KA BUKE ʻALUA A MOSE, I KAPA ʻIA PUKA ʻANA 15:11 - Ka Baibala Hemolele

¹¹ “ʻO wai ka mea i waena o ka poʻe ikaika e like me ʻoe, e Iēhova? ʻO wai kou mea like, ma ka nani o ka hemolele, He mea weliweli ka hoʻomana aku, ua hana ʻoe i nā mea kupanaha?

KA BUKE ʻALUA A MOSE, I KAPA ʻIA PUKA ʻANA 15:11 Iomraidhean Croise

KA BUKE ʻALUA A SAMUʻELA 7:22

“No laila, e Iēhova e ke Akua, he nui ʻoe; no ka mea, ʻaʻohe mea like me ʻoe, ʻaʻohe hoʻi Akua ʻē aʻe, ʻo ʻoe wale nō; e like me ka mea a pau a mākou i lohe ai ma ko mākou pepeiao.

KA BUKE MUA NO NĀ ALIʻI 8:23

ʻĪ akula ʻo ia, “E Iēhova ke Akua o kā ʻIseraʻela, ʻaʻohe Akua ma ka lani i luna, ʻaʻole hoʻi ma ka honua i lalo nei, e like me ʻoe ka Mea nāna e mālama mai i ka berita a me ke aloha me kāu mau kauā ka poʻe e hele ana ma kou alo me ko lākou naʻau a pau.

KA BUKE MUA O KA ʻOIHANA ALIʻI 16:25

No ka mea, he nui nō ʻo Iēhova, a e hoʻomaikaʻi nui ʻia; E weliweli ʻia hoʻi ʻo ia ma luna o nā akua a pau.

KA BUKE ʻALUA O KA ʻOIHANA ALIʻI 2:5

“A ʻo ka hale aʻu e kūkulu nei he hale nui ia; no ka mea, ua nui ʻē aku ko mākou Akua ma mua o nā akua a pau.

KA BUKE ʻALUA O KA ʻOIHANA ALIʻI 6:14

ʻŌlelo akula ia, “E Iēhova ke Akua o kā ʻIseraʻela, ʻaʻohe Akua e like me ʻoe ma ka lani, ʻaʻole hoʻi ma ka honua, e mālama ana i ka berita a me ke aloha no kāu poʻe kauā, no ka poʻe e hele ana i mua ou me ko lākou naʻau a pau.

KA BUKE O NĀ HALELŪ 113:5

¶ ʻO wai lā kai like me Iēhova, ko kākou Akua? Ka Mea hoʻokiʻekiʻe i kona wahi noho ai;

KA BUKE O NĀ HALELŪ 119:120

Haʻalulu koʻu ʻiʻo i ka makaʻu iā ʻoe; Ua hopohopo nō hoʻi au i kou hoʻoponopono ʻana.

KA BUKE O NĀ HALELŪ 136:4

I ka Mea nāna wale nō i hana nā hana mana nui; No ka mea, ua mau loa kona lokomaikaʻi;

KA BUKE O NĀ HALELŪ 145:17

¶ He pono nō ʻo Iēhova i kona mau ʻaoʻao a pau, A ua lokomaikaʻi hoʻi ma nā hana āna a pau.

KA BUKE O NĀ HALELŪ 22:23

E ka poʻe makaʻu iā Iēhova, e hoʻoleʻa ʻoukou iā ia; E hoʻonani ʻoukou iā ia, e nā pua a pau a Iakoba; E hoʻomana i mua ona, e nā mamo a pau a ʻIseraʻela.

KA BUKE O NĀ HALELŪ 35:10

E ʻōlelo aku nō hoʻi kaʻu mau iwi a pau, “E Iēhova, ʻo wai lā ka mea like me ʻoe? Ka Mea i hoʻopakele i ka mea haʻahaʻa i ka mea i ʻoi ka ikaika i kona, ʻO ia hoʻi, ʻo ka mea ʻilihune me ka nele i ka mea hao wale iā ia?”

