KA BUKE ʻALUA A MOSE, I KAPA ʻIA PUKA ʻANA 2:14 - Ka Baibala Hemolele

¹⁴ ʻĪ maila kēlā, “Na wai lā ʻoe i hoʻolilo aʻe nei i aliʻi, a i luna kānāwai ma luna o mākou? Ke manaʻo nei anei ʻoe e pepehi mai iaʻu, e like me kou pepehi ʻana i ka ʻAigupita?” A laila makaʻu ihola ʻo Mose, ʻī ihola, “ʻOiaʻiʻo nō, ua ʻike ʻia kēia mea!”

KA BUKE ʻALUA A MOSE, I KAPA ʻIA PUKA ʻANA 2:14 Iomraidhean Croise

KA BUKE MUA A MOSE, I KAPA ʻIA KINOHI 13:8

ʻĪ akula ʻo ʻAberama iā Lota, “ʻEā, ʻaʻole make hakakā kāua, kekahi i kekahi, ʻaʻole hoʻi kaʻu poʻe kahu bipi me kāu poʻe kahu bipi; no ka mea, he mau hoahānau kāua.

KA BUKE MUA A MOSE, I KAPA ʻIA KINOHI 19:9

ʻĪ maila lākou, “E hoʻokaʻawale ʻoe!” ʻĪ aʻela hoʻi lākou, “I hele mai nō ʻo ia nei e noho wale ma ʻaneʻi, a e lilo ana kā ia i luna kānāwai; ʻānō hoʻi, e ʻoi aku kā mākou hana ʻino ʻana iā ʻoe i ko lāua lā.” A hoʻokēkē nui maila lākou i ua kanaka nei, iā Lota, a neʻeneʻe maila e wāwahi i ke pani puka.

KA BUKE MUA A MOSE, I KAPA ʻIA KINOHI 34:27

Hele maila nā keiki a Iakoba i ka poʻe i pepehi ʻia, a lawe pio aʻela i ka waiwai o ke kūlanakauhale; no ka mea, ua hoʻohaumia lākou i ko lākou kaikuahine.

NĀ ʻŌLELO AKAMAI A SOLOMONA 19:12

He uō ʻana me he liona lā ka huhū o ke aliʻi; E like hoʻi me ka hau ma ka weuweu kona lokomaikaʻi.

NĀ ʻŌLELO AKAMAI A SOLOMONA 29:25

ʻO ka makaʻu i ke kanaka, he mea ia e hihia ai; ʻO ka mea paulele iā Iēhova ua palekana ʻo ia.

KA BUKE ʻAHĀ A MOSE, I KAPA ʻIA NĀ HELU 16:13

“He mea liʻiliʻi anei kou lawe ʻana mai iā mākou mai loko mai o ka ʻāina e kahe ana ʻo ka waiū a me ka meli, e pepehi iā mākou ma ka wao nahele, ke hiki ʻole iā ʻoe e hoʻolilo iā ʻoe iho i aliʻi ma luna o mākou?

KA BUKE ʻAHĀ A MOSE, I KAPA ʻIA NĀ HELU 16:3

Hōʻuluʻulu aʻela lākou e kūʻē iā Mose a iā ʻAʻarona, ʻī maila iā lāua, “He nui loa kā ʻolua; no ka mea, ua laʻa ke anaina kanaka a pau loa, a ʻo Iēhova kekahi i waena o lākou; no ke aha lā hoʻi ʻolua e hoʻokiʻekiʻe aʻe nei iā ʻolua iho ma luna o ke anaina kanaka o Iēhova?”

KA ʻEUANELIO I KĀKAU ʻIA AI E MATAIO 21:23

¶ Iā ia i komo aku ai i loko o ka luakini, a aʻo maila i laila, hele maila i ona lā ka poʻe kāhuna nui, a me ka poʻe lunakahiko o nā kānaka, ʻī maila, “Na wai mai kāu mana e hana aku ai i kēia mau mea? Na wai hoʻi i hāʻawi mai kēia mana iā ʻoe?”

KA ʻEUANELIO I KĀKAU ʻIA AI E LUKA 12:14

ʻĪ maila ia, “E ke kanaka, na wai au i hoʻolilo i luna kānāwai, a i mea mahele waiwai no ʻoukou?”

KA ʻEUANELIO I KĀKAU ʻIA AI E LUKA 19:14

“A ua hoʻowahāwahā kona poʻe kānaka iā ia, a hoʻouna akula i ka luna ma hope ona, ʻī akula, ‘ʻAʻole o mākou makemake i aliʻi ia ma luna o mākou.’

KA ʻEUANELIO I KĀKAU ʻIA AI E LUKA 19:27

“A ʻo kēlā mau ʻenemi oʻu, ka poʻe i makemake ʻole i aliʻi au ma luna o lākou, e halihali mai, a e luku iho i mua o koʻu alo.”

NĀ ʻOIHANA A KA POʻE LUNAʻŌLELO 7:35

“ʻO ua Mose lā, ka mea a lākou i hōʻole ai, me ka ʻī ʻana aʻe, ‘«ʻO wai ka mea i hoʻonoho iā ʻoe, i aliʻi, a i luna kānāwai»?’ ʻO ia nō kā ke Akua i hoʻouna aku ai i aliʻi, a i ola, ma ka lima o ka ʻānela āna i ʻike aku ai i waena o ka lāʻau ʻoʻoi.

ʻO KA ʻEPISETOLE A PAULO KA LUNAʻŌLELO I KO HEBERA 11:27

Ma ka manaʻoʻiʻo nō ʻo ia i haʻalele ai iā ʻAigupita, me ka makaʻu ʻole aku i ka huhū o ke aliʻi; no ka mea, ua kūpaʻa ʻo ia me he mea lā e ʻike maoli ana i ka Mea i ʻike maka ʻole ʻia.