KA BUKE ʻALUA A MOSE, I KAPA ʻIA PUKA ʻANA 19:5 - Ka Baibala Hemolele

⁵ ‘A inā hoʻolohe ʻiʻo mai ʻoukou i koʻu leo, a mālama hoʻi i koʻu berita, a laila e lilo auaneʻi ʻoukou i waiwai noʻu, ma mua o nā kānaka a pau; no ka mea, noʻu nō ka honua nei a pau.

KA BUKE ʻALUA A MOSE, I KAPA ʻIA PUKA ʻANA 19:5 Iomraidhean Croise

KA BUKE MUA A MOSE, I KAPA ʻIA KINOHI 17:9

¶ ʻŌlelo maila ke Akua iā ʻAberahama, “No laila, e mālama ʻoe i kaʻu berita, ʻo ʻoe a me kāu poʻe mamo ma hope ou, ma nā hanauna o lākou.

KA BUKE MUA NO NĀ ALIʻI 8:53

“No ka mea, ua hoʻokaʻawale mai ʻoe iā lākou mai nā lāhui kanaka a pau o ka honua, i hoʻoilina nou, me kāu i ʻōlelo mai ai ma ka lima o Mose ʻo kāu kauā, i ka wā i lawe mai ai ʻoe i ko mākou mau kūpuna, mai ʻAigupita mai, e Iēhova ka Haku.”

KA BUKE MUA O KA ʻOIHANA ALIʻI 17:22

“No ka mea, ua hoʻolilo ʻoe i kou poʻe kānaka kā ʻIseraʻela i poʻe kānaka nou, a mau loa aku; a ua lilo mai ʻoe, e Iēhova, i Akua no lākou.

KA BUKE NO IOBA 41:11

“ʻO wai kai hana mua mai naʻu, a e uku aku au? ʻO nā mea a pau ma lalo o ka lani, noʻu ia.

KA BUKE NO IOBA 41:3

“E hoʻomāhuahua anei ia i ka nonoi ʻana iā ʻoe? E ʻōlelo anei ia i nā mea hōʻoluʻolu iā ʻoe?

KA BUKE O NĀ HALELŪ 135:4

No ka mea, ua wae mai ʻo Iēhova i kā Iakoba nona, A i kā ʻIseraʻela hoʻi i waiwai nona.

KA BUKE O NĀ HALELŪ 24:1

¶ No Iēhova ka honua a me kona mea e piha ai; ʻO ke ao nei, a me ka poʻe e noho ana ma loko ona.

KA BUKE O NĀ HALELŪ 25:10

ʻO nā ʻaoʻao a pau o Iēhova he aloha nō ia me ka ʻoiaʻiʻo, I ka poʻe i mālama i kona berita a me kāna mau kauoha.

KA BUKE ʻALUA A MOSE, I KAPA ʻIA PUKA ʻANA 15:26

ʻĪ maila, “A i hoʻolohe mau mai ʻoe i ka leo o Iēhova, ʻo kou Akua, a e hana i ka mea pono i mua o kona maka, a e hoʻolohe i ka mea āna e kauoha mai ai, a mālama i kona mau kānāwai, a laila ʻaʻole au e kau ma luna ou i kekahi o kēia mau maʻi aʻu i kau ai ma luna o ko ʻAigupita; no ka mea, ʻo wau nō Iēhova, ka mea hoʻōla aku iā ʻoe.”

KA BUKE ʻALUA A MOSE, I KAPA ʻIA PUKA ʻANA 23:22

“Akā, inā hoʻolohe ʻiʻo mai ʻoe i kona leo, a e hana hoʻi i nā mea aʻu e ʻōlelo aku ai; a laila, e lilo wau i ʻenemi no kou poʻe ʻenemi, a e hana ʻino aku au i ka mea e hana ʻino mai iā ʻoe.

KA BUKE ʻALUA A MOSE, I KAPA ʻIA PUKA ʻANA 24:7

A lawe ihola ia i ka buke o ka berita, a heluhelu ma nā pepeiao o nā kānaka. ʻŌlelo akula lākou, “E hana nō mākou i nā mea a pau a Iēhova i ʻōlelo mai ai, a e hoʻolohe nō.”

KA BUKE ʻALUA A MOSE, I KAPA ʻIA PUKA ʻANA 34:9

ʻĪ akula ia, “A inā i loaʻa iaʻu ka lokomaikaʻi ʻia mai i mua ou, e ka Haku ē, ke nonoi aku nei au e hele pū aku koʻu Haku me mākou; (he poʻe kānaka ʻāʻī ʻoʻoleʻa naʻe kēia); a e kala mai ʻoe i ko mākou hala me ko mākou hewa, a e lawe ʻoe iā mākou i hoʻoilina nou.”