KA BUKE O NĀ HALELŪ 60:2

Ua hoʻonāueue mai ʻoe i ka honua, a wāwahi hoʻi ia; E hoʻōla i kona nāhāhā ʻana; no ka mea, ke nāueue nei nō ia.

KA BUKE O NĀ HALELŪ 66:5

¶ E hele mai ʻoukou e ʻike i nā hana a ke Akua; He kupaianaha ia i kāna hana ʻana no nā keiki a kānaka.

KA BUKE O NĀ HALELŪ 77:11

¶ E hoʻomanaʻo aku au i nā hana mana a Iēhova; E hoʻomanaʻoʻiʻo nō hoʻi au i nā mea kupanaha āu, i ka wā kahiko.

KA BUKE O NĀ HALELŪ 77:14

ʻO ʻoe ke Akua nāna i hana nā mea mana; Ua hōʻike mai nō hoʻi ʻoe i kou ikaika ma waena o nā kānaka.

KA BUKE O NĀ HALELŪ 77:19

Aia kou kuamoʻo ma ka moana, A ʻo kou alanui hoʻi ma nā wai nui; ʻAʻole i ʻike ʻia kou mau kapuaʻi.

KA BUKE O NĀ HALELŪ 86:10

No ka mea, ua nui loa ʻoe, a ua hana hoʻi i nā mea kupanaha; ʻO ʻoe wale nō ke Akua.

KA BUKE O NĀ HALELŪ 86:8

ʻAʻohe mea like me ʻoe i waena o nā akua, e ka Haku ē, ʻAʻole hoʻi he hana e like me kāu.

KA BUKE O NĀ HALELŪ 89:18

No ka mea, aia nō iā Iēhova ko mākou pākū, A i ka Mea Hemolele hoʻi o kā ʻIseraʻela, ko mākou aliʻi.

KA BUKE O NĀ HALELŪ 90:11

ʻO wai ka mea i ʻike i ka ikaika o kou huhū? No ka mea, e like me ka makaʻu iā ʻoe, pēlā nō kou ukiuki mai.

KA BUKE ʻALUA A MOSE, I KAPA ʻIA PUKA ʻANA 18:11

“ʻĀnō, ua ʻike au i ka ʻoi ʻana o ko Iēhova mana ma mua o ko nā akua a pau; no ka mea, ma kahi a lākou i hoʻokiʻekiʻe ai, aia nō ia ma luna o lākou.”

KA BUKE ʻALUA A MOSE, I KAPA ʻIA PUKA ʻANA 20:3

¶ “ʻAʻole ou akua ʻē aʻe i mua o koʻu alo.

KA BUKE ʻALUA A MOSE, I KAPA ʻIA PUKA ʻANA 3:20

“Akā, e ʻō aku nō wau i koʻu lima, a e paopao wau iā ʻAigupita me nā mea mana a pau aʻu e hana aku ai ma waenakonu o lākou; a ma hope e hoʻokuʻu nō ʻo ia iā ʻoukou.

KA BUKE ʻALUA A MOSE, I KAPA ʻIA PUKA ʻANA 8:10

¶ ʻŌlelo maila kēlā, “ʻApōpō.” ʻĪ akula ia, “E like me kāu ʻōlelo, pēlā nō auaneʻi ia, i ʻike pono ai ʻoe, ʻaʻohe mea ʻē aʻe e like me Iēhova ko mākou Akua.

KA BUKE ʻALUA A MOSE, I KAPA ʻIA PUKA ʻANA 8:6

ʻŌ akula nō ko ʻAʻarona lima ma luna o ka wai o ʻAigupita, a hiki maila nā rana, a hoʻouhi paʻapū aʻela i ka ʻāina ʻo ʻAigupita.

