KA BUKE ʻALUA A MOSE, I KAPA ʻIA PUKA ʻANA 16:8 - Ka Baibala Hemolele

⁸ ʻĪ maila ʻo Mose, “E hāʻawi mai ana ʻo Iēhova i ke ahiahi, i iʻa na ʻoukou e ʻai ai, a kakahiaka i ʻai e māʻona ai; no ka mea, ua lohe mai ʻo Iēhova i ka ʻōhumu ʻana a ʻoukou i ʻōhumu aku ai iā ia; he aha hoʻi ʻo māua? ʻAʻole no māua kā ʻoukou ʻōhumu ʻana; akā, no Iēhova.”

KA BUKE ʻALUA A MOSE, I KAPA ʻIA PUKA ʻANA 16:8 Iomraidhean Croise

KA BUKE ʻALUA A MOSE, I KAPA ʻIA PUKA ʻANA 16:12

“Ua lohe au i nā ʻōhumu ʻana a nā mamo a ʻIseraʻela; e ʻōlelo aku ʻoe iā lākou, e ʻī aku, ‘A ahiahi, e ʻai ana ʻoukou i ka iʻa, a kakahiaka aʻe, e māʻona ʻoukou i ka ʻai; a e ʻike auaneʻi ʻoukou, ʻo wau nō Iēhova, ko ʻoukou Akua.’”

KA BUKE ʻALUA A MOSE, I KAPA ʻIA PUKA ʻANA 16:9

ʻŌlelo aʻela ʻo Mose iā ʻAʻarona, “E ʻī aku ʻoe i ka poʻe mamo a pau a ʻIseraʻela, ‘E hele mai lākou i mua i ke alo o Iēhova; no ka mea, ua lohe ia i kā ʻoukou ʻōhumu ʻana.’”

KA BUKE ʻALUA A MOSE, I KAPA ʻIA PUKA ʻANA 17:2

Nuku maila nā kānaka iā Mose, ʻī maila, “E hāʻawi mai i wai no mākou e inu ai.” ʻĪ akula ʻo Mose iā lākou, “No ke aha lā ʻoukou i nuku mai ai iaʻu? No ke aha lā ʻoukou i aʻa aku ai iā Iēhova?”

KA WĀNANA A ʻISAIA 32:6

No ka mea, e ʻōlelo nō ke kanaka lapuwale i ka mea lapuwale, A e ʻōhumu nō kona naʻau i ka hewa, Ma ka ʻaiā kāna hana ʻana, a ʻōlelo ʻino kūʻē iā Iēhova, E hoʻonele i ka naʻau o ka poʻe pōloli, A e hoʻopau i ka wai o ka mea make wai.

KA WĀNANA A ʻISAIA 37:29

“No ka mea, ʻo kou ukiuki mai iaʻu, a me kou hoʻokiʻekiʻe, Ua piʻi mai nō, a i loko o koʻu mau pepeiao; No laila, e hoʻokomo nō wau i koʻu lou i loko o kou ihu, A me koʻu kaula waha ma kou mau lehelehe, A e hoʻohuli aku nō au iā ʻoe ma ke ala āu i hele mai ai.

KA BUKE ʻAHĀ A MOSE, I KAPA ʻIA NĀ HELU 11:18

“E ʻōlelo aku hoʻi ʻoe i nā kānaka, ‘E huikala ʻoukou iā ʻoukou iho no ka lā ʻapōpō, a e ʻai auaneʻi ʻoukou i ka ʻiʻo; no ka mea, ua uē aku ʻoukou ma loko o nā pepeiao o Iēhova, ua ʻī aku, “Na wai lā e hāʻawi mai i ka ʻiʻo na kākou e ʻai ai? Ua pono kākou ma ʻAigupita”; no ia mea, e hāʻawi mai nō ʻo Iēhova i ʻiʻo na ʻoukou, a e ʻai iho hoʻi ʻoukou.

