KA BUKE ʻALUA A MOSE, I KAPA ʻIA PUKA ʻANA 17:6 - Ka Baibala Hemolele

⁶ “Aia hoʻi, e kū nō wau i laila i mua ou ma luna o ka pōhaku ma Horeba; a e hahau ʻoe i ka pōhaku, a e puka mai nō ka wai mai loko mai o ia mea i inu ai nā kānaka.” Hana ihola nō ʻo Mose pēlā i mua o nā lunakahiko a pau o kā ʻIseraʻela.

KA BUKE ʻALUA A MOSE, I KAPA ʻIA PUKA ʻANA 17:6 Iomraidhean Croise

KA BUKE A NEHEMIA 9:15

“Hāʻawi maila ʻoe iā lākou i ka berena mai ka lani mai no ko lākou pōloli, A hoʻokahe maila hoʻi i ka wai no lākou mai loko mai o ka pōhaku no ko lākou make wai ʻana, A ʻōlelo aku ʻoe iā lākou e komo a e lilo iā lākou ka ʻāina Āu i hoʻohiki ai e hāʻawi iā lākou.

KA BUKE O NĀ HALELŪ 105:41

Wāhi aʻela ʻo ia i ka pōhaku, a pohā maila nā wai; Kahe aʻela lākou ma kahi maloʻo, he muliwai.

KA BUKE O NĀ HALELŪ 114:8

Ka Mea i hoʻolilo i ka pōhaku, i wailana, A me ka pōhaku paea, i pūnāwai.

KA BUKE O NĀ HALELŪ 46:4

¶ He muliwai naʻe i hoʻohauʻoli ai kona mau waikahe i ke kūlanakauhale o ke Akua, I kahi hoʻāno o nā halelewa o ka Mea Kiʻekiʻe Loa

KA BUKE O NĀ HALELŪ 74:15

Hoʻokaʻawale aʻela ʻoe i ke kumu wai me ka muliwai; Hoʻomaloʻo ihola ʻoe i nā waikahe ikaika.

KA BUKE O NĀ HALELŪ 78:18

Hoʻāʻo akula lākou i ke Akua ma ko lākou naʻau, I ka nonoi ʻana i ʻai, no ko lākou kuko iho.

KA BUKE O NĀ HALELŪ 78:20

“Aia hoʻi! Hahau aʻela ʻo ia i ka pōhaku, a kahe ihola nā wai, A huliāmahi maila nā waikahe; E hiki anei iā ia ke hāʻawi mai i ka ʻai? A e hoʻomākaukau hoʻi i iʻa no kona poʻe kānaka?”

KA BUKE O NĀ HALELŪ 81:7

“I ka pōpilikia, kāhea mai ʻoe, a hoʻopakele aku ai iā ʻoe, A pane akula au ma kahi malu o ka hekili; Hoʻāʻo aku au iā ʻoe ma nā wai o Meriba.

KA BUKE ʻALUA A MOSE, I KAPA ʻIA PUKA ʻANA 14:16

“Akā, E hāpai ʻoe i kou koʻokoʻo, a e ʻō aku kou lima ma luna o ke kai, a e hoʻokaʻawale ia; a e hele aku nō nā mamo o ʻIseraʻela ma waena o ke kai, ma kahi maloʻo.

KA BUKE ʻALUA A MOSE, I KAPA ʻIA PUKA ʻANA 16:10

A i kā ʻAʻarona ʻōlelo ʻana i ka poʻe mamo a pau a ʻIseraʻela, ʻalawa aʻela lākou ma ka wao nahele, aia hoʻi, ʻikea akula ka nani o Iēhova ma ke ao.

KA WĀNANA A ʻISAIA 48:21

Iā lākou i hele ai ma nā wahi maloʻo, ʻaʻole lākou i make wai; Hoʻokahe ʻo ia i ka wai, mai loko mai o ka pōhaku no lākou; Wāwahi nō ʻo ia i ka pōhaku, a huaʻi maila nā wai.

KA BUKE ʻAHĀ A MOSE, I KAPA ʻIA NĀ HELU 20:8

“E lawe ʻoe i ke koʻokoʻo, a e hoʻākoakoa ʻoe i ke anaina kanaka, ʻo ʻoe a me ʻAʻarona kou kaikuaʻana, a e ʻōlelo aku ʻolua i ka pōhaku i mua o nā maka o lākou; a e hāʻawi mai ia i kona wai, a e lawe mai ʻoe i ka wai no lākou mai loko mai o ka pōhaku; a pēlā nō ʻoe e hoʻoinu ai i ke anaina kanaka, a me kā lākou poʻe holoholona.”

KA ʻEUANELIO I KĀKAU ʻIA AI E IOANE 4:10

ʻŌlelo maila ʻo Iesū iā ia, ʻī maila, “Inā ua ʻike ʻoe i ka makana o ke Akua, a i ka mea hoʻi e ʻōlelo ana iā ʻoe, ‘Hō mai noʻu e inu;’ inā ua noi mai ʻoe iā ia, a ua hāʻawi aku ia i ka wai ola nou.”

KA ʻEUANELIO I KĀKAU ʻIA AI E IOANE 4:14

“Akā, ʻo ka mea e inu i ka wai aʻu e hāʻawi aku ai iā ia, ʻaʻole loa ia e make wai hou aku; akā, ʻo ka wai aʻu e hāʻawi aku ai iā ia, e lilo ia i wai puna i loko ona e pipiʻi ana i ke ola mau loa.”

ʻO KA ʻEPISETOLE MUA A PAULO KA LUNAʻŌLELO I KO KORINETO 10:4

A inu nō hoʻi lākou i kēlā wai lani; no ka mea, inu nō lākou i ko ia Pōhaku lani i hahai ma hope o lākou, a ʻo ua Pōhaku lā, ʻo ia ʻo Kristo.

KA BUKE ʻALIMA A MOSE, I KAPA ʻIA KĀNĀWAI LUA 1:2

(He ʻumikumamākahi lā hele mai Horeba, ma ke ala o Mauna Seira, a hiki i Kadesa Banea.)

KA BUKE ʻALIMA A MOSE, I KAPA ʻIA KĀNĀWAI LUA 8:15

nāna ʻoe i alakaʻi mai ma waena o kēlā wao nahele nui weliweli; kahi o nā nahesa wela, a me nā moʻo huelo ʻawa, he maloʻo, he wahi wai ʻole, nāna i hoʻokahe mai ka wai nou mai loko mai o ka pōhaku paʻa;

KA HŌʻIKE ʻANA A IOANE KA HAIPULE 22:17

¶ Ke ʻōlelo mai nei ka ʻUhane a me ka wahine mare, “E hele mai.” A e ʻōlelo hoʻi ka mea lohe, “E hele mai.” A ʻo ka mea make wai lā, e hele mai ia. A ʻo ka mea makemake, e lawe wale ia i ka wai o ke ola.