KA BUKE ʻALUA A MOSE, I KAPA ʻIA PUKA ʻANA 9:14

no ka mea, ma kēia hope aku, e hoʻouna aku nō wau i koʻu mau mea hōʻino a pau ma luna o kou naʻau, a ma luna o kāu poʻe kauā, a ma luna o kou poʻe kānaka, i ʻike pono ai ʻoe, ʻaʻohe mea ʻē aʻe e like me aʻu ma ka honua a pau.

KA WĀNANA A ʻISAIA 30:11

“E kāpae aʻe i waho o ke alanui, E huli aʻe ma waho o ke kuamoʻo, E hoʻihoʻi aku i ka Mea Hemolele o kā ʻIseraʻela, mai ko mākou alo aku.”

KA WĀNANA A ʻISAIA 40:18

¶ Me wai ʻoukou e hoʻohālike ai i ke Akua? He aha ka mea like, e hoʻohālike ai ʻoukou me ia?

KA WĀNANA A ʻISAIA 40:25

“Me wai lā hoʻi ʻoukou e hoʻohālike ai iaʻu? A e like au me wai?” wahi a ka Mea Hemolele.

KA WĀNANA A ʻISAIA 46:9

“E hoʻomanaʻo i nā mea kahiko o kēlā wā ma mua; No ka mea, ʻo wau nō ke Akua, ʻaʻohe mea ʻē aʻe, ʻO wau nō ke Akua, ʻaʻohe mea like me aʻu,

KA WĀNANA A ʻISAIA 57:15

No ka mea, penei ka ʻōlelo ʻana mai a ka Mea i hāpai ʻia, Ka Mea i hoʻokiʻekiʻe hoʻi, e noho ana ma ke ao pau ʻole, ʻO Hemolele kona inoa; “E noho nō au ma kahi kiʻekiʻe, a hemolele hoʻi, Me ka mea hoʻi i mihi, a haʻahaʻa hoʻi ka ʻuhane, E hoʻomaha i ka ʻuhane o ka mea haʻahaʻa, A e hoʻomaha hoʻi i ka naʻau o ka poʻe mihi.

KA WĀNANA A ʻISAIA 6:3

A hea aʻela kekahi i kekahi, “ʻIhiʻihi, ʻihiʻihi, ʻihiʻihi nō ʻo Iēhova o nā kaua. Ua piha ka honua i kona nani!”

KA WĀNANA A IEREMIA 10:16

ʻAʻole i like ka Hoʻoilina o Iakoba me lākou; No ka mea, nāna nō i hana nā mea a pau; A ʻo kā ʻIseraʻela hoʻi ke koʻokoʻo o kona hoʻoilina; ʻO Iēhova o nā kaua kona inoa.

KA WĀNANA A IEREMIA 49:19

“Aia hoʻi, e piʻi mai nō ʻo ia, e like me ka liona mai ka nani o Ioredane mai, e kūʻē i ka noho ʻana o ka mea ikaika; akā, i ke ʻamo ʻana o ka maka, e holo aku nō ʻo ia, mai laila aku. ʻO wai kaʻu mea i wae ʻia, e hoʻonoho nō wau iā ia ma luna ona? ʻO wai ka mea like me aʻu nei? ʻO wai hoʻi ka mea e hālāwai me aʻu? A ʻo wai ke kahu hipa e hiki iā ia ke kū i mua oʻu?”

KA BUKE ʻAKOLU A MOSE, I KAPA ʻIA ʻOIHANA KAHUNA 19:2

“E ʻōlelo aku ʻoe i ke anaina a pau o nā mamo a ʻIseraʻela, a e ʻī aku iā lākou, ‘I hemolele ʻoukou; no ka mea, he hemolele nō wau ʻo Iēhova ko ʻoukou Akua.

MIKA 7:18

ʻO wai lā ke Akua e like me ʻoe, e kala ana i ka hewa, A e māʻalo aʻe ana i ka hala o ke koena o kona hoʻoilina? ʻAʻole ia e hoʻomau loa aku i kona inaina; No ka mea, ke makemake nei nō ia i ke aloha.