KA BUKE ʻAHĀ A MOSE, I KAPA ʻIA NĀ HELU 14:27

“Pehea lā ka lōʻihi o ko kēia anaina kanaka ʻino e ʻōhumu mai ai iaʻu? Ua lohe nō wau i nā ʻōhumu ʻana a nā mamo a ʻIseraʻela i ʻōhumu mai ai iaʻu.

KA BUKE ʻAHĀ A MOSE, I KAPA ʻIA NĀ HELU 21:7

No ia mea, hele maila nā kānaka i o Mose lā, ʻī maila, “Ua hana hewa mākou; no ka mea, ua ʻōlelo ʻino aku mākou iā Iēhova a iā ʻoe; e pule aku ʻoe iā Iēhova, e lawe aku ia i nā nahesa mai o mākou aku nei.” A pule akula ʻo Mose no nā kānaka.

KA ʻEUANELIO I KĀKAU ʻIA AI E MATAIO 10:40

¶ “ʻO ka mea hoʻokipa mai iā ʻoukou, ʻo ia ke hoʻokipa mai iaʻu; a ʻo ka mea, hoʻokipa mai iaʻu, ʻo ia ke hoʻokipa mai i ka Mea nāna au i hoʻouna mai.

KA ʻEUANELIO I KĀKAU ʻIA AI E MATAIO 9:4

ʻIke ihola Iesū i ko lākou manaʻo, nīnau akula, “No ke aha lā ʻoukou e manaʻo ʻino ai i loko o ko ʻoukou naʻau?

KA ʻEUANELIO I KĀKAU ʻIA AI E LUKA 10:16

“ʻO ka mea e hoʻolohe iā ʻoukou, ʻo ia ke hoʻolohe mai iaʻu; a ʻo ka mea e hoʻowahāwahā iā ʻoukou, ʻo ia ke hoʻowahāwahā mai iaʻu; a ʻo ka mea e hoʻowahāwahā mai iaʻu, ʻo ia ke hoʻowahāwahā i ka Mea nāna au i hoʻouna mai.”

KA ʻEUANELIO I KĀKAU ʻIA AI E IOANE 13:20

“ʻOiaʻiʻo, he ʻoiaʻiʻo kaʻu e ʻōlelo aku nei iā ʻoukou, ʻo ka mea e launa mai i ka mea aʻu e hoʻouna aku ai, ʻo ia ke launa mai iaʻu; a ʻo ka mea e launa mai iaʻu, ʻo ia ke launa i ka Mea nāna au i hoʻouna mai.”

ʻO KA ʻEPISETOLE A PAULO KA LUNAʻŌLELO I KO ROMA 13:2

No ia mea, ʻo ka mea e hōʻole i kā ke aliʻi, ʻo ia ke hōʻole i kā ke Akua kauoha; a ʻo ka poʻe hōʻole, ʻo lākou ke hoʻāhewa ʻia.

ʻO KA ʻEPISETOLE MUA A PAULO KA LUNAʻŌLELO I KO KORINETO 10:10

Mai ʻōhumu ʻoukou, e like me ka ʻōhumu ʻana o kekahi o lākou, a ua luku ʻia lākou e ka mea make.

ʻO KA ʻEPISETOLE MUA A PAULO KA LUNAʻŌLELO I KO TESALONIKE 4:8

ʻO ka mea hoʻi i hoʻowahāwahā mai, ʻaʻole ia i hoʻowahāwahā i ke kanaka, i ke Akua nō nāna i hāʻawi mai i kona ʻUhane Hemolele iā mākou.

KA BUKE MUA A SAMUʻELA 8:7

ʻĪ maila ʻo Iēhova iā Samuʻela, “E hoʻolohe ʻoe i ka leo o nā kānaka i nā mea a pau a lākou e ʻōlelo mai ai iā ʻoe; no ka mea, ʻaʻole lākou i hoʻowahāwahā iā ʻoe; akā, ua hoʻowahāwahā mai lākou iaʻu, i aliʻi ʻole ai au ma luna o lākou.