KA BUKE ʻALUA A MOSE, I KAPA ʻIA PUKA ʻANA 6:7

‘A e hoʻonoho nō wau iā ʻoukou i poʻe kānaka noʻu, a ʻo wau auaneʻi hoʻi ko ʻoukou Akua; a e ʻike auaneʻi hoʻi ʻoukou, ʻo wau nō Iēhova, ʻo ko ʻoukou Akua, nāna ʻoukou e lawe aʻe, mai lalo aʻe o nā mea kaumaha a ko ʻAigupita.

KA BUKE ʻALUA A MOSE, I KAPA ʻIA PUKA ʻANA 8:22

“Ia lā hoʻi, e hoʻokaʻawale auaneʻi au i ka ʻāina ʻo Gosena, i kahi e noho nei koʻu poʻe kānaka, i hiki ʻole ai ka nalo nahu i laila; i mea e ʻike ai ʻoe, ʻo wau nō Iēhova ma waena o ka honua.

KA BUKE ʻALUA A MOSE, I KAPA ʻIA PUKA ʻANA 9:29

ʻĪ akula ʻo Mose iā ia, “I koʻu puka ʻana aku ma waho o ke kūlanakauhale, e kīkoʻo aku nō wau i koʻu mau lima iā Iēhova; a e pau nō ke hekili, ʻaʻole hoʻi e huahekili hou, i ʻike ai ʻoe, no Iēhova ka honua.

KE MELE A SOLOMONA 8:12

“ʻO kaʻu māla waina, iaʻu nō ia, eia nō i mua oʻu, He tausani kāu, e Solomona, A ʻelua haneri na ka poʻe mālama i ka hua.”

KA WĀNANA A ʻISAIA 1:19

“Inā e ʻae mai ʻoukou e hoʻolohe, E ʻai nō ʻoukou i ka maikaʻi o ka ʻāina.

KA WĀNANA A ʻISAIA 41:8

“Akā, ʻo ʻoe, e ʻIseraʻela, kaʻu kauā, ʻO Iakoba, ka mea aʻu i wae ai, Ka pua a ʻAberahama, koʻu hoaaloha,

KA WĀNANA A ʻISAIA 43:1

¶ ʻĀnō, penei ka ʻōlelo ʻana mai a Iēhova, ka Mea nāna ʻoe i hana, e Iakoba, Ka Mea nāna ʻoe i hoʻokumu, e ʻIseraʻela; “Mai makaʻu; no ka mea, ua hoʻōla au iā ʻoe; Ua hea aku au iā ʻoe ma ka inoa; noʻu nō ʻoe.

KA WĀNANA A ʻISAIA 56:4

No ka mea, penei i ʻōlelo mai ai ʻo Iēhova “I nā mea i poʻa ʻia, I ka poʻe mālama i koʻu lā Sābati, A makemake hoʻi i nā mea aʻu i ʻoliʻoli ai, A hoʻopaʻa hoʻi i kaʻu berita;

KA WĀNANA A IEREMIA 10:16

ʻAʻole i like ka Hoʻoilina o Iakoba me lākou; No ka mea, nāna nō i hana nā mea a pau; A ʻo kā ʻIseraʻela hoʻi ke koʻokoʻo o kona hoʻoilina; ʻO Iēhova o nā kaua kona inoa.

KA WĀNANA A IEREMIA 13:11

‘No ka mea, e like me ke kāʻei i pili i ka pūhaka o ke kanaka, pēlā i hoʻopili mai ai au i ko ka hale a pau o kā ʻIseraʻela, a me ko ka hale a pau o kā Iuda iaʻu,’ wahi a Iēhova; ‘i lilo mai lākou i poʻe kānaka noʻu, a i inoa hoʻi, a i mea e hoʻomaikaʻi ʻia ai, a i nani hoʻi; akā, ʻaʻole lākou i hoʻolohe.’

KA WĀNANA A IEREMIA 7:23

“Akā, ʻo kēia kaʻu i kauoha aku ai iā lākou, ʻī akula, ‘E mālama i koʻu leo, a ʻo wau auaneʻi ko ʻoukou Akua, a ʻo ʻoukou auaneʻi koʻu poʻe kānaka, a e hele hoʻi ʻoukou ma nā ʻaoʻao a pau aʻu i kauoha aku ai iā ʻoukou, i mea e pōmaikaʻi ai ʻoukou.’

KA WĀNANA A ʻEZEKIʻELA 16:8

“A i koʻu māʻalo ʻana aʻe ma ou lā, a nānā aku iā ʻoe, ʻo koʻu manawa, he manawa aloha nō ia, a hohola aku au i ke kihi o koʻu kapa ma luna, a uhi aʻela i kou ʻōlohelohe; hoʻohiki nō hoʻi au nou, a komo hoʻi i loko o ka berita me ʻoe,” wahi a Iēhova ka Haku, “a lilo mai ʻoe noʻu.

