KA BUKE ʻALUA A MOSE, I KAPA ʻIA PUKA ʻANA 14:4 - Ka Baibala Hemolele

⁴ “A naʻu nō e hoʻopaʻakikī i ka naʻau o Paraʻo, i hahai mai ai ʻo ia ma hope o lākou; a e hoʻonani ʻia auaneʻi au ma luna o Paraʻo, a ma luna o kona pūʻali a pau; i ʻike ai hoʻi ko ʻAigupita, ʻo wau nō Iēhova.” A pēlā nō lākou i hana ai.

KA BUKE ʻALUA A MOSE, I KAPA ʻIA PUKA ʻANA 14:4 Iomraidhean Croise

KA BUKE A NEHEMIA 9:10

“Hana ihola ʻoe i nā mea hōʻike, a me nā mea kupanaha ma luna o Paraʻo, A ma luna o kāna poʻe kauā a pau, A ma luna hoʻi o ka poʻe kānaka a pau o kona ʻāina. No ka mea, ua ʻike ʻoe i kā lākou hana hoʻokiʻekiʻe ʻana ma luna o lākou. Pēlā nō ʻoe i hoʻokaulana i kou inoa e like me ia i nēia lā.

KA BUKE ʻALUA A MOSE, I KAPA ʻIA PUKA ʻANA 10:2

a i haʻi aku ai ʻoe ma loko o nā pepeiao o kāu keiki, a ʻo ke keiki a kāu keiki i nā mea aʻu i hana ai ma ʻAigupita, a me koʻu mau hōʻailona aʻu i hana aku ai iā lākou, i ʻike ai ʻoukou, ʻo wau nō Iēhova.”

KA BUKE ʻALUA A MOSE, I KAPA ʻIA PUKA ʻANA 10:27

Akā, hoʻopaʻakikī maila ʻo Iēhova i ka naʻau o Paraʻo, ʻaʻole nō ia i hoʻokuʻu iā lākou.

KA BUKE ʻALUA A MOSE, I KAPA ʻIA PUKA ʻANA 12:28

Hele akula nā mamo a ʻIseraʻela, hana ihola e like me ka mea a Iēhova i kauoha mai ai iā Mose lāua ʻo ʻAʻarona, pēlā lākou i hana ai.

KA BUKE ʻALUA A MOSE, I KAPA ʻIA PUKA ʻANA 14:23

Hahai maila ko ʻAigupita, a hele mai ma hope o lākou, ʻo nā lio a pau o Paraʻo, a me kona mau kaʻa kaua, a me nā hoʻoholo lio i waena o ke kai.

KA BUKE ʻALUA A MOSE, I KAPA ʻIA PUKA ʻANA 14:25

Hoʻohemohemo ihola ia i nā huila o ko lākou mau kaʻa kaua, i hele pupū ai lākou; no ia mea, ʻōlelo maila ko ʻAigupita, “E ʻauheʻe kākou mai ke alo aku o kā ʻIseraʻela; no ka mea, ua kaua mai nō ʻo Iēhova me lākou pū i ko ʻAigupita.”

KA BUKE ʻALUA A MOSE, I KAPA ʻIA PUKA ʻANA 14:3

“E ʻōlelo auaneʻi ʻo Paraʻo no nā mamo a ʻIseraʻela, ‘Ua pilikia lākou i loko o ua ʻāina lā, ua paʻa lākou i ka wao nahele.’

KA BUKE ʻALUA A MOSE, I KAPA ʻIA PUKA ʻANA 14:5

¶ A haʻi ʻia akula i ke aliʻi o ʻAigupita, “Ua holo nā kānaka”; huli ka naʻau o Paraʻo a me nā kauā āna e kūʻē i nā kānaka; ʻōlelo ihola lākou, “No ke aha lā kākou i hana ai i kēia, a hoʻokuʻu aku i kā ʻIseraʻela i hoʻokauā ʻole ai lākou na kākou?”