KA ʻEUANELIO I KĀKAU ʻIA AI E LUKA 12:5

“Akā, ke hōʻike aku nei au iā ʻoukou i kā ʻoukou mea e makaʻu ai; e makaʻu aku ʻoukou i ka Mea nona ka mana e hoʻolei aku i loko o ka lua ahi, ma hope iho o kāna pepehi ʻana. ʻO ia, ʻo kaʻu ʻōlelo nō ia iā ʻoukou, e makaʻu ʻoukou iā ia!

KA BUKE ʻALIMA A MOSE, I KAPA ʻIA KĀNĀWAI LUA 1:30

‘ʻO Iēhova ko ʻoukou Akua, ka mea hele i mua o ʻoukou, nāna nō e kaua aku no ʻoukou, e like me nā mea a pau āna i hana ai no ʻoukou ma ʻAigupita i mua o ko ʻoukou maka;

KA BUKE ʻALIMA A MOSE, I KAPA ʻIA KĀNĀWAI LUA 3:24

‘E Iēhova ke Akua, ua hoʻomaka aʻe nei ʻoe e hōʻike i kāu kauā i kou mana, a me kou lima ikaika; no ka mea, ʻo wai ke Akua i loko o ka lani, a me ka honua, e hiki iā ia ke hana e like me kāu mau hana, a me kou ikaika?

KA BUKE ʻALIMA A MOSE, I KAPA ʻIA KĀNĀWAI LUA 33:26

¶ “ʻAʻohe mea like me ke Akua o Iesuruna, E holo ana nō ia ma luna o ka lani e kōkua iā ʻoe, A ma luna o ke ao me kona nani nui.

KA BUKE ʻALIMA A MOSE, I KAPA ʻIA KĀNĀWAI LUA 4:34

“Ua hoʻāʻo anei ke Akua e hele a e lawe i lāhui kanaka nona mai waena mai o kekahi lāhui kanaka, ma nā hoʻāʻo ʻana, a ma nā hōʻailona, a ma nā mea kupanaha, a ma ke kaua, a ma ka lima ikaika, a ma ka lima kākāuha, a ma nā mea weliweli nui, e like me nā mea a pau a Iēhova ko ʻoukou Akua i hana mai ai no ʻoukou ma ʻAigupita i mua o kou maka?

KA HŌʻIKE ʻANA A IOANE KA HAIPULE 13:4

Hoʻomana akula lākou i ka deragona nāna i hāʻawi i ka ikaika no ua holoholona lā; a hoʻomana lākou i ka holoholona, ʻī aʻela, “ʻO wai lā ka mea like me ia holoholona? ʻO wai hoʻi ka mea hiki ke kaua aku iā ia?”

KA HŌʻIKE ʻANA A IOANE KA HAIPULE 15:4

“ʻO wai ka mea e makaʻu ʻole iā ʻoe, e ka Haku, a e hoʻonani ʻole i kou inoa? No ka mea, ʻo ʻoe wale nō ka hemolele; «A e hele mai nō hoʻi ko nā ʻāina a pau, a e kukuli hoʻomaikaʻi i mua ou; No ka mea, ua maopopo ka pono o kou hoʻopaʻi ʻana».”

KA HŌʻIKE ʻANA A IOANE KA HAIPULE 4:8

A ʻo ua poʻe mea ola lā ʻehā, ua pāpāono lākou i nā ʻēheu; ua paʻapū i nā maka a puni a ma loko; ʻaʻole hoʻi lākou i hoʻomaha i ke ao a me ka pō, i ka ʻī ʻana mai, “«Hoʻāno, hoʻāno, hoʻāno, ka Haku ke Akua Mana Loa, Ka Mea ma mua, ka Mea e noho lā, ka Mea e mau loa ana».”

KA BUKE MUA A SAMUʻELA 2:2

“ʻAʻohe mea hemolele e like me Iēhova, No ka mea, ʻaʻohe mea ʻē aʻe, ʻo ʻoe wale nō lā, ʻAʻohe pōhaku e like me ko kākou Akua.