KA BUKE ʻALUA A MOSE, I KAPA ʻIA PUKA ʻANA 15:7 - Ka Baibala Hemolele

⁷ “I ka nui o kou nani, ua hoʻopuehu aku ʻoe i ka poʻe i ala kūʻē mai iā ʻoe; Hoʻouna aku ʻoe i kou huhū, Pau ihola lākou me he ʻōpala lā.

KA BUKE ʻALUA A MOSE, I KAPA ʻIA PUKA ʻANA 15:7 Iomraidhean Croise

KA BUKE NO IOBA 9:4

“He akamai ia ma ka naʻau, a ua nui ka ikaika; ʻO wai lā ka mea hoʻopaʻakikī kūʻē iā ia, a ua pōmaikaʻi?

KA BUKE O NĀ HALELŪ 148:13

¶ E halelū aku lākou i ka inoa ʻo Iēhova; No ka mea, ʻo kona inoa wale nō kai hoʻokiʻekiʻe ʻia; Ua kiʻekiʻe hoʻi kona nani ma luna o ka honua a me ka lani.

KA BUKE O NĀ HALELŪ 59:13

E hoʻopau ʻoe me kou huhū, e hoʻopau, i ʻole lākou; I ʻike lākou ʻo ke Akua ke Aliʻi i loko o Iakoba a hiki i nā wēlau o ka honua.

KA BUKE O NĀ HALELŪ 68:33

I ka mea e holo kaʻa ana ma nā lani o nā lani kahiko; Aiʻa, ke hoʻopuka maila ʻo ia i kona leo, he leo mana.

KA BUKE O NĀ HALELŪ 83:13

¶ E koʻu Akua ē, e hoʻohālike ʻoe iā lākou me ka ʻōpala, Me ke oka palaoa hoʻi i mua o ka makani.

KA BUKE ʻALUA A MOSE, I KAPA ʻIA PUKA ʻANA 14:27

Hoʻō akula nō ʻo Mose i kona lima ma luna o ke kai, a hoʻi mai nō ke kai i kona piha ʻana i ka wā e pualena ana o ke ao; ʻauheʻe akula ko ʻAigupita i ka loaʻa ʻana o ka wai; a lūlū ihola ʻo Iēhova i ko ʻAigupita i loko o ke kai.

KA BUKE ʻALUA A MOSE, I KAPA ʻIA PUKA ʻANA 5:12

No ia mea, ʻauana wale aku nō nā kānaka ma ka ʻāina a pau o ʻAigupita, e hōʻiliʻili i ka ʻōpala i mauʻu.

KA BUKE ʻALUA A MOSE, I KAPA ʻIA PUKA ʻANA 9:16

“Akā, no kēia mea, i hoʻokū aʻe au iā ʻoe, i mea e hōʻike aku ai au i koʻu mana ma ou lā, a i kaulana aku ai koʻu inoa ma ka honua a pau.

KA WĀNANA A ʻISAIA 37:17

“E hāliu mai kou pepeiao, e Iēhova, a e hoʻolohe mai hoʻi; E wehe ʻoe i kou mau maka, e Iēhova, a e nānā mai; e hoʻolohe hoʻi i nā ʻōlelo a pau a Sanekariba, nā mea āna i hoʻouka mai ai e hōʻino i ke Akua ola.

KA WĀNANA A ʻISAIA 37:23

“ʻO wai kou mea i hoʻowahāwahā ai, A ʻōlelo hōʻino aku ai nō hoʻi? Ua hoʻokiʻekiʻe ʻoe i kou leo ma luna o wai, A ʻalawa hoʻi i kou mau maka i luna lilo? Ma luna nō o ka Mea Hoʻāno o kā ʻIseraʻela!

KA WĀNANA A ʻISAIA 37:29

“No ka mea, ʻo kou ukiuki mai iaʻu, a me kou hoʻokiʻekiʻe, Ua piʻi mai nō, a i loko o koʻu mau pepeiao; No laila, e hoʻokomo nō wau i koʻu lou i loko o kou ihu, A me koʻu kaula waha ma kou mau lehelehe, A e hoʻohuli aku nō au iā ʻoe ma ke ala āu i hele mai ai.

KA WĀNANA A ʻISAIA 37:36

¶ Hele aʻela ka ʻānela o Iēhova, a luku akula ma loko o kahi hoʻomoana o ko ʻAsuria, hoʻokahi haneri me kanawalukumamālima tausani. A ala aʻela lākou i kakahiaka nui, aia hoʻi! He poʻe kupapaʻu make lākou a pau.

KA WĀNANA A ʻISAIA 37:38

A i kona hoʻomana ʻana ma loko o ka hale o Niseroka, ʻo kona akua, a laila, pepehi ihola kāna mau keiki kāne, ʻo ʻAderameleka a me Sarezera iā ia i ka pahi kaua; a pakele akula lāua ma loko o ka ʻāina ʻo ʻArarata, a noho aliʻi ihola kāna keiki, ʻo ʻEsarehadona ma kona wahi.

