KA BUKE ʻALUA A MOSE, I KAPA ʻIA PUKA ʻANA 15:1 - Ka Baibala Hemolele

¹ ¶ A laila mele akula ʻo Mose, a me nā mamo a ʻIseraʻela i kēia mele iā Iēhova; ʻōlelo akula ia me ka ʻī ʻana aku: “Iā Iēhova nō wau e mele aku ai, No ka mea, ua hoʻonani loa ʻo ia iā ia iho! Ua kiola ʻo ia i ka lio A me kona mea hoʻoholo i loko o ke kai!

KA BUKE ʻALUA A MOSE, I KAPA ʻIA PUKA ʻANA 15:1 Iomraidhean Croise

KA BUKE A NEHEMIA 9:11

“Hoʻokaʻawale aʻela nō hoʻi ʻoe i ke kai i mua o lākou, I hele lākou i waenakonu o ke kai ma ka ʻāina maloʻo; A kiola akula ʻoe i ka poʻe e alualu ana iā lākou i loko o ka hohonu, Me he pōhaku lā i loko o nā wai nui.

KA BUKE NO IOBA 36:24

¶ “E hoʻomanaʻo, e hoʻonui aku ʻoe i kāna hana, Ka mea a nā kānaka i ʻike ai.

KA BUKE O NĀ HALELŪ 105:43

Hoʻopuka mai ʻo ia i kona poʻe kānaka me ka ʻoliʻoli, A me kona poʻe i wae ʻia me ka hauʻoli.

KA BUKE O NĀ HALELŪ 106:12

A laila, hōʻoiaʻiʻo lākou i kāna mau ʻōlelo, A ʻoli ihola i mau halelū nona.

KA BUKE O NĀ HALELŪ 107:15

E hoʻālohaloha aku nā kānaka iā Iēhova, no kona lokomaikaʻi, A no kāna mau hana kupanaha i nā keiki a kānaka!

KA BUKE O NĀ HALELŪ 107:8

E mililani aku nā kānaka iā Iēhova no kona lokomaikaʻi, A no kāna mau hana kupanaha i nā keiki a kānaka!

KA BUKE O NĀ HALELŪ 32:7

ʻO ʻoe nō kuʻu wahi e peʻe ai; E hoʻopakele nō ʻoe iaʻu i ka pōpilikia; E hoʻopuni nō ʻoe iaʻu me nā mele no ke ola. Sila.

KA BUKE O NĀ HALELŪ 76:6

No kāu pāpā ʻana, e ke Akua o Iakoba, Moe iho nō kā ke kaʻa kaua a me ka lio.

KA BUKE O NĀ HALELŪ 76:7

ʻO ʻoe, ʻo ʻoe nō, ka Mea e makaʻu ʻia ai; ʻO wai hoʻi ka mea e kū ma kou alo, i kou wā e huhū mai ai?

KA BUKE ʻALUA A MOSE, I KAPA ʻIA PUKA ʻANA 14:26

¶ ʻŌlelo maila ʻo Iēhova iā Mose, “E ʻō aku kou lima ma luna o ke kai, i hoʻi hou mai ai ka wai ma luna o ko ʻAigupita, ma luna o ko lākou mau hale kaʻa, a ma luna o ko lākou poʻe hoʻoholo lio.”

KA BUKE ʻALUA A MOSE, I KAPA ʻIA PUKA ʻANA 14:27

Hoʻō akula nō ʻo Mose i kona lima ma luna o ke kai, a hoʻi mai nō ke kai i kona piha ʻana i ka wā e pualena ana o ke ao; ʻauheʻe akula ko ʻAigupita i ka loaʻa ʻana o ka wai; a lūlū ihola ʻo Iēhova i ko ʻAigupita i loko o ke kai.

KA BUKE ʻALUA A MOSE, I KAPA ʻIA PUKA ʻANA 15:21

ʻĪ maila ʻo Miriama iā lākou: “E mele aku ʻoukou iā Iēhova; no ka mea, ua lanakila loa ʻo ia! Ua kiola ʻo ia i ka lio a me kona mea hoʻoholo i ke kai!”

KA BUKE ʻALUA A MOSE, I KAPA ʻIA PUKA ʻANA 18:11

“ʻĀnō, ua ʻike au i ka ʻoi ʻana o ko Iēhova mana ma mua o ko nā akua a pau; no ka mea, ma kahi a lākou i hoʻokiʻekiʻe ai, aia nō ia ma luna o lākou.”

NĀ ʻŌLELO AKAMAI A SOLOMONA 29:6

Punihei ʻia ke kanaka hewa ma kona hewa iho; Hauʻoli nō ka mea pono me ka ʻoliʻoli.

KA WĀNANA A ʻISAIA 42:10

¶ E ʻoli aku iā Iēhova i ke ʻoli hou, I kona nani hoʻi mai ka wēlau mai o ka honua; Ka poʻe iho i lalo ma ka moana, a me kona mea i piha ai, ʻO nā mokupuni, a me ko lākou poʻe e noho ana.

KA WĀNANA A IEREMIA 51:21

“Iā ʻoe nō wau e uhaʻi i ka lio, A me kona mea nāna e holo; Iā ʻoe nō wau e uhaʻi ai i ke kaʻa kaua, A me kona mea nāna e holo;

HOSEA 2:17

“A e lawe aʻe au i ka inoa o nā Baʻala mai kona waha aku, ʻAʻole e hoʻomanaʻo hou iā lākou ma ko lākou inoa.

HABAKUKA 3:18

E ʻoliʻoli nō au i loko o Iēhova, E hauʻoli nō au i loko o ke Akua o kuʻu ola.

KA BUKE ʻAHĀ A MOSE, I KAPA ʻIA NĀ HELU 21:17

¶ A laila mele akula kā ʻIseraʻela i kēia mele, “E huahuaʻi mai, e ka pūnāwai! E mele aku ʻoukou iā ia!

ʻO KA ʻEPISETOLE A PAULO KA LUNAʻŌLELO I KO KOLOSA 2:15

A kāʻili aʻela ʻo ia i ko nā aliʻi, a me ko nā mea mana, ua hōʻike iā lākou ma ke ākea, e lanakila ana ma luna o lākou ma kēia.

KA HŌʻIKE ʻANA A IOANE KA HAIPULE 15:3

Mele maila lākou i ke mele a Mose, ke kauā a ke Akua a me ke mele a ke Keiki Hipa, e ʻōlelo ana, “He nui a he kupanaha loa kāu hana, E ka Haku, ke Akua Mana Loa; He pono a he ʻoiaʻiʻo kou mau ʻaoʻao, E ke Aliʻi o nā lāhui kanaka!