PUKA ʻANA 22:21

“Mai hoʻokaumaha ʻoe i ka malihini, ʻaʻole hoʻi e hoʻoluhi iā ia; no ka mea, he poʻe malihini ʻoukou ma ka ʻāina ʻo ʻAigupita.

KA BUKE ʻALUA A MOSE, I KAPA ʻIA PUKA ʻANA 4:20

Lawe aʻela ʻo Mose i kāna wahine, a me kāna mau keiki kāne, a hoʻonoho akula iā lākou ma luna o ka hoki, a hoʻi akula ia i ka ʻāina ʻo ʻAigupita. A lawe pū akula ʻo Mose i ke koʻokoʻo o ke Akua ma loko o kona lima.

KA BUKE ʻAKOLU A MOSE, I KAPA ʻIA ʻOIHANA KAHUNA 25:23

¶ ‘ʻAʻole e kūʻai lilo mau ʻia aku ka ʻāina; no ka mea, noʻu nō ka ʻāina; no ka mea hoʻi, he poʻe malihini ʻoukou, e noho malihini ana me aʻu nei.

NĀ ʻOIHANA A KA POʻE LUNAʻŌLELO 7:29

“«Holo akula ʻo Mose» no kēia ʻōlelo, «a lilo i malihini ma ka ʻāina Midiana», ma laila i hānau ai nāna, nā keiki kāne ʻelua.

KA BUKE NO NĀ LUNA KĀNĀWAI 18:30

Kūkulu ihola nā mamo a Dana i ke kiʻi; a ʻo Ionetana, ke keiki a Geresoma, ke keiki a Manase, ʻo ia, a me kāna mau keiki nā kāhuna no ka ʻohana a Dana, a hiki i ka lā i pio ai ka ʻāina.

KA BUKE MUA A SAMUʻELA 1:20

A hiki mai ka manawa ma hope o kā Hana hāpai ʻana, hānau maila ia, he keiki kāne, a kapa akula ia i kona inoa ʻo Samuʻela; “No ka mea, ua noi aku au iā ia iā Iēhova.”