KA BUKE ʻALUA A MOSE, I KAPA ʻIA PUKA ʻANA 18:8 - Ka Baibala Hemolele

⁸ Haʻi aʻela ʻo Mose i kona makuahōnōwai kāne, i nā mea a pau a Iēhova i hana mai ai iā Paraʻo, a i ko ʻAigupita, no kā ʻIseraʻela, a me ka pilikia a pau i loaʻa iā lākou ma ke alanui, a me ka hoʻopakele ʻana o Iēhova iā lākou.

KA BUKE ʻALUA A MOSE, I KAPA ʻIA PUKA ʻANA 18:8 Iomraidhean Croise

KA BUKE MUA A MOSE, I KAPA ʻIA KINOHI 44:34

“No ka mea, pehea lā au e hoʻi aku ai i kuʻu makua kāne, ʻaʻole ke keiki me aʻu? O ʻike auaneʻi au i ka mea ʻino e hiki mai ana ma luna o kuʻu makua kāne.”

KA BUKE A NEHEMIA 9:32

¶ “ʻĀnō hoʻi, e ko mākou Akua, Ke Akua nui, mana, a hoʻoweliweli, E mālama ana i ka berita a me ka lokomaikaʻi, Mai manaʻo mai ʻoe he ʻuʻuku ka pōpilikia a pau I hiki maila ma luna o mākou nei, Ma luna o ko mākou poʻe aliʻi, ma luna o nā luna o mākou, A ma luna o ko mākou poʻe kāhuna, a ma luna o nā kāula o mākou, Ma luna o ko mākou poʻe mākua, a ma luna hoʻi o kou poʻe kānaka a pau, Mai nā lā mai o nā aliʻi o ʻAsuria a hiki i kēia lā.

KA BUKE O NĀ HALELŪ 106:10

Hoʻōla maila ʻo ia iā lākou mai ka lima mai o ka poʻe inaina, A hoʻōla pānaʻi hoʻi iā lākou mai ka lima mai o ka ʻenemi.

KA BUKE O NĀ HALELŪ 106:8

Akā, no kona inoa, hoʻōla mai ʻo ia iā lākou, I hōʻike mai ai ʻo ia i kona mana.

KA BUKE O NĀ HALELŪ 107:2

E ʻōlelo mai nō ka poʻe i hoʻōla pānaʻi ʻia e Iēhova, Ka poʻe hoʻi āna i hoʻōla pānaʻi ai, mai ka lima mai o ka ʻenemi.

KA BUKE O NĀ HALELŪ 66:16

¶ E hele mai e hoʻolohe, e ka poʻe a pau i weliweli i ke Akua, A e haʻi aku au i ka mea āna i hana mai ai no kuʻu ʻuhane.

KA BUKE O NĀ HALELŪ 81:7

“I ka pōpilikia, kāhea mai ʻoe, a hoʻopakele aku ai iā ʻoe, A pane akula au ma kahi malu o ka hekili; Hoʻāʻo aku au iā ʻoe ma nā wai o Meriba.

KA BUKE ʻALUA A MOSE, I KAPA ʻIA PUKA ʻANA 15:16

“E kau mai nō ka makaʻu a me ka weliweli ma luna o lākou; No ka nui o kou lima e noho mālie lākou me he pōhaku lā; A hala aʻe kou poʻe kānaka, e Iēhova, A hala aʻe nā kanaka āu i hoʻōla pānaʻi ai.

KA BUKE ʻALUA A MOSE, I KAPA ʻIA PUKA ʻANA 15:6

“Ua nani kou lima ʻākau, e Iēhova, no ka mana; Na kou lima ʻākau, e Iēhova, i pākī iho i ka ʻenemi.

KA BUKE ʻALUA A MOSE, I KAPA ʻIA PUKA ʻANA 16:3

ʻĪ maila nā mamo a ʻIseraʻela iā lāua, “Inā i hāʻawi ʻia mai ka make no kākou, i ka lima o Iēhova, ma ka ʻāina ʻo ʻAigupita, i ka wā a kākou i noho ai ma nā ipu iʻa, a ʻai aku nō hoʻi kākou i ka ʻai a māʻona; no ka mea, ua lawe mai ʻolua iā kākou, ma loko o kēia wao nahele, e pepehi i kēia poʻe a pau i ka pōloli.”

KA BUKE ʻALUA A MOSE, I KAPA ʻIA PUKA ʻANA 18:1

¶ Lohe aʻela ʻo Ietero, ke kahuna o Midiana, ka makuahōnōwai kāne o Mose, i nā mea a pau a ke Akua i hana mai ai iā Mose, a me kona poʻe kānaka o kā ʻIseraʻela i ko Iēhova lawe ʻana mai i kā ʻIseraʻela mai loko mai o ʻAigupita.

KA BUKE ʻALUA A MOSE, I KAPA ʻIA PUKA ʻANA 2:25

A nānā maila ke Akua i ka poʻe mamo a ʻIseraʻela, a manaʻo maila ke Akua iā lākou.

KA BUKE ʻALUA A MOSE, I KAPA ʻIA PUKA ʻANA 23:23

“No ka mea, e hele ana koʻu ʻānela ma mua ou, a e kaʻi aku iā ʻoe i kahi o kā ʻAmora a me kā Heta a me kā Pereza, a me ko Kanaʻana, a me kā Heva a me kā Iebusa, a naʻu nō lākou e ʻānai aku.

KA BUKE ʻALUA A MOSE, I KAPA ʻIA PUKA ʻANA 4:23

“Ke ʻōlelo aku nei au iā ʻoe, ‘E hoʻokuʻu ʻoe i kaʻu keiki, i mālama mai ia iaʻu: a inā e hōʻole mai ʻoe i kona hoʻokuʻu ʻia, aia hoʻi, e pepehi aku nō au i kāu keiki kāne, i kāu hiapo hoʻi.’”

KA BUKE ʻALUA A MOSE, I KAPA ʻIA PUKA ʻANA 7:4

“ʻAʻole naʻe e hoʻolohe mai ʻo Paraʻo iā ʻolua, i kau aku ai au i koʻu lima ma luna o ʻAigupita, a e lawe mai i waho i koʻu poʻe kaua, i ka poʻe kānaka oʻu, i nā mamo a ʻIseraʻela, mai ka ʻāina ʻo ʻAigupita mai, me ka hoʻopaʻi nui aku.

KA BUKE ʻALUA A MOSE, I KAPA ʻIA PUKA ʻANA 7:5

“A e ʻike auaneʻi ko ʻAigupita, ʻo wau nō Iēhova, iaʻu e hoʻokākāuha aku ai i koʻu lima ma luna o ʻAigupita, a e lawe mai i nā mamo a ʻIseraʻela mai waena mai o lākou.”

KA BUKE ʻAHĀ A MOSE, I KAPA ʻIA NĀ HELU 20:14

¶ Hoʻouna akula ʻo Mose i nā ʻelele mai Kadesa aku i ke aliʻi o ʻEdoma, “Penei kā ka hoahānau ou, kā ʻIseraʻela e ʻōlelo aku nei, ‘Ua ʻike nō ʻoe i ka luhi a pau i loaʻa iā mākou;