KA BUKE ʻALUA A MOSE, I KAPA ʻIA PUKA ʻANA 17:5 - Ka Baibala Hemolele

⁵ ʻĪ maila ʻo Iēhova iā Mose, “E hele aʻe ʻoe ma mua o nā kānaka; a e lawe pū aku me ʻoe i nā lunakahiko o kā ʻIseraʻela; a e lawe nō hoʻi ma kou lima i ke koʻokoʻo āu i hahau ai i nā wai, a e hele.

KA BUKE ʻALUA A MOSE, I KAPA ʻIA PUKA ʻANA 17:5 Iomraidhean Croise

KA BUKE O NĀ HALELŪ 74:15

Hoʻokaʻawale aʻela ʻoe i ke kumu wai me ka muliwai; Hoʻomaloʻo ihola ʻoe i nā waikahe ikaika.

KA BUKE ʻALUA A MOSE, I KAPA ʻIA PUKA ʻANA 14:16

“Akā, E hāpai ʻoe i kou koʻokoʻo, a e ʻō aku kou lima ma luna o ke kai, a e hoʻokaʻawale ia; a e hele aku nō nā mamo o ʻIseraʻela ma waena o ke kai, ma kahi maloʻo.

KA BUKE ʻALUA A MOSE, I KAPA ʻIA PUKA ʻANA 3:16

“Ō hele ʻoe, a e hoʻākoakoa aʻe i ka poʻe lunakahiko o kā ʻIseraʻela, a e ʻōlelo aku iā lākou, ‘Ua ʻike ʻia aku e aʻu ʻo Iēhova ke Akua o ko ʻoukou poʻe kūpuna, ke Akua o ʻAberahama, ʻo ʻIsaʻaka a ʻo Iakoba; ua ʻōlelo mai ʻo ia, “Ua ʻike ʻiʻo nō au iā ʻoukou, a me ka mea i hana ʻia mai iā ʻoukou ma ʻAigupita.”’

KA BUKE ʻALUA A MOSE, I KAPA ʻIA PUKA ʻANA 3:18

“A e hoʻolohe mai lākou i kou leo; a e hele pū ʻoe me ka poʻe lunakahiko o kā ʻIseraʻela i ke aliʻi o ʻAigupita, a e ʻōlelo aku ʻoukou iā ia, ‘Ua hālāwai mai me mākou o Iēhova ke Akua o ka poʻe Hebera; no ia mea, e hoʻokuʻu mai ʻoe iā mākou e hele ma ka wao nahele, i ʻekolu lā hele, e kaumaha aku ai na Iēhova ko mākou Akua.’

KA WĀNANA A ʻEZEKIʻELA 2:6

“A ʻo ʻoe, e ke keiki a ke kanaka, mai makaʻu aku iā lākou, ʻaʻole hoʻi i kā lākou mau ʻōlelo, inā he mau lāʻau ʻoiʻoi a me ke kākalaioa kekahi me ʻoe, a noho ʻoe i waena o nā moʻo huelo ʻawa, mai noho a weliweli ʻoe i kā lākou mau ʻōlelo, ʻaʻole hoʻi i ko lākou mau helehelena, inā nō he ʻohana kipi lākou.