KA BUKE ʻAKOLU A MOSE, I KAPA ʻIA ʻOIHANA KAHUNA 20:24

‘Akā, ua ʻōlelo aku au iā ʻoukou, “E loaʻa iā ʻoukou ko lākou ʻāina; naʻu ia e hāʻawi aku no ʻoukou ponoʻī, he ʻāina e kahe ai ka waiū a me ka meli.” ʻO wau nō Iēhova ko ʻoukou Akua nāna ʻoukou i hoʻokaʻawale aʻe mai nā lāhui kanaka ʻē aʻe.

ʻAMOSA 3:2

“ʻO ʻoukou wale nō kaʻu i ʻike ai, ma mua o nā ʻohana a pau o ka honua; No ia mea, e hoʻopaʻi aku ai au iā ʻoukou no ko ʻoukou hewa a pau.”

ʻAMOSA 6:1

¶ Auē ka poʻe palaka ma Ziona, A hilinaʻi hoʻi ma ka mauna ʻo Samaria; Ka poʻe i ʻōlelo ʻia, ʻo nā poʻokela o nā lāhui kanaka, I o lākou lā i hele mai kā ʻIseraʻela!

MALAKI 3:17

“Noʻu nō lākou,” wahi a Iēhova o nā kaua, “i ka lā aʻu e ahu iho ai i kuʻu waiwai; a e lokomaikaʻi au iā lākou, e like me ka lokomaikaʻi ʻana o ka makua i kāna keiki nāna ia i mālama.”

ʻO KA ʻEPISETOLE MUA A PAULO KA LUNAʻŌLELO I KO KORINETO 10:26

«No ka mea, na ka Haku nō ka honua, a me ko laila mea i piha ai».

ʻO KA ʻEPISETOLE MUA A PAULO KA LUNAʻŌLELO I KO KORINETO 10:28

Akā, inā e ʻōlelo mai kekahi iā ʻoe, “Eia kā ke kiʻi,” mai ʻai ʻoe, no ke kanaka nāna i haʻi mai, a no ka lunamanaʻo. No ka mea, na ka Haku nō ka honua, a me ko laila mea i piha ai.

KA BUKE ʻALIMA A MOSE, I KAPA ʻIA KĀNĀWAI LUA 10:14

“Aia hoʻi, no Iēhova kou Akua ka lani, a me ka lani o nā lani, a me ka honua, a me ka mea a pau i loko.

KA BUKE ʻALIMA A MOSE, I KAPA ʻIA KĀNĀWAI LUA 11:27

i ka pōmaikaʻi, ke hoʻolohe ʻoukou i nā kauoha a Iēhova ko ʻoukou Akua, aʻu e kauoha aku nei iā ʻoukou i kēia lā;

KA BUKE ʻALIMA A MOSE, I KAPA ʻIA KĀNĀWAI LUA 14:2

“No ka mea, he poʻe ʻoukou i hoʻolaʻa ʻia no Iēhova no ko ʻoukou Akua, a na Iēhova ʻoukou i wae mai i kānaka ponoʻī nona, ma mua o nā lāhui kanaka a pau ma luna o ka honua.

KA BUKE ʻALIMA A MOSE, I KAPA ʻIA KĀNĀWAI LUA 14:21

¶ “Mai ʻai ʻoukou i kekahi mea make wale; e hāʻawi aku na ke kanaka ʻē i loko o kou mau ʻīpuka, i ʻai iho ai ʻo ia ia mea; a e kūʻai aku paha ia mea i ka malihini; no ka mea, he poʻe kānaka ʻoukou i hoʻolaʻa ʻia no Iēhova kou Akua. Mai hoʻolapalapa ʻoe i ke keiki kao i loko o ka waiū o kona makuahine.

KA BUKE ʻALIMA A MOSE, I KAPA ʻIA KĀNĀWAI LUA 26:18

“A ua hōʻoia mai ʻo Iēhova iā ʻoe i kēia lā, he poʻe kānaka ponoʻī nona, e like me kāna i ʻōlelo mai ai iā ʻoe, i mālama ai ʻoe i kāna mau kauoha a pau;

KA BUKE ʻALIMA A MOSE, I KAPA ʻIA KĀNĀWAI LUA 26:19

a e hoʻokiʻekiʻe mai ʻo ia iā ʻoe ma luna o nā lāhui kanaka a pau āna i hana ai, ma ka hoʻoleʻa ʻana, a ma ka inoa, a ma ka hoʻomaikaʻi; a e lilo ʻoe i poʻe kānaka hemolele no Iēhova, e like me kāna i ʻōlelo mai ai.”

KA BUKE ʻALIMA A MOSE, I KAPA ʻIA KĀNĀWAI LUA 28:1

¶ “A i hoʻolohe pono ʻoe i ka leo o Iēhova kou Akua, e mālama, a e hana i kāna mau kauoha a pau aʻu e kauoha aku nei iā ʻoe i kēia lā, a laila, na Iēhova na kou Akua ʻoe e hoʻokiʻekiʻe aʻe ma luna o nā lāhui kanaka a pau o ka honua.

KA BUKE ʻALIMA A MOSE, I KAPA ʻIA KĀNĀWAI LUA 28:9

“Na Iēhova e hoʻokūpaʻa iā ʻoe i poʻe kānaka laʻa nona, e like me kāna i hoʻohiki mai ai iā ʻoe, ke mālama ʻoe i nā kauoha a Iēhova kou Akua, ke hele hoʻi ma kona ʻaoʻao.

KA BUKE ʻALIMA A MOSE, I KAPA ʻIA KĀNĀWAI LUA 4:20

“Akā, ua lawe mai ʻo Iēhova iā ʻoukou, a ua alakaʻi hoʻi iā ʻoukou mai loko mai o ke kapuahi hao, mai ʻAigupita mai, e lilo ʻoukou i poʻe kānaka hoʻoilina nona, e like me ʻoukou i kēia lā.

KA BUKE ʻALIMA A MOSE, I KAPA ʻIA KĀNĀWAI LUA 5:2

“ʻO Iēhova ko kākou Akua i hana mai i berita me kākou ma Horeba.

KA BUKE ʻALIMA A MOSE, I KAPA ʻIA KĀNĀWAI LUA 7:6

¶ “No ka mea, he poʻe kānaka laʻa ʻoukou no Iēhova kou Akua; na Iēhova na kou Akua i wae mai iā ʻoukou, i poʻe kānaka ponoʻī nona, ma mua o nā kānaka a pau ma luna o ka honua.

KA BUKE ʻALIMA A MOSE, I KAPA ʻIA KĀNĀWAI LUA 9:29

‘ʻO kou poʻe kānaka nō naʻe lākou, a me kou hoʻoilina āu i lawe mai nei me kou mana ikaika, a me kou lima kākāuha.’

ʻO KA ʻEPISETOLE A PAULO IĀ TITO 2:14

ʻo ka Mea i hāʻawi mai iā ia iho no kākou, e hoʻopakele iā kākou i ka hewa a pau, a e huikala mai nona i lāhui ponoʻī e hoʻoikaika ana i nā hana maikaʻi.

ʻO KA ʻEPISETOLE A PAULO KA LUNAʻŌLELO I KO HEBERA 11:8

Ma ka manaʻoʻiʻo hoʻi i hoʻolohe ai ʻo ʻAberahama, i ka wā i hea ʻia mai ai e hele aku i kahi e loaʻa mai ai iā ia ka noho ʻana; a hele akula ia me ka ʻike ʻole i kona wahi i hele ai.

ʻO KA ʻEPISETOLE A PAULO KA LUNAʻŌLELO I KO HEBERA 8:9

ʻAʻole hoʻi e like me ka berita aʻu i hana aku ai me ko lākou mau mākua, I ka lā i lālau aku ai au i ko lākou lima E alakaʻi mai iā lākou mai ka ʻāina ʻo ʻAigupita mai; No ka mea, ʻaʻole lākou i noho paʻa ma koʻu berita, A ua haʻalele au iā lākou, wahi a Iēhova.

KA BUKE A IOSUA 24:24

ʻŌlelo akula nā kānaka iā Iosua, “ʻO Iēhova, ʻo ko kākou Akua, ʻo kā mākou ia e mālama aku ai, a ʻo kona leo kā mākou e hoʻolohe aku ai!”

ʻO KA ʻEPISETOLE HOʻOLAHA MUA A PETERO 2:9

Akā, ʻo ʻoukou, «he hanauna i wae ʻia, he poʻe kāhuna aliʻi, he aupuni kanaka hemolele, he poʻe kānaka nona ponoʻī»; i hōʻike aku ai ʻoukou i ka maikaʻi o ka Mea nāna ʻoukou i hea mai, mai loko mai o ka pouli a i ka mālamalama kupanaha ona.

KA BUKE MUA A SAMUʻELA 15:22

ʻĪ akula ʻo Samuʻela, “Ua like anei ka ʻoluʻolu o Iēhova i nā mōhai kuni, a i nā ʻālana, Me ka hoʻolohe ʻana i ka leo o Iēhova? Aia hoʻi, ua ʻoi aku ka pono o ka hoʻolohe ʻana, ma mua o ka mōhai, A ʻo ka maliu ʻana, ma mua o ka momona o nā hipa kāne.