KA BUKE ʻALUA A MOSE, I KAPA ʻIA PUKA ʻANA 15:8 - Ka Baibala Hemolele

⁸ “I ka hoʻohanu ʻana o kou mau puka ihu, ua hoʻākoakoa ʻia mai nā wai, Ea aʻela nā wai i luna, me he puʻu lā; Lilo nō ka hohonu i mea paʻa ma loko o ka ʻōpū o ke kai.

KA BUKE ʻALUA A MOSE, I KAPA ʻIA PUKA ʻANA 15:8 Iomraidhean Croise

KA BUKE ʻALUA A SAMUʻELA 22:16

“A laila ua ʻikea nā kaha o ke kai, Ua hōʻike ʻia mai nō hoʻi nā kumu o ka honua, I ka pāpā ʻana mai o Iēhova, I ka nou ʻana mai o ka hanu o kona mau puka ihu.

KA BUKE NO IOBA 4:9

“Ma ka hā ʻana o ke Akua ua make lākou, A ma ka hanu o kona mau puka ihu ua hoʻopau ʻia lākou.

KA BUKE O NĀ HALELŪ 33:7

Ke hōʻuluʻulu nei ʻo ia i nā wai o ka moana me he puʻu lā; Ke hoʻāhu nei nō hoʻi ʻo ia i ka hohonu i loko o nā hale papaʻa.

KA BUKE O NĀ HALELŪ 78:13

Mahele aʻela ʻo ia i ke kai, a alakaʻi maila iā lākou; Hoʻokū aʻela ʻo ia i nā wai me he puʻu lā.

KA BUKE ʻALUA A MOSE, I KAPA ʻIA PUKA ʻANA 14:29

Akā, ʻo nā mamo a ʻIseraʻela, hele maila lākou ma kahi maloʻo i waenakonu o ke kai; a ʻo nā wai, he pali ia no lākou ma ko lākou lima ʻākau, a me ko lākou lima hema.

KA WĀNANA A ʻISAIA 11:4

E hoʻopono ʻo ia i ka poʻe nāwaliwali, ma ka pololei, Ma ka pono nō hoʻi ia e kōkua ai i ka mea pōpilikia o ka honua; E hahau nō ʻo ia i ka honua i ka lāʻau o kona waha, A e luku nō hoʻi ia i ka poʻe hewa, i ka hā ʻana o kona mau lehelehe.

KA WĀNANA A ʻISAIA 37:7

“Aia hoʻi, e hāʻawi aku nō au iā ia i manaʻo, a e lohe nō ʻo ia i ka lono, a e hoʻi aku i kona ʻāina iho; a naʻu nō ia e hoʻokulaʻi i ka pahi kaua ma kona ʻāina iho.”’”

HABAKUKA 3:10

ʻIke aku nā mauna iā ʻoe, haʻalulu ihola; A holo akula ka wai nui, A hoʻopuka mai ka hohonu i kona leo, Hoʻokiʻekiʻe aʻela ia i kona mau lima i luna.

HABAKUKA 3:15

Ua hele ʻoe i waena o ke kai me kou poʻe lio, Ma ke ʻaleʻale o nā wai nui.

ʻO KA ʻEPISETOLE LUA A PAULO KA LUNAʻŌLELO I KO TESALONIKE 2:8

A laila, e hōʻike ʻia mai ua hewa lā, ʻo kā ka Haku ia e kinai aku ai me ka hā o kona waha, a e luku ai hoʻi me ka ʻōlinolino nui o kona hiki ʻana mai.

KA BUKE A IOSUA 3:13

“A hiki i ka wā e hoʻomaha ai ma loko o ka wai o Ioredane nā kapuaʻi o ka poʻe kāhuna nāna e lawe ka pahu o Iēhova, ka Haku o ka honua a pau; a laila, e hoʻokaʻawale ʻia nā wai o Ioredane, ʻo nā wai e kahe ana mai luna mai, a e kū nō i luna me he puʻu lā.”

KA BUKE A IOSUA 3:16

a laila, kū mālie nō nā wai i kahe ma luna mai, a piʻi akula, a lilo i puʻu lōʻihi loa a hiki wale aku i ke kūlanakauhale i ʻAdama, e pili ana i Zaretana; a ʻo ka wai i kahe ma ke kai o ka pāpū, ʻo ia hoʻi ka Moana Kai, moku ihola ia a maloʻo; a hele akula nā kānaka i kēlā kapa, ma ke alo o Ieriko.