KA WĀNANA A ʻISAIA 47:14

“Aia hoʻi, e like auaneʻi lākou me ka ʻōpala, Na ke ahi nō lākou e hoʻopau; ʻAʻole lākou e hoʻopakele iā lākou iho, mai ka mana o ka lapalapa ahi; ʻAʻole e koe ana ka lānahu ahi i mea e mahana ai, ʻAʻole ahi e koe, i noho kekahi i mua o ia.

KA WĀNANA A ʻISAIA 5:16

E hāpai nui ʻia ʻo Iēhova o nā kaua no ka hoʻopono, A e hoʻāno ʻia ke Akua, ka Mea Hemolele, no ka pololei.

KA WĀNANA A ʻISAIA 5:24

¶ No laila, e like me ka ʻai ʻana o ka lapalapa ahi i ka ʻōpala, A me ka pau ʻana o ka mauʻu i puhi ʻia i ke ahi, Pēlā e lilo ai ko lākou kumu i ka popopo, A e lele hoʻi i luna ko lākou pua, e like me ka huna lepo; No ka mea, ua haʻalele lākou i ke kānāwai o Iēhova o nā kaua, Ua hoʻowahāwahā hoʻi i ka ʻōlelo a ka Mea Hemolele o kā ʻIseraʻela.

KA WĀNANA A IEREMIA 10:6

¶ ʻAʻohe mea like me ʻoe, e Iēhova; Ua nui ʻoe, ua kaulana hoʻi kou inoa no ka mana.

MIKA 4:11

“ʻĀnō hoʻi, ua nui nā lāhui kanaka i ʻākoakoa kūʻē mai iā ʻoe, Ka mea e ʻōlelo ana, ‘E hoʻohaumia ʻia ʻo ia, A e nānā aku ko kākou maka i Ziona.’

ZEKARIA 14:3

A laila hoʻi, e hele aku ai ʻo Iēhova, a e kaua aku i kēlā mau lāhui kanaka, e like me kāna i kaua aku ai i ka lā hoʻouka kaua.

ZEKARIA 14:8

E hiki nō ia lā, e kahe aku ka wai ola mai Ierusalema aku, ʻo kekahi hapa ma ke kai hikina, a ʻo kēlā hapa ma ke kai komohana; a pēlā nō ia i ke kau a me ka hoʻoilo.

ZEKARIA 2:8

No ka mea, penei ka ʻōlelo ʻana mai a Iēhova o nā kaua, “Ma hope o ka nani, ua hoʻouna mai ʻo ia iaʻu i nā lāhui kanaka, i ka poʻe nāna ʻoukou i hao mai; no ka mea, ʻo ka mea hoʻopā aku iā ʻoukou, hoʻopā nō ia i ka ʻōnohi o kona maka.

MALAKI 4:1

¶ “No ka mea, aia hoʻi! Ke hele maila ka lā e ʻenaʻena ana me he umu ahi lā, i laila ʻo ka poʻe hoʻokiʻekiʻe a pau, a me ka poʻe hana ʻino, he mauʻu lākou; a e hoʻopau ua lā lā e hiki mai ana iā lākou,” wahi a Iēhova o nā kaua, “a e waiho ʻole ia i aʻa no lākou, ʻaʻole hoʻi lālā.

KA ʻEUANELIO I KĀKAU ʻIA AI E MATAIO 3:12

“Aia nō ma kona lima kāna peʻahi, a e hoʻomaʻemaʻe pono ana ia i kāna hua ʻai; a e hōʻiliʻili hoʻi ia i kāna palaoa i loko o ka hale papaʻa, a e hoʻopau aku i ka ʻōpala i ke ahi pio ʻole.”

NĀ ʻOIHANA A KA POʻE LUNAʻŌLELO 9:4

Hina ihola i ka honua, e lohe akula ia i leo, i ka ʻī ʻana mai iā ia, “E Saulo, e Saulo, no ke aha lā ʻoe e hoʻomaʻau mai nei iaʻu?”

KA BUKE ʻALIMA A MOSE, I KAPA ʻIA KĀNĀWAI LUA 33:26

¶ “ʻAʻohe mea like me ke Akua o Iesuruna, E holo ana nō ia ma luna o ka lani e kōkua iā ʻoe, A ma luna o ke ao me kona nani nui.

KA BUKE ʻALIMA A MOSE, I KAPA ʻIA KĀNĀWAI LUA 4:24

“No ka mea, ʻo Iēhova kou Akua, he ahi ia e hoʻopau ana, he Akua lili.

ʻO KA ʻEPISETOLE A PAULO KA LUNAʻŌLELO I KO HEBERA 12:29

no ka mea, ʻo ko kākou Akua, he ahi ia e hoʻopau ana.