KA BUKE ʻALUA A MOSE, I KAPA ʻIA PUKA ʻANA 14:8

Hoʻopaʻakikī ihola ʻo Iēhova i ka naʻau o Paraʻo, ʻo ke aliʻi o ʻAigupita, a hahai maila ia ma hope o nā mamo a ʻIseraʻela; a puka maila nā mamo a ʻIseraʻela ma waho me ka lima hoʻokiʻekiʻe.

KA BUKE ʻALUA A MOSE, I KAPA ʻIA PUKA ʻANA 18:11

“ʻĀnō, ua ʻike au i ka ʻoi ʻana o ko Iēhova mana ma mua o ko nā akua a pau; no ka mea, ma kahi a lākou i hoʻokiʻekiʻe ai, aia nō ia ma luna o lākou.”

KA BUKE ʻALUA A MOSE, I KAPA ʻIA PUKA ʻANA 6:7

‘A e hoʻonoho nō wau iā ʻoukou i poʻe kānaka noʻu, a ʻo wau auaneʻi hoʻi ko ʻoukou Akua; a e ʻike auaneʻi hoʻi ʻoukou, ʻo wau nō Iēhova, ʻo ko ʻoukou Akua, nāna ʻoukou e lawe aʻe, mai lalo aʻe o nā mea kaumaha a ko ʻAigupita.

KA BUKE ʻALUA A MOSE, I KAPA ʻIA PUKA ʻANA 7:17

‘Ke ʻōlelo mai nei ʻo Iēhova penei, “Ma kēia mea e ʻike auaneʻi ʻoe, ʻo wau nō Iēhova; aia hoʻi, e hahau nō wau i kēia koʻokoʻo ma kuʻu lima, ma luna o ka wai ma loko o ka muliwai, a e lilo ia i koko.

KA BUKE ʻALUA A MOSE, I KAPA ʻIA PUKA ʻANA 7:3

“A e hoʻopaʻakikī auaneʻi au i ka naʻau o Paraʻo, a e hana nō au i koʻu mau ʻōuli a nui, a me koʻu mau mea mana ma ka ʻāina ʻo ʻAigupita.

KA BUKE ʻALUA A MOSE, I KAPA ʻIA PUKA ʻANA 7:5

“A e ʻike auaneʻi ko ʻAigupita, ʻo wau nō Iēhova, iaʻu e hoʻokākāuha aku ai i koʻu lima ma luna o ʻAigupita, a e lawe mai i nā mamo a ʻIseraʻela mai waena mai o lākou.”

KA BUKE ʻALUA A MOSE, I KAPA ʻIA PUKA ʻANA 9:16

“Akā, no kēia mea, i hoʻokū aʻe au iā ʻoe, i mea e hōʻike aku ai au i koʻu mana ma ou lā, a i kaulana aku ai koʻu inoa ma ka honua a pau.

KA WĀNANA A ʻEZEKIʻELA 20:9

“Akā, ua hana au no koʻu inoa, i ʻole ia e hoʻohaumia ʻia i nā maka o nā lāhui kanaka, i waena o ia poʻe i noho ai lākou; i mua hoʻi o ko lākou mau maka i hōʻike ai au iaʻu iho iā lākou, i ka lawe ʻana mai iā lākou mai loko mai o ka ʻāina ʻo ʻAigupita.

KA WĀNANA A ʻEZEKIʻELA 28:22

a e ʻōlelo aku, ‘Ke ʻī mai nei Iēhova ka Haku, penei: “Aia hoʻi, ke kūʻē nei au iā ʻoe, e Zidona, A e hoʻonani ʻia mai au i waenakonu ou; A e ʻike lākou, ʻo wau nō Iēhova, Aia hoʻopaʻi aku au ma loko ona, a e hoʻāno ʻia mai hoʻi i loko ona.

KA WĀNANA A ʻEZEKIʻELA 32:15

“Aia hoʻoneoneo aku au i ka ʻāina ʻAigupita, A e hoʻonele ʻia ka ʻāina i ko laila mea i paʻapū ai, A e pepehi aku au i ka poʻe a pau e noho ana ma laila, A laila e ʻike lākou ʻo wau nō Iēhova.

KA WĀNANA A ʻEZEKIʻELA 38:16

“A e piʻi kūʻē mai ʻoe i kuʻu poʻe kānaka ʻIseraʻela, e like me ke ao e uhi mai ka ʻāina; a e hiki nō ia i nā lā ma hope, a e lawe mai au iā ʻoe e kūʻē i kuʻu ʻāina, i ʻike mai nā lāhui kanaka iaʻu i koʻu wā e hoʻāno ʻia ai ma ou lā, e Goga, i mua o ko lākou mau maka.”

KA WĀNANA A ʻEZEKIʻELA 38:23

“Pēlā e hoʻonui ai au iaʻu iho, a e hoʻāno iho ai iaʻu iho; a e ʻike ʻia mai au e nā lāhui kanaka he nui; a e ʻike lākou ʻo wau nō Iēhova.”’

KA WĀNANA A ʻEZEKIʻELA 39:13

“E pau nā kānaka o ka ʻāina i ke kanu aku iā lākou; e lilo hoʻi ia i mea e kaulana ai lākou, i ka lā e hoʻonani ʻia mai ai au,” wahi a Iēhova ka Haku.

KA BUKE ʻAKOLU A MOSE, I KAPA ʻIA ʻOIHANA KAHUNA 10:3

A laila ʻōlelo aʻela ʻo Mose iā ʻAʻarona, “ʻO ka mea kēia a Iēhova i ʻōlelo mai ai, i ka ʻī ʻana, “E hoʻāno ʻia mai nō wau e ka poʻe e hoʻokokoke mai i oʻu nei, A e hoʻonani ʻia mai hoʻi au ma ke alo o nā kānaka a pau.’” A hakanū ihola ʻo ʻAʻarona.

ʻO KA ʻEPISETOLE A PAULO KA LUNAʻŌLELO I KO ROMA 11:8

(e like me ka mea i palapala ʻia, “«Ua hāʻawi mai ke Akua iā lākou i naʻau hiamoe, A me nā maka ʻike ʻole, a me nā pepeiao lohe ʻole,) A hiki i kēia lā».”

ʻO KA ʻEPISETOLE A PAULO KA LUNAʻŌLELO I KO ROMA 9:17

No ka mea, ʻōlelo maila ka Palapala Hemolele iā Paraʻo, “«No kēia wahi mea ua hoʻāla mai au iā ʻoe, i hōʻike aku au i koʻu mana ma ou lā, a i kaulana ai koʻu inoa ma ka honua a pau».”

ʻO KA ʻEPISETOLE A PAULO KA LUNAʻŌLELO I KO ROMA 9:18

No laila hoʻi, ua aloha mai ai ʻo ia i kāna mea i manaʻo ai, a ua hoʻopaʻakikī hoʻi ʻo ia i kāna mea i manaʻo ai.

KA BUKE A IOSUA 11:20

Na Iēhova nō i hoʻopaʻakikī i ko lākou naʻau e hele i ke kaua me kā ʻIseraʻela, i ʻānai loa aku ai ʻo ia iā lākou, i ʻole hoʻi e loaʻa iā lākou ka lokomaikaʻi ʻia aku, i pau nō hoʻi lākou i ka luku ʻia, e like me kā Iēhova i kauoha mai ai iā Mose.

KA BUKE NO NĀ LUNA KĀNĀWAI 4:7

ʻA naʻu nō e kaʻi mai i mua ou, ma ke kahawai ʻo Kisona, iā Sisera, ka luna o ko Iabina poʻe koa, me kona poʻe kaʻa kaua, a me kona lehulehu; a e hāʻawi aku nō au iā ia i kou lima.’”