KA BUKE ʻALUA A MOSE, I KAPA ʻIA PUKA ʻANA 19:2 - Ka Baibala Hemolele

² A hele maila lākou, mai Repidima mai, a hiki ma ka wao nahele ʻo Sinai, a hoʻomoana ihola lākou ma ka wao nahele; ma laila kā ʻIseraʻela i hoʻomoana ai ma kahi e pili ana i ka mauna.

KA BUKE ʻALUA A MOSE, I KAPA ʻIA PUKA ʻANA 19:2 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 17:1

¶ Hele maila ka poʻe mamo a pau a ʻIseraʻela, mai ka wao nahele ʻo Sina, i ko lākou hele ʻana, e like nō me ke kauoha a Iēhova, a hoʻomoana ihola lākou ma Repidima; ʻaʻohe hoʻi wai e inu no nā kānaka.

KA BUKE ʻALUA A MOSE, I KAPA ʻIA PUKA ʻANA 17:8

¶ Hele maila kā ʻAmeleka, a kaua mai i kā ʻIseraʻela ma Repidima.

KA BUKE ʻALUA A MOSE, I KAPA ʻIA PUKA ʻANA 18:5

Hele maila i o Mose lā ʻo Ietero, ka makuahōnōwai kāne o Mose, a me kāna mau keiki kāne, a me kāna wahine, ma ka wao nahele, i kahi āna i hoʻomoana ai ma ka mauna o ke Akua.

KA BUKE ʻALUA A MOSE, I KAPA ʻIA PUKA ʻANA 3:1

¶ Hānai ihola ʻo Mose i nā holoholona a Ietero a kona makuahōnōwai kāne, a ke kahuna ma Midiana; alakaʻi akula nō ia i nā holoholona ma ke kua o ka wao nahele, a hiki akula i ke kuahiwi o ke Akua, i Horeba.

KA BUKE ʻALUA A MOSE, I KAPA ʻIA PUKA ʻANA 3:12

ʻĪ maila kēlā, “He ʻoiaʻiʻo, ʻo wau nō kekahi me ʻoe, eia hoʻi ka hōʻailona o koʻu hoʻouna ʻana aku iā ʻoe; i ka wā āu e lawe mai ai i ka poʻe kānaka mai ʻAigupita mai, e hoʻomana auaneʻi ʻoukou i ke Akua ma kēia kuahiwi.”

KA BUKE ʻAHĀ A MOSE, I KAPA ʻIA NĀ HELU 1:1

¶ ʻŌlelo maila ʻo Iēhova iā Mose, ma ka wao nahele ʻo Sinai, i loko o ka halelewa o ke anaina i ka lā mua o ka lua o ka malama, i ka lua o ka makahiki ma hope iho o ko lākou hele ʻana mai, mai ka ʻāina ʻo ʻAigupita mai, ʻī maila,

KA BUKE ʻAHĀ A MOSE, I KAPA ʻIA NĀ HELU 33:15

Mai Repidima aku lākou i hele ai, a hoʻomoana ihola ma ka wao nahele ʻo Sinai.

NĀ ʻOIHANA A KA POʻE LUNAʻŌLELO 7:30

“A pau nā makahiki hoʻokahi kanahā, «ʻike ʻia maila he ʻānela o ka Haku iā ia, ma ka wao nahele, ma ka Mauna Sinai, ma loko o ka lapalapa ahi o ka lāʻau ʻoʻoi».

NĀ ʻOIHANA A KA POʻE LUNAʻŌLELO 7:38

“ʻO ia nō ka mea ma loko o ka ʻekalesia ma ka wao nahele me ka ʻānela nāna i ʻōlelo mai iā ia, ma ka mauna ma Sinai, a me ko kākou poʻe kūpuna hoʻi; a loaʻa nō iā ia nā ʻōlelo hoʻōla, e hāʻawi mai iā kākou.

ʻO KA ʻEPISETOLE A PAULO KA LUNAʻŌLELO I KO GALATIA 4:24

ʻO kēia mau mea, he hōʻailona ia; ʻo lāua nō nā kauoha ʻelua; ʻo kekahi naʻe no ke kuahiwi no Sinai mai, e hānau ana i nā keiki kauā, ʻo ia ʻo